fbpx Karíbahaf frá Tampa | Vita

Karíbahaf frá Tampa

Sólríkar karíbahafs eyjar

Bókaðu þína ferð
Báðar leiðir
Aðra leið

Myndagallerí

Austur Karíbahaf frá Tampa

16. – 30. mars 2021
Celebrity Constellation

Orlando og Tampa, Flórída – San Juan, Puerto Rico - Philipsburg, St. Maarten – Basseterre, St. Kitts & Nevis – Charlotte Amalie, St. Thomas – Puerto Plata, Dominican Republic -  Tampa og Orlando, Flórída


celebrity_constellation.jpg

Stutt ferðalýsing
Flogið seinnipartinn 16. mars til Orlando með Icelandair og lending kl. 21:50, ekið beint á hótel þar sem gist er í 3 nætur fyrir siglingu. Þann 19. mars er ekið til Tampa þar sem farið er í skip. Siglingin hefst með tveimur siglingardögum og síðan er komið á hverja eyjuna af annari. Fyrsta stopp er Puerto Rico. Næst eru það St. Maarten, St.Kitts & Nevis og áfram til St. Thomas. Síðast en ekki síst er það Dóminíska Lýðveldið. Eftir þessi stopp eru aftur tveir dagar á sjó áður en komið er til hafnar í Tampa.
Ekið aftur til Orlando og gist í eina nótt á Florida hótel áður en haldið er heim á leið þann 30. mars.


celebrity_constellation_rendezous.jpg

Celebrity Constellation er í svokölluðum „Millennium" flokki hjá Celebrity Cruises, sem er annar hæsti klassi skipafélagsins. Allur aðbúnaður og vistarverur bera vott um gæði og glæsileika.
Celebrity Constellation fór í sína jómfrúarferð árið 2002, er 91.000 lestir, tæplega 300 metrar á lengd og með rými fyrir liðlega 2.000 farþega. Skipið fór í algera endurnýjun í maí 2020.

Aquaspa er heilsulind með nuddpottum, gufu, sauna, persnenskum garði og sólarium með glerþaki. Ótal sérfræðingar bjóða ýmsar dekur- og heilsubætandi meðferðir gegn gjaldi.

Klefarnir eru ýmist með tvíbreiðu rúmi eða tveimur rúmum, setkrók með sófa og skrifborði, minibar, öryggishólfi og sjónvarpi. Hægt er að bóka skoðunarferðir, horfa á kvikmyndir og panta herbergisþjónustu í klefann í gegnum sjónvarpið. Baðherbergi er með sturtu, snyrtivörum, baðsloppum og hárþurrku. Sængurfötin eru ofin úr egypskri bómull og herbergisþjónusta er opin allan sólarhringinn.

Á efsta þilfarinu er skokkbrautin, þar sem hægt er að ganga eða hlaupa hringinn um skipið. Unaðslegur hitabeltisgarður er í útsýnisturninum. "Solarium" og á sólarþilfarinu er sundlaug, sólbekkir og barir.

Kvöldverður eru borinn fram í aðal veitingasal skipsins, sem heitir The San Marco Restaurant og er á tveimur hæðum.
Barir eru um allt skip, einn er sérhæfður í kampavíni, annar í martini og þegar kvöldar taka við glæsilegar sýningar og uppákomur í flottu 4ra hæða leikhúsi. Ótal afþreyingarmöguleikar, að ógleymdri fyrsta flokks þjónustunni sem fæst um borð, gera siglingu með Celebrity Constellation ógleymanlega.


celebrity_constellation_balcony.jpg

Flugtafla

Flugnúmer  Dagur  Brottför kl. Áfangastaður kl.
FI 689 16. mars Keflavík 17:25 Orlando 21:50
FI 688 30. mars Orlando 19:00 Keflavík 06:10 +1

Siglingarleiðin

Dagur Höfn Koma Brottför
19. mars Tampa, Flórída   16:00
20. mars Á siglingu    
21. mars  Á siglingu    
22. mars San Juan, Puerto Ríkó 15:00 23:00
23. mars Philipsburg, St.Maarten 11:00 19:00
24. mars Basseterre, St kitts & Nevis  07:00 18:00
25. mars Charlotte Amalie, St. Thomas 07:00 15:00
26. mars Puerto Plata, Dóminiska Lýðveldið 11:30 19:00
27. mars Á siglingu    
28. mars Á siglingu    
29. mars Tampa, Flórída 08:00  

Ferðatilhögun

Þriðjudagur 16. mars. Keflavík – Orlando
Flogið seinni partinn í beinu flugi  Icelandair til Orlando kl. 17:25 áætluð lending í Orlando kl. 21:50 að staðartíma Flugið tekur um 8 klst. og er tímamunurinn  4 klst.  Rútan bíður og ekið er beint á Florida hotel & Conference Center sem er betur þekkt sem Florida Mall hótel þar sem gist er í þrjár nætur fyrir Siglingu.


florida-hotel-pool-view.jpg

Miðvikudagur 17., og fimmtudagur 18. mars. Orlando
Morgunverður á hótelinu og tveir dagar til að njóta, gaman að skoða verslanirnar í mallinu og í næsta nágrenni. Mjög góður sundlaugargarður er við hótelið, þar  sem notarlegt er að leggjast á bekk og njóta sólarinnar.


orlando_florida.jpg

Föstudagur 19. mars. Orlando - Tampa
Eftir morgunverð er ekið sem leið liggur til Tampa þar sem Celebrity Constellation liggur við bryggju, og siglir af stað  kl. 16:00. Áður en lagt er af stað þá er um að gera að ganga um skipið og skoða sig um. Um kvöldið er dýrindis 3ja rétta kvöldverður og skemmtun.


celebrity_constellation-2.jpg

Laugardagur 20. mars. Á siglingu 
Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.


celebrity_constellation_oceanliners.jpg

Sunnudagur 21. mars. Á siglingu
Annar dagur til að njóta þess sem boðið er upp á í skipinu, á meðan siglt er áleiðis til hinnar yndislegu San Juan, Puerto Rico. Mikið um að vera og margt hægt að skoða og gera. Líkamsræktin eða leggjast á bekk og láta dekra við sig í nuddi eða bara njóta sólarinnar á sundlaugardekkinu. Einnig hægt að vera innandyra, sitja á kaffihúsinu fara á málverkauppboð eða á einhver af þeim fjölmörgu námskeiðum sem í boði eru.


san_juan_karabiska2.jpg

Mánudagur 22. mars. San Juan, Puerto Rico 

Komið til San Juan á Puerto Rico, eyjunnar sem er ein af þeim stærstu í Austur Karíbahafi. Landslag eyjunnar einkennist af fjöllum, neðanjarðarhellum, kóralrifjum, hvítsendnum ströndum og ótrúlega þéttum regnskógi sem sér eyjunni fyrir fersku vatni. San Juan er skemmtileg blanda af nútímalegri borg verslunar og viðskipta með spilavítum, glæsihótelum og gamla bænum með sínu litríka og heillandi mannlífi.


stmaarten_scubadive_.jpg

Þriðjudagur 23. mars. Philipsburg, St Maarten
Árið 1648 ákváðu Spánverjar að yfirgefa virki sitt á eyjunni og þá urðu nokkrir hollenskir og franskir hermenn eftir og ákváðu að dvelja þar áfram. Fljótlega eftir þennan atburð sömdu Hollendingar og Frakkar  um að skipta eyjunni í tvo hluta og þannig er það enn í dag.  Philipsburg tilheyrir hollenska hlutanum eins og sjá má á ýmsum byggingum bæjarins. Eyjan er einkum þekkt fyrir góðar strendur og verslanir.


phillipsburg_st.-martin_klippt.jpg

Miðvikudagur 24. mars. Basseterre, St. Kitts & Nevis
Sofandi eldfjöll, gullnar sandstrendur og hrífandi skógi vaxnar fjallshlíðar St. Kitts eiga sinn þátt í að gera ferð þína um Karíbahafið ævintýri líkasta. Bretar fundu eyjuna árið 1623 og Frakkar settust þar að árið 1625 og þessi ríka nýlendusaga eyjunnar endurspeglast í yfirgefnum virkjum, skrúðgörðum, torgum borgarinnar og byggingargerðarlistinni.


basseterre_st._kitts_and_nevis_2.jpg

Fimmtudagur 25. mars. Charlotte Amalie, St. Thomas
St. Thomas er þekkt sem unaðslegur staður til að eyða fríinu sínu á, en saga eyjunnar hefur ekki verið alltaf jafn friðsæl og nú. Á 18. öld var eyjan einn helsti viðkomu og dvalarstaður  sjóræningja sem herjuðu í Karíbahafinu. Eyjan var áður þekkt sem dönsku Vestur-Indíur. Þessi glæsilega eyja hefur í dag að geyma frábærar strendur, litfagran sjó og landslag einnig ótrúlega tollfrjálsa verslun.


charlotte_st.-thomas-klippt.jpg

Föstudagur 26. mars. Puerto Plata, Dominíska Lýðveldinu
Puerto Plata er elsta borgin í norðurhluta Dóminíska lýðveldisins og mikill ferðamannastaður. Borgarmyndin er heillandi, hafið umlykur borgina og í baksýn gnæfa fjöllin yfir hana. Skemmtilegt er að heimsækja lifandi hafnarsvæðið, Malecon, en þar eru litríkar verslanir og fjöldi bygginga frá 19. öld. Borgin er fræg fyrir Parque Independencia (eða Parque Central) en garðurinn er fullur af fallegum pálmatrjám og byggingum í viktorískum stíl. Í Puerto Plata er hægt að fara með kláfum upp í fjöllin og virða fyrir sér stórbrotið útsýni yfir borgina. Einnig er hægt að heimsækja kakóræktun og frábært er að nýta tækifærið og kaupa raf (e. amber) því það er afar tært þarna um slóðir.


puerto_plata_dominican_republic_3.jpg

Laugardagur 27., og sunnudagur 28. mars. Á sliglingu
Tveir síðustu dagarnir fara í það að njóta alls þess sem er í boði á þessu frábæra skipi,  allt sem ekki hefur verið gert en þú ert allaf að hugsa um að skella þér í. Hvort sem það er dekur í spainu eða eitthvert skemmtilegt námskeið eða fyrirlestur. Síðan eru tilboð í verslununum, sérstklega síðustu dagana í siglingunni


sigling_karibahaf_mid_sudur_amerika_4.jpg

Mánudagur 29. mars. Tampa – Orlando
Celebrity Constellation leggur að bryggju í Tampa  um kl. 08:00. Eftir morgunverð er farið frá borði og ekið sem leið liggur til Orlando og aftur á Florida hotel & Conference Center þar sem gist er í 1 nótt áður en flogið er heim á leið.


tampa_florida_2.jpg

Þriðjudagur 30. mars. Heimferð
Tékkað út af hótelinu og áætlaður flugtími til Keflavíkur er kl. 19:00og lending kl. 06:10 að morgni miðvikudags.

Sjá nánari ferðalýsingu
Bókaðu þína ferð
Báðar leiðir
Aðra leið
  • Hagnýtar Upplýsingar

  • Verð og innifalið

Gististaðir

Kort

Sjá alla gististaði
  • Veðrið

  • Flugtími

    Kef MCO

    8 klst

    Eftirmiðdagsflug

  • Gjaldmiðill

    $

    Dollar

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun