Frá Singapore til Hong Kong

Tæland,Vietnam og Taiwan

UPPSELT

Þessi ferð er uppseld. Vinsamlegast hafið samband við þjónustufulltrúa fyrir upplýsingar um hvenær ferðin fer aftur í sölu.

Hafa samband

Myndagallerí

SIGLING Í ASIU, Tæland, Víetnam og Taiwan

Celebrity Millennium   
15. febrúar – 6.mars 2018
Fararstjóri:  Sr. Þórhallur Heimisson

Singapore – Ko Samui, Tælandi – Bangkok/Laemichabang, Tælandi – Ho Chi Minh(Phu My) Víetnam – Hue/Danang (Chan May), Víetnam – Taipei (Keelung), Taiwan – Hong Kong, Kína.

Flogið með Finnair til Helsinki þar sem skipt er um vél og flogið áfram til Singapore. Komið er  til Singapore undir kvöld og er gist tvær nætur þar áður en farið er í skemmtiferðaskipið " Celebrity Millennium" sem liggur við bryggju og siglir af stað síðdegis. Eftir að lagt er úr höfn í Singapore er einn dagur á siglingu áður en komið er til Ko Samui í Tælandi og þaðan er síðan farið til Bangkok þar sem skipið er yfir nótt. Eftir annan dag á siglingu er komið til Ho Chi Minh sem er fyrsti áfangastaðurinn af þremur í Vietnam, hinir eru  Hue / Danang og Hanoi. Eftir að Vietnam er kvatt eru tveir dagar á siglingu áður en komið er til Taipei í Taiwan þar sem stoppað er í tvo daga áður en siglt er til Hong Kong. Tveggja daga notið í Hong Kong áður en flogið er heim á leið  að kvöldi 5. mars til Keflavíkur með stuttu stoppi í Helsinki og lendig í Keflavík 6. mars kl.  09:35


celebrity_millennium.jpg

 
 

Celebrity Millennium
Celebrity Millennium er í svokölluðum „Millenium" flokki hjá Celebrity Cruises, sem er næsthæsti klassi skipafélagsins. Innréttingar skipsins einkennast af marmara, klassískum viðarinnréttingum og gleri. Allur aðbúnaður og vistarverur bera vott um gæði og glæsileika.
Celebrity Millennium fór í sína jómfrúarferð árið 2000 og allt tekið í gegn árið 2012. Skipið er 91.000 lestir tæplega 300 metrar og með rými fyrir liðlega 2.000 farþega. Aquaspa er heilsulind með nuddpottum, gufu, sauna, persnenskum garði og sólarium með glerþaki. Ótal sérfræðingar bjóða ýmsar dekur- og heilsubætandi meðferðir gegn gjaldi.
Klefarnir eru ýmist með tvíbreiðu rúmi eða tveimur rúmum, setkrók með sófa og skrifborði, minibar, öryggishólfi og sjónvarpi. Hægt er að bóka skoðunarferðir, horfa á kvikmyndir og panta herbergisþjónustu í klefann í gegnum sjónvarpið. Baðherbergi er með sturtu, snyrtivörum, baðsloppum og hárþurrku. Sængurfötin eru ofin úr egypskri bómull og herbergisþjónusta er opin allan sólarhringinn.
Á efsta þilfarinu er skokkbrautin, þar sem hægt er að ganga eða hlaupa hringinn um skipið. Unaðslegur hitabeltisgarður er í útsýnisturninum. "The Conservatory" og á sólarþilfarinu er sundlaug, sólbekkir og barir.
Kvöldverður eru borinn fram í aðal veitingasal skipsins, sem heitir Metropolitan og er á tveimur hæðum. Við sérstök tækifæri er gaman að bóka borð á Qsine veitingastaðnum, þar sem gestir velja sér matseðilinn með Ipad.
Barir eru um allt skip og þegar kvöldar taka við glæsilegar sýningar og uppákomur í flottu 4ra hæða leikhúsi. Ótal afþreyingarmöguleikar, að ógleymdri fyrsta flokks þjónustunni sem fæst um borð, gera siglingu með Celebrity Milennium ógleymanlega.

 

Flugáætlun

Flugnúmer Dags Brottför kl. Áfangastaður kl.
AY 992 15.febrúar Keflavík 10:25 Helsinki 15:55
AY 131 15.febrúar  Helsinki 23:55 Singapore 17:10+1
AY 100  6.mars Hong Kong 00:45 Helsinki 05:25
AY 991  6.mars Helsinki 07:45 Keflavík 09:35

Siglingaleið

Dagur Áfangastaður Koma Brottför 
18.febrúar Singapore   19:30
19.febrúar Á siglingu    
20.febrúar Ko Samui, Tælandi 07:00 18:00 
21.febrúar Bangkok/Laemchabang, Tælandi 09:00  
22.febrúar Bangkok/Laemchabang, Tælandi   17:00
23.febrúar Á siglingu    
24.febrúar ho Chi Minh (Phu My), Víetnam 07:00 18:00
25.febrúar Á siglingu    
26.febrúar Hue/Danang (Chan May), Víetnam 07:00 16:00
27.febrúar Hanoi (Halong Bay), Vietnam 10:00 20:00
28.febrúar Á siglingu    
1.mars Á siglingu    
2.mars Tapei(Keelung), Taiwan 07:00  
3.mars Tapei(Keelung), Taiwan   03:00
4.mars Hong Kong, Kína 07:00  

Fimmtudagur 15. Febrúar  Keflavík – Singapore
Flogið með Finnair frá Keflavík til Helsinki kl. 10:25 lending í Helsinki er kl.15:55. Flogið er áfram með Finnair til Singapore um miðnætti og lent í Singapore kl. 17:10. Í Helsinki er farið í kvöldverð á Hilton hótlinu á flugvellinum, en hægt er að ganga yfir á hótelið.


dreamstime_l_30735451.jpg

 

Föstudagur 16. Febrúar  Singapore
Lending í Singapore ekl. 17:10. Ekið á hótel  Jen Orchardgateway þar sem gist er í 2 nætur áður siglt er af stað með Celebrity Millennium.


dreamstime_l_59530827.jpg

 

Singapore
Singapore er lítið land nánartiltekið lítil eyja í Suðaustur-Asíu þar sem yfir 5 milljónir manns búa. Fjögur opinber tungumál eru töluð þ.e. enska, kínverska, malay og tamíl. Flestir íbúar eru búddisma trúar en einnig tíðkast líka kristintrú, Islam og hindúatrú. Eftir að landið fékk sjálfstæði hafa breytingarnar orðið gríðarlegar. Á aðeins 150 árum hefur heimsborgin Singapore orðið ein mesta hafnarviðskiptaborg heims og þekkt fyrir umskipanir. Borgin er leiðandi á ýmsum sviðum til að mynda er hún ein af fjórum leiðandi borgum heims á sviði fjármála, næst stærsta borg í heimi þegar kemur að spilavítum og fjárhættuspilum og ein af þremur stærstu borgum hvað varðar olíuhreinsun. Þetta gerir landið að einu ríkasta landi heims.
Veðurfarið er einstaklega gott og hlýtt allt árið um kring en þó rignir yfirleitt daglega en aldrei meira en klukkutíma í einu. Maturinn er mjög bragðgóður, mikið er um tískuvöruverslanir og háklassa merki. Hægt er að sigla á Singapore River og kynnast menningu „litla" Indlands, skoða Chinatown (Kínahverfið) og Geylang. Því næst að kanna Mangrove skóg, Pasir Ris Park og sjá Merlion sem er þekktasta tákn Singapore.
Að koma til Singapore er eins og að stíga inn í heim þar sem bænakall keppir við hringiðu kapítalisma, þar sem gamalmenni spila Mah-jongg  á götum úti og hvítklæddir leikmenn slá boltann á vel hirtum Cricket velli. Fjölbreyttur lífsstíll, menning og trúarbrögð þrífst þarna innan ramma vel skipulagðs samfélags. Singapore er tandurhrein nútímaborg með grænum svæðum og þarna búa um 4,6 milljónir manna, þar á meðal margir útlendingar. Á suðurhluta eyjarinnar er Singapore borg, með háreistum skrifstofubyggingum og hafnarsvæði. Af heildar landsvæði Singapore er meira en helmingur byggður, en annað samanstendur af görðum, ræktuðu  landi, plantekrum, mýrarsvæðum og skógi. Vel malbikaðir vegir tengja alla hluta eyjarinnar og Singapore borgin hefur framúrskarandi almenningssamgöngukerfi.


dreamstime_l_33817751.jpg

 

Laugardagur 17. febrúar  Singapore
Skoðunarferð um Singapore. Farið um marga af helstu stöðunum í Singapore þar á meðal Gardens by the Bay með aðgangi að tveimur af skálunum, Marína Bay Sands Skypark er garður á þaki þessa frábæra 5 stjörnu hótels. Siglt um flóann og hádegisverður snæddur, svo eitthvað sé nefnt.   


Celebrity Millennium_Celebrity_ sigling_coffeelounge_3.jpg

 

Sunnudagur 18. febrúar Singapore – Celebrity Millennium
Eftir morgunverð er farið  í skoðunarferð borgina áður en haldið er í skip. Skýjakljúfar borgarinnar eru magnaðir og við ökum m.a. framhjá Þinghúsinu, Krikket klúbbnum, Hæstarétti og Ráðhúsi borgarinnar.  Einnig farið í Kínahverfið og „Litla Indland“ en í þessum gömlu borgarhverfum hefur karakter og arkitekúr haldist óbreyttur í áranna rás. Komið er í skip rétt eftir hádegi en Celebrity Millennium leggur frá bryggju kl.19:30.


celebrity_millennium2.jpg

 

Mánudagur 19. febrúar   Á siglingu
Fyrsti dagur á siglingu og kjörið tækifæri til að skoða skipið og kynnast lystistemdum þess á meðan stefnan er tekin til Tælands.


bangkok_thailand3.jpg

 

Þriðjudagur 20. febrúar   Ko Samui, Tælandi.
Ko Samui, önnur stærsta tælenska eyjan og er þekkt fyrir pálmum prýddar strendur, kókospálmalundi og þykkan regnskóginn sem þekur fjöllin. Þar eru einnig fyrir lúxusdvalarstaðir og flottar heilsulindir. Eitt helsta kennileiti svæðisins er 12 metra há logagyllt Búdda-stytta í Wat Phra Yai hofinu, en það stendur á pínulítilli eyju sem tengist Ko Samui með upphlöðnum vegi. 


bangkok_thailand.jpg

 

Miðvikudagur og fimmtudagur 21. og 22. febrúar   Bangkok/Leamchabang, Tælandi
Celebrity Millennium er yfir nótt í Bangkok
Bangkok er borg mótsagna: Háreystar byggingar, vinsælir skemmtistaðir og síðan gullin musteri og lífleigir markaðir.  
Tæland hefur verið sjálfstætt ríki síðan árið 1238 og er höfuðborgin Bangkok. Íbúar landsins eru ríflega 65 milljónir og eru langflestir eða um 95% búddatrúar. Landið er 514 þúsund ferkílómetrar að stærð og er um 28% af því ræktað land. Flestir eða um 49% íbúanna stunda landbúnað, 14% vinna við iðnað og 37% starfa í þjónustugeiranum. Gjaldmiðill Thailendinga heitir batt.


Celebrity Millennium_Celebrity_ sigling_.jpg

 

Föstudagur 23 febrúar  Á siglingu
Njótið þess að skoða skipið, leggjast á sólbekk við sundlaugina og smakka hina litskrúðugu og ljúffengu  kokteila sem barþjónarnir blanda. Svo má fara í búðir, á málverkauppboð - eða kannski á matreiðslunámskeið, danskennslu eða sækja fyrirlestur.
Matur og drykkur allan daginn, svo bíður 3ja rétta kvöldverður og glæsileg sýning um kvöldið. 


ho chi minh_Vietnam_sigling_Hanoi_hochiminh_square.jpg

 

Laugardasgur 24. febrúar Ho Chi Minh (Phu My), Víetnam
Ho Chi Minh borg hét áður Saigon. Stórborg með fjölskrúðugu mannlífi og mikilli umferð. Víða má sjá kirkjur og reisulegar byggingar frá nýlendutíma Frakka. Matarmenning, verslun og næturlíf er hreint framúrskarandi. 
Á mörgum stöðum eru minnismerki sem minna á stríðið í Víetnam gegn Bandaríkjunum. Eitt magnaðasta stríðsminjasafnið er í Saigon og Cu Chi-göngin fyrir utan borgina eru ótrúlegt mannvirki. 


millennium.jpg

 

Sunnudagur 25. febrúar   Á siglingu
Enn einn lúxusdagur á siglingu og um að gera að  fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist áður en komið er til Hue/ Danang sem er einnig í Víetnam.


hue_vietnam_3.jpg

 

Mánudagur 26. febrúar   Hue/Danang (Chan May), Vietnam
Nguyen-keisaraættin setti þessa fyrrverandi höfuðborg landsins á stofn á 17. öld á bökkum Ilmvatnsár. Í dag er borgin eins og tröllaukið útisafn með musterum, pagóðum, höllum og grafhýsum. Þar er upplagt að skoða keisarakastalann, taka sér síðan ferð með báti eftir ánni og sjá grafhýsi keisaranna og Thien Mu-pagóðuna.


Vietnam_sigling_Hanoi_halong_bay_029.jpg

 

Þriðjudagur 27. febrúar    Hanoi (Halong Bay) Vetnam
Hanoi hefur í gegnum söguna verið höfuðborg Víetnam nokkrum sinnum og er það aftur núna. Borgin er upphaflega byggð í kringum Imperial Citadel sem nú er húsnæði hersins. Hanoi skiptist í fjögur aðal hverfi, Quan. Hoan Kiem hverfið er nefnt eftir vatninu í miðju þess. Þar eru flestir ferðamennirnir. Rétt norðan við vatnið er elsti hlutinn,Old Quarter, heillandi samsafn af fornum götum. Sunnan við vatnið munt þú finna nútímalegan hluta miðborgarinnar sem var áður franski hlutinn. Í norðvesturhlutanum, Ba Dinh hverfinu, er dýragarðurinn, Ho Chi Minh Mausoleum og West Lake svæðið. Halong Bay er UNESCO World Heritage svæði um 175 km vestur af Hanoi. Þetta jarðfræðilega undraland samanstendur af limestone myndunum sem rísa úr blágrænum sjónum.


hladbord.jpeg

 

Miðvikudagur og fimmtudagur 28. febrúar og 1. mars á siglingu    
Næstu tveir dagar fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist.


taipei_keelung_taiwan_2.jpg

 

Föstudagur og laugardagur 2. og 3. mars Taipei ( Keelung), Taiwan
Himinháir skýjakljúfar á borð við Taipei 101 setja mikinn svip á höfuðborg Taívans, sem er sannkölluð heimsborg, en ekki síður musteri, markaðir og söfn á borð við National Palace Museum sem hýsir stórkostlegt safn kínverskra listmuna og forngripa.
Þangað til Burj-turninn reis í Dúbaí var Taipei 101 hæsta bygging í heimi. Skýjakljúfurinn þykir mikið byggingartæknilegt undur en við hönnun hans var meðal annars lögð áhersla á að hann þyldi jarðskjálfta upp á meira en 7 á Richter. Nafnið Taipei 101 er dregið af fjölda hæða í byggingunni. Það er ótrúleg og ómissandi upplifun að standa úti á næsthæsta útsýnispalli í heimi, á 89. hæðinni, en þangað er hægt að komast á undir 39 sekúndum með annarri af tveimur lyftum í byggingunni.


Taiwan Pingxi Lantern Festival

 

2.mars er Ljóskera dagurinn mikli í Taiwan „ Pingxi Lantern Ferstival“


hong_kong.jpg

 

Sunnudagur 4. mars Hong Kong  
Eftir morgunverð í Celebrity Millennium er farið frá borði, rútan bíður okkar við skipshlið og farið er í skoðunarferð um borgina. Meðal annars er farið á Victoriu tind, farið að Aberdeen höfninni, siglt um og lífið skoðað. Í hádeginu er farið í dim-sum á kínverskum veitingastað. Eftir ferðina er tékkað inn á hótel Regal Kowloon þar sem gist er í eina nótt.
Borgin Hong Kong stendur á lítilli eyju við suðurströnd Kína og er eitt þéttbýlasta svæði jarðar með sjö milljónir íbúa. Borgin var áður bresk nýlenda en Kínverjar fengu yfirráð yfir henni 1997. Hún hefur þó yfirráð yfir eigin málefnum að utanríkis- og varnarmálum undanskildum. Þar er margt að sjá eins og Happy Valley-veðreiðabrautin og jafnvel þótt fólk hafi ekki minnsta áhuga á veðreiðum gefur heimsókn á skeiðvöllinn fágæta innsýn í menningu Hong Kong. Stjörnuferjan tengir miðborg Hong Kong við Kowloon-skaga með mörgum ferðum á dag og af ferjunni er magnað að virða fyrir sér útlínur hinnar háreistu borgar þar sem þær ber við himin – og svo kostar ferðin nánast ekki neitt! Ekki er loku fyrir það skotið að sjáist djúnka eða tvær – hin sérkennilegu flatbotna kínversku seglskip. Á Viktoríutindi, 550 m háu fjalli á eynni, búa auðmenn borgarinnar. Hægt er að taka togbrautarvagn upp á topp og njóta frábærs útsýnis
Hong Kong er annað af tveimur sérstaklega stjórnuðum svæðum í Kína (special administrative regions/SARs), hitt svæðið er Macau. Hong Kong er staðsett á suðurströnd Kína og markast af Pearl River Delta og Suður-Kínahafi. Hong Kong er þekkt fyrir glæsilega skýjakljúfa og náttúrulega höfn. Landsvæðið sem er aðeins um 1.104 km2 með íbúafjölda um sjö milljónir gerir Hong Kong að einu þéttbýlasta svæði jarðarinnar.
Hong Kong varð bresk nýlenda eftir fyrsta ópíum stríðið (1839–1842). Nýlendan takmarkaðist upphaflega af Hong Kong eyju, en við nýlenduna bættist síðan Kowloon árið 1860 og síðan svokölluð New Territories árið 1898. Meðan á Kyrrahafsstríðinu stóð hertóku Japanir svæðið en Bretar náðu aftur yfirráðum eftir lok heimstyrjaldarinnar og héldu því til 1997, þegar Kína tók við svæðinu. Allt hefur þetta haft áhrif á menningu á svæðinu sem oft er lýst sem "Austrið mætir vestrinu".
Hong Kong eyja og Kowloon eru aðskilin með Victoria höfninni. Á Hong Kong eyju nær miðborgin aðeins nokkra kílómetra til suðurs þar til fjöllin rísa upp. Borgin nær svo nokkra kílómetra norður til Kowloon.

 


hong_kong_giant_buddha_.jpg

 

 

Mánudagur 5. mars Hong Kong  
Frjáls dagur, fararstjóri er með ýmislegt í pokahorninu fyrir þá sem vilja skoða sig um. Lagt er af stað út á flugvöll eftir kvöldmat. Farþegar halda herbergjum fram að brottför.

Þriðjudagur 6. mars Hong Kong  - Keflavík
Brottför í flug til Helsinki er kl. 00:45 eftir miðnætti ( aðfaranótt þriðjudags) stutt stopp í Helsinki og koma til Íslands áætluð kl.  09:35 að morgni.

Sjá nánari ferðalýsingu

UPPSELT

Þessi ferð er uppseld. Vinsamlegast hafið samband við þjónustufulltrúa fyrir upplýsingar um hvenær ferðin fer aftur í sölu.

Hafa samband
  • Veðrið

  • Flugtími

    Kef íkon mynd af flugvél SIN

    16 klst

    Morgunflug

  • Gjaldmiðill

    $

    Dollar

    Gengi

Gististaðir

Kort

Sjá alla gististaði
Sjá Kortasýn Sjá gististaði