fbpx Eyjahopp - grísku eyjarnar | Vita

Eyjahopp - grísku eyjarnar

Njóttu lífsins á grísku eyjunum

Bókaðu þína ferð
Báðar leiðir
Aðra leið

Myndagallerí

Eyjahopp um Grísku eyjarnar

Krít (Heraklion – Knossos – Chania) – Naxos – Mykonos – Delos – Koufonisia – Santorini
 

27.maí - 7. júní - NÝ FERÐ
9.-20.september 2022 - UPPSELT

 

27.maí - 7. júní - NÝ FERÐ

27. maí - Koma til Chania og ekið til Heraklion þar sem við dveljum í 2 nætur. Kvöldmatur á hótelinu.


istock-841928296_heraklion.jpg

28. maí - Eftir morgunmat keyrum við í smástund norður fyrir bæinn þar sem höllin í Knossos stendur. Þar skoðum við þessa frægu höll sem er er yfir 4000 ára gömul og var grafin upp um aldamótin 1900. Við sjáum herbergi konungs og drottningar, stiga, geymslur, veggmyndir og meira að segja skolpleiðslur. Eftir smá hvíld keyrum við til baka til höfuðstaðarins og röltum um gamla feneyska miðbæinn. Við fáum okkur hádegismat og þeir sem vilja geta farið og skoðað eitt fallegasta fornminjasafn Grikklands þar sem aldagamlir dýrgripir úr mínósku höllunum á Krít eru geymdir. 


knossos_vita.jpg

29. maí – Árla morguns siglum við frá Heraklion til Naxos og erum komin þangað upp úr hádegi. Við komum okkur fyrir á hótelinu og í eftirmiðdaginn förum við í skoðunarferð um bæinn og röltum um mjóu göturnar í gömlu virkisborginni. Við sjáum einnig hurðarkarminn fræga sem stendur á litlum tanga við bæinn. Eftir góða göngu setjumst við á fallegan stað í gamla bænum og borðum kvöldverð. Á Naxos dveljum við í 5 nætur.

 


istock-184387296_naxos_hurd.jpg

NAXOS er ein af eyjunum í svokölluðum Hringeyjaklasa í miðju Eyjahafinu. Naxos á sér langa sögu, en þar settust Krítverjar að fyrstir manna og það er kannski þess vegna sem eyjan minnir um margt á Krít. Eitt helsta dæmið um um forna frægð eyjunnar er stór og mikill hurðarkarmur úr marmara sem stendur við innsiglinguna, það eina sem eftir er af hofi Appollós frá 6. öld f.kr. 
Yfir bænum um gnæfir einnig virki frá tímum Feneyjamanna og í virkishverfinu eru sjarmerandi mjó bogagöng og litlir inngarðar sem hýsa verslanir og veitingastaði.
Stutt er á fallega strönd er í næsta nágrenni við bæinn og dásamleg lífsreynsla er að fara með rútu upp í sveitaþorp eyjarinnar þar sem er eins og lífið hafi staðið í stað í áratugi. Naxos er fræg fyrir hlýtt viðhorf og frábæra gestrisni íbúanna sem taldir eru matreiða besta mat í Grikklandi.

 


istock-625526516_naxos.jpg

30. maí - Sigling til Mykonos. Eftir morgunverð siglum við  til Mykonos, með smá stoppi á litlu eyjunni Delos,þar sem helgistaður guðsins Apolló var til forna. Mykonos er eyja ríka fólksins í Grikklandi. Þar keppast snekkjur og villur og dýrar verslanir um að ná athygli ferðamannsins. Innlendir og erlendir leikarar og söngvarar heimsækja eyjuna á ári hverju og margir eiga þar sumarhús. Eyjan er fræg fyrir fyrir fallegu höfnina með hvítu húsunum sem eru skreytt með hurðum og gluggum á alls konar litum og litlu mjóu göturnar sem mynda eins konar völundarhús þar sem gaman er að villast. Vindmyllurnar sem gnæfa á hæðinni yfir bænum setja fallegan svip á heildarmyndina.
Við förum í gönguferð um þennan laglega bæ og síðan er frjáls tími þangað til tími er kominn til að sigla til baka. 

 


Hiro_Greece_Mykonos_Grikkland_sigling_2.jpg

31. maí - Frjáls dagur til að slappa af við sundlaugina, fara á ströndina eða rölta um bæinn. 

 


mykonos_grikkland2.jpg

1 júní - Eftir morgunverð verður haldið í rútuferð um eyjuna þar sem við byrjum á því að heimsækja hið forna hof frjósemigyðjunnar Demetru, en höldum síðan upp í fjöllin þar sem staldrað verður við í  litlum og laglegum sveitaþorpum. Þorpið Halki var á tímabili höfuðstaður Naxos og þar er mesta ólífuframleiðsla eyjarinnar í dag. Nýklassísku húsin ogbísantínsku kirkjurnar bera vitni um forna frægð. Enn hærra uppi í fjöllum er þorpið Apiranthos, sem oft erkallað marmaraþorpið vegna steinhúsanna og gatnannasem eru allar lagðar marmara. Talið er að Kríverjar hafi byggt þorpið upp og enn má heyra gamla fólkið tala krítverska mállýsku. Apeiranthos var menningarmiðstöð eyjarinnar á miðöldum og hefur haldið þeim titli vegna allra safnanna sem þar eru í dag. Þar fáum við okkur hádegisverð og höldum síðan til baka með viðkomu í Melanes til að sjá þar Kouros styttu sem skilin var eftir í fornri námu.

2. júní - Sigling í kringum Naxos. Við höldum af stað með sundfötin okkar, sólarvörnina og góða skapið og siglum með seglbáti eða katamaran á fallegar strendur og litlar eyjur við Naxos. Við byrjum á að sigla að helli sem er með litla strönd og þar getum við snorklað og synt í sjónum. Eftir smá morgunsnarl siglum við til lítilla eyja sem heita Koufonisia. Þar er ótrúlega tær og fallegur sjór og tilvalið að stinga sér þar í sjóinn aftur. Eftir sundið er boðið upp á hádegisverð og svo siglum við til baka með viðkomu á á einni af fallegustu ströndunum á Naxos sem heitir Mikri Vigla. Dásamlegur útivistardagur þar sem lögð er áhersla á að njóta sólar, sjávar og stranda. 

Þessi sigling er valkvæð og kostar aukalega 17.500 kr á mann og þarf að bóka sérstaklega fyrirfram.
 

 


istock-493236348_naxos_sigling.jpg

3. júní – Siglt frá Naxos yfir til eyjunnar Santorini. Rúta ekur okkur á hótelið okkar í Firostefani þar sem við komum okkur fyrir og förum svo í göngutúr til miðbæjarins í Fira þar sem við fáum okkur kvöldverð. Á Santorini dveljum við í 2 nætur.

Santorini er eyja sem löngum hefur verið kölluð hin fegursta í heimi. Eyjan eins og hún er í dag myndaðist í miklu sprengigosi árið 1628 f.kr., þegar helmingur eyjarinnar sökk í sæ og myndaði gíg sem er með þeim stærstu sem af er vitað. Innsiglinginn í gegnum gíginn er ógleymanleg því útsýnið upp á land er stórfenglegt þar sem tveir stærstu bæjirnir hanga utan í gígbarminum. Eyjan er fræg fyrir stórkostlegt landslag, forna sögu, þ.á.m. bæinn Akrótiri sem hvarf undir ösku í sprengigosinu mikla, og hellahúsin sem byggð eru inn í klettinn og virðast hanga í lausu lofti.

 


istock-833264986_santorini.jpg

4. júní - Skoðunarferð um eyjuna. Við leggjum í hann eftir morgunverð og byrjum á því að skoða fornu borgina Akrótíri, sem grófst undir ösku frá gosinu fræga á 17. öld f.kr. alveg eins og Pompei 18 öldum síðar. Þar göngum við um götur og torg og sjáum tveggja og þriggja hæða hús sem hýstu heimili, verkstæði og verslanir. Ótrúlegur staður sem lætur engan ósnortinn. Frá Akrótiri förum við út á Akrótiri tangann þar sem við fáum okkur hádegismat að hætti Santorinibúa. Þaðan keyrum við til bæjarins Oia sem oft er kallaður perla Eyjahafsins. Þar eru göturnar mjóar og hellulagðar og húsin í táknrænum Eyjahafsstíl hanga utan í gígnum og eru eins og hrúguð hvert ofan á annað. Við gefum okkur góðan tíma til að rölta um göturnar og út að feneysku kastalarústunum þaðan sem er frábært útsýni yfir bæinn og gíginn. Komum til baka í eftirmiðdaginn.

 

5. júní – Siglt frá Santorini yfir til Heraklion á Krít. Þar bíður eftir okkur rúta sem keyrir okkur til Hania þar sem við fáum okkur kvöldverð.


krit_krit_crete_chania_feneyska_hofnin2.jpg

6. júní - Bæjarrölt í Chania. Eftir morgunverð göngum við um gamla bæinn í Hania til að átta okkur á hvernig landið liggur. Við skoðum tyrkneska og feneyska hluta bæjarins en einnig markaðinn sem tekinn var í notkun árið 1913. Þessi dásamlegi bær er einn fallegasti feneyski bærinn í Miðjarðarhafinu og þó víðar væri leitað. Eftir hádegi er frjáls tími til að njóta kaffihúsanna, verslananna og veitingahúsanna sem eru út um allt.
Kvöldverður á fallegum stað í bænum.

7. júní  - Frjáls morgun og eftir hádegi er transfer út á flugvöll. Heimferð.

 

9.-20.september 2022 - UPPSELT

9. sept - Beint flug til Krítar með Icelandair.  Ekið til Heraklion þar sem gist verður í 2 nætur.  Kvöldverður á veitingastað rétt fyrir utan bæinn Rethymnon á leið til Heraklion.


istock-841928296_heraklion.jpg

10.sept - Eftir morgunmat keyrum við í smástund norður fyrir bæinn þar sem höllin í Knossos stendur. Þar skoðum við þessa frægu höll sem er er yfir 4000 ára gömul og var grafin upp um aldamótin 1900. Við sjáum herbergi konungs og drottningar, stiga, geymslur, veggmyndir og meira að segja skólpleiðslur. Eftir smá hvíld keyrum við til baka til höfuðstaðarins og röltum um gamla Feneyska miðbæinn. Við fáum okkur hádegismat og ljúkum ferðinni í einu fallegasta fornminjasafni Grikklands þar sem aldagamlir dýrgripir úr mínósku höllunum á Krít eru geymdir.


istock-916640348_knossos.jpg

11. sept - Árla morguns siglum við frá Heraklion til Santorini og erum komin þangað upp úr hádegi. Við komum okkur fyrir á hótelinu og í eftirmiðdaginn förum við í göngutúr um Firostefani til höfuðsta ðarins Fira þar sem við borðum kvöldverð.
Santorini er eyja sem löngum hefur verið kölluð hin fegursta í heimi. Eyjan eins og hún er í dag myndaðist í miklu sprengigosi árið 1628 f.kr., þegar helmingur eyjarinnar sökk í sæ og myndaði gíg sem er með þeim stærstu sem af er vitað. Innsiglinginn í gegnum gíginn er ógleymanleg því útsýnið upp á land er stórfenglegt þar sem tveir stærstu bæjirnir hanga utan í gígbarminum. Eyjan er fræg fyrir stórkostlegt landslag, forna sögu, þ.á.m. bæinn Akrótiri sem hvarf undir ösku í sprengigosinu mikla, og hellahúsin sem byggð eru inn í klettinn og virðast hanga í lausu lofti.

 

                                                                                                                                                                                                istock-833264986_santorini.jpg

 

12. sept - Skoðunarferð um eyjuna. Við leggjum í hann eftir morgunverð og byrjum á því að skoða fornu borgina Akrótíri, sem grófst undir ösku frá gosinu fræga á 17. öld f.kr. alveg eins og Pompei 18 öldum síðar. Þar göngum við um götur og torg og sjáum tveggja og þriggja hæða hús sem hýstu heimili, verkstæði og verslanir. Ótrúlegur staður sem lætur engan ósnortinn. Frá Akrótiri förum við út á Akrótiri tangann þar sem við fáum okkur hádegismat að hætti Santorinibúa. Þaðan keyrum við til bæjarins Oia sem oft er kallaður perla Eyjahafsins. Þar eru göturnar mjóar og hellulagðar og húsin í táknrænum Eyjahafsstíl hanga utan í gígnum og eru eins og hrúguð hvert ofan á annað. Við gefum okkur góðan tíma til að rölta um göturnar og út að feneysku kastalarústunum þaðan sem er frábært útsýni yfir bæinn og gíginn. Komum til baka í eftirmiðdaginn.

 

                                                                                                                                                                                                 santorini_greece_6.jpg

 

13. sept. - Við siglum við með ferju frá Santorini til eyjunnar Naxos. Siglingin tekur um 2 klt. og við komum til Naxos um hádegisbil. Þar dveljum við í 5 nætur. Í eftirmiðdaginn förum við í skoðunarferð um bæinn og röltum um mjóu göturnar í gömlu virkisborginni. Við sjáum einnig hurðarkarminn fræga sem stendur á litlum tanga við bæinn. Eftir góða göngu setjumst við á fallegan stað í gamla bænum og borðum kvöldverð.

NAXOS er ein af eyjunum í svokölluðum Hringeyjaklasa í miðju Eyjahafinu. Naxos á sér langa sögu, en þar settust Krítverjar að fyrstir manna og það er kannski þess vegna sem eyjan minnir um margt á Krít. Eitt helsta dæmið um um forna frægð eyjunnar er stór og mikill hurðarkarmur úr marmara sem stendur við innsiglinguna, það eina sem eftir er af hofi Appollós frá 6. öld f.kr. 
Yfir bænum um gnæfir einnig virki frá tímum Feneyjamanna og í virkishverfinu eru sjarmerandi mjó bogagöng og litlir inngarðar sem hýsa verslanir og veitingastaði.
Stutt er á fallega strönd er í næsta nágrenni við bæinn og dásamleg lífsreynsla er að fara með rútu upp í sveitaþorp eyjarinnar þar sem er eins og lífið hafi staðið í stað í áratugi. Naxos er fræg fyrir hlýtt viðhorf og frábæra gestrisni íbúanna sem taldir eru matreiða besta mat í Grikklandi. 


istock-625526516_naxos.jpg


istock-184387296_naxos_hurd.jpg

14. sept - Sigling til Mykonos og Delos. Eftir morgunverð siglum við frá Naxos til eyjunnar Delos sem er pínulítil eyja með stóra sögu í næsta nágrenni við Mykonos. Þar var guðinn Apolló ásamt systur sinni Artemis dýrkaður til forna og á eyjunni eru merkilegar fornleifar sem gaman er að skoða. Eftir stutt en áhugavert stopp á Delos, siglum við áfram til Mykonos, sem er eyja ríka fólksins í Grikklandi. Þar keppast snekkjur og villur og dýrar verslanir um að ná athygli ferðamannsins. Innlendir og erlendir leikarar og söngvarar heimsækja eyjuna á ári hverju og margir eiga þar sumarhús. Eyjan er fræg fyrir fyrir fallegu höfnina með hvítu húsunum sem eru skreytt með hurðum og gluggum á alls konar litum og litlu mjóu göturnar sem mynda eins konar völundarhús þar sem gaman er að villast. Vindmyllurnar sem gnæfa á hæðinni yfir bænum setja fallegan svip á heildarmyndina.

Við förum í gönguferð um þennan laglega bæ og síðan er frjáls tími þangað til tími er kominn til að sigla til baka. 


istock-927128448_mykonos.jpg


istock-1262665526_mykonos_beach.jpg

15. sept. - Frjáls dagur til að slappa af við sundlaugina, fara á ströndina eða rölta um bæinn.  

 

16. sept - Þennan dag býðst þeim sem vilja frábær sigling á seglbáti í kringum Naxos. Ferðin er valkvæð og kostar 17.500 kr á mann. Þeir sem kjósa að fara ekki í siglingu geta notið lífsins á Naxos, kynnt sér mannlífið, matinn og gestrisni heimamanna.

Siglingin 
Haldið verður af stað með sundföt, sólarvörnina og góða skapið og siglt með seglbáti eða katamaran á fallegar strendur og litlar eyjur við Naxos. Við byrjum á að sigla að helli sem er með litla strönd og þar getum við snorklað og synt í sjónum. Eftir smá morgun snarl siglum við til lítilla eyja sem heita Koufonisia. Þar er ótrúlega tær og fallegur sjór og tilvalið að stinga sér þar í sjóinn aftur. Eftir sundið er boðið upp á hádegisverð og svo siglum við til baka með viðkomu á á einni af fallegustu ströndunum á Naxos sem heitir Mikri Vigla. Dásamlegur útivistardagur þar sem lögð er áhersla á að njóta sólar, sjávar og stranda. 


istock-493236348_naxos_sigling.jpg

17. sept - Eftir morgunverð verður haldið í rútuferð um eyjuna þar sem við byrjum á því að heimsækja hið forna hof frjósemisgyðjunnar Demetru, en höldum síðan upp í fjöllin þar sem staldrað verður við í  litlum og laglegum sveitaþorpum. Þorpið Halki var á tímabili höfuðstaður Naxos og þar er mesta ólífuframleiðsla eyjarinnar í dag. Nýklassísku húsin og býsantínsku kirkjurnar bera vitni um forna frægð. Enn hærra uppi í fjöllum er þorpið Apiranthos, sem oft er kallað marmaraþorpið vegna steinhúsanna og gatnanna sem eru allar lagðar marmara. Talið er að Krítverjar hafi byggt þorpið upp og enn má heyra gamla fólkið tala krítverska mállýsku. Apeiranthos var menningarmiðstöð eyjarinnar á miðöldum og hefur haldið þeim titli vegna allra safnanna sem þar eru í dag. Þar fáum við okkur hádegisverð og höldum síðan til baka.

 

18. sept - Siglt frá Naxos yfir til Heraklion á Krít þar sem bíður eftir okkur rúta sem keyrir okkur til Hania þar sem við fáum okkur kvöldverð.

19. sept - bæjarrölt í Chania. Eftir morgunverð göngum við um gamla bæinn í Chania til að átta okkur á hvernig landið liggur. Við skoðum tyrkneska og feneyska hluta bæjarins en einnig markaðinn sem tekinn var í notkun árið 1913. Þessi dásamlegi bær er einn fallegasti feneyski bærinn í Miðjarðarhafinu og þó víðar væri leitað. Eftir hádegi er frjáls tími til að njóta kaffihúsanna, verslananna og veitingahúsanna sem eru út um allt.

Kvöldverður á fellegum stað í bænum.

 

20. sept. - frjáls morgun og eftir hádegi er transfer út á flugvöll. Heimferð.


krit_krit_crete_chania_feneyska_hofnin2.jpg

 

 

Sjá nánari ferðalýsingu
Bókaðu þína ferð
Báðar leiðir
Aðra leið
  • Verð og innifalið

  • Hagnýtar upplýsingar

Gististaðir

Kort

Sjá alla gististaði
  • Veðrið

  • Flugtími

    Kef CHQ

    5 klst. og 55 mín

    Morgunflug

  • Gjaldmiðill

    EUR

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun