Kanarí Gott fólk 60+

Engum leiðist á Kanarí

Ferðir
Flug
Báðar leiðir
Aðra leið

Myndagallerí

Skemmtileg dagskrá með frábæru fólki

Dagsetningar í haust: 

18. október 
31. október 
14. nóvember

Gott fólk 60+ ferðirnar eru ávallt með skemmtilegt prógram og góða gistimöguleika yfir vetrartímann. 

Fararstjórar: Svanhildur Davíðsdóttir og Karl Rafnsson.  

Á Kanarí bjóða Kalli og Svana upp á fjölbreytt og skemmtilegt prógram:

“Við förum í spilabingó, spilum félagsvist og leikum okkur og keppum við hvert annað í minigolfi. Þá erum við einnig með á dagskránni létta morgunleikfimi þar sem við teygjum á og tvistum okkur inn í daginn.
Gönguferðir, markaðsferðir og kaffihúsarölt er alltaf jafn vinsælt að ógleymdum skemmtikvöldum og veitingahúsaheimsóknum þar sem við skemmtum hvert öðru hvert í kapp við annað.
Vikulega er svo boðið upp hálfsdags eða heilsdags skoðunarferðir eitthvert út frá „ensku ströndinni“.
Ekki missa af ferð með Kalla og Svönu á Kanarí.

Vinsælasti vetrardvalarstaður Íslendinga árum saman

Íslenskir „Kanarífuglar“ pakka gjarnan niður sumarkjólum, stuttbuxum, sundfötum og sólaroliu á meðan skammdegi og snjóskaflar gera landanum lífið leitt hér heima. Ástæðan er einföld - að halda á heitari mið, hlaða batteríin og njóta lífsins í sól og sælu. Það er ekki að ástæðulausu að Kanaríeyjar skuli hafa verið vinsælasti áfangastaður íslenska sólardýrkanda síðustu ár. Eyjarnar búa yfir töfrandi sjarma sem virkar sem sterkt aðdráttarafli á sólþyrsta ferðamenn.

Um Eyjarnar

Í Kanaríeyjaklasanum, sem telur alls sjö eyjar, er eyjan Gran Canaria sú þriðja stærsta, næst á eftir Tenerife og Fuerteventura. Eyjan sem liggur í Atlantshafinu um 210 km út frá norðvesturströnd Afríku, er nánast hringlaga og er hæsti punktur hennar Pozo de las Nieves 1.949 metrar. Gljúfrin sem kljúfa eyjuna úr tæplega tvö þúsund metra hæð niður undir sjávarmál eru bæði hrikaleg og einkennandi fyrir eyjuna. 

Með strandlengjunni er að finna urmul gylltra sandstranda sem laða til sín ferðamenn hvaðanæva að úr heiminum. Eyjan skartar einnig fjölbreyttu landslagi sem hýsir meðal annars eldfjöll og hraunbreiður, eyðimerkur og sandöldur, bananaekrur og fagurgræna dali. Árið 1496 urðu Kanaríeyjar hluti af spænska konungsveldinu.

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél FI1513

    5,5 klst

    Morgunflug

  • Gjaldmiðill

    Evra

    Gengi

  • Bjórverð

    íkon mynd af bjór

    Meðalverð 4-6 EUR

  • Rafmagn

    íkon mynd af ljósaperu

    220

Gististaðir

Kort

Sjá alla gististaði
Sjá Kortasýn Sjá gististaði