Hagnýtar upplýsingar

Flug:

Flugtíminn er um fimm og hálf klukkustund. Flugvöllurinn heitir Gran Canaria (LPA).

Farangur:

Leyfilegt er að taka með sér 1 tösku sem vegur að hámarki 23 kg og er mest 158cm á lengd, ef flogið er á almennu farrými. 
Hægt er að finna nánari upplýsingar um leyfilegan farangur á vefsíðu Icelandair. 

Akstur:

Hægt er að bóka akstur til og frá flugvelli og þarf að greiða fyrir það sérstaklega. Frá flugvellinum til gististaða er um 20 mínútna akstur.

Landfræðileg lega: 

Kanaríeyjar eru sjö talsins og er Gran Canaria sú þriðja stærst, 1.532 ferkílómetrar og liggur rúmlega 200 km út frá strönd Marokkó í Afríku.

Íbúafjöldi:

Á Kanaríeyjum búa samtals 2,1 milljón manns, þar af um 700 þúsund á Tenerife.

Tímamismunur:

Á veturna eru Kanaríeyjar í sama tímabelti og Ísland, en á sumrin eru eyjarnar klukkutíma á undan.

Mynt:

Evra.

Hraðbankar:

Mjög víða.

Greiðslukort:

Lang flestar búðir og veitingastaðir taka öll helstu kreditkort. Ekki er hægt að treysta því að hægt sé að greiða fyrir vöru eða þjónustu með debetkorti, en að sjálfsögðu er hægt að taka pening út úr hraðbönkum, hvort sem er út á kredit- eða debetkort.

Hitastig og veður:

Kanaríeyjar státa af veðurblíðu og mildu loftslagi árið um kring þar sem hafgola og hafstraumar sjá um að halda hitanum jöfnum og þægilegum árið um kring. Það hefur því verið sagt að á Kanaríeyjum ríki eilíft vor með að jafnaði um 20-25°C á daginn.

Öryggi:

Á flestum baðströndum gilda ákveðnar öryggisreglur því ekki eru alls staðar starfsmenn á öryggisvakt. Öryggisreglur eru þannig:

• Rauður fáni: Bannað er að fara í sjóinn. Getur varðað sektum.
• Gulur fáni: Aðgát skal höfð við böð.
• Grænn fáni: Ládeyða, gott baðveður.

Tryggingar:

Öllum ferðalöngum er ráðlagt að fara vel yfir sínar tryggingar áður en lagt er af stað í ferðalag og kaupa sérstaka ferðatryggingu sé hún ekki þegar innifalin í korti eða heimilistryggingu viðkomandi. Einnig er gott að hafa meðferðis tryggingaskírteini frá Tryggingastofnun ríkisins, komi eitthvað óvænt upp á.

Fararstjórar:

Íslenskir fararstjórar taka á móti farþegum á flugvelli og eru þeim innan handar allan dvalartímann. Upplýsingar um viðtalstíma og nauðsynleg símanúmer er að finna í upplýsingamöppum á gististöðum.

Rafmagn:

220 volt.

Apótek:

Á spænsku bera þau nafnið Farmacia og eru auðþekkt á stórum grænum krossi. Þau eru yfirleitt opin alla virka daga frá kl. 09:00 til 13:30 og frá 17:00 til 20:00 en þó er það aðeins breytilegt milli staða. Á laugardögum eru flest apótek opin fyrir hádegi. Yfirleitt er auðvelt að nálgast lyf í apótekum við minni háttar kvillum, en við bendum fólki á að hafa samband í neyðarsíma okkar ef það þarf á lækni að halda. Það er alltaf eitthvert apótek opið allan sólarhringinn og hægt er að fá upplýsingar hjá læknum, leigubílstjórum eða í móttöku gisti-staðar hvaða apótek er með næturvakt hverju sinni.

Verslun og þjónusta

Verslanir á Kanarí

Fjölmargar verslanir  og verslunarkjarna er að finna á Ensku Ströndinni, Mas Palomas og höfuðborginni Las Palmas.
Margar verslanir eru á eyjunni og eru þær yfirleitt opnar virka daga frá kl. 09:30 - 13:30 og síðan frá 16:30 - 20:30.

Helstu verslunarkjarnar við Ensku ströndina eru:

EL TABLERO er ný verslunarmiðstöð sem opnaði í apríl 2013. El Tablero er staðsett rétt fyrir ofan Maspalomas svæðið og það tekur ekki nema í mesta lagi 10 mínútur að aka þangað frá þeim gististöðunum sem við bjóðum upp á. Í þessari verslunarmiðstöð má finna úrval verslana með þekktum vörumerkjum svo sem Zara, Pull and Bear, Stradivarius, Punt Roma, Timberland, Levis svo eitthvað sé nefnt. Úrval veitingastaða má finna í El Tablero auk þess sem stór matvörubúð Hiper Dino er á staðnum. 

YUMBO CENTRUM er verslunarmiðstöð á Ensku ströndinni. Þar er úrval af veitingastöðum, verslunum og börum. Veitingastaðurinn Cosmos sem oftast er kallaður Klörubar er staðsettur í Yumbo.

CITA er við götuna Avenida de Alemania. Þar eru verslanir, barir, veitingastaðir, næturklúbbar og spilasalir.

KASBAH verslunarkjarninn býður upp á mikið af smáverslunum bæði inni sem og úti. Einnig eru þar veitingastaðir, barir, kaffihús og skemmtistaðir.

METRO er staðsett nálægt Kasbah, þar eru einnig verslanir, veitingastaðir og barir.

EL CHAPARAL er lítil verslunarmiðstöð með veitingastöðum, dúkaverslun og keramik verkstæði.

FARO 2 er nálægt Maspalomas hverfinu, rétt hjá tívoli. Þar er mikið af smáverslunum og veitingastöðum.

VARADERO er verslunarmiðstöð stutt frá vitanum á Meloneras svæðinu. Margar verslanir og matsölustaðir eru þar sem og í næsta nágrenni.

BELLAVISTA er verslunarmiðstöð í San Fernando hverfinu sem opin er allan daginn. Þar er að finna verslanir eins og Punto Roma, Pimkie, Stradivarius og matvörumarkaðurinn Hiper Dino er þar á efri hæðinni. Í San Fernando hverfinu eru einnig matvöruverslanirnar SPAR og MERCADONA og við Galdár götuna má finna margar smáverslanir.

Verslunarmiðstöð í Vecidario:

ATLÁNTICO er stór verslunarmiðstöð sem staðsett er í Vecindario og er hún opin allan daginn. Þar er mikið af þekktum verslunum eins og Zara, Bershka, Mango, Stradivarius, Punto Roma og Jack & Jones. Að auki er þar kvikmyndahús og úrval. Skyndibitastaða. Strætisvagnar númer 66 og 90 fara frá Ensku ströndinni og stoppa fyrir utan verslunarmiðstöðina.

Verslanir í Las Palmas:

EL CORTÉ INGLÉS er stór verslun með mikið vöruúrval og hægt að finna flesta hluti svo sem fatnað, skó, gjafavöru, snyrtivörur, rafmagnsvörur, matvörur o.fl. Verslunin er í tveimur húsum sem eru sitt hvoru megin við götuna Mesa y Lopez. Við sömu götu má einnig finna þekktar verslanir.

Í VEGUETA hverfinu eru göngugötur þar sem margar litlar verslanir eru staðsettar. Flestar verslanirnar loka í ,,siestunni” sem er frá kl. 13:30 – 16:30. Þarna eru m.a. verslanirnar H&M, Mango, Punto Roma, Bershka og Stradivarius.

LAS ARENAS er verslunarmiðstöð á þremur hæðum þar sem hægt er að finna úrval verslana.

EL MUELLE er staðsett við höfnina og þar er að finna hinar ýmsu verslanir.  Þar má nefna meðal annars C&A, Zara, H&M, Bershka og Mango.

SIETE PALMAS er stór verslunarmiðstöð í útjaðri borgarinnar. Þar eru allar helstu verslanirnar en að auki er El Corté Inglés í nágrenninu.

Markaðir á Kanarí

Flesta daga vikunnar má finna útimarkaði á eyjunni. Þeir opna yfirleitt á milli kl. 08:00 og 09:00 og eru opnir til um það bil kl. 14:00. Athugið að á mörkuðunum þarf að greiða með peningum ekki greiðslukortum og er um að gera að reyna að prútta og freistast þannig að ná hagstæðari verðum.

Markaðir í nágrenni Ensku strandarinnar:

SAN FERNANDO markaðurinn er bæði á miðvikudögum og laugardögum. Markaðurinn er stutt frá Holiday World og hægt er að taka strætisvagn númer 72 til að komast þangað.

ARGUINEGUÍN er stór markaður sem opinn er alla þriðjudaga og föstudaga.

VECINDARIO hverfið er með markað sem að heimamenn eru duglegir að sækja.  Hann er staðsettur við Avenida de Canarias og er opinn til kl. 14:00 á miðvikudögum. Hægt er að taka strætisvagn númer 66 og 90 frá Ensku ströndinni.

PUERTO DE MOGÁN er með markað á föstudögum. Þessi markaður er einn sá vinsælasti á eyjunni.

Markaðir í Las Palmas:

VEGUETA hverfið í Las Palmas er með sinn markað alla sunnudaga frá kl. 10:00 til 14:00.

LAS PALMAS RASTRO er nálægt strætóstoppistöðinni við San Telmo garðinn. Markaðurinn er einnig flóamarkaður og er opinn allar helgar frá kl. 10:00 til 14:00.

MOYA markaðurinn er á strætóstoppistöðinni ,,Estación de Guaguas” á sunnudögum frá kl. 08:00 til 14:00.

Verslun og prútt: Verðlag á Gran Canaria þykir hagstætt þar sem eyjan er fríhöfn. Þar er því gott að freista þess að gera góð kaup á varningi á borð við úr, skartgripi, myndavélar, hljómtæki og aðrar rafmagnsvörur. Hjá götusölum og á mörkuðum er svo um að gera að reyna fyrir sér í prútt-tækninni.

Söfn í Las Palmas

Nýlistasafnið (Centro Atlántico de Arte Moderno) er staðsett í Vegueta hverfinu og býður uppá fjölbreytilegar sýningar á verkum listamanna. Safnið er opið þriðjudaga til laugardaga frá kl. 10:00 - 21:00. Opnunartími á sunnudögum er frá kl. 10:00 - 14:00 en lokað er á mánudögum.

KÓLUMBUSARHÚSIÐ (Casa Museo de Colón) er í Vegueta hverfinu. Safnið er í húsi fyrsta landstjórans og er það tileinkað ferðum og landafundum Kólumbusar. Opnunartími er mánudaga til föstudaga kl. 09:00 - 19:00 og kl. 09:00 - 14:00 um helgar.

Pérez Galdós safnið (Casa Museo Pérez Galdós) í Triana hverfinu er staðsett í húsinu þar sem leikritaskáldið Benito Pérez Galdós fæddist árið 1843. Í safninu má finna

handrit, myndir og muni sem tilheyrðu skáldinu. Opið er mánudaga til föstudaga frá kl. 09:00 - 14:00.

KANARÍSAFNIÐ (Museo Canario) sýnir menningu og sögu frumbyggjanna. Opnunartími safnsins er mánudaga til föstudaga kl. 10:00 - 20:00 og um helgar kl. 10:00 - 14:00.

TÆKNISAFNIÐ (Museo Elder de la Ciencia y la Tecnología) er fjölbreytt tækniminjasafn þar sem meðal annars má sjá gamlar gerðir af orustuþotum, vélahlutum  og bílum.  Flugstjórnarklefi er á staðnum þar sem fólk getur sett sig í spor flugmanna og stýrt flugvél. Margir tilraunakassar eru á safninu þar sem fólk getur sjálft prófað og sannað eðlisfræðilegar uppfinningar. Einnig er bíósalur þar sem hinar ýmsu nýjungar eru sýndar í þrívídd. Þetta er skemmtilegt safn sem gaman er að skoða aftur og aftur. Tæknisafnið er opið frá þriðjudegi til sunnudags frá kl. 10:00 - 20:00 en lokað er alla mánudaga.

Samgöngur

Á Gran Canaria eru samgöngur góðar og því ættu flestir að geta komist leiðar sinnar.

Almenningsvagnar ganga yfirleitt á 15-40 mínútna fresti til flestra staða. Vagnarnir  eru blágrænir að lit. Hægt er að kaupa strætókort en einnig taka vagnstjórar við greiðslu í peningum.

Vagn 01 Keyrir sveitavegi til Las Palmas og tekur það um það bil tvær klukkustundir.

Vagn 29 Sioux City.

Vagn 30 Las Palmas (hraðferð).

Vagn 32 Puerto de Mogán.

Vagn 32 & 39 Puerto Rico.

Vagn 72 Markaðurinn í San Fernando (sem er á miðvikudögum og laugardögum).

Vagn 45 Aqua Land og Palomitos Park (fer frá Ensku ströndinni).

Vagn 66 & 90 Vecindario (verslunarmiðstöðin Atlántico).

Vagn 70 Aqua Land og Palomitos Park (fer frá Maspalomas).

Leigubílar eru þægilegasti ferðamátinn. Þeir eru ekki dýrir og þá er auðvelt að finna. Bílarnir eru hvítir að lit og það logar grænt ljós á þeim ef þeir eru lausir.Hægt er að láta gestamóttöku eða veitingastaði panta þá fyrir sig en einnig er einfalt að veifa þeim út á götu. Allir leigubílar eiga að vera með gjaldmæli en þó taka þeir yfirleitt fast verð fyrir ákveðnar og lengri vegalengdir. Góð regla að spyrja um verð áður en lagt er af stað í lengri ferðir.

Flogið með Icelandair

Afþreyingarkerfi um borð

Styttu þér stundir á leiðinni með bíómyndum, tónlist, eða þættinum sem þig langaði alltaf að sjá. Gæði og úrval fyrir alla aldurshópa. Í afþreyingarkerfinu geturðu horft á yfir 600 klukkustundir í formi nýrra og klassískra kvikmynda, sjónvarpsþátta og heimildarmynda og að auki geturðu hlustað á innlenda og erlenda tónlist. Þú ræður hvað þú horfir á því hver og einn hefur snertiskjá fyrir framan sig.

Á ferð með VITA nýtur þú afþreyingar og frábærrar þjónustu Icelandair alla leið til Kanarí og aftur á leiðinni heim.

Þitt sæti - þitt ferðalag

Þú getur valið þitt sæti um borð í vélum Icelandair þegar þú ferðast með VITA. Hafðu ferðalagið eins og þú vilt hafa það.

Nýttu og njóttu Vildarpunkta

Hjá VITA geta félagar Icelandair Saga Club bæði safnað og notað Vildarpunkta þegar ferðast er í leiguflugi. Nota má allt að 100.000 Vildarpunkta fyrir hvern farþega. Viðskiptavinir VITA safna auk þess 2.300 Vildarpunktum fyrir valdar ferðir í leiguflugi ef bókað er á vefsíðu.

Saga Shop Collection

Saga Shop er verslun um borð þar sem í boði er fjölbreytt úrval af vörum á tollfrjálsu verði. Ferðalangar geta skoðað í rólegheitum vörulista Saga Shop og gengið frá kaupum á meðan á fluginu stendur.
Hægt er að skoða vöruúrval sem í boði er á vef Saga Shop. 

Ekki er lengur hægt að greiða með reiðufé um borð í Icelandair vél. Hægt er að nota debet-, kreditkort og Vildarpunkta.

Wi-Fi um borð

Nú er hægt að tengjast þráðlausu Interneti í vélum Icelandair. Tengst er í gegnum gervihnött og því má búast við því að hraðinn sé svipaður og þegar 3G er notað á jörðu niðri. Tengingin er virk allt flugið, frá því að þú sest í sætið þitt og þar til þú gengur frá borði. Tengingin hentar vel til að skoða tölvupóst, vafra um vefinn og skoða samfélagsmiðla en ræður því miður illa við að streyma myndböndum eða vinnslu í gegnum VPN tengingu. Hægt er að kaupa aðgang að tengingunni um borð. Þeir farþegar sem eru bókaðir á Saga Premium eða eru Saga Club Gold meðlimir fá fría tengingu fyrir tvö tæki. Það er einfalt að tengjast þráðlausa netinu. Stilltu tækið á flugstillingu og virkjaðu svo Wi-Fi. Veldu "Icelandair Internet Access". Opnaðu vafra að eigin vali og veldu “Get Wi-Fi” til að fara í netgáttina og greiða fyrir tenginguna.
Nánari upplýsingar um virkni Wi-Fi tengingarinnar um borð má finna í Stopover Magazine