Gönguferð í Flórens og nágrenni

Spennandi menningargönguferð

Ferðir
Flug
Báðar leiðir
Aðra leið

Myndagallerí

Menningargönguferð í Flórens og nágrenni borgarinnar.

28.maí -04. júní 2018

Síðast liðið vor buðu Göngu Hrólfur og Vitasport í fyrsta sinn upp á menningargönguferð í nágrenni Flórens og í borginni sjálfri. Skemmt er frá að segja að ferðin tókst einstaklega vel og verður því leikurinn endurtekinn í maí 2018. Fyrstu tvær næturnar er gist í hinum  skemmtilega bæ Fiesole sem stendur um 300 metrum ofar en borginn. Um hann orti Davíð Stefánsson fallegt kvæði. Gengið verður um hæðirnar þar sem Leonardo da Vinci reyndi fyrst að  fljúga og rústir frá tímum Etruska og Rómverja verða skoðaðar. Þá liggur leiðin til Flórens gegnum bæinn Settingnano en þar fæddist Michelangelo, hann ólst upp hjá steinhöggvarafjölskyldu og lærði þar listina að höggva stein. Góður tími gefst til að skoða Flórens bæði með staðarleiðsögumanni og á eigin vegum á frídegi. Einn daginn verður haldið í hið fræga Chianti vínræktarhérað, gengið eftir fornum stígum, bragðað á víni á vínbúgarði og snæddur spennandi kvöldverður áður en haldið er aftur til Flórens. Síðustu nóttina verður gist í bænum Vinci sem Leonardo da Vinci er kenndur við, gengið um einstakt landslag og fræðst um meistarann á söfnum sem helguð  eru honum.

1. dagur. Keflavík-Fiesole

Flogið frá Íslandi til Milano og komið þangað um 19.40, þá tekur við 4-5 tíma akstur til Fiesole. Þetta er skemmtilegur lítill bær með fallegar kirkjur, söfn og torg. Hann  er 295 metrum ofan við Flórens og í 10 km fjarðlægð. Þó Fiesole sé nú hluti af borginni þá er bærinn í raun mun eldri en Flórens. Í Fiesole eru einstakar minjar frá tímum Etruska og Rómverja og fyrir ofan bæinn eru hæðirnar þar sem Leonardo da Vinci reyndi fyrst flug. Etruskar reistur þarna virkisbæ á 8.öld fyrir krist og enn má sjá rústir af hofi, borgarmúrum og grafhýsum frá þeim tíma. Þegar Rómverjum óx fiskur um hrygg  yfirtóku þeir bæinn og efldu og enn stendur vel varðveittur rómverskur leikvangur og rústir af rómverskum böðu m. Fiesole var í margar aldir í samkeppni við Flórens sem þó hafði yfirhöndina að lokum og á 14.öld bjuggu þar ríkir og valdamiklir Flórensbúar. Í Italíuför sinni kom Davíð Stefásson til bæjarinns og orti um hann kvæði þar sem segir meðal annars.;

 Fiesole við Flórens, er fátækur klausturbær. Á mörg hundruð ára múrum, mosinn í friði grær.. . . Fiesole við Flórens, er fegurst um sólarlag. 

Gisting Villa Bosconi eða sambærilegt hótel, kvöldmatur á veitingastað í nágrenninu.   

2. dagur. Fiesole 

Morguninn tekinn rólega, um hádegisbil er haldið í létta gönguferð og fljótlega er sest niður á fallegum stað fyrir lautarverð. Við heimsækjum S. Francesco klaustur sem er á  hæð ofan við bæinn en þaðan er einstakt útsýni yfir Flórens og sléttuna fyrir neðan. Í kjallara klaustursins er safn með einstökum minjum um dvöl Etruska á svæðinu. Þá er genginn hringur í bænum og meðal annars skoðaðar rómverskar rústir af baðhúsi, sundlaug og leikhúsi sem er notað fyrir tónleika á sumrin. Kvöldmatur og gisting á hótelinu. Þægileg ganga  2-4 tíma.

3. dagur.Fiesole -Settignano 

Haldið gangandi frá Fiesole til Settignano og þaðan til Flórens, farangur verður fluttur á hótel í Flórens.   Michelangelo Bunorotti fæddist í Settingnano og vegna móðurmissis ólst hann þar upp hjá steinhöggvara fjölskyldu. (í dag Villa Michelangelo) Gengið er um landslag sem einkennir Toscana og við blasa ólívulundir, myndarlegir búgarðar og fallegt útsýni yfir Flórens.  Fyrir ofan eru svo hæðirnar þar sem Leonardo da Vinci reyndi fyrst að fljúga árið1506.  Leiðin liggur framhjá steinnámum sem hafa lagt til stein í margar stórbyggingar og hallir í Flórens í gegnum aldirnar. Ein af þessum námum var í eigu Bunorotti fjölskyldunnar. Faðir Michelangelos seldi „pietra serena“ sérstakan stein sem mikið var notaður í skreytingar á höllum í Flórens. Michelangelo heillaðist svo höggmyndalistinni  að það kom ekkert annað til greina en að verða myndhöggvari þó örlögin réðu því að meðal hans frægustu verk eru freskur eins og í Sixtínsku kapellunni. Eftir skoðunarferð um bæinn er hægt að taka strætó til Flórens eða halda áfram gangandi. Gengið 3-4 tíma. .Gist næstu 4 nætur á hóteli í Flórens. 

4. dagur. Flórens

Borgin Flórens  er ein glæsilegasta lista- og menningarborg Ítalíu. Borgin er fræg fyrir að hafa alið marga helstu snillinga endurreisnarinnar á sviði vísinda, heimspeki og lista, svo sem Leonardo da Vinci, Galileo Galilei, Michelangelo Buonarroti og Niccolò Machiavelli. Á götum og torgum eru einstök listaverk og byggingar.  Það er af mörgu að taka en fyrir marga er heimsóknin á Galleria deglia Uffezi listasafnið  einn af hápunktunum. Um morgunin heimsækjum við helstu staði borgarinnar með staðarleiðsögumanni  meðal annars Uffezi safið, dómkirkjuna, Medici kapelluna í San Lorenzo baselikunni,Bunorotti húsið og einstakt gamalt apótek.
Eftir hádegishlé  verður haldið í létta göngu upp í hæðirnar handan Arni-árinnar. Haldið er upp á Piazzale Michelangelo en þaðan er einstakt útsýni yfir borgina. Síðan er haldið áfram upp í San Miniato kirkjuna sem stendur einstaklega fallega fyrir ofan torgið.  Á leiðinni til baka er komið við  Branacci chapellunni  sem er í Santa Maria del Carmine kirkjunni, þar eru einstakar freskur frá upphafi endurreisnartímanns.  Gerð kapellunnar hófst árið 1386 og helstu listamenn hennar eru Masolino da Panicale, Masaccio, og Filippino Lippi.  Kvöldmatur á veitingastað í bænum.

5. dagur.  Ganga, matur og vínsmökkun í Cianti vínhéraðinu

. Um morguninn er haldið með almenningsvagni frá Flórens um 50 mín.akstur til  Greve sem er einn af fjórum fornu bæjum í Chianti klíkunni. Eftir stutta göngu um bæinn er haldið eftir ávölum hæðum héraðsins sem einkennast af vínekrum, cipristrjám og stórum búgörðum frá miðöldum. Á leiðinni gefst gott tækifæri til að fræðast um leyndarmál þessa einstaka og þekkta vínræktarhéraðs. Í hádeginu er stoppað í Montefioralle litlum og fallegum bæ sem trónir yfir sléttunni. Þar er borin fram hádegisverður og bragðað á Chianti rauðvíni.  Síðan er göngunni haldið áfram til Panzano þar sem við getum slakað á fyrir ríkulegan kvöldverð sem verður um kl. 19.00 á Macelleria Cecchini – Panzano in Chianti þar verður boðið upp á spennandi rétti.                                                                                                                          

6. dagur. Frjáls dagur í Flórens

Flórens er einstök borg sem gaman er að ganga um og njóta og setjast niður á torgum, kaffihúsum og veitingastöðum en þar eru líka einstök menningarverðmæti. Hér eru dæmi um nokkra áugaverða staði. Dómkirkjan, Santa Maria Del Fiore, nefnd eftir liljunni, sem er í skjaldarmerki Flórens. Bygging hennar  hófst 1296.  Kúpullinn er frá 1420-34, er eftir Filippo Brunelleschi.   San Maria Novella, Dóminikanakirkja frá 1278-1350.  í gotneskum stíl.  Í kór eru freskur eftir Ghirlandaio og samkvæmt ævisögu Micelangelos var hann nemandi Ghirlandiano þegar hluti þeirra var gerður.  
Babtisterium.  Átthyrnd kúlubygging, sem var reist yfir rústir frá rómverskum tíma á 11.-13.öld.  Frægastar eru  Þrjár giltar hurðir með lágmyndum og nefndi Michelangelo þær hlið paradísar. (1330-1452).  Loggia Dei Lanzi er klassísk bygging frá 1376-83.  Áður notuð við opinberar athafnir í borginni.
Palazzo Vecchio, ráðhúsið frá 1298-1314,  Vinstra megin við inngang er nútímaútgáfa af 'Davíð' eftir Michelanglo
Galleria Degli Ufizzi   Byggt 1560-74, fyrst sem stjórnsýsluhús og er núna málverkasafn með 4.500 myndum.  700 myndir eru sýndar hverju sinni og ná ævinlega yfir þróun flórenskrar menningar auk feneyskrar á svið málaralistar (+hollenzkrar og þýzkrar). Ponte Vecchio.  Elzta brú borgarinnar (endurnýjuð 1345).  Gullsmiðabúðir á brúnni.
Piazza Pitti.Forte di Belvedere. Campanile.  82 m hár klukkuturn frá 14. öld.  Litskrúðug marmaraklæðning.  Einn fegursti gotneski klukkuturn Ítalíu.  Gott útsýni.   Palazzo Strozzi.  Glansdæmi flórenskrar kastalalistar frá 1489-1536.   San Lorenzo, elzta kirkja Flórenzs að upplagi utan borgarmúra.  Byggð fyrst 393 af hl. Ambrosíusi.  Endurreist á 11.öld.   Líklega lagði Leonardo da Vinci hönd á plóginn 1472, þegar hann var tvítugur. Auk fjölmargra lista og menningarlegrlegra safna má benda sérstaklega á söfn um Leonardo Da Vinci,Galileo Galilei og Dante.Matur er ekki innifalinn þennan dag og þeir sem hafa áhuga fyrir að snæða á Lapi kránni sem Davíð Stefánsson rómaði svo mjög í ljóði sínu „Lapi listamannakrá.“ Þurfa að panta með mjög góðum fyrirvara.
 

7. dagur. Florence-Vinci- gönguferð um Vinci.

Við yfirgefum Flórens og eftir um klukkutíma akstur er komið til bæjarins Vinci sem Leonardo da Vinci er kenndur við. Farið er í létta og skemmtilega gönguferð um dæmigert Toscana landslag sem einkennist af ólívulundum, ávölum hæðum, vínekrum og miðalda virkjum og kastölum. Tilfinningin er eins og maður sé að ganga inni í málverki Því allstaðar blasa við einkennandi fyrirmyndir í fjölmörgum listavekum endurreisnartímanns. Yfir öllu tróna hæðirnar sem hafa  oftsinnins innblásið einum mesta snillingi síðustu alda nýjar hugmyndir og uppfinningar.  Við munum fá innsýn í líf og sköpunarverk mannsins sem gerði bæinn Vinci heimsfrægan og heimsækjum 2-3 söfn sem eru tileinkuð honum.  Leonardo safnið og safn hins ómöguega( Museum of the Impossible) sem er inni í bænum auk  æskuheimilis Leonardos sem er á hæð fyrir ofan bæinn. Gengið 8 kílómetra.

8.dagur. Bærinn Vinci fleiri söfn og brottför 

Þar sem flug frá Malpensa flugvelli  í Milano til Keflavíkur er ekki fyrr en 23.30 gefst góður tími til að heimsækja enn eitt safn um Leonardo sem er  Museo Leonardesco í  Vinci  og fara í skemmtilega gönguferð um bæinn áður en lagt er af stað út á flugvöll  um klukkan 15.00 

 

 

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél MXP

    3:50

    Hádegisflug

  • Gjaldmiðill

    Evra

    Gengi

Sjá Kortasýn Sjá gististaði