Hjólaðu með okkur á Kanarí

Með Hjólaþjálfun

Upplýsingar um ferð: 

Bókanir fara fram hér með bókunarnúmeri 1277
Söludeild VITA, Svana, gefur allar upplýsingar um bókanir (570-4444/svanaek@vita.is).
Allar aðrar upplýsingar veitir María Ögn maria@hjolathjalfun.is

Hafa samband

Myndagallerí

Út með hjólið (racerinn) í sól með eðal félagsskap og klassa fararstjórum. 

Fararstjórar eru María Ögn, Hafsteinn Ægir og Elvar Örn.
Sjá nánar á vefsíðu hjólaþjálfunar
Vikuferð 27. mars – 3 apríl 2019
(ekkert mál að framlengja til 7 apríl)
Stutt ferð, 4 nátta, 3 – 7 apríl 2019 (Náum þar 3 heilum hjóladögum og svo líka fínum túr á heimferðardegi (flug brottför kl 16:40))

Út með hjólið (racerinn) í sól með eðal félagsskap og klassa fararstjórum.

Það fer eftir fjölda og getu innan hópsins hvort fjórði fararstjórinn bætist við.
Að sjálfsögðu eru allir velkomnir með, stelpur, strákar og sama hvort fólk sé í Æfingahóp Hjólaþjálfunar eða ekki!
Burt séð frá getu einstaklingsins úti á hjólinu að þá er ferðin ekki ætluð algerum byrjendum í hjólreiðum eða þeim sem eru að stíga upp úr sófanum rétt fyrir brottför og því er ætlast til að fólk æfi reglulega hjólreiðar eða annað fyrir ferðina.

Bókun ferðar
Bókanir fara fram gegnum þennan link: https://vita.is/hopabokanir með hópanúmerinu 1277
Söludeild VITA, Svana, gefur allar upplýsingar um bókanir (570-4444/svanaek@vita.is) en allar aðrar upplýsingar veitir María Ögn maria@hjolathjalfun.is
Staðfestingagjald er 40þúsund og þarf að greiðast alls ekki seinna en 31. janúar 2019! Fullgreiða verður ferðina 6 vikum fyrir brottför, sem er í lok febrúar.

Hótelið og Kanarí
Hótelið heitir Club Maspalomas Suites and Spa
Frekar geggjað 4* hótel, ekki hótel með göngum og lyftu, heldur eru herbergin í litlum smáhýsum, alveg nýuppgert og staðsett á Maspalomas svæðinu, sem er mjög hentugt þegar velja á hjólaleiðir frá hóteli.
Stutt er í FreeMotion, sem er hjólaleiga, hjólreiðaverslun og verkstæði.

Kanarí býður upp á alveg frábærar hjólaleiðir og er stutt út í sveitina, það er mikið um hjólreiðafólk á svæðinu og lítið um umferð og umhverfið því vant hjólandi hópum sem skiptir miklu máli upp á öryggið og upplifun.
Af hverju til Kanarí en ekki Tenerife? Við veljum Kanarí því þar getur þú raunverulega fengið að skipta um gír á hjólinu þínu, á Tenrife eru bara brekkur, nánast þannig að þú ferð í 1 gír frá hótelinu og lætur þig svo renna niður. Á Kanarí er hægt að fara inn flata dali, hjóla svokallað rolling hills, taka klifur allt frá mjög þægilegum halla 3-6% en líka hægt að fara í „The Wall“ sem er 22%, hægt að velja um styttri og lengri klifur, sem sagt fjölbreytt og stór kostur er að þar er mjög lítil umferð.

Hjóladagar
Hver dagur verður settur upp með nákvæmum leiðakortum/Strava/GPS, alltaf þrír möguleikar í boði hvern dag.
Vegalengdir hvern dag verða á bilinu 40 – 130km enda alveg þrír hópar í boði.
Hversu langt er farið hvern dag fer mikið eftir því hver hækkun þess dags er, hver hjóladagur mun henta mismunandi getuhópum og hægt að velja eftir fíling hvers og eins þann daginn, einungis hjólað á racer götuhjólum. En mögulegt er að taka fjallahjóladag með Freemotion fararstjórum.
Stoppað verður á kaffihúsum og einhverja daga stoppað í lengra hádegishlé.
Lokaður facebook hópur mun sjá um að upplýsingaflæðið verði sem best til allra í hópnum varðandi hjóladagana og annað bæði fyrir og í ferðinni sjálfri.
Einnig er að sjálfsögðu hægt að fá aðstoð með leiðarval úti og setja það inn í Garmintæki ef fólk vill fara sjálft einhvern dag en ekki með hópnum.
Við munum einnig setja upp Þríþrautar-skipulag, miðum þá hjóladagana eftir því og blöndum inn hlaupi og sundi fyrir þá sem eru að stefna á þríþraut.

Típísk rútína dagsins
Ding dong!
Vaknað og farið í morgunmat.
Græja sig fyrir daginn.
Hittast fyrir utan hótelið um morguninn og lagt af stað kl 9:30
Rúllað af stað í hjólatúr dagsins.
Það fer allt eftir vegalengd og leið hvern dag, hvernig dagurinn þróast varðandi, kaffihús, hádegistjill og slíkt, en það er allt kynnt á facebook síðu hópsins fyrir hvern dag, því enginn dagur verður eins.
Í lok hjólatúrsins er alveg eðall að taka spjall og smá teygjur með hópnum við sundlaugabarinn eftir daginn, mjög ljúft að vera með einn ískaldann í annarri á meðan við teygjum okkur í tærnar með hinni.
Það fer síðan allt eftir lengd hjólatúrs hvers dags hve mikið er eftir af deginum og hvernig fólk nýtir þann tíma.
Um kvöldið borðar hópurinn saman á hótelinu, en að sjálfsögðu alltaf hægt að borða annarstaðar ef fólk vill heldur.

Við erum að tala um að … lifa og njóta!
Svona hjólaferðir eru bestu fríin, algjör eðall.

 

Sjá nánari ferðalýsingu
Upplýsingar um ferð: 

Bókanir fara fram hér með bókunarnúmeri 1277
Söludeild VITA, Svana, gefur allar upplýsingar um bókanir (570-4444/svanaek@vita.is).
Allar aðrar upplýsingar veitir María Ögn maria@hjolathjalfun.is

Hafa samband
  • Veðrið

  • Flugtími

    Kef íkon mynd af flugvél LPA

    5,5

    Morgunflug

  • Gjaldmiðill

    Evra

    Gengi

Gististaðir

Kort

Sjá alla gististaði
Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun