Gönguferð á ævintýraeyjunni Santorini

Spennandi ellefu daga ferð

  • Pakkaferðir
    +
    -
    +
    -
    +
    -

    Verð frá

    289.500 kr    * Á mann m.v. 2 í herbergi með fæði, sjá nánar verð og innifalið.

  • Flug

Myndagallerí

Ævintýraeyjan Santorini

18. - 28. september 2017
Fararstjóri: Steinunn Harðardóttir

Í þessari nýju og spennandi ellefu daga ferð verður flogið til Kritar og gist þar eina nótt. Síðan siglt með ferju til Santorini þar sem gist verður 7 nætur við fallega svarta sandströnd í bænum Perissa. Gengið verður upp á eina fjall eyjarinnar Profitis Ilias 560 mys, þar er áhugavert klaustur og útsýni yfir alla eyjuna. Einnig verður farið um sérstæða strönd með rauðum sandi, siglt til eyjarinnar Kameni sem er í miðri öskjunni,eldfjall klifið og farið í bað í heitum lindum. Gengið verður frá  höfuðstaðnum Fira til Oia sem er einn fallegasti bærinn á eyjunni. Þar eru hvít hús sem hafa verið byggð inn í klettana, hvítar kirkjur ,blá þök, og stórkostlegt útsýni yfir öskjuna. Síðasta gangan er til  hinar fornu Dórísku borgar Thiru, þar sem  áhugaverður fornleifauppgröfur verður skoðaður. Að lokum er hægt að slaka á ströndinni eða kynna sér mannlífið á frjásum degi á Santorini, einnig er einn frjáls dagur í bænum Hania á Krít áður en haldið er heim aftur.

Santorini (Thera) er 110 kílómetrum  norðan við Krít og hefur yfir sér mikinn ævintýraljóma, vegna sérstæðrar sögu, jarðfræði, landslags og bygginga. Saga þessarar eldfjallaeyjar spannar mörg þúsund ár og er Santorini sögð geyma leyndarmálið um hið horfna Atlantis. Eyjan er í raun það sem eftir er af eldfjalli sem sprakk fyrir 3600 árum og eyddi byggð á svæðinu. Þá myndaðist stór vatnsfyllt askja umlukin mörg hundruð metra háum öskulögum. Þetta er eitt stæsta eldgos sem skráð hefur verið og flóðbylgjan sem því fylgdi hefur að öllum líkindum valdið endalokum  Minoa  menningarinnar á Krít. Sumir telja þetta eldgos grunninn að goðsögninni um Atlantis. Höfuðbær eyjarinnar Fira hangir bókstaflega á klettabrúnunum umhverfis öskjuna og eru hvítkölkuð húsin og blá hvolfþökin sérstæð sjón þegar siglt er að ströndinni eða gengið eftir brúnum öskjunnar.

Dagur 1

Haldið frá Keflavík  og komið síðdegis í Hania þar sem gist er næstu nótt,kvöldmatur á hótelinu.

Dagur 2 - Siglt til Santorini.

Haldið  eldsnemma um morguninn frá Hania  til  Heraklion,  þaðan með ferju til Santorini og síðan með rútu á hótel í bænum Perissa sem er við sjóinn á suðvesturhluta eyjarinnar. Kvöldmatur á veitingahúsi við ströndina.

Dagur 3 - Emporio-Akrotiri

Við göngum frá hótelinu til Emporio sem er einstaklega fallegur, vel varðveittur bær með gömlum þröngum götum. Efst á hæðinni sem hann stendur við eru borgarmúrar. Það er mjög gaman að skoða húsin innan þeirra sem hafa varðveist um aldir. Eftir skoðunarferð um bæinn er haldið gegnum mjög sérstæða vínakra þar sem vínviðurinn myndar eins og stór hreiður. Á leiðinni til bæjarins Akrotiri er frábært útsýni til öskjunnar og háar klettabrúnirnar sem eru lagskiptar í óteljandi litbrigðum. Í Akrotiri var  blómlegt menningarsamfélag um 3000 fyrir krist, hellulagðar götur og þróað holræsakerfi . Þegar Santorini gaus um 1700 fyrir krist lagðist þykkt öskulag yfir bæinn.  Hluti hans hefur verið grafinn upp og gerður aðgengilegur ferðamönnum.  Þeir sem vilja geta fengið tíma til að skoða þennan einstaka stað. Frá Akrotiri  er haldið eftir sérstæðri  strönd með rauðum sandi þar sem  hægt er að taka sundsprett. Síðan er ekið með rútu heim til  Perissa.

Gengið 4 tíma hækkum, lækkun um 100m.

Dagur 4 - Fjallið Profitis Ilias

Þennan dag er haldið frá Perissa til gömlu Tiru og upp á hæsta fjall eyjarinnar Profitis Ilias  (560mys)  að klaustrinu sem er á toppnum.  Af fjallinu er útsýni yfir alla eyjuna.  Síðan er haldið niður  eftir steinlögðum stíg (calderimi)  til bæjarins Pyrgos sem er umlukinn borgarmúrum. Eftir hádegisverð er haldið í skoðunarferð um bæinn og þeir sem vilja geta síðan látið skutla sér heim á hótel. Hinir halda áfram til Emporio og heim á hótel eftir skemmtilegum fornum stíg. Gangan sem tekur einn til einn og hálfan tíma liggur inn í bæinn um skemmtilegt gil.

Gengið .6.5 tíma hækkun/lækkun 560m

Dagur 5 - dagur bæði á sjó og á eldfjalli

Haldið er með bát til eldfjallaeyjarinnar Kameni sem er inn í miðri öskju Santorini. Eftir göngu upp í gýg eldfjallsins sem gaus síðast 1950 er siglt að eyjunni Litlu Kameni og þeir sem vilja geta hoppað í sjóinn af bátnum og synnt að heitum uppsprettum sem eru við ströndina. Að lokum er haldið til eyjarinnar Thirassia þar sem gaman er að skoða skemmtilegt þorp sem stendur á klettabrúninni.  Þaðan er einstakt útsýni yfir á appelsínugular brúnir gýgsins sem er beint á móti.  

Gengið 2 tíma hækkun/lækkun 200m   

Dagur 6 - Fira-Oia

Ekið er til bæjarins Fira sem er höfuðstaður eyjarinnar og gengið eftir brún öskjunnar til bæjarins Oia sem af mörgum er talinn fallegasti bær Santorini. Þaðan blasir við stórkostlegt útsýni til sjávar og yfir hvít hús með bláum þökum sem standa á öskjubrúninni, áberandi er hefðbundinn byggingastíll, fjölmörg kaffi og veitingahús og litlar verslanir. Við gefum okkur góðan tíma í Oia og bíðum eftir sólarlaginu. Það er gaman að fylgjast með því frá kastalarústum í bænum. Eftir kvöldverð er ekið til baka og komið á hótel milli 22-23  

Gengið 3.30 tíma hækkun/lækkun 330m

Dagur 7 - Messavouno-Kamari

Í dag höldum við gangandi frá hótelinu til gömlu Thira, fornbæjar sem stofaður var af Dórium á 8.öld. f.kr. Síðar bjuggu þar afkomendur Alexaders mikla. Við skoðum fornleifauppgröftinn sem er efst á fjallinu  Messavouno ( 369m )  og höldum svo niður til bæjaris Kamari og þaðan með bát til Perissa.

Gengið 4 tíma hækkun/lækkun 365m9 

Dagur 8

Frjáls dagur á Santorini hádegis og kvöldmatur ekki innifalinn

Dagur 9 - Santorini- Hania

Haldið með ferju til Heraklion og síðan til Hania þar sem gist er næstu tvær nætur

Dagur 10

Frjálsir dagar í Hania, hádegis og kvöldverður á eigin vegum. Það getur verið gaman að bregða sér í rútu og bátsferð á Balos ströndina en þar er einstaklega falleg túrkisblátt lón.

Dagur 11

Brottfarardagur

Sjá nánari ferðalýsingu
  • Pakkaferðir
    +
    -
    +
    -
    +
    -

    Verð frá

    289.500 kr    * Á mann m.v. 2 í herbergi með fæði, sjá nánar verð og innifalið.

  • Flug
  • Veðrið

  • Flugtími

    Kef íkon mynd af flugvél CHQ

    5

    Morgunflug

  • Gjaldmiðill

    EUR

    Gengi

Sjá Kortasýn Sjá gististaði