Gdansk frá Egilsstöðum

Aldagömul hafnarborg

Ferðir
Flug
Báðar leiðir
Aðra leið

Myndagallerí

Viðburðarík saga og einstakt andrúmsloft 

Beint flug með Icelandair
25. - 29. október

Fararstjórar eru Agnieszka og Róbert.

Upplifðu einstakt andrúmsloft Gdansk sem er ólík öðrum borgum í Póllandi. Þegar borgin er heimsótt er í raun eins og komið sé í sér ríki. Þessi aldagamla hafnarborg hefur laðað að sér kaupmenn frá ýmsum þjóðernum. Þeir hafa borið með sér ólíka menningarstrauma og birtast áhrifin meðal annars í byggingarstíl sem ekki er hægt að segja að sé mjög pólskur. Eignarhald á borginni sjálfri hefur flakkað á milli þjóða og jafnframt mótað hana. Síðast en ekki síst setti niðurrif seinni heimsstyrjaldarinnar svip sinn á þessa fallegu gömlu borg. Allir þessir þættir mynda sérstaka stemningu sem milljónir ferðamanna koma nú til að upplifa. 

Menning
Menning Gdansk fléttar saman viðburðaríka sögu borgarinnar og trúarbrögð. Fjölmörg söfn, minnisvarðar og helgar byggingar sýna þessa menningu út frá ýmsum hliðum. 
Gamla ráðhúsið og fleiri sögulegar byggingar hafa verið varðveittar í frábæru ásigkomulagi. Þessar byggingar eru með málverkum sem voru máluð fyrir næstum 500 árum. Nýja ráðhúsið er kennileiti í sjálfu sér. Það var reist við upphaf 20. aldar. Hlutverk þess var eins konar sjálfstæðismiðstöð í og eftir fyrri heimsstyrjöldina. Síðar, undir merkjum Sovétríkjanna, voru þar höfuðstöðvar verkalýðsins og stúdentaklúbbur.

Nowny Port
Nowny Port vitinn var reistur fyrir meira en hundrað árum. Inni í honum eru settar upp sýningar fyrir ferðamenn um vita Gdansk í gegnum aldirnar.

St. Mary's Street
St. Mary’s Street er falleg gönguleið þar sem hægt er að njóta glæsilegra sögulegra bygginga. Þær umvefja hina heimsþekktu St. Mary’s kirkju. Kirkjan er stærsta múrsteinskirkja í heimi. Það má segja að hún sé miðpunktur lista og byggingarlistar miðalda- og barokktímabilsins. Lokið var við byggingu kirkjunnar á síðari hluta 15. aldar. Oliwa dómkirkjan var byggð á svipuðum tíma. Hún er gotnesk glæsibygging sem er nú til dags bakgrunnur fyrir eina af bestu sumartónlistarhátíðunum í bænum.
Við kirkjuna er Oliwa Park sem geymir plöntutegundir frá ýmsum heimshornum.

Dýragarðurinn
Þrátt fyrir að dýragarðurinn í Gdansk sé ekki beint sögulegur er hann sá stærsti í Póllandi. Húsin á svæðinu eru frá miðöldum og gönguferðir um Long Street og Long Market eru í raun og veru skoðunarferðir í gegnum sögu borgarinnar. 

Söfn
The Great Crane, er önnur bygging frá lokum miðalda. Hún gefur innsýn í vélfræði tímabilsins á meðan Golden Gate og Green Gate standa sem fágaðir minjar frá síðari tímabilum.
Það er algjörlega þess virði að kíkja á tvö söfn í Gdansk. Þjóðminjasafnið sem er eins og að upplifa borgina sjálfa og sjóminjasafnið.

Sagan
Minnst er á borgina í sögulegum skráningum frá því fyrir meira en þúsund árum. Gdansk er því áfangastaður með mjög ríka menningararfleifð. Ríkið var undir stjórn Pomeraníu nær allar miðaldir. Á því tímabili fjölgaði íbúum mikið vegna innstreymis kaupmanna og handverksmanna sem blönduðust við hina slavnesku þjóð. 
Gdansk varð opinber hluti af pólsku landsvæði undir lok 13. aldar þrátt fyrir að þeim hafi stuttu síðar verið slátrað af nágrönnum sínum, Þjóðverjum. Ástæðan var landvinningar og fjöldamorð á innfæddum. Borgin var þá undir þýskum yfirráðum svo árum skipti. Hún varð á því tímabili miðpunktur verslunar og menningar og árið 1454 fór hún aftur undir pólskan konung. Þær breytingar fólu í sér meira landsvæði, aukinn orðstír og fór að slá sína eigin mynt. 
Endurreisnin kom mótmælendum til borgarinnar. Um tíma varð borgin þekkt sem eins konar athvarf fyrir ýmsar nýjar kirkjudeildir. Borgin var menningarborg landsins þar til hún varð hluti af Prússlandi á 18. öld. Næstu hundrað árin varð borgin bæði fyrir hnignun og nútímavæðingu með aukinni iðnvæðingu. 
Eftir fyrri heimsstyrjöldina varð Gdansk aftur sjálfsstjórnarríki sem tilheyrði Póllandi. Það fór þó ekki betur en svo að gyðingum var eytt og borgin nánast eyðilögð undir lok seinni heimsstyrjaldarinnar. Ágústmánuður ársins 1980 var viðburðaríkur í sögu borgarinnar. Hann var undirlagður af verkföllum og mótmælum undir Lech Walesa, sem varð síðar forseti Póllands. Þessi ágústmánuður hefur verið talinn mögulegur vendipunktur í kalda stríðinu sem leiddi að lokum til falls Sovétríkjanna. 
Í dag horfir Gdansk til baka með stolti yfir síðustu áratugi og alla sína þúsund ára sögu. Hún hefur mótað þjóðina til að verða sú sem hún er í dag. 

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél GD

    3,5

    Eftirmiðdagsflug

  • Gjaldmiðill

    Evra

    Gengi

Gististaðir

Kort

Sjá alla gististaði
Sjá Kortasýn Sjá gististaði