Bali á eigin vegum

BALI alla daga ársins

Upplýsingar um ferð: 

Ferðir á eigin vegum til Bali og með þjónustu og aðstoð umboðsaðila VITA í Denpasar.
Bókast á skrifstofu Vita í Skógarhlíð eða símleiðis í 570 4444.

Hafðu samband

Myndagallerí

Paradísin Bali - Alla daga, allt árið um kring

Ferðir á eigin vegum með þjónustu og aðstoð umboðsaðila VITA á Bali.

Valið stendur um 3 mismunandi ferðir:

7, 10 eða 12  nætur á Bali

Ef dvalið er á Bali í 7 eða 10 nætur eru  3 skoðunarferðir innifaldar, en í 12 nátta ferð eru 5 skoðunarferðir innifaldar.
Sjá nánar í kaflanum um skoðunarferðir,

Flugið þarf að bóka jafnóðum fyrir hvern og einn og fer heildarverð pakkans eftir því hvað flugið kostar.

Dæmi um flug:
Flogið með Icelandair til Amsterdam, London eða annarrar borgar í Evrópu og áfram til Singapúr.
Flogið frá Singapúr til Denpasar á Bali.
Í ferðalok er flogið til Íslands með millilendingu í Amsterdam eða London (eða annarri borg í Evrópu) og áfram með Icelandair til Íslands.

Paradísareyjan Balí

Fáir staðir á jörðinni bera titilinn paradís á jörð með jafnmiklum sóma og Eyja guðanna, Balí. Ægifagrar strandir og kóralrif til að kafa við, stórbrotin náttúrufegurð hvert sem litið er, litríkar trúarathafnir, mikilfengleg musteri, handverk og listir bíða þeirra sem sækja eyjuna heim. Það sem gerir Balí enn meira töfrandi er dulúðugt og seiðmagnað andrúmsloftið sem ríkir á eyjunni, töfrandi menningarheimur þar sem guðir og galdrar eru í hávegum hafðir, og gestrisni og lífsgleði heimamanna snertir við öllum þeim sem sækja hana heim. 

Balí býður upp á ævintýri fyrir alla, því að það eitt er ævintýri út af fyrir sig að liggja í gylltum sandinum og leyfa þreytunni að líða burt við undirleik öldugjálfursins. En öðruvísi ævintýri bíða þeirra sem hætta sér út í volgan sjóinn og kafa innan um kóralrif, litskrúðugar sjávarverur og skipsflök eða leika sér á brimbretti. Á þurru landi er hægt að svala ævintýraþránni við að klífa eldfjöll, leika landkönnuð innan um fjölskrúðugan hitabeltisgróðurinn og skoða musteri, hof og hella eða heilsa upp á leðurblökur og ófeimna apaketti. Í þorpum og bæjum er margt að skoða og í Ubud, sem kalla mætti menningarmiðstöð eyjarinnar, er hægt að sjá seiðmagnaðar danssýningar, skella sér á námskeið í batíklitun og silfursmíði eða næra líkama og sál í jóga. 

Nusa Dua ströndin er einn vinsælasti sumarleyfisbærinn á eyjunni. Bærinn var byggður upp með klassa ferðaþjónustu í fyrirrúmi. Úrval hótela,18 holu golfvöllur, flott verslunarmiðstöð og fjöldi veitingastaða er viðbót við hinar dásamlegu strendur eyjunnar.

Nafnið Nusa Dua er dregið af tveimur litlum eyjum í austri. Þrátt fyrir að vera þróaður ferðamannastaður er margt sem minnir á upprunann, musteri, söfn o.fl. Staðurinn þykir einkar hepplegur fyrir brúðkaupsferðir og önnur tímamót eins og afmæli – eða bara fyrir alla sem langar að láta drauminn rætast og fara til Bali.

grand_aston_bali_2_10.jpg

Ferðatilhögun:

Erlendur staðarleiðsögumaður tekur á móti gestum á flugvellinum á Denpasar og fylgir á hótel.
Frálsir dagar á Bali  og eru ákveðnar skoðunarferðir eru innifaldar.

Ef dvalið er á Bali í 7 eða 10 nætur – 3 skoðunarferðir innifaldar
Tvær dagsferðir og ein ½ dagsferð innifaldar í verði

Ef dvalið er á Bali í 12 nætur: - 5 skoðunarferðir innifaldar
Þrjár dagsferðir og tvær ½ dagsferð innifaldar í verði

Ferðirnar eru með enskumælandi staðarleiðsögumanni og bókast í gestamóttöku hótelsins á Bali.
Sjá nánar í kaflanum um skoðunarferðir


bali_dans.jpg

Brottför frá Bali:
Farþegar sóttir á hótel og þeim fylgt útá flugvöll.

Allan tímann á Bali er innifalin þjónusta umboðsskrifstofu VITA í Denpasar.

Sjá nánari ferðalýsingu
Upplýsingar um ferð: 

Ferðir á eigin vegum til Bali og með þjónustu og aðstoð umboðsaðila VITA í Denpasar.
Bókast á skrifstofu Vita í Skógarhlíð eða símleiðis í 570 4444.

Hafðu samband
  • Veðrið

  • Flugtími

    Kef -> DPS

    Morgunflug

  • Gjaldmiðill

    IDR

    Indonesian rupiah

    Gengi

Gististaðir

Myndagallerí

Grand Aston Bali Beach Resort

Við sjávarsíðu
Einkaströnd
Næg afþreying

» Nánar

Verð á mann frá

254.500 kr

á mann í tvíbýli í 7 nætur með morgunverði

Myndagallerí

Melia Bali Indonesia

Fallegur hótelgarður
Nokkrir veitingastaðir
Einkaströnd

» Nánar

Verð á mann frá

265.900 kr

á mann í tvíbýli með morgunverði í 7 nætur

Sjá alla gististaði
Sjá Kortasýn Sjá gististaði