fbpx Gönguferð, ævintýraeyjan Santorini

Gönguferð á ævintýraeyjunni Santorini

Spennandi ferð

Bókaðu þína ferð
Báðar leiðir
Aðra leið

Myndagallerí

Ævintýraeyjan Santorini

15. - 25. september 2020
Fararstjóri: Steinunn Harðardóttir

Í þessari spennandi ellefu daga ferð verður flogið til Kritar og gist þar eina nótt. Síðan ekið til Heraklion og siglt með ferju til Santorini þar sem gist verður í bænum Perissa í 7 nætur. Gengið verður upp á eina fjall eyjarinnar Profitis Ilias 560 mys, þar er áhugavert klaustur og útsýni yfir alla eyjuna. Gengip til  Akrotiri þar sem tækifæri gefst til að skoða rústir bæjarins sem fór undir hraun í eldgosi um 1700 fyrir krist. Þá verður siglt til eyjarinnar Kameni sem er í miðri öskjunni, eldfjall klifið og farið í bað í heitum lindum. Einnig verður gengið frá  höfuðstaðnum Fira til Oia sem er einn fallegasti bærinn á eyjunni, þar eru hvít hús sem hafa verið byggð inn í klettana, hvítar kirkjur ,blá þök, og stórkostlegu útsýni yfir öskjuna. Síðasta gangan er til hinar fornu Dórísku borgar Thiru, þar sem  áhugaverður fornleifauppgröfur verður skoðaður. Að lokum  er hægt að slaka á ströndinni eða kynna sér mannlífið á frjásum degi á  Santorini, einnig eru  frjálsir dagar  í bænum Hania á Krít áður en haldið er aftur heim.                                                                                                                              
Santorini (Thera) er 110 kílómetrum  norðan við Krít og hefur yfir sér mikinn ævintýraljóma, vegna sérstæðrar sögu, jarðfræði, landslags og bygginga. Santorini sögð geyma leyndarmálið um hið horfna Atlantis. Eyjan er í raun það sem eftir er af eldfjalli sem sprakk fyrir 3600 árum og eyddi byggð á svæðinu. Þá myndaðist stór vatnsfyllt askja umlukin mörg hundruð metra háum öskulögum. Þetta er eitt stæsta eldgos sem skráð hefur verið og flóðbylgjan sem því fylgdi hefur haft áhrif á endalok Minoa menningarinnar á Krít. Sumir telja þetta eldgos grunnurinn að goðsögninni um Atlantis.

Dagur 1
Haldið frá Keflavík 7.45 og komið síðdegis til Hania þar sem gist er næstu nótt, www.arkadi-hotel.gr kvöldmatur í   
nágrenni við hótelið.

Dagur 2 - Siglt til Santorini.
Haldið af stað snemma um morguninn frá Hania  til  Heraklion,  þaðan með ferju til Santorini og síðan með rútu á hótel í bænum Perissa sem er við sjóinn á suð austur hluta eyjarinnar. Gistiheimili og hótel á svæðinu eru lítil og fjölskyldurekin. Við höfum þrjú hótel til umráða sem eru mjög nálægt hvert öðru. Ef hópurinn er stór skiptist hann á milli þeirra allra. Morgunmatur verður á Porto Perrisa og kvöldmatur á veitingahúsi í nágrenninu.                                                
Hotel Port Perrisa www.portoperissa.com   
Hotel The Best     www.thebest-santorini.gr 
Villa Kalamia Dolphins  www.booking.com

Dagur 3 - Emporio-Akrotiri.
Við göngum frá hótelinu til Emporio sem er einstaklega fallegur og vel varðveittur bær með gömlum þröngum götum. Efst á hæðinni sem hann stendur við eru borgarmúrar og er mjög gaman að skoða húsin innan þeirra, þau eru margra alda gömu. Eftir skoðunarferð um bæinn er haldið yfir mjög sérstæða vínakra þar sem vínviðurinn myndar eins og stór hreiður. Á leiðinni til bæjarins Akrotiri er frábært útsýni til öskjunnar og á háar klettabrúnirnar sem eru lagskiptar í óteljandi litbrigðum. Í Akrotiri var blómlegt menningarsamfélag um 3000 fyrir krist, hellulagðar götur og þróað holræsakerfi. Þegar Santorini gaus um 1700 fyrir krist lagðist þykkt öskulag yfir bæinn.  Hluti hans hefur verið grafinn upp og gerður aðgengilegur ferðamönnum.  Þeir sem vilja geta fengið tíma til að skoða þennan einstaka stað. Frá Akrotiri  er haldið að sérstæðri  strönd með rauðum sandi, stundum gefst tækifæri til að taka þar sundsprett. Síðan er ekið með rútu heim til  Perissa. Gengið ca 4 tíma lítil hækkun og lækkun.

Dagur 4 - Fjallið Profitis Ilias.
Þennan dag er haldið frá Perissa til gömlu Tiru og upp á hæsta fjall eyjarinnar Profitis Ilias  (560mys)  að klaustrinu sem er á toppnum.  Af fjallinu er útsýni yfir alla eyjuna.
Síðan er haldið niður  eftir steinlögðum stíg (calderimi)  til bæjarins Pyrgos sem er umlukinn borgarmúrum. Þar á torginu er turn frá Ottomantíanum.  Eftir hádegismat í bænum er hægt að fá far heim á hótel . Annars er gengið rúman klukkutíma í viðbót og  haldið um vínekrur og einstaklega fallegt lítið gil um útjaðar bæjarins  Emporio og heim á hótel . Gengið 6.5 tíma hækkun/lækkun 560m

Dagur 5 - Á sjó og eldfjalli.
Haldið er með bát til eldfjallaeyjarinnar Kameni sem er í miðri öskju Santorini. Eftir göngu upp í gýg eldfjallsins sem gaus síðast 1950 er siglt að eyjunni Litlu Kameni og þeir sem vilja geta hoppað í sjóinn af bátnum og synnt að heitum uppsprettum sem eru við ströndina. Að lokum er haldið til eyjarinnar Thirassia þar sem gaman er að skoða skemmtilegt þorp sem stendur á klettabrúninni.  Þaðan er einstakt útsýni yfir á appelsínugular brúnir gýgsins sem er beint á móti.   Gengið 2 tíma hækkun/lækkun 200m  

Dagur 6 - Fira-Oia.
Ekið er til bæjarins Fira sem er höfuðstaður eyjarinnar og gengið eftir brún öskjunnar til bæjarins Oia sem af mörgum er talinn fallegasti bær Santorini. Þaðan blasir við stórkostlegt útsýni til sjávar og yfir hvít hús með bláum þökum sem standa á öskjubrúninni, áberandi er hefðbundinn byggingastíll, fjölmörg kaffi-og veitingahús og litlar verslanir. Við gefum okkur góðan tíma í Oia og bíðum eftir sólarlaginu. Það er gaman að fylgjast með því frá kastalarústum í bænum. Eftir kvöldverð er ekið til baka og komið á hótel milli 22-23 Gengið 3.30 tíma hækkun/lækkun 330m

Dagur 7 - Messavouno-Kamari.                                                                                                
Í dag höldum við gangandi frá hótelinu til gömlu Thira, fornbæjar sem stofaður var af Dórium á 8.öld.f.kr.Síðar bjuggu þar afkomendur Alexaders mikla. Við skoðum fornleifauppgröftinn sem er efst á fjallinu Messavouno (369m) og höldum svo niður til bæjarins Kamari og þaðan með bát til Perissa. Gengið 4 tíma hækkun/lækkun 365m

Dagur 8 - Frjáls dagur á Santorini, hádegis og kvöldmatur ekki innifalinn

Dagur 9 - Santorini- Hania Haldið með ferju til Heraklion og síðan til Hania þar sem gist er næstu tvær nætur. Hádegismatur ekki innifalinn. www.arkadi-hotel.gr

Dagur 10 - Frjálsir dagar í Hania, hádegis og kvöldverður á eigin vegum. Það getur verið gaman að bregða sér í rútu og bátsferð á Balos ströndina en þar er einstaklega falleg túrkisblátt lón.

Dagur 11 - Brottfarardagur flogið frá Hania til íslands 17.20

 

 

 

SJÁ NÁNARI FERÐALÝSINGU
Bókaðu þína ferð
Báðar leiðir
Aðra leið
  • Verð og innifalið

  • Erfiðleikastig

  • Veðrið

  • Flugtími

    Kef CHQ

    5

    Morgunflug

  • Gjaldmiðill

    EUR

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun