fbpx Almería tilboð | Vita

Almería tilboð

Fjölskylduvænn áfangastaður

Arena Center★★★★Fyrir 4

26. júlí, 7 nætur.

110.650 + 12.500 Vildarpunktar

Á mann m.v. 2 fullorðna og 2 börn í íbúð á Arena Center

Arena Center★★★★Fyrir 2

02. ágúst, 7 nætur.

129.900 + 12.500 Vildarpunktar

Á mann m.v. 2 í íbúð á Arena Center. 
Verð án Vildarpunkta: 139.900 kr. 

Flug fram og til baka

02. ágúst, 7 nætur.

69.900 + 12.500 Vildarpunktar

Á mann m.v. flug fram og til baka.
Verð án Vildarpunkta: 79.900 kr.

Hotel Best Roquetas★★★★ - Fyrir 4 -

28. júní, 7 nætur.

132.950

Á mann m.v. 2 fullorðna og 2 börn í íbúð m/ 1 svefnherbergi án fæðis á Hotel Best Roquetas.

Hotel Best Roquetas★★★★ - Fyrir 4 í 14 nætur -

28. júní, 14 nætur.

184.740

Á mann m.v. 2 fullorðna og 2 börn í íbúð m/ 1 svefnherbergi án fæðis á Hotel Best Roquetas.

Zoraida Beach★★★★ - Fyrir 2 -

09. ágúst, 7 nætur.

125.300 + 12.500 Vildarpunktar

Á mann m.v. 2 fullorðna og 2 börn í herbergi með öllu inniföldu á Zoraida Beach

Myndagallerí

Fyrir fjölskyldur, vini, pör, hópa og einstaklinga. 

Borg í Andalúsíu á Spáni, staðsett í suðausturhluta landsins við Miðjarðarhafið. Almería er lífleg og falleg hafnarborg með áhugaverða sögu.
Borgin var ekki mikill ferðamannastaður en fyrir nokkrum árum var ráðist í aðgerðir til að gera hana meira spennandi fyrir ferðamenn og síðan þá hefur þeim fjölgað.
Aðalaðdráttarafl miðborgarinnar er Máravirkið Alcazaba, það eitt er góð ástæða til að heimsækja borgina. 
Miðborgin er heillandi en hún skartar fallegum torgum, gömlum kirkjum og pálmatrjám allt um kring. Þar eru nokkur áhugaverð söfn og fullt af frábærum veitingastöðum. Margir þeirra sérhæfa sig í smáréttum eða tapas.

almeria_almennt_gotur.jpg   

Roquetas de Mar

Strandbærinn Roquetas de Mar er í um 15-20 km fjarlægð. Þar er úrval af góðum gististöðum sem VITA býður uppá.
Þetta er sjarmerandi bær með hina ýmsu afþreyingu eins og Mario Park Vatnsrennibrautargarðinn, sædýrasafnið, smábátahöfn, go-kart braut og fleira.
Ein stærsta verslunarmiðstöð Andalúsíu Gran Plaza, er einnig að finna á svæðinu. 

Sagan

Hægt er að rekja sögu Almeríu aftur til ársins 955. Undir stjórn kalífsins Abd ar-Rahman III varð borgin fljótlega stærsta og auðugasta hafnarborg í Máraríki Spánar. Hún var einnig höfuðstöð Umayyad flotans.
Verslunarfólk frá Egyptalandi, Sýrlandi, Frakklandi og Ítalíu fylltu götur borgarinnar til að kaupa silki, gler, marmara og keramikvörur. Þetta viðskiptaveldi hnignaði þó að lokum þar sem það varð fyrir mörgum árásum. Það féll svo undir kristin yfirráð árið 1489. Árið 1522 varð Almería illa úti af völdum jarðskjálfta. Það var í rauninni ekki fyrr en á 19. öld sem endurbygging borgarinnar fór fram. Á síðari hluta 20. aldar fór staða borgarinnar að batna. Landbúnaður og ferðaþjónusta blómstraði á nærliggjandi svæðum og efnahagslífið fór að snúast í kringum grænmetisframleiðslu en þar eru um 100.000 ekrur gróðurhúsa sem sjá mikið af Evrópu fyrir grænmeti.

Menningin

Menningarlíf Almeríu er blómlegt. Það samanstendur af flamengó dansi, leiksýningum, klassískri tónlist, djassi, rokki og öllu þar á milli. Staðurinn hefur þróast í að vera draumaáfangastaður fjölskyldunnar þar sem fólkið er vinalegt og bærinn snyrtilegur. 

Strendurnar

Almería er fræg um allan Spán fyrir glæsilega strandlengjuna. Þar eru nokkrar af bestu ströndum landsins en strandlengjan nær í heildina yfir 217 kílómetra, frá Pulpí til Adra.
Þar er hægt að finna ótalmargar litlar stendur þar sem hægt er að njóta þess að slaka á í hlýrri sólinni. Úrvalið af ströndum er gott. Hægt er að finna afskekktar strendur, strendur í þéttbýli, þær sem hafa hlotið bláa fánann og litlar víkur sem gaman er að kanna. Skemmtilegustu sandstrendurnar er að finna í Cabo de Gata. Þar einkennist landslagið af kaktusum, sandöldum og fjöllum.

best_roquetas_almeria_24.jpg 

Borgin

Yndislega göngugata, La Rambla - Avenide de Frederico Garcia Lorca er í miðju borgarinnar. Þar er hægt að fá sér góðan göngutúr niður að höfninni og ströndunum, dást að pálmatrjám og fallegum gosbrunnum. Andrúmsloftið þarna er skemmtilegt, spennandi búðir á hverju horni og kaffihús sem iða af lífi. Þar eru einnig skemmtileg leiksvæði fyrir börn. Í grenndinni er mikið af bílastæðahúsum og auðvelt er að komast að svæðinu frá hraðbrautinni.
Nálægt götunni er Paseo de Almeria, aðalverslunargata borgarinnar. Hliðargötur hennar eru svo stútfullar af heillandi litlum búðum.
Gatan Avenida del Mediterraneo liggur beint í gegnum miðja borgina og þar er Mediterraneo verslunarkjarninn. Merkingar fyrir hótel, lestarstöðvar og biðstöðvar fyrir strætisvagna eru góðar og auðvelt er að komast leiðar sinnar í borginni.

Alcazaba

Stærsta virki sem Arabar byggðu á Spáni, Alcazaba virkið, er hægt er að sjá frá öllum hlutum borgarinnar. Bygging þess hófst árið 955 af Abderramán III. Verkið kláraðist á 11. öld undir stjórn Hayrán, þjóðkonungs Almeríu. Eftir að kristni breiddist út var virkið endurbætt af Carlos I. og kaþólskum konungum. Þeir byggðu meðal annars einn af þremur útveggjum virkisins. Þarna var lengi heimili konungsfjölskyldunnar en virkið nær upp að Al-Mutasim höllinni. Þessi höll er með fjölda herbergja og mosku. Virkið hefur aðeins einn inngang sem er nær ósýnilegur. Það er gaman að ganga um þessar fornminjar og ímynda sér lífið innan hinna gríðarstóru veggja. Herbergin stór með fallegum bogaþökum og gotneskum dyrum. Frá kastalanum er stórbrotið útsýni yfir alla borgina og hafnarsvæðið.

almeria_alcazaba.jpg 

Gamla borgin

Við rætur Alcazaba liggur gamla borgin Al-medina, sem minnir á eins konar völundarhús og andrúmsloftið er einstakt. Þetta hverfi var hin upprunalega Almería. Það stóð innan við borgarmúra og afmarkaðist af Alcazaba í norðri, hafinu í suðri og þeim götum sem nú eru Calle de la Reina og Avenida del Mar til austurs og vesturs. Í miðju borgarinnar var helsta moska hennar. Allt í kring eru viðskiptasvæði; markaðir og vöruhús. Calle de la Almedina liggur enn á sama stað og gamla aðalgatan, þvert í gegnum alla gömlu borgina.
Góður staður til að staldra við og njóta veitinga er Tetería Almedina sem er afar kósý veitingastaður og tehús. Einnig er vert að skoða Plaza de Pavía markaðinn, sem er vinsæll, sérstaklega á laugardögum. Þar má finna bása sem selja allt frá ódýrum skóm til churros sem eru steiktar, ljúffengar kleinustangir. 

Eyðimörkin

Norðvestur af Almeríu er eina eyðimörk Evrópu, Desierto Tabernas. Hún er um 30 km í burtu. Landslagið þar einkennist af fjöllum, hæðum og sandöldum. Lítil rignir skapar kjöraðstæður fyrir ýmsar gróðurtegundir sem eiga erfitt uppdráttar annars staðar á meginlandinu.
Mikilvægt er að gæta að sér þegar gengið er um svæðið. Meðal dýra sem lifa á þessum slóðum er hin litla, en banvæna, kónguló sem kölluð hefur verið svarta ekkjan (black widow) og gulir sporðdrekar.
Nálægðin við eyðimörkina gerir Almeríu að þurrustu borginni á meginlandi Evrópu en úrkoma mælist einungis 200 mm á ári. Árlegt hitastig í borginni fer aldrei undir 19°C. Borgin er sú næstheitasta í heimsálfunni á eftir Sevilla sem er annar demantur í Andalúsíu.
Aldrei hefur hitastig undir frostmarki verið skráð í Almeríu. Sóldýrkendur og fólk sem elskar að vera í hita ætti því að njóta þess að vera í borginni. 

Sjá nánari ferðalýsingu

Arena Center★★★★Fyrir 4

26. júlí, 7 nætur.

110.650 + 12.500 Vildarpunktar

Á mann m.v. 2 fullorðna og 2 börn í íbúð á Arena Center

Arena Center★★★★Fyrir 2

02. ágúst, 7 nætur.

129.900 + 12.500 Vildarpunktar

Á mann m.v. 2 í íbúð á Arena Center. 
Verð án Vildarpunkta: 139.900 kr. 

Flug fram og til baka

02. ágúst, 7 nætur.

69.900 + 12.500 Vildarpunktar

Á mann m.v. flug fram og til baka.
Verð án Vildarpunkta: 79.900 kr.

Hotel Best Roquetas★★★★ - Fyrir 4 -

28. júní, 7 nætur.

132.950

Á mann m.v. 2 fullorðna og 2 börn í íbúð m/ 1 svefnherbergi án fæðis á Hotel Best Roquetas.

Hotel Best Roquetas★★★★ - Fyrir 4 í 14 nætur -

28. júní, 14 nætur.

184.740

Á mann m.v. 2 fullorðna og 2 börn í íbúð m/ 1 svefnherbergi án fæðis á Hotel Best Roquetas.

Zoraida Beach★★★★ - Fyrir 2 -

09. ágúst, 7 nætur.

125.300 + 12.500 Vildarpunktar

Á mann m.v. 2 fullorðna og 2 börn í herbergi með öllu inniföldu á Zoraida Beach

  • Veðrið

  • Flugtími

    Kef íkon mynd af flugvél LEI

    4 klst

    Morgunflug

  • Gjaldmiðill

    Evra

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun