Las Camelias, Playa del Inglés

Snyrtilegt og vistlegt íbúðarhótel á góðum stað á Ensku ströndinni. Eitt af vinsælustu hótelum VITA undanfarin ár.   

Las Camelias stendur við hina fjölförnu og líflegu Tirajana-breiðgötu þar sem stutt er í veitingastaði og verslanir allt í kring.  
Stutt er í Yumbo-verslunarmiðstöðina.

Ströndin er í rúmlega tíu mínútna göngufæri.

Íbúðirnar eru tiltölulega litlar, en þó hlýlegar og vel búnar. Þær eru með einu svefnherbergi og rúma allt að þrjá fullorðna. Allar íbúðir eru með svölum eða verönd. Garðurinn er ágætur til sólbaðsnotkunar og er notalegt að stinga sér í nokkuð stóra sundlaugina þess á milli.

Roque Nublo, Playa del Inglés

Gott en einfalt íbúðahótel sem er vel staðsett skammt hjá Yumbo verslunarkjarnanum. Einnig er stutt í alla þjónustu, verslanir og veitingastaði. Ströndin er í um 10 mínútna göngufjarlægð.

Íbúðirnar hafa allar örbylgjuofn, brauðrist og kaffivél. Sjónvarp og þráðlaust net er að kostnaðarlausu. Hægt er að leiga öryggishólf gegn gjaldi. 

Garðurinn býður upp á ágætis sólbaðsaðstöðu og ein upphituð sundlaug. 

Roque Nublo stendur við Tirajana götuna þar sem margir veitingastaðir og barir eru. Hótelið hefur átt miklum vinsældum að fagna á meðal Íslendinga undanfarin ár.

Á kvöldin getur tónlist frá börum borist inn í íbúðirnar.

Los Tilos, Playa del Inglés

Einfalt og þægilegt íbúðahótel á frábærum stað á Ensku ströndinni, beint á móti Yumbo-verslunarmiðstöðinni. Aðeins 10 mínútna gangur á ströndina.

Í hótelinu eru 240 íbúðir, 39 fermetrar að stærð, með einu svefnherbergi og svefnsófa í stofu, ætlaðar allt að fjórum einstaklingum. Íbúðirnar á jarðhæðinni eru með verönd og góðu aðgengi fyrir hjólastóla. Innréttingar eru einfaldar og í eldri kantinum en allar vistarverur er mjög þrifalegar og þægilegar. Flísar eru á gólfum. Í eldhúskrók er allt til alls, góður ísskápur, helluborð, örbylgjuofn, hraðsuðuketill og brauðrist auk allra nauðsynlegra eldhúsáhalda. Sjónvarp með gervihnattarásum, öryggishólf og þráðlaus nettenging eru gegn gjaldi. Á baðherbergjum er sturta. Alls staðar eru svalir, með útsýni yfir hótelgarðinn.
Íbúðir eru þrifnar 5 x í viku og skipt um handklæði 3 x í viku. 

Í hótelgarðinum eru tvær sundlaugar, önnur fyrir fullorðna og hin fyrir börnin, með ágætri sólbaðsaðstöðu í kring. Þar er einnig veitingastaður sem býður upp á létta rétti og að sjálfsögðu bar. 

Gestamóttakan er opin allan sólarhringinn og starfsfólkið er þekkt fyrir að leggja sig fram um að veita góða þjónustu. Farangursgeymsla er í móttökunni.

Los Tilos íbúðahótelið er stórgóður kostur fyrir þá sem kjósa einfalda gistingu á þægilegu og þrifalegu hóteli með góðri þjónustu. Hótelið er í hjarta Ensku strandarinnar, 10 mínútur frá ströndinni. Yumbo-verslunarmiðstöðin er beint á móti hótelinu og veitingastaðir, verslanir, kaffihús og barir allt um kring. Stutt er í alla afþreyingu, vatnasport, golf og fleira. 

Walkirias, Playa del Inglés

Íbúðarhótel á góðum stað við hliðina á Yumbo Center á Ensku ströndinni. Íbúðirnar snúa allar að sundlaugargarðinum.

Íbúðirnar sem viðskiptavinir VITA dvelja í eru allar með parketi á gólfum og ágætlega útbúnar stofu.
Í þeim er gervihnattasjónvarp (gegn gjaldi), internet (gegn gjaldi) og svalir. Í eldhúskrók er ísskápur með frystihólfi, örbylgjuofn, brauðrist og ketill. Þráðlaust internet er á sameiginlegum svæðum.

Garðurinn er lítill en snyrtilegur, og þar er sundlaug, barnalaug og sundlaugarbar.

Veitingastaðir eru á jarðhæð hótelsins og matvöruverslun. Hótelið stendur rétt við Tirajana götuna þar sem margir veitingastaðir og barir eru.

Tónlist frá börum getur heyrst í íbúðirnar á Walkirias á kvöldin líkt og á öðrum hótelum á þessum vinsæla stað.

Rey Carlos, Playa del Inglés

Einfalt og þægilegt íbúðahótel, uppgert nýlega að hluta, á frábærum stað á Ensku ströndinni. Nokkurra mínútna gangur á ströndina. Fjöldi veitingastaða og verslana er í götunum í kring. 

Í hótelinu eru 160 snyrtilegar íbúðir og herbergi með einu svefnherbergi sem rúma frá einum og upp í þrjá einstaklinga. Hluti af íbúðunum eru uppgerðar og þá er ekki eldunaraðstaða.
Í hinum íbúðunum er eldhúskrókur með ísskáp, eldavélahellum, örbylgjuofn og flestum tilheyrandi eldhúsáhöldum. 
Allar íbúðir eru með síma og sjónvarp með gervihnattarásum og loftkælingu yfir sumarmánuðina. Einnig er kaffivél, lítill kælir og þráðlaus net- tenging, en greiða þarf fyrir afnot af henni.
Í herbergjum er aðeins einfaldari aðstaða en þar er kaffivél og lítill kælir. 
Hægt er að leigja öryggishólf. 

Á baðherbergi er baðker með sturtu og hárþurrka. Við allar vistarverur eru svalir, búnar húsgögnum.  

Veitingastaðurinn á hótelinu býður upp á ríkulegt úrval heitra og kaldra rétta af hlaðborði. Þar er ávallt er lögð áhersla á ferskt hráefni og sérréttir Kanaríeyja eru í fyrirrúmi.  
Ágætir barir eru á hótelinu.

Sundlaug með sérsvæði fyrir börnin og nuddpottur eru í hótelgarðinum. Sólbekkir og sólhlífar eru allt um kring. Á eyju í sundlauginni er Robinson-barinn og þar er í boði úrval kokteila og allra handa svalandi drykkja.
Gestamóttakan er opin allan sólarhringinn og boðið er upp á þvotta-, þurrhreinsi og strauþjónustu. Einnig eru hárgreiðslu- og snyrtistofa auk hjólaleigu. 

Rey Carlos er á frábærum stað í hjarta Ensku strandarinnar. Veitingastaðir og verslanir í eru í götunum í kring og nokkrar mínútna gangur er í Yumbo verslunarmiðstöðina. 
Þar að auki er stutt í ýmiss konar afþreyingu, vatnasport af öllu tagi, tennis- og golfvelli, gönguferðir og fleira  sem starfsfólk hótelsins aðstoðar við að bóka og skipuleggja.

Eugenia Victoria & Spa, Playa del Inglés

Snyrtilegt og mjög vel staðsett hótel í miðbæ Ensku strandarinnar en ströndin er í um tíu mínútna göngufjarlægð.
Öll aðstaða á hótelinu er til mikillar fyrirmyndar og hafa öll herbergi verið uppgerð. Gestir hafa einnig aðgang að glæsilegri heilsulind.
Stutt er að ganga í San Fernando, sem gjarnan er kallað „spænska hverfið.

Herbergi hótelsins eru hugguleg og rúmgóð og rúma mest þrjá fullorðna (með aukarúmi). Hægt er að velja um hálft fæði eða allt innifalið (matur og drykkir).
Herbergin á 6. - 8. hæð eru vinsælust á þessu hóteli vegna staðsetningarinnar og býðst farþegum að bóka þessi herbergi gegn vægu aukagjaldi.

Sundlaugagarðurinn er skemmtilega hannaður með sundlaug og góðri sólbaðsaðstöðu. Glæsileg heilsulind er á hótelinu, en þar er meðal annars fullkomin líkamsrækt, heitir pottar og fjöldi gufubaða.

Sunny Village, Playa del Inglés

Einföld og þægileg íbúðasamstæða á einstaklega góðum stað á Ensku ströndinni, rétt við Yumbo-verslunarmiðstöðina. Veitingastaðir, barir og verslanir í götunum í kring.
10 mínútna gangur er niður á ströndina. 

Sunny Village samanstendur af 32 smáhýsum með einu svefnherbergi, stofu og eldhúskrók, og rúma þau allt að þrjá einstaklinga. Alls staðar er verönd með húsgögnum. Innréttingar eru einfaldar, í mismunandi litum og stíl. Flísar eru á gólfum. Loftkæling er í öllum smáhýsunum og flatskjársjónvarp með gervihnattarásum. Í eldhúskrók er ísskápur, helluborð, örbylgjuofn, brauðrist og kaffivél og að sjálfsögðu fylgja öll nauðsynleg eldhúsáhöld. Öryggishólf og þráðlaus nettenging eru gegn gjaldi. Á baðherbergjum er sturta og hárþurrka fæst gegn gjaldi. 

Í hótelgarðinum er sundlaug og heitur pottur. Í kringum laugina er ágætis sólbaðsaðstaða með nóg af sólbekkjum og sólhlífum. Á sundlaugarbarnum er hægt að njóta morgunverðar undir beru lofti. Yfir daginn og fram á kvöld er þar hægt að gæða sér á léttu snarli og öllum gerðum af svalandi drykkjum. 

Í gestamóttökunni er hægt að leigja bíl og skipta gjaldeyri. Starfsfólk aðstoðar við miðakaup og veitir upplýsingar um afþreyingu og fleira. Móttaka er lokuð að næturlagi.

Sunny Village er þægileg og einföld íbúðasamstæða með öllum helstu nauðsynjum. Staðsetningin er frábær, mitt á Ensku ströndinni, 100 metra frá Yumbo-verslunarmiðstöðinni.
Barir, veitingastaðir og verslanir með iðandi lífi og fjöri er allt um kring. Stutt er í afþreyingu af öllum gerðum, meðal annars er aðeins rúmur kílómetri í Maspalomas-golfvöllinn. 

IFA Buenaventura, Playa del Inglés

Gott hótel á frábærum stað á Ensku ströndinni, stutt í er iðandi mannlífið í miðbænum, 300 metrar í næstu verslunar- og afþreyingarmiðstöð og nokkurra mínútna gangur á ströndina.
Í hótelinu eru 664 rúmgóðar vistarverur. Herbergin eru 42 fermetrar og rúma tvo til þrjá fullorðna eða tvo fullorðna og tvö börn. Innréttingar eru einfaldar og þægilegar, í ljósum við og basti. Flísar eru á gólfum. Öll herbergin eru búin sjónvarpi með gervihnattarásum og síma. Öryggishólf og þráðlaus nettenging fæst gegn gjaldi. Hárþurrka er á baðherbergjum. Við öll herbergin eru svalir með húsgögnum, útsýni er ýmist yfir sundlaugargarðinn eða út á hafið. 

Hlaðborðsveitingastaðirnir eru tveir, á La Guitarra er ríkulegt úrval heitra og kaldra rétta frá öllum heimshornum, en á Pic Nic er sjálfsafgreiðsla og afslappað andrúmsloft. Eins og nafnið gefur til kynna er áherslan á Bjórbar Freddy‘s jú, bjór, en einnig snarl og skemmtun. Á Fundabarnum er gott að setjast niður með kaffi eða kaldan drykk og æfa sig í billjarð eða pílukasti. 

Sundlaugargarðurinn er gróinn og þar eru tvær sundlaugar auk busllauga fyrir börnin. Sólbaðsaðstaðan er góð með sólbekkjum og sólhlífum. Sundlaugarbarirnir eru tveir. Yfir daginn er stanslaust stuð á Honolulu-barnum, enda er hann á svæðinu þar sem starfsfólk hefur ofan af fyrir hótelgestum með ýmiss konar afþreyingu. Meiri rólegheit eru á Banana-barnum. Á kvöldin er lifandi tónlist, Dj eða karókí. Hægt er að leigja handklæði og kostar það um 5 evrur sem fást endurgreiddar við skil. 

Snyrti- og hárgreiðslustofa, skartgripaverslun og minjagripaverslun eru í hótelinu auk líkamsræktaraðstöðu og austurlenskrar nuddstofu. Móttakan er opin allan sólarhringinn og starfsfólk aðstoðar við leigu á bílum og gjaldeyrisskipti. 

IFA Buenaventura er þægilegt hótel á frábærum stað. Alls kyns afþreying er í boði yfir daginn, boltaíþróttir, blak og vatnspóló, köfun og tenniskennsla. Stutt er í líf og fjör í miðbænum, veitingastaðir eru allt um kring og verslunar- og afþreyingarmiðstöð í næsta nágrenni. Auk þess sem aðeins tekur nokkrar mínútur að rölta niður á strönd.

Riu Don Miguel, Playa del Inglés

Gott þriggja stjörnu hótel á Ensku ströndinni. Hótelið stendur við Tirajana breiðgötuna svo þaðan sem stutt er í alla þjónustu og verslun. Ströndin er í um 1,5 kílómetra fjarlægð frá hótelinu en í stórum garði hótelsins er hægt að stunda ýmis konar afþreyingu.

ATH. Hótelið er eingöngu fyrir 18 ára og eldri.

Garðurinn er með stórri sundlaug ásamt borðtennis, biljarð, fótboltaspili og tennisvelli. Í garðinum er einnig bar þar sem hægt er að svala þorstanum eða fá sér létta rétti.

Herbergin eru björt og notaleg og búin öllum helstu nauðsynjum, s.s. síma, sjónvarpi, öryggishólfi (gegn gjaldi) og loftviftu, að ógleymdum fínum svölum. Svefnpláss er fyrir þrjá fullorðna. Öll herbergin líkt og sameiginlega aðstaðan eru ný uppgerð. Hálft fæði er innifalið í gistingu á Riu Don Miguel.

Farþegar VITA hafa verið sérstaklega ánægðir með þjónustu og viðmót starfsfólksins á hótelinu og þykir andrúmsloftið þar einstaklega gott. 

HD Parque Cristobal, Playa del Inglés

Sjarmerandi smáhýsagarður á frábærum stað á Ensku ströndinni. Aðstæður í garðinum eru góðar og gestir hafa aðgang að líkamsrækt og heilsulind. Stutt er í verslun, þjónustu og veitingahús. Tilvalið hótel fyrir fjölskyldufólk.

Smáhýsin eru snyrtileg og er hægt að fá þau ýmist með einu eða tveimur svefnherbergjum. Smáhýsi með einu svefnherbergi er 48,56 m2 og rúmar allt að þrjá fullorðna, og smáhýsi með tveimur svefnherbergjum er 56,70 m2 og rúmar allt að fimm fullorðna.
Hægt er að panta sérstakar krakkasvítur eða fjölskylduíbúðir hannaðar með þarfir smáfólks í huga. Þessar 57 m² íbúðir hafa sitt eigið garðsvæði, setustofu með svefnsófa og eru vel útbúnar. 

Í smáhýsunum er fín eldunaraðstaða með ískáp, örbylgjuofni, kaffivél og fl. Að auki er loftvifta, öryggishólf, gervihnattarsjónvarp, sími og verönd með húsgögnum og sólbekkjum. Hótelið býður uppá ,,premium" hús en þar er hægt að fá loftkælingu. 
Einnig er hægt er að sérpanta sérstök smáhýsi með aðstöðu fyrir fatlaða. Vinsamlega hafið samband við skrifstofuna ef óskað er eftir slíkum smáhýsum.

Í garðinum eru tvö sundlaugarsvæði, annars vegar er stór aðalsundlaug og hins vegar er barnalaug með litlum rennibrautum og vatnaleiksvæði. Boðið er upp á barnaklúbb og unglingaklúbb. Á daginn eru ýmislegar skemmtanir á vegum hótelsins og á kvöldin er oft lifandi músík og skemmtanir fram eftir kvöldi.

Hótelið býður upp á ýmiskonar afþreyingu sem að gestir hafa aðgang að, t.d. líkamsrækt, fitness, borðtennis, tennis, minigolf, blak, strandblak, fótbolta, körfubolta og fleira.   

Veitingastaður er á hótelinu fyrir gesti með fæði. Hótelgestir geta líka keypt morgunverð og einnig kvöldverð á  "a la Carte" veitingastaðnum þar sem gestir geta pantað sér borð á.   

Ströndin er í um 2 km fjarlægð en hótelið er með skutlu á sínum vegum sem keyrir á milli hótels og strandar þrisvar sinnum á dag, gestum að kostnaðarlausu. Aqualand er í 6 km fjarlægð, Palmitos Park í 14 km fjarlægð og golfvöllurinn Maspalomas í 2 km fjarlægð. 

Tilvalið fjölskylduhótel þar sem að allir í fjölskyldunni finna eitthvað við sitt hæfi.

Beverly Park, Playa del Inglés - San Agustin

Hótelið er á frábærum stað, 100 metra frá ströndinni. Það tilheyrir San Agustin en 15 - 20 mínútur gangur er á Ensku ströndina og í miðbæinn með verslanir, veitingastaði og iðandi mannlíf. 

Í hótelinu eru 469 herbergi sem taka frá tveimur og upp í fjóra einstaklinga. Herbergin eru einföld, ekki stór og komin nokkuð til ára sinna. Allar vistarverur hafa síma, sjónvarp með gervihnattarásum og svalir. Á herbergjum er ekki ísskápur en starfsfólk aðstoðar gesti við að taka á leigu ísskáp ef þeir kjósa svo. Loftkæling er yfir sumarmánuði. Á baðherbergjum er hárþurrka og baðvörur. Þráðlaust netsamband er í sameiginlegum rýmum á hótelinu. Öryggishólf eru í gestamóttöku.

Hlaðborðsveitingastaður er í hótelinu og þar fæst úrval alþjóðlegra rétta bæði í hádeginu og á kvöldin. Við sundlaugina er opinn snarlbar fram eftir degi. Þar er einnig hægt að næla sér í ljúfan drykk til að kæla sig niður – eða hita sig upp fyrir kvöldið. Á setustofubarnum er lifandi tónlist fram eftir kvöldi.

Fimm sundlaugar eru í hótelgarðinum, þrjár fyrir fullorðna og tvær busllaugar fyrir börnin. Hótelgarðurinn er gróinn og þar eru sólbekkir og sólhlífar. Krakkaklúbbur er starfræktur við hótelið og sérstakt leiksvæði er fyrir börnin.

Í heilsulindinni eru tveir nuddpottar og gufubað og boðið er upp á nuddmeðferðir. Einnig er hárgreiðslu- og snyrtistofa í hótelinu. 

Engum þarf að leiðast á Hotel Beverly Park, starfsfólk sér um skemmtidagskrá á daginn og kvöldin. Auk þess er tennisvöllur við hótelið og minigolfvöllur og í leikjaherbergi er billjarð- og borðtennisborð.

Hótelið er aðeins 100 metra frá ströndinni og því stutt að fara fyrir þá sem kjósa frekar að leggjast í sandinn en við sundlaugarbakkann. Verslunarmiðstöð er í nokkurra mínútna fjarlægð og kortersgangur að strönd með veitingastöðum, verslunum og fjörugu mannlífi. 

Abora Catarina Hotel, Playa del Inglés

Abora Catarina er fjölskylduhótel með öllu inniföldu á miðri Ensku ströndinni (Playa del Inglés) á Gran Canaria, skammt frá hinum tilkomumiklu Maspalomas-sandöldum sem teljast meðal helstu náttúruundra Spánar. Hótelið fékk nýverið yfirhalningu og er stefnan að bjóða uppá skemmtilega og fjölskylduvæna stemningu. Einnig er boðið uppá svæði einungis fyrir fullorðna sem er með öllu inniföldu. 
Á hótelinu eru flottar sundlaugar, skemmtidagskrá bæði inni og úti og barnadagskrá fyrir mismunandi aldurshópa. Markmiðið er að upplifunin sé bæði skemmtileg en einnig afslöppuð.

Á hótelinu eru um 410 rúmgóð herbergi, 36 fm á stærð. Í hverju herbergi eru tvö rúm (eða tvöfalt rúm) og svefnsófi. Baðherbergi er flest með sturtu í standard herbergjum en sturtu og baðkari í öðrum. Hárþurrka er á öllum herbergjum. Herbergin eru með gervihnattasjónvarp, síma, smábar, öryggishólfi (gegn gjaldi), loftkælingu (á sumrin) og þráðlaustu netsambandi. 

Á aðalveitingastaðnum á hótelinu er lagt upp með fjölbreytta rétti á hlaðborði kvölds og morgna. Einnig er sérstakt svæði fyrir börnin og ,,food court". Á því svæði er hægt að fá ítalskan mat, þar er hamborgarastaður og heilsuhorn. Hægt er að kaupa hálft fæði – morgunverð og kvöldverð.

Fimm sundlaugar eru við hótelið og er ein þeirra barnalaug sem er upphituð á veturna. Við sundlaugarbarinn er einnig verönd og svo er bar við gestamóttökuna.
Hægt er að fá alls kyns drykki á þeim báðum, ýmsa ávaxtasafa og kokteila. Einnig fást svokallaðir ,,premium drinks" á góðu verði. 

Í Gestamóttöku og á barnum er frítt þráðlaust net.

Ekki skortir afþreyingu. Hægt er að nýta líkamsræktina og skrá sig í tíma eða fara í vatnsleikfimi. Einnig geta hótelstarfsmenn mælt með afþreyingu í nágrenninu. 
Hægt er að fá barnapössun (gegn gjaldi).

Strætó gengur niður á strönd og á Lopesan Meloneras-golfvöllinn. 

Abora Catarina er hannað til að mæta þörfum flestra og bjóða uppá einstaklega fjölbreytta þjónustu. Stemningin á að vera létt og skemmtileg og hönnun og andrúmsloft samkvæmt því. 
Hver og einn á að geta fundið eitthvað við sitt hæfi og garðurinn er algjört ævintýraland með pálmatrjám og fallegum gróðri. 

Nayra, Playa del inglés

Nútímalegt hótel, bókstaflega í hjarta Ensku strandarinnar, við hliðina á Yumbo-verslunarmiðstöðinni. Aldurstakmark 18 ár. Verslanir og veitingastaðir í götunum í kring og aðeins 15 mínútna gangur á ströndina. Fullkomin slökun eða fjör og læti út í eitt, þitt er valið.

Í hótelinu eru 46 rúmgóð herbergi, ætluð einum eða tveimur fullorðnum. Innréttingar eru í nútímalegum naumhyggjustíl í hvítum litum með skæru áklæði. Alls staðar er háskerpusjónvarp með gervihnattarásum, öryggishólf, sími og að sjálfsögðu loftkæling og upphitun. Á baðherbergjum er stór sturta með gólfflísum sem ekki verða hálar þó þær vökni, hárþurrka, snyrtispegill og ókeypis baðvörur. Við öll herbergi er verönd eða svalir með húsgögnum og útsýni yfir sundlaugina. 
Ókeypis háhraða þráðlaus nettenging er á öllu hótelinu gestum að kostnaðarlausu.

Morgunverðarhlaðborð er í boði í veitingasal alla morgna frá klukkan 8 til 11.

Í hótelgarðinum er sundlaug, sem er upphituð yfir vetrarmánuðina, með fínni sólbaðsaðstöðu, með sólbekkjum, sólhlífum og meira að segja nokkrum balíbeddum þar sem er aldeilis hægt að slaka vel á. Sundlaugarbarinn býður upp á svalandi drykki frá kl. 11 til 19 auk þess sem þar fæst snarl og léttir heitir og kaldir réttir. 

Líkamsræktaraðstaða er í hótelinu, með nýjum tækjabúnaði, og hægt er að panta nuddmeðferðir innan sem utan dyra. 
Gestamóttakan er opin allan sólarhringinn.

Það er óhætt að segja að Nayra sé á frábærum stað á Ensku ströndinni. 15 metra frá Yumbo-verslunarmiðstöðinni og 15 mínútna gangur frá ströndinni. Ótal veitingastaðir og verslanir eru í götunum allt um kring og lifandi næturlíf. Flest herbergi snúa inn að hótelgarðinum. Nokkur eru með lokaðri verönd sem snýr út að götu. 

Barbacan Sol, Playa del Inglés

Vinsamlega athugið að frá 14. maí - 30. júní 2019 eru áætlaðar endurbætur á herbergjum. Einnig eru framkvæmdir áætlaðar frá 2. - 30. september. 
Reynt er að lágmarka rask og herbergjunum sem unnið er í verður lokað. 

Mjög skemmtilegt og vel viðhaldið íbúðahótel hefur verið mikið sótt af íslenskum sólardýrkendum um langt skeið.

Hótelið er staðsett miðsvæðis á Ensku ströndinni er þekkt fyrir heimilislegt andrúmsloft og góða þjónustu. Hægt er að velja á milli þess að gista í íbúð eða smáhýsi. 

Íbúðirnar eru með einu eða tveimur svefnherbergjum. Allar íbúðirnar eru með vel búnu eldhúsi og rúmgóðum svölum.

Vegna lögunar og legu hótelsins er mjög misjafnt hversu mikil sól skín á svalir herbergjanna, einhverjar svalir eru með sól allan daginn en aðrar fá ekki sól.

Smáhýsin eru aðeins stærri en íbúðirnar, öll með tveim svefnherbergjum og tveim baðherbergjum. Þau dreifast um garðinn við hótelið, við hvert smáhýsi er verönd og eins er sólbaðsaðstaða ( með sólbekkjum) á þaki húsanna.

Hægt er að velja um að vera með ekkert fæði, morgunverð eða hálft fæði ( morgunverði og kvöldverð).

Garðurinn er mjög skemmtilega hannaður með sundlaug og barnalaug. Á hótelinu er skemmtidagskrá yfir daginn og mjög góð aðstaða er til ýmis konar íþróttaiðkunar.

Caserio, Playa del Inglés

Stílhreint og nútímalegt hótel, allt gert upp árið 2016, á frábærum stað á Ensku ströndinni. Heilsulind og veitingastaður með heilu eða hálfu fæði. 5 mínútur á ströndina og verslanir og veitingastaðir allt um kring. Strætó stoppar við hótelið. 

Í hótelinu eru 170 bjartar vistarverur sem skiptast í eins og tveggja manna herbergi og junior svítur sem rúma fjóra. Innréttingar eru einstaklega stílhreinar, í hvítum og björtum litum. Flísar eru á gólfum. Loftkæling, sími, flatskjársjónvarp með gervihnattarásum, lítill ísskápur og þráðlaus nettenging er alls staðar gegn gjaldi. Öryggishólf er gegn gjaldi og einnig áfylling á smábar. Á baðherbergi er sturta, hárþurrka og baðvörur. Svalir eru við öll herbergin.

Morgunverðarhlaðborð er í veitingasal og þar er einnig ríkulegt úrval heitra og kaldra rétta af hlaðborði í hádegi og á kvöldin. Áherslur í matargerðinni eru mismunandi eftir kvöldum og hægt er að fylgjast með kokkunum að störfum. Drykkja- og snarlsjálfsalar eru í hótelinu.

Sundlaugin er upphituð og góð sólbaðsaðstaða í kring, með sólbekkjum, balíbeddum og sólhlífum, allt jafn stílhreint og nútímalegt og annað á hótelinu. Sundlaugarbarinn er opinn frá morgni til kvölds og þar er boðið upp á svalandi drykki og snarl. Starfsfólk sér um afþreyingardagskrá alla daga og kvöld. Sérstakt leiksvæði er fyrir börnin. Af þakveröndinni er glæsilegt útsýni yfir Maspalomas-sandöldurnar og út á haf. Þar er nuddpottur, sólbaðsaðstaða og afmarkað nektarsvæði. 

Líkamsræktaraðstaða er í hótelinu með nýjum tækjum, einnig gufubað og boðið er upp á slakandi nuddmeðferðir. 
Móttakan er opin allan sólarhringinn, þar er þvotta- og þurrhreinsiþjónusta, bíla- og hjóla- og seglbrettaleiga. 

Hótelið er á besta stað á Ensku ströndinni. Aðeins fimm mínútna gangur á ströndina og enn styttra í Yumbo verslunarmiðstöðina. Veitingastaðir, verslanir og iðandi mannlíf í götunum í kring og strætó stoppar fyrir utan hótelið. Næg afþreying er í nágrenninu, vatnasport við ströndina og stutt í næsta golfvöll. 

Cordial Sandy Golf, Maspalomas

Cordial Sandy Golf eru smáhýsi sem eru staðsett beint á móti Green Golf og eru þau einnig stutt frá Maspalomas golfvellinum. Hótelið er vel útbúið. Húsin eru björt og rúmgóð m.a. með eldhúskrók, ísskáp, brauðrist og kaffivél. 
Það er viftuspaði inn í herbergjum en ekki loftkæling. 

Greiða þarf fyrir afnot af sjónvarpi. Garðurinn er nokkuð stór og skartar góðri sólbaðsaðstöðu, sundlaug, barnalaug og barnaleiksvæði.
Nettenging er við sundlaug. 

Syturhótelið Green Golf er beint á móti en þar má finna litla kjörbúð. Gestir Sandy Golf geta notað þjónustu Green Golf kjósi þeir svo.
Þar er hægt að kaupa morgunmat og hálft fæði. 
Fara þarf niður á strönd eða í miðbæinn eftir verslun og veitingastöðum. 

Sundlaugabarinn á Sandy Golf er opinn frá 11-18 en barinn á Green Golf lengur.

Club Maspalomas

Club Maspalomas One er 116 junior svítu samstæða í rólegu hverfi sem heitir Campo International Maspalomas á Kanarí.

Húsin henta vel fyrir tvo til þrjá fullorðna en geta mest tekið tvo fullorðna með tvö börn. Í hverju húsi er eitt svefnherbergi með viftu, tveimur rúmum, öðru tvíbreiðu og hinu einföldu, svo og flísalagt baðherbergi með sturtu. Ungbarnarúm er hægt að fá án endurgjalds. Í eldhúsinu er keramikplata með tveimur hellum, ísskápur, örbylgjuofn, samlokugrill eða brauðrist, ketill og kaffivél. Stofan er vel búin með svefnsófa og gervihnattasjónvarpi.

Veröndin snýr út að rúmgóðum görðum og henni fylgja tveir sólstólar. Loftkælingu, upphitun og öryggishólf er hægt að fá gegn viðbótargjaldi.

Á svæðinu eru tvær sundlaugar fyrir fullorðna, önnur upphituð, og umhverfis þær er stór hellulagður pallur með ókeypis sólstólum og sólhlífum. Við sundlaugarnar er salerni sérhannað fyrir hjólastóla.

Veitingastaður með hlaðborði er á svæðinu og bar er við sundlaugarnar.

Móttakan er opin allan sólarhringinn er þar er hægt að kaupa gjaldeyri og komast frítt á netið. Hægt er að fá netaðgang í húsunum en hann þarf að borga aukalega. Lítil verslun er á staðnum, læknisþjónusta og nuddþjónusta. Hraðbanki er á staðnum.

Ókeypis strætóferðir eru milli kl. 9 og 17 alla daga til og frá hinni glæsilegu Yumbo-verslunarmiðstöð þar sem einnig er að finna veitingahús og bari við allra hæfi. Einnig eru ókeypis strætóferðir til og frá Maspalomas ströndinni og Playa del Inglés ströndinni.

Ýmiss konar afþreying er í boði Maspalomas. Ekki eru nema 300 metrar í keilusal og líkamsrækt, 500 m í stórmarkaðinn „Faro 2“ og um það bil 800 metrar á golfvöllinn. Um einn kílómetri er á Ensku ströndina þar sem kanaríska næturlífið er fjörugt. Einn og hálfur kílómetri er á ströndina.

Tveir tennisvellir eru á svæðinu, blakvöllur og lítill körfuboltavöllur. Einnig er þar svæði með borðtennisborðum, billjarðborðum og afþreyingu fyrir börn. Af öðru fyrir börn má nefna upphitaða sundlaug og leikvöll. 

Cordial Green Golf, Maspalomas

Skemmtilegur smáhýsagarður sem er aðeins steinsnar frá golfvellinum í Maspalomas. Húsin eru smekklega innréttuð og mjög heimilisleg. Green Golf er tilvalið fyrir fjölskylduna. Í garðinum eru tvær stærðarinnar sundlaugar, barnalaug og barnaleiksvæði og ýmis önnur afþreying. 

Öll húsin eru á tveimur hæðum, á neðri hæðinni er eldhúskrókur og stofa og á efri hæðinni er svefnherbergi.

Smáhýsagarðurinn er á rólegum stað miðsvæðis í Maspalomas, rúmum tveimur kílómetrum frá ströndinni. Lítil kjörbúð þar sem versla má allar helstu nauðsynjar er við gestamóttökuna en einnig er verslun í 500 metra fjarlægð í Faro II verslunarmiðstöðinni. Hægt er að kaupa morgunverð eða hálft fæði á staðnum.

Green Golf býður uppá akstursþjónustu og keyrir gesti sína að ströndinni eftir pöntunum en einnig eru aðeins 200 metrar í næstu strætó stoppistöð.

Aksturþjónusta Green Golf er nokkuð ör eða eins og hér segir:
Á Maspalomas ströndina fimm sinnum á morgnana, síðasta ferð kl. 12:45
Til baka frá Maspalomas ströndinni sex sinnum á dag á milli kl. 12:00 og 16:45
Til miðsvæðis Playa del Ingles tvisvar sinnum á morgnana og tvisvar sinnum síðdegis
Til baka frá miðsvæði Playa del Ingles einu sinni á morgnana og tvisvar sinnum síðdegis. 

Caybeach Meloneras

Hugguleg og snyrtileg íbúðagisting stutt frá ströndinni á Meloneras svæðinu. Verslanir, kaffihús og veitingastaðir í stuttu göngufæri. Enska ströndin er í 10 mín keyrslufjarlægð frá hótelinu og eru tveir golfvellir í nágrenninu.

Íbúðirnar eru ýmist á einni eða tveimur hæðum og taka þær minni allt að þremur fullorðnum og einu barni og þær stærri allt að fimm fullorðnum og barni. Innréttingar eru einfaldar og er loftkæling, sími, sjónvarp, rúmgóð stofa, og eldhús með hellum, ísskáp og öllum nauðsynlegum áhöldum til eldamennsku og er hárþurrka á baðherbergjum. Hægt er að leigja öryggishólf gegn gjaldi. Í tveggja hæða smáhýsum eru tvö svefnherbergi, tvö baðherbergi og tvö sjónvörp. Athugið að gervihnattarásir á ensku kunna að vera gegn gjaldi. Þráðlaust netsamband er gegn gjaldi. Við íbúðirnar er annað hvort verönd eða svalir með garðhúsgögnum.
Þrif eru 5 x í viku, skipt á rúmfötum 1 x í viku og handklæðaskipti eru 2 x í viku. 

Morgunverður, hádegis- og kvöldverður eru í boði af hlaðborði, þema er mismunandi eftir kvöldum.

Þrjár sundlaugar eru við hótelið, þar af ein ætluð börnum. Í sundlaugargarðinum eru sólbekkir og sólhlífar og þar er hægt að ná sér í snarl og allar gerðir ljúffengra drykkja á sundlaugarbarnum. Afþreyingu af ýmsu tagi er í boði fyrir börnin. Sérstakt leiksvæði er fyrir þau.

Heilsulind er á hótelinu með líkamsræktaraðstöðu, nuddpottum, gufubaði og þurrgufu. Þar er einnig hægt að panta nudd.
Gestamóttakan er opin allan sólarhringinn og þar er hraðbanki, bílaleiga, myntþvottahús og kjörbúð með öllum helstu nauðsynjum. 

Einföld og þægileg íbúðagisting á frábærum stað á Meloneras svæðinu. Ströndin og sandöldurnar í Maspalomas eru stutt frá. Stutt er í verslanir, veitingastaði, kaffihús og allar gerðir afþreyingar, þar á meðal golfvelli. Ekki skemmir fyrir að nóg er af léttri afþreyingu við hótelið, mínígolf, billjarð og margt fleira.

Hafðu samband við ferðasérfræðing okkar hér  

IFA Faro, Maspalomas

Glæsilegt hótel á frábærum stað í Maspalomas. Nokkur skref eru niður á ströndina og útsýnið yfir sandöldurnar og hafið er óviðjafnanlegt. Hótelið er ætlað fullorðnum.

Í hótelinu eru 184 rúmgóðar og bjartar vistarverur sem skiptast í 173 herbergi og 11 svítur sem rúma tvo til þrjá fullorðna. Innréttingar eru stílhreinar og nútímalegar, dökkur viður í bland við dempaða og bjarta liti. Teppi eru á gólfum. Nútímaþægindi eins og loftkæling, flatskjársjónvarp með gervihnattarásum eru í öllum vistarverum. Hárþurrka, baðsloppar og baðvörur eru á baðherbergjum. Öryggishólf og þráðlaus nettenging fást gegn gjaldi. Einnig er fyllt á smábar gegn gjaldi. Við öll herbergi eru svalir búnar húsgögnum. 

Matargerðin á hótelinu er rómuð. Veitingastaðurinn Cafe Panorama býður upp á gómsætt sætabrauð og ljúffenga rétti af matseðli. Á Tamarona er morgunverðarhlaðborð og á kvöldin svigna borðin undan kræsingum, jafnt þjóðlegum sem alþjóðlegum. Á Café de Paris fást heimabakaðar kökur og kruðerí í bland við ljúffengt kaffi og samlokur. Á píanóbarnum Gánigo er ekki amalegt að slaka á í lok dags og njóta gullfallegs útsýnisins með svalandi drykk við hönd og njóta lifandi tónlistar, taka jafnvel nokkur spor. 

Í hótelgarðinum er sundlaug og fínasta sólbaðsaðstaða með sólbekkjum og sólhlífum. Þess má geta að þeir sem þola ekki við í þröngum sundfatnaði geta rifið sig úr hverri spjör og lagst í sólbað á sérstakri nektarverönd. 

Líkamsræktaraðstaða er í hótelinu, auk hárgreiðslustofu, verslana og þvottaþjónustu. Móttakan er opin allan sólarhringinn og starfsfólk aðstoðar við bílaleigu og gjaldeyrisskipti. 
IFA Faro er við suðurenda Laspalomas-strandarinnar, rétt við vitann sem hótelið dregur nafn sitt af. Þeir sem hvorki kjósa sundlaugarbakkann né nektarveröndina geta baðað sig í söltum sjónum og notið þess að finna sandinn á milli tánna á ströndinni sem er alveg við hótelið. Nóg er af annarri afþreyingu í nágrenninu, vatnasport, köfun, hestaferðir, tennis og ekki má gleyma golfvöllunum en hótelgestir fá afslátt á tveimur þeirra. 

Maspalomas Princess

Mjög gott og fjölskylduvænt hótel á rólegum stað í hjarta Maspalomas á Kanarí, stutt frá sandöldunum frægu. Strætó stoppar fyrir utan hótelið og því tekur aðeins nokkrar mínútur að komast í iðandi mannlífið á Ensku ströndinni.

Í hótelinu eru 439 rúmgóð herbergi sem rúma tvo fullorðna og eitt barn og svítur sem rúma tvo fullorðna og tvö börn. Hægt er að fá samliggjandi fjölskylduherbergi.
Innréttingar eru stílhreinar og snyrtilegar, í hvítum og brúnum litum. Plastparket er á gólfum. Alls staðar er loftkæling og upphitun og flatskjársjónvarp með gervihnattarásum.
Smábar, öryggishólf og þráðlaus nettenging eru gegn gjaldi. Á baðherbergjum er baðker með sturtu, hárþurrka og baðvörur. Alls staðar er verönd eða svalir búnar húsgögnum.

Morgunverðarhlaðborð er í veitingasal alla morgna, í hádeginu og á kvöldin. Á La Hacienda snýst valið um alþjóðlega rétti af matseðli og tapasrétti í hádeginu. Nokkrir barir eru bæði innan og utan dyra þar sem hægt er að snæða létta rétti, snarl og að sjálfsögðu gæða sér á ljúffengum drykkjum. Á píanóbarnum er lifandi tónlist fimm kvöld vikunnar.
Sundlaugarnar í hótelgarðinum eru sex, þar af eru tvær ætlaðar börnum. Aðallaugin er hönnuð eins og sjávarlón með strönd í kring. Allt um kring er fínasta sólbaðsaðstaða með sólbekkjum og sólhlífum. Nokkrar brýr liggja yfir laugina og þar eru eyjar með bar og vellíðunaraðstöðu og með gufuböðum og þurrgufu og hægt er að fá nudd undir beru lofti.

Starfsfólk sér um afþreyingu frá morgni til kvölds og m.a. er hægt að stunda vatnsleikfimi, körfubolta, fótbolta, strandblak, borðtennis og tefla á risa taflborði.
Krakkaklúbbur er fyrir börnin. Líkamsræktaraðstöðuna geta gestir nýtt sér að kostnaðarlausu.
Gestamóttakan er opin allan sólarhringinn og þar er þvotta- og þurrhreinsiþjónusta, bíla- og hjólaleiga, kjörbúð og apótek. 

Maspalomas Princess er mjög gott hótel í hjarta Maspalomas. Hér er allt til alls og þar að auki stoppa tveir strætóar fyrir utan hótelið svo að aðeins tekur nokkrar mínútur að komast í lífið og fjörið á Ensku ströndinni og skoða sig um í öðrum bæjum.

Vital Suites, jaðri Maspalomas

Gott hótel á frábærum stað á jaðri ensku strandarinnar á Kanarí. Útsýni er yfir golfvöllinn í Maspalomas. Einnig er fallegt útsýni yfir sandöldurnar og vitann. Stór innisundlaug og heilsulind. Nokkurra mínútna gangur í miðbæinn á Ensku ströndinni, Yumbo-verslunarmiðstöðina og korter niður á strönd.

Í hótelinu eru 56 herberg, um 60 fermetrar að stærð, ætlaðar allt að þremur fullorðnum. Innréttingar eru nútímalegar og stílhreinar, í hvítum og ljósum litum. Flísar eru á gólfum. Alls staðar er loftkæling, smábar, sími, tvö flatskjársjónvörp með gervihnattarásum, þráðlaus nettenging, vaskur, hraðsuðuketill, örbylgjuofn og leirtau. Öryggishólf er gegn gjaldi. Á baðherbergjum er baðker og sturta, hárþurrka, baðsloppar og baðvörur. 

Morgunverður er borinn fram á veitingastaðnum Panorama í sundlaugargarðinum, með útsýni yfir Maspalomas-golfvöllinn og sandöldurnar. Frá hádegi og fram á kvöld eru miðjarðarhafsréttir í boði af matseðli auk sérvaldra víntegunda. Eldhúsið er opið frá 13 til 18 en barinn er opinn fram á kvöld.
Í hótelgarðinum er góð sundlaug með fallegri brú og sérlaug fyrir börnin.

Það sem gerir þetta þægilega hótel enn betra en ella er heilsulindin sem er af bestu gerð. Innilaugin er 500 fermetrar með 34°C saltvatni, nuddtúðum og fossum. Boðið er upp á gufuböð og þurrgufu, leirböð, ilmolíugufuböð og nudd-, líkams- og snyrtimeðferðir af öllum gerðum. Þar er einnig líkamsræktaraðstaða. Hægt er að panta einkaþjálfara, sjúkraþjálfara og sjúkranuddara.
Móttakan er opin allan sólarhringinn og þar er þvotta-, þurrhreinsi- og strauþjónusta, farangursgeymsla og hjólaleiga.

Vital Suites henta öllum þeim sem vilja næra líkama og sál, á rólegu svæði, með golfvöllinn á aðra hönd og Ensku ströndina á hina. Stórgóð heilsulind þar sem  boðið er upp fjölda meðferða. Tíu mínútna gangur í Yumbo-verslunarmiðstöðina, korter niður á strönd og allra handa afþreying á láði og legi allt um kring.

Costa Meloneras Resort, Spa og Casino

Fjögurra stjörnu glæsihótel á besta stað í Meloneras sem er heill heimur út af fyrir sig. Ótal afþreyingarmöguleikar og stærðarinnar sundlaugagarður.

Herbergi hótelsins eru rúmgóð og afar vel útbúin. Þau taka allt að þrjá gesti en einnig eru svítur í boði á hótelinu.

Hægt er að velja um morgunverð eða hálft fæði.

Sundlaugagarðurinn er einstaklega glæsilegur, með fjórum sundlaugum, nuddpottum og meira að segja lítilli strönd.

Fjölbreytt skemmtidagskrá er fyrir alla aldurshópa og á kvöldin er boðið upp á lifandi tónlist og skemmtun. Á hótelinu eru auk þess sex veitingastaðir, nokkrar sérvöruverslanir, keilusalur, nokkrir barir og skemmtistaður, hárgreiðslustofa, minigolf og fleira. Að ógleymdri fullkominni heilsulind þar sem hægt er að stunda fjölbreytta líkamsrækt eða einfaldlega láta dekra við sig.

Costa Meloneras býður upp á sannkallaða lúxusgistingu og veitir öllum þeim sem dvelja þar ógleymanlega upplifun.

H10, Playa Meloneras Palace

Stórglæsilegt hótel sem notið hefur fádæma vinsælda hjá Íslendingum undanfarin ár. Hótelið er staðsett við ströndina í Meloneras og er búið öllum þeim þægindum sem hugurinn girnist. Óhætt er að fullyrða að gæði og þjónusta séu höfð í hávegum á öllum vígstöðvum hótelsins.

Hægt er að velja um hálft fæði eða "allt innifalið" með gistingunni.   Tveir veitingastaðir eru á hótelinu Tamadaba, sem býður upp á morgun-, hádegis- og kvöldverðarhlaðborð, er sá veitingastaður sem er "innifalinn" í gistingunni  og A la carte veitingastaðurinn Gaudí.  Gestir hótelsins fá 20% afslátt af veitingum á Gaudí.

Herbergin eru mjög nýtískuleg og bera það með sér að hugsað hefur verið fyrir hverju smáatriði. Þau eru auk þess afar vel útbúin, með öryggishólfi, gervihnattarsjónvarpi, síma og loftkælingu - svo eitthvað sé nefnt.

Garðurinn er glæsilegur, með tveimur sundlaugum og barnalaug og frábærri sólbaðsaðstöðu. Auk þessa er fjölbreytta afþreyingu að finna á hótelinu, hvort sem gestir horfa í því sambandi til íþróttaiðkunar eða skemmtunar. Þá er golf-völlur í stutt frá hótelinu.

Þá er að sjálfsögðu fullbúin heilsulind er á hótelinu sem gestir hafa aðgang að. Þar er tilvalið að láta dekra við sig í þægilegu umhverfi auk þess sem hægt er að kaupa ýmiskonar slökunar- og vellíðunarmeðferðir gegn gjaldi.

Baobab, Meloneras

Nýlegt og hreinlega óviðjafnanlegt fimm stjörnu lúxushótel á Meloneras svæðinu. Hótelið er hluti af Lopesan-hótelkeðjunni sem einnig rekur lúxushótelin Villa del Conde og Costa Meloneras á Kanarí sem margir Íslendingar hafa átt góð kynni við. Gisting á Baobab er einfaldlega upplifun út af fyrir sig og er VITA stolt af því að geta boðið viðskiptavinum upp á þetta einstaka hótel.

Hönnun hótelsins er í Afríkönskum stíl og ber umhverfið og vistarverur þess greinileg merki. Þessi sérstaka hönnun skapar virkilega hlýlegt og sjarmerandi umhverfi sem hentar sérstaklega vel til afslöppunar og endurnæringar á líkama og sál.

Herbergi hótelsins eru glæsileg og fallega innréttuð. Hönnun þeirra er nútímaleg en jafnframt undir sterkum afrískum áhrifum. Herbergin eru innréttuð í mildum brúnum lit sem skapar sérstakt andrúmsloft og á að skapa vellíðan hjá gestum. Herbergjunum fylgja meðal annars svalir eða verönd, loftkæling, hárþurrka, sími, flatskjár, öryggishólf gegn gjaldi, mini bar og internet aðgangur (gegn gjaldi).

Hótelið hefur sérstaklega gott aðgengi fyrir fatlaða, auk þess sem 20 herbergi hótelsins eru sérstaklega hönnuð fyrir fatlaða. Á þeim eru stærri dyr, meira gólfpláss og húsgögn sem eru sérstaklega valin með tilliti til fatlaðra.

Sérpanta þarf herbergi með aðgengi fyrir fatlaða - vinsamlega hafið samband við skrifstofu VITA sé óskað eftir því.

Hægt er að velja á milli þess að fá hálft fæði eða eingöngu morgunverð með gistingunni. Á hótelinu eru þrír veitingastaðir og er úrvalið afar fjölbreytt. Í boði eru klassískir og alþjóðlegir réttir en einnig sérhannaðir og framandi réttir sem eiga rætur sínar að rekja til Afríku. Allir ættu því að geta fundið eitthvað við sitt hæfi.

Garðurinn er sérlega glæsilegur. Í honum má finna gerviströnd og hvorki fleiri né færri en átta upphitaðar sundlaugar. Iðandi á rennur um garðinn þar sem hægt að fljóta um á kút og láta sig dreyma. Börnum er gert sérstaklega hátt undir höfð. Fyrir þau hefur verið skapaður sérstakur heimur, Panchi World, þar sem að möguleikinn á því að láta sér leiðast er einfaldlega ekki fyrir hendi. Sundlaugagarðurinn er í raun veröld út af fyrir sig þar sem gestir eru alltaf að uppgötva eitthvað nýtt.

Fyrir þá sem vilja spila golf er Baobab tilvalinn kostur. Tveir golfvellir eru í innan við þriggja kílómetra fjarlægð og ef pantað er með fyrirvara mun hótelið sjá fyrir flutningi golfvöllinn - án endurgjalds.

Villa del Conde, Meloneras

Fimm stjörnu lúxushótel sem stendur við strandgötuna í Meloneras. Á Villa Del Conte er allur aðbúnaður framúrskarandi góður og má með sanni segja að allt sé til alls. Villa Del Conte er fyrir vandláta sólardýrkendur sem vilja aðeins það besta.

Hótelið hefur allt sem ferðamenn geta búist við að fá á fimm stjörnu hóteli, vistarverur eru sannarlega á heimsmælikvarða og hugsað er fyrir hverju smáatriði. Herbergin eru rúmgóð og einkar smekkleg.

Hótelgarðurinn er fallegur og hýsir m.a. fimm sundlaugar , strönd, barnalaug, heilsulind, mini-golf, fimm veitingastaði og bari. Allstaðar er þjónustan fyrsta flokks. Villa Del Conte er frábært hótel sem veldur engum vonbrigðum.

ATH. Möguleiki er að sérpanta herbergi með aðstöðu fyrir fatlaða.

Cordial Mogan Valle

Þriggja stjörnu íbúðahótel á góðum stað, í um 10 mínútna göngufjarlægð frá ströndinni en mun styttra frá verslunum og veitingastöðum. Allar vistarverur hótelsins eru smekklegar og er fjölbreytt afþreying í boði fyrir alla fjölskylduna. 

Hægt er að velja á milli tveggja tegunda af íbúðum, en þær eiga það sammerkt að vera með einu svefnherbergi og virkilega rúmgóðar og huggulegar. Minni íbúðirnar eru 52 fermetrar að stærð með 19 fermetra svölum. Stærri íbúðirnar eru 77 fermetrar með 28 fermetra svölum. Fæði er ekki innifalið í gistingu en hægt er að fá morgunverð eða hálft fæði sé þess óskað. 

Sundlaugagarðurinn er stór og makindalegur og skartar meðal annars þremur sundlaugum, barnalaug, barnaleiksvæði, tennisvelli, heilsulind og líkamsræktaraðstöðu. Þá eru nokkrir barir og góður veitingastaður á hótelinu. Verslunarmiðstöð með matvörumarkaði er í næsta nágrenni.

Möguleiki er að sérpanta íbúðir með aðstöðu fyrir fatlaða.

Mogan Princess & Beach Club

Gott hótel á fallegum stað í hlíðum Taurito-dalsins. Fallegt útsýni yfir Atlantshafið og Puerto de Mogán. Ókeypis skutla nokkrum sinnum á dag niður á Taurito-ströndina og þar er strandklúbbur á vegum hótelsins. Þetta hótel er með allt innifalið.

Í hótelinu eru 212 rúmgóðar vistarverur. Hægt er að velja um tveggja manna herbergi og fjölskylduherbergi og svítur sem rúma allt að þrjá fullorðna og barn. Innréttingar eru klassískar og smekklegar, í ljósum litum. Flísar eru á gólfum. Alls staðar er loftkæling og upphitun, flatskjársjónvarp með gervihnattarásum og smábar. Öryggishólf og straujárn eru gegn gjaldi. Á baðherbergjum er baðker og sturta, hárþurrka og ókeypis baðvörur. Við öll herbergin er verönd eða svalir búnar húsgögnum, með útsýni yfir hafið.
Ókeypis þráðlaus nettenging er við gestamóttökuna og á aðalsundlaugarsvæðinu.

Morgun-, hádegis- og kvöldverður er borinn fram á hlaðborðsveitingastaðnum Princess. Snarl og drykkir af ýmsu tagi eru í boði á La Choza og það sama má segja um Beach Club, klúbbinn sem hótelið rekur við ströndina. A diskóbarnum er skemmtilegt að fá sér ljúfan drykk eða dilla sér við tónlist en starfsfólk sér um skemmtiatriði öll kvöld.
Sundlaugarnar eru þrjár, á aðalveröndinni er stór sundlaug, sem er hituð upp yfir vetrarmánuðina, og sérlaug fyrir börnin. Þriðja laugin er útsýnislaug sem aðeins er opin fullorðnum. Starfsfólk sér um að hafa ofan af fyrir yngri jafnt sem eldri gestum yfir daginn með leikfimi og leikjum.

Móttakan er opin allan sólarhringinn og þar er m.a. þvotta- og þurrhreinsiþjónusta, bílaleiga og lítil kjörbúð með helstu nauðsynjum. 

Mogan Princess er á fallegum stað í Taurito-dalnum. Ókeypis skutla er nokkrum sinnum á dag niður á sandströndina og einu sinni á dag til þorpsins Puerto de Mogán. Athugið að þar sem hótelið er byggt utan í fjallshlíð getur þurft að ganga nokkurn spöl innan hótelsins sjálfs og nokkuð er um tröppur þó að lyftur séu þar líka.

Cordial Mogan Playa

Einkar fallegt fjögurra stjörnu hótel sem er með suðrænu yfirbragði, staðsett steinsnar frá ströndinni. Aðstaðan á hótelinu er framúrskarandi góð og stendur gestum til boða ótal möguleikar á íþróttaiðkun og vellíðunarmeðferðum. 

Herbergin eru fyrsta flokks og sérstaklega vel búin. Hægt er að velja á milli þess að hafa hálft fæði innifalið í gistingu eða eingöngu morgunmat. Á hótelinu eru nokkrir veitingastaðir, hver öðrum betri.

Garðurinn er stór og fallegur með frábærri sólbaðsaðstöðu sem og möguleikum á hverskyns afþreyingu. Í garðinum eru tvær stórar sundlaugar, barnalaug, og barnaleiksvæði. Hótelgestir geta tekið handklæði af herbergjum og notað í garðinum og á ströndinni gegn tryggingu. Þá er glæsilegur tennisvöllur á hótelinu, skvassvöllur og meira að segja keilubraut. Þá er að sjálfsögðu glæsileg heilsulind og góð almenn líkamsræktaraðstaða.

Astoria, Las Palmas

Á hótelinu eru 274 herbergi búin helstu þægindum eins og ókeypis þráðlausu netsambandi, sjónvarpi, hárþurrku, loftkælingu og góðu skápaplássi auk öryggishólfs sem er til afnota gegn vægu gjaldi.

Uppi á þaki er upphituð sundlaug og verönd með sólbekkjum og líkamsræktaraðstaða og sána er á hótelinu. Afnot af öllu þessu eru innifalin í gistiverðinu.

Hótelið státar af eigin veitingastað þar sem hægt er að fá morgunmat, hádegismat og kvöldmat og hægt að velja um morgunverð eða hálft fæði.

Eins og á öðrum góðum hótelum er bar á Astoria. Móttakan er opin allan sólarhringinn og þjónustu eins og gjaldeyrisskipti, aðstoð við miða- og ferðakaup, ferðatöskugeymslu og þvottaþjónustu er að finna á hótelinu.

Hótel Astoria er miðsvæðis í borginni og er stutt á ströndina. Veitingastaðir, verslanir og söfn eru allt um kring.