Yndislega Karíbahaf
með Celebrity Ascent
Myndagallerí
Á skemmtiferðaskipi suður um höf
Celebrity Ascent
27. mars - 7.apríl
Fararstjóri: Kristjana Lilja Wade
Uppselt
Orlando og Ft. Lauderdale, Flórída – Nassau, Bahamas – Cosumel, Mexíkó – George Town, Grand Cayman - Ft. Lauderdale og Orlando, Flórída
Stutt ferðalýsing:
Flogið til Orlando í Flórída með Icelandair 27. mars. Gist í Orlando í 4 nætur áður en haldið er í siglinguna sem tekur 7 nætur. Á þessum 7 dögum verður komið við á þremur yndislegum eyjum í Karíbahafinu. Fyrsta stopp er í Nassau á Bahamas, svo Cosumel í Mexíkó og að síðustu George Town á Grand Cayman. Einnig eru 3 dagar á sjó þar sem hægt verður að njóta alls þess sem þetta frábæra skip,Celebrity Ascent, hefur uppá að bjóða. Eftir siglingu er síðan ekið aftur til Orlando og flogið heim seinni partinn..
Um skipið
Celebrity Ascent er fjórða og nýjasta skipið í nýjum Edge-flokki skipafélagsins og fór í sína fyrstu ferð haustið 2023. Þetta nýja skip mun breyta því hvernig við ímyndum okkur siglingar með farþegaskipum, meðal annars með nýju úrvali klefa sem standa gestum til boða.
Með Celebrity Ascent eru mörkuð tímamót í því hvernig við nálgumst skipahönnun. Hvert einasta skref við hönnunina, frá fyrstu skissum upp í sýndarveruleika, var unnið í þrívídd. Hönnunin á skipinu er í algjörum sérklassa, algjört augnakonfekt og hönnunarsprengja fyrir fagurkera. Á Celebrity Ascent býðst gestum áður óþekkt upplifun af nálægðinni við hafið og viðkomustaðina og á það jafnt við um Edge-klefana með Infinite-veröndum og sundlaugaþilfarið þar sem útsýnið yfir hafið og viðkomustaðina er engu líkt.
Flugtímar:
Flugnúmer | Dags | Flugvöllur | Brottför | Flugvöllur | Lending |
---|---|---|---|---|---|
FI 689 | 27. mars | Keflavík | 17:15 | Orlando Int. | 21:35 |
FI 688 | 7.april | Orlando Int. | 18:30 | Keflavík | 06:00 + 1 |
Siglingaleið:
Dagur | Áfangastaður | Koma | Brottför |
---|---|---|---|
31. mars | Ft. Lauderdale, Flórída | 15:30 | |
1.april | Nassau,Bahamas | 07:00 | 17:00 |
2.april | Á siglingu | ||
3.apríl | Cosumel, Mexíco | 08:00 | 19:00 |
4.apríl | Á siglingu | ||
5.april | George Town, Grand Cayman | 07:00 | 17:00 |
6.apríl | Á siglingu | ||
7. apríl | Ft. Lauderdale, Flórída |
Ferðatilhögun:
Miðvikudagur 27. mars - Ferðin hefst Keflavík Orlando
Flogið í beinu flugi Icelandair til Orlando kl. 17:15 og lending áætluð kl. 21:35 að staðartíma. Rútan bíður og ekið er beint á hótel í Orlando The Florida Hotel & Conference Center þar sem gist er í 4 nætur fyrir siglingu.
Fimmtudagur 28. – laugardags 30.mars Orlandó, Flórída
Daganna notið í Orlando. Frjálsir dagar að njóta á hótelinu sem er við Florida Mall þar sem yfir 160 verslanir eru. Einnig er mikið úrval veitingastaða í verslanamiðstöðunni og allt um kring. Einnig er hægt að njóta í notalegum sundlaugargarði hótelsins.
Sunnudagur 31. Mars Orlandó - Ft. Lauderdale - Celebrity Ascent
Eftir morgunverð er ekið til Ft. Lauderdale og tekur aksturinn liðlega 3 klst. Upp úr hádegi er komið að Port Everglades og innritað í skip. Upplagt að nýta sér hádegisverðarhlaðborðið áður en útsýnis er notið í útsiglingunni. Celebrity Ascent leggur úr höfn kl. 15:30
Mánudagur 1.april Nassau, Bahamas
Í dag er komið til Nassau á Bahamaeyjum, sem þekktastar eru fyrir sól , strendur, pálmatré og notalegt loftslag, en fortíðin er býsna skrautleg þar sem Englendingar, Frakkar og Spánverjar börðust um yfirráðin, Nassau var heimkynni sjóræningja og Spánverjar brenndu borgina til grunna þrisvar sinnum. Allt hefur þó verið með kyrrum kjörum frá árinu 1740 og núna flykkjast ferðamenn til eyjunnar alls staðar að úr heiminum.
Þriðjudagur 2.apríl Á siglingu
Njótið þess að skoða skipið, leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð - eða kannski á matreiðslunámskeið, danskennslu eða sækja fyrirlestur.
Matur og drykkur allan daginn, svo bíður 3ja rétta kvöldverður og glæsileg sýning um kvöldið.
Miðvikudagur 3.april Cosumel, Mexícó
Cozumel er litrík og heillandi eyja, sannkallaður gimsteinn í yndislegu loftslagi Mexíkóflóa. Eyjan er rétt fyrir utan Yucatán skagann og einkenni hennar eru himinblár sjórinn og kóralrif. Paradís þeirra sem kanna lífríki sjávarins, en Cozumel er nafntoguð fyrir þá sem vilja kafa við fullkomnar aðstæður. Um miðbik eyjunnar eru rústir frá tímum Maya sem eru þess virði að heimsækja. Farþegar fá heilan dag á þessum yndislega stað.
Fimmtudagur 4.apríl Á siglingu
Frjáls dagur til þess að njóta þess sem skipið hefur uppá að bjóða.
Matur og drykkur allan daginn, svo bíður 3ja rétta kvöldverður og glæsileg sýning um kvöldið.
Föstudagur 5.april George Town, Grand Caymen
George Town er litrík og leiftrandi borg, þar sem allir ættu að geta upplifað ævintýri við sitt hæfi, hvort sem það er með því að sleppa sleppa fram af sér beislinu í tollfrjálsum verslunum eða sökkva sér í snorkl, leggjast í bátsferðir eða á silkimjúkar sandstrendur, nú eða heilsa upp á viðkunnanlegar stingskötur við næsta sandrif.
Laugardagur 6.april Á siglingu
Síðasta dagsins er notið á skipinu. Hvort sem kosið er að vera úti á dekki í sólinni og láta stjana við sig og skemmta af starfsfólki skipsins eða vera innandyra þar sem margt er um að vera, hvort sem er útsölur á göngugötunni, taka á því í ræktinni , láta stjana við sig í nuddi eða öðru í heilsulindinni, eða bara njóta þessa að vafra um skipið.
Sunnudagur 7.april Ft. Lauderdale - heimferð
Tékkað út úr skipi og rútan bíður og ekið er til Orlando, Flogið heim á leið. Flug Icelandair með brottför kl. 18:30 áætluð lending kl 06:00 að morgni 8. April
-
Veðrið
-
Flugtími
Kef MCO
8
Eftirmiðdagsflug
-
Gjaldmiðill
$Dollar
Gengi