Kína, Suður Kórea og Japan

Celebrity Millennium

Ferðir
Flug
Báðar leiðir
Aðra leið

Myndagallerí

 

Kína, Suður Kórea og Japan
Celebrity Millennium
24. október – 12.nóvember 2018

Fararstjóri: Þóra Valsteinsdóttir

Shanghai og Beijing, Kína – Seul og Jeju Island, Suður Kóreu, Kobe, Mt. Fuji og Tokyo, Japan,

Stutt ferðalýsing:
Flogið verður frá Keflavík til Shanghai 24. október með millilendingu í Helsinki. Áætluð lending á Pudong  flugvelli við Shanghai kl. liðlega 7 að morgni 25.október.
Flogið er með Icelandair og Finnair og vart hægt að fá þægilegra tengiflug milli Íslands og Kína eða Japan þar sem flugleiðin liggur yfir pólinn og styttir leiðina talsvert.
Dvalið í Shanghai og farið í ferðir áður en haldið er til skips og siglt af stað síðdegis 27.október.  Nú taka við tveir dagar á siglingu
Fyrsti áfangastaðurinn er Tianjin, sem er hafnarborg Beijing. Á milli þessara borga eru 170 km og tekur u.þ.b. þrjár klst að aka á milli.
Hægt er að bæta 3ja nátta/2ja nátta dvöl í Beijing við pakkann. Þeir sem vilja það ekki eiga kost á að bóka dagsferðir. Við fáum siglingadag, áður en komið er til Suður Kóreu og farið til Seoul, stoppað í einn dag til að skoða og fara í ferðir  áður en siglt er til Jeju eyju.
Þá er stefnan tekin á Japan og  haldið til Kobe sem er á sunnanveðri Honshu-ey sem er  fimmta stærsta borg Japans og myndar þétta stórborgarbyggð með grannborgunum Kuoto og Osaka. Í Kobe er stoppað yfir nótt.
Áfram siglt til Shimizu, en þar gefur að líta hæsta og frægasta fjall Japans, hina rómuðu ginnhelgu og snætypptu eldkeilu Fuji.  Siglingin endar í Tokyo þann 9.nóvember, gist um borð í Millennium í eina nótt áður en við flytjum okkur á hótel Chinzanso síðustu tvær næturnar. Farið í ferðir 9. 10. Og 11.nóvember.

Flugtafla

Dagur  Flugnúmer Brottför  Kl. Áfangastaður Kl. 
24. október AY 992 Keflavík 09:25 Helsinki 15:55
24. október AY 087 Helsinki 17:20 Shanghai 07:10+1
12. nóvember AY 074 Tokyo 11:55 Helsinki 15:20
12. nóvember AY 993 Helsinki  16:10 Keflavík 18:00

Siglingatafla

Dagur Áfangastaður Koma Brottför
27.október Shanghai (Baoshan), Kína   17:00
28.október Á siglingu    
29.október Á siglingu    
30.október Peking (Tianjin) Kína 06:00  
31.október Peking (Tianjin) Kína    
1.nóvember Peking (Tianjin) Kína   18:00
2.nóvember Á siglingu    
3.nóvember Seúl (Incheon) Suður Kóreu 07:00 19:00
4.nóvember Jeju eyja, Suður Kóreu 12:00 21:00
5.nóvember Á siglingu    
6.nóvember Kobe, Japan 10:30  
7.nóvember Kobe, Japan   17:00
8.nóvember Mt. Fuji (shimizu), Japan 12:00 20:00
9.nóvember Tokyo (Yokohama), Japan 09:00  
10.nóvember Tokyo (Yokohama), Japan    

celebrity_millennium.jpg

 

Celebrity Millennium
er í svokölluðum „Millenium" flokki hjá Celebrity Cruises, sem er næsthæsti klassi skipafélagsins. Innréttingar skipsins einkennast af marmara, klassískum viðarinnréttingum og gleri. Allur aðbúnaður og vistarverur bera vott um gæði og glæsileika.
Skipið fór í sína jómfrúarferð árið 2000 og allt tekið í gegn árið 2012. Millenium er 91.000 lesti tæplega 300 metrar á lengd og með rými fyrir liðlega 2.000 farþega. Aquaspa er heilsulind með nuddpottum, gufu, sauna, persneskum garði og sólarium með glerþaki. Ótal sérfræðingar bjóða ýmsar dekur- og heilsubætandi meðferðir gegn gjaldi.
Klefarnir eru ýmist með tvíbreiðu rúmi eða tveimur rúmum, setkrók með sófa og skrifborði, minibar, öryggishólfi og sjónvarpi. Hægt er að bóka skoðunarferðir, horfa á kvikmyndir og panta herbergisþjónustu í klefann í gegnum sjónvarpið. Baðherbergi er með sturtu, snyrtivörum, baðsloppum og hárþurrku. Sængurfötin eru ofin úr egypskri bómull og herbergisþjónusta er opin allan sólarhringinn.

Dagsrká og ferðatilhögun.


shanghai_2.jpg

 

Shanghai
Fjölmennasta borg í Kína og fjölmennasta eiginlega borg (þegar útborgir eru ekki taldar með) í heimi með um 18 milljónir íbúa. Ævintýraleg borg þar sem mikil sprenging hefur orðið í uppbyggingu en auðvelt að komast að gömlum merkum minjum. Miðja borgarinnar er Bund hverfið við ána Huangpu, en við þessa rómuðu gönguleið meðfram ánni standa uppgerðar art deco-, nýklassískar og beaux-arts framhliðar húsa svo og fjölmargar verslanir og barir. Yfir lágreistar byggingarnar er frábært útsýni til Pudong-geimaldarturnanna.


shanghai_4.jpg

 

Miðvikudagur 24. október og fimmtudagur 25.október  -  Keflavík – Helsinki – Shanghai.
Lagt af stað 24.október með morgunflugi Icelandair til Helsinki þar sem skipt er um vél og haldið áfram til Tokyo með Finnair. Áætluð lending í Shanghai er kl. 07:10 25.október.
Ekið á hotel Radisson Blu New World í Shangai. Morgunverður og hvíld á hóteli.
Síðdegis heimsækjum við eitt frægasta svæði Shanghai, verslunargötuna Nanjing-stræti og Bund-svæðið. Þaðan er hægt að njóta útsýnis yfir Pu-ánna að nýja Pudong-hluta borgarinnar, en stærstu skýjakljúfar Kína eru þar að finna.
Kvöldið frjálst.


shanghai_1.jpg

 

Föstudagur 26. október . Gamla Shanghai
Gamla Shanghai er í brennidepli í dag, en við heimsækjum búddistahof sem kennt er við stórt líkneski úr jaði,  Jade Buddha Temple,  áður en leiðin liggur að garðinum sem var í eigu aðalsættar sem bjó í borginni. Í kringum garðinn er svo að finna líflegan, gamlan markað með ýmis konar verslunum, en þar verður boðið upp á frjálsan tíma (og einnig möguleg heimsókn í tehús fyrir áhugasama). Eftir hádegismatinn heimsækjum við svo silkiverksmiðju og helsta minjasafn borgarinnar.
Kvöldið frjálst.


Celebrity Millennium_Celebrity_ sigling_.jpg

 

Laugardagur 27. október –  Ekið til hafnar og siglt af stað.

Celebrity Millennium er í Baoshan, stutt að fara, einungis 46 km og um klukkutíma akstur.
Innritun fer fram við skipshlið og öll þjónusta til reiðu nema verslanir og spilavíti sem opna ekki fyrr en komið er á haf út.  Um borð bíður okkar hádegisverður. 


celebrity_millennium2.jpg

 

Sunnudagur 28.október og mánudagur 29.október.  Siglingadagar

Fararstjóri fer með hópinn í kynnisferð um skipið. Endilega læra sem fyrst hvar er hægt að borða og drekka og dansa – og slappa af – og hvað er í búðunum, hvar er spilavítið o.s.frv. o.s.frv.
Ef sólin skín heillar sundlaugardekkið og mjúkir bekkir, enda eru þjónar á þönum í kring um okkur.


kinamurinn_vita.jpg

 

Þriðjudagur 30.október til fimmtudagsins 1.nóvember – Tianjin.
Fyrsti áfangastaðurinn er Tianjin, sem er hafnarborg Beijing. Á milli þessara borga eru 170 km og tekur u.þ.b. þrjár klst að aka á milli.  Hægt er að kaupa 3ja nátta/2ja nátta dvöl í Beijing um leið og ferín er bókuð. Sjá nánar undir kaflanum um skoðunarferðir.
Þeir sem vilja það ekki eiga kost á að bóka dagsferðir á vegum skipafélagsins og eru þær ferðir með enskumælandi leiðsögumönnum.


Celebrity Millennium_Celebrity_ sigling_coffeelounge_3.jpg

 

Föstudagur 2.nóvember – á siglingu
Njótið alls þess sem er í boði á þessu frábæra skipi. Látið dekra við ykkur hvort sem er við sundlaugina eða innandyra í heilsulindinni eða í því sem hugurinn girnist. Eitt er víst að það er nóg að borða og drekka.

 

Laugardagur 3.nóvember   Seoul (Incheon), Suður Kóreu
Incheon er þriðja stærsta borg Suður-Kóreu og stærsta hafnarborgin á vesturströndinni. Höfuðborgin Seoul er blanda af nútímalegum skýjakljúfum, glæsilegum mannvirkjasamstæðum (eins og Ólympíuþorpinu frá 1988), fornum höllum, búddahofum og friðsælum görðum. Þar má njóta eftirminnilegra stunda,  eins og að sitja á garðbekk og horfa á sólina setjast við hafsbrún, tifa tánum í fíngerðum, silfruðum sandi, sitja á fjöruklöppum meðfram ströndinni, renna fyrir fisk og hrífast af ljóskerum, sveipuðum rauðu og bláu silki, sem lýsa upp trén á kvöldin. Einnig er skemmtileg reynsla  að ganga upp á topp Bukhan-fjalls

 

Sunnudagur 4.nóvember  Jeju Island – Suður Kóreu
Hitabeltiseyjarparadís Suður-Kóreu er heillandi með sendnum ströndum, vaggandi pálmatrjám og stórfenglegu eldfjallalandslagi. Nenni fólk ekki að flatmaga á ströndinni þarf því ekki að leiðast því að fossar, söfn, smáþorp, froskköfun, gönguferðir og fjöldi hátíða halda öllum við efnið.  Unun er að kafa og skoða lífið í sjónum og á kóralrifunum undan strönd hins kyrrláta bæjar Seogwipo eða rölta neðanjarðar í gegnum lengsta hraunhelli á jörðinni, í Manjanggul.


Celebrity Millennium_Celebrity_ sigling_sportsbar.jpg

Celebrity Millennium_Celebrity_ sigling_sportsbar.jpg, by Lara

Mánudagur 5.nóvember  - dagur á siglingu.
Algjör lúxus að fá heilan dag til að sigla um framandi höf og njóta matar, drykkja og afþreyingar um borð í Celebrity Millennium.


kobe_japan_1.jpg

 

Þriðjudagur 6.nóvember og miðvikudagur 7.nóvember  – Kobe, Japan
Í þessari 1.5 milljón manna borg er margt að sjá og reyna. Þar má til dæmis nefna Hafnarturninn, 108 metra hátt stólagrindarmannvirki þaðan sem sést vítt til allra átta. Í Kobe er við hæfi að bragða hið rómaða nautakjöt sem kennt er við borgina og á engan sinn líka. Saki eða hrísgrjónabrennivín er þjóðardrykkur Japana og þeir sem vilja fræðast nánar um sakibruggun og hefðir geta gert það í Hakutsuru-sakísafninu.  Dveljum í Kobe í eina nótt og einn og hálfan dag og boðið uppá ferðir til Kyoto og Osaka.


tokyo_3_1900x620.jpg

 

Fimmtudagur 8.nóvember,  Fuji-fjall (Shimizu), Japan
Á heiðskírum dögum, einkum að vetrarlagi, sést Fuji-fjall (Fuji-san á japönsku) alla leið frá Tokyo, 100 kílómetra í burtu. Þegar hæsta fjall Japans skartar snjóhettu er það hin fullkomna póstkortsmynd af eldfjallskeilu. Þetta rómaða fjall er eitt frægasta tákn Japans, á því hefur hvílt helgi síðan í fornöld og konum var bannað að koma þangað allt fram á öndverða 20 öld.


tokyo_2.jpg

 

Föstudagur 9.nóvember, Tokyo, Japan
Tókýó (Yókóhama), Japan – skoðunarferð um Yokohama
Þótt Tókýó sé ein stærsta og æðisgengnasta borg heimsins hefur henni samt tekist að halda í töluverða skilvirkni og aðdráttarafl. Innan um endalaus suðandi ljósaskilti og kaplaflækjur í lofti má í borginni sjá sumt af því tilkomumesta í byggingarlist heimsins, glæsilegar verslanir og fjögurra stjarna veitingastaði. En það þarf ekki að fara langt út fyrir ysinn og þysinn í borginni til þess að finna allt annan heim. Í litlum bæjum og þorpum umhverfis hana fæst innsýn í auðuga menningu og gamlar hefðir Japana. Þar getur að líta fjölda íbúðarhúsa úr timbri, forn hof, helgistaði og keisaralega garða. Allt frá skarkala stórborgarinnar til kyrrlátra bonsaitrjágirtra hverfa er Tokyo heilt rannsóknarefni í unaðslegum andstæðum.

Komið til hafnar  í Yokohama snemma morguns og farið í skoðunarferð um Yokohama.
Í dag sjáum við Yamashita garðinn og Shin-Yokohama Ramen safnið fyrir mat. Eftir hádegisverð sjáum við Kirin Yokohama bjórþorpið, Minatomirai og Rauða Yokohama tígulsteinahúsið.
Ekið til skips þar sem gist er um nóttina.

Brottför kl. 10:00
Lengd ferðar: u.þ.b. 6klst.
Innifalið: Akstur, aðgangseyrir og hádegisverður.
Þessi ferð er innifalin í verði ferðarinnar.


japan.jpg

 

Laugardagur 10.nóvember. – Yokohama- Tokyo
Farið frá borði kl. 9 og ekið til Kamakura. Fyrir hádegi heimsækjum við Kotukuin Búddha Hofið og Komachi-dori verslunargötuna. Eftir hádegisverð ökum við inn í Tokyo og sjáum Meiji Hofið, Shinjuku lestarstöðina og endum í útsýnisturni stjórnarráðsbyggingarinnar en þaðan er flott útsýni yfir borgina.
Ferðin endar á hótel Chinzanso, þar sem við gistum næstu tvær næturnar.

Brottför kl. 9:00
Lengd ferðar: u.þ.b. 9klst.
Innifalið: Akstur, aðgangseyrir og hádegisverður.
Þessi ferð er innifalin í verði ferðarinnar.


tokyo_cherryblossom.jpg

 

Sunnudagur 11.nóvember. –  Tokyo, skoðunarferð.
Á dagskrá ökum við framhjá Sky Tree ljósmyndaversluninni, heimsækjum Asakusa Hofið og Nakamise verslunargötuna fyir mat. Eftir hádegisverð siglum við eftir síkjum borgarinnar, förum í Imperial Palace Easte Garden og endum í Ginza verslunarhverfinu.
Komið á hótelið um kl. 18:00 og gist um nóttina.

Brottför kl. 9:00
Lengd ferðar: u.þ.b. 9klst.
Innifalið: Akstur, aðgangseyrir og hádegisverður.
Þessi ferð er innifalin í verði ferðarinnar.


japan_2.jpg

 

Mánudagur 12.nóvember – Tokyio – Helsinki – Keflavík.
Eftir morgunverð, kveðjum við hótelið og ökum út á flugvöll.  Áætluð brottför flugs AY074 er kl. 11:55. Flogið með Finnair til Helsinki og lent þar kl. 15:20. Flogið áfram til Keflavíkur með Icelandair og er áætluð lending í Keflavík kl. 18:00 sama dag.

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél PVG

    10

    Morgunflug

  • Gjaldmiðill

    $

    Dollar

    Gengi

Gististaðir

Kort

Sjá alla gististaði
Sjá Kortasýn Sjá gististaði