Brúin

Hvítasunnuferð um Eyrarsund

Bókaðu þína ferð
Báðar leiðir
Aðra leið

Myndagallerí

Glæsileg vorferð um Eyrarsund í samstarfi við Hótelbókanir í Kaupmannahöfn

20. - 24. maí
Fararstjórn: Sigurður K. Kolbeinsson

Ferðast er um Eyrarsund í 5 daga ferð (4 nætur) þar sem margir sögufrægir staðir eru heimsóttir og gist er á góðum hótelum. Við gistum 2 nætur í Kaupmannhöfn, 1 nótt í Helsingør og 1 nótt í Malmö. Fararstjóri hefur gengist fyrir fjölda hópferða, m.a. Aðventuferða eldri borgara og ferðum ýmissa sérhópa fyrir félagasamtök og fyrirtæki. Hann mun vera með hópnum allan tímann. Ferðin er sérstaklega ætluð eldri borgurum á besta aldri. 

  Útflug   Brottför     Koma
20. maí FI204 Keflavík 07:45 Kaupmannahöfn, Kastrup 20. maí 12:45
24. maí FI217 Kaupmannahöfn, Kastrup 22:30 Keflavík 24. maí 23:40

Sunnudagur 20. maí. (Hvítasunnudagur):
Flogið með Icelandair. Lent á Kastrup um 12:45. Ekið að Tivoli Hotel & Congress Center 4* þar sem dvalið verður fyrstu nóttina. Frjáls dagskrá þar sem tími gefst til að skoða sig um í miðborginni.
Kl. 18.30 - Hópurinn hittist við veitingastaðinn Grøften í Tivoli þar sem snæddur verður kvöldverður.
Kvöldið er frjálst eftir það. Um 10 mín. gangur að hóteli frá Tivoli.


tivoli_hotel_conference_kaupmannahofn_1.jpg

Mánudagur 21. maí
Kl. 8 til 10 - Morgunverður á Tivoli Hotel og útskráning af hóteli.
Kl.10.00 Lagt af stað með rútu áleiðis til Helsingør. Ekið um Strandvejen og útsýnis notið með Eyrarsund á hægri hönd. Stutt kaffi-stop við Rungsted Havn og þaðan liggur leiðin að Fredensborg Slot, einum helsta dvalarstað Margrétar Þórhildar Danadrottningu. Þar gefst tími til að skoða sig um og ganga í gegnum hallargarðinn niður að Esrum Sø þar sem léttur danskur hádegisverður verður snæddur á veitingastaðnum Skipperhuset. Að hádegisverði loknum er ekið til Helsingør og farið í skoðunarferð um Kronborgar kastala sem á sér langa sögu. Leiðsögn fagfólks í 45 mín. og hópnum skipt í tvennt. Eftir þessa skoðunarferð er ekið að Hotel Maryenlyst, Bad- og Strandhotel þar sem gist verður næstu nótt. 
Frjáls dagskrá fram á kvöld en kl. 19.00 verður snæddur glæsilegur kvöldverður á veitingastað hótelsins með útsýni að Eyrarsundi.


kronborg_castle_bruin.jpg

Þriðjudagur 22. maí
Hægt er að nýta morguninn til að skoða sig um við ströndina eða fá sér göngutúr um miðbæinn.
Kl. 11.00 - skráning út af hóteli og ekið með rútu að höfninni. Farið um borð í ferju frá Scandilines.
Siglt yfir Eyrarsund í 20 mín. og hægt að fá sér hressingu á meðan. Komið til Helsingborg í Svíþjóð þaðan sem leiðin liggur suður á bóginn áleiðis til Malmö. Á leiðinni verður stutt stop í bænum Landskrona og eftir það ekið að kjarnorkuverinu í Barsebäck sem lokaði endanlega árið 2005. Þar verður farið í skoðunarferð um verið sem kann að vekja áhuga margra þó svo að löngu sé búið að loka því. Þaðan er ekið til Malmö þar sem áætlað er að koma um 16.30. Innskráning á hið glæsilega Clarion Hotel Malmö Live sem opnaði nýlega og þar er dvalið næstu nótt. Hægt er að fá sér drykk á 25. hæð og njóta útsýnis yfir borgina og einnig má berja Kaupmannahöfn augum í vestri. 
Kvöldverður snæddur á hótelinu og eftir það frjáls dagskrá. Stutt er að hjarta borgarinnar fyrir þá sem vilja fá sér fallega kvöldgöngu í kvöldhúminu.


clarion_malmo_diningarea.jpg

Miðvikudagur 23. maí
Frjáls morgunstund þar sem tækifæri gefst til að rölta um miðborgina og skoða sig um. Útskráning kl. 11.00 en þá verður stigið í rútuna á ný og ekið að Limhamn og þaðan að „Luftkastellet“, veitingastað við hliðina á Eyrarsundsbrúnni þar sem hægt verður að taka myndir og virða fyrir sér útsýni að „brúnni“. Eftir það verður ekið til baka í átt að sjálfri Eyrarsundsbrúnni og þaðan yfir Eyrarsund til  Kaupmannahafnar. Þegar komið er til Kaupmannahafnar er ekið að Jónshúsi þar sem staðarhaldari tekur á móti hópnum og heldur stutt erindi um sögu hússins. Gestir fá kaffi og „Gammel Dansk“ og fá tækifæri til að skoða vel heppnaða sýningu um ævi og störf Jóns Sigurðssonar. Eftir 1 klst. dvöl verður ekið með rútunni að Tivoli Hotel þar sem dvalið verður síðustu nóttina. Frjáls dagskrá sem eftir lifir dagsins og því gefst tækifæri til að skoða sig um og/eða sinna einkaerindum í borginni.


oresund_bruin.jpg

Fimmtudagur 24. maí
Morgunverður og frjáls tími til hádegis. Útskráning fyrir hádegi og töskur settar í geymslu á hótelinu. Hægt að heimsækja Fisketorvet, verslunarmiðstöð á borði við Kringluna, andspænis Tivoli Hotel.
Kl. 12.30 er ekið að Nýhöfn þar sem farið verður í skemmtilega siglingu með „The Scandinavian Rythm Boys“. Siglt um síkin í 1,5 klst og saga jazzins sögð við jazz-undirleik Michael Bøving og félaga sem skemmt hafa mörgum Íslendingum á undanförnum árum. Ógleymanleg ferð þar sem hægt er að kaupa sér drykki um borð í bát frá DFDS Canal tours.
Ferðinni lýkur um kl. 14.15 og þá er tilvalið að skoða sig um í Nýhöfn og fá sér smørrebrød og ganga síðan um miðbæinn. 
Hópurinn þarf að mæta á Tivoli Hotel kl. 18.00 en brottför þaðan er kl. 18.30 á Kastrup flugvöll. 
Flug Icelandair er kl. 22.30 og lent í Keflavík kl. 23.40.

Sjá nánari ferðalýsingu
Bókaðu þína ferð
Báðar leiðir
Aðra leið
  • Veðrið

  • Flugtími

    Kef íkon mynd af flugvél CPH

    3,5

    Morgunflug

  • Gjaldmiðill

    kr.

    DKK

    Gengi

Gististaðir

Kort

Sjá alla gististaði
Sjá Kortasýn Sjá gististaði