Knattspyrnuskóli Kristjáns Bernburg

Ógleymanleg upplifun fyrir unga knattspyrnuiðkendur

  • Pakkaferðir
    +
    -
    +
    -
    +
    -

    Verð frá

    242.500 kr    *

  • Flug

Myndagallerí

Ógleymanleg upplifun

VITA sport skipuleggur ferðir í Knattspyrnuskóla Kristjáns Bernburgs.
Í knattspyrnuskólanum fá ungir knattspyrnuiðkendur smjörþefinn af því hvernig er að æfa eins og atvinnumaður. Dagarnir eru brotnir upp með skemmtilegum samverustundum, skemmti- og skoðunarferðum.
Skólinn er fyrir stráka á aldrinum 13 til 16 ára.

Knattspyrnuskóli Kristjáns Bernburg hefur notið mikilla vinsælda á meðal ungra knattspyrnuiðkenda á Íslandi, enda fá leikmenn að æfa við aðstæður eins og þær gerast bestar.
Allir knattspyrnusnillingarnir fara í hraða- og snerpuprófun sem belgíski úrvalsdeildarklúbburinn Club Brugge stendur fyrir.

Námskeiðin fyrir árið 2018:

Við verðum með tvö námskeið sumarið 2018, annars vegar 22. – 29. júlí og hins vegar 29. júlí – 5. ágúst.
Sumarið 2018 mun skólinn fara fram í fyrsta skiptið á Martins-Red svæðinu, þar sem Belgíska knattspyrnusambandið er með aðstöðu fyrir landsliðin sín.
Skólinn mun þó líkt og áður fyrst og fremst leggja aðal áherslu á góða kennslu undir handleiðslu þjálfara í hæðsta gæðaflokki. 
Kristján Bernburg hefur veg og vanda að skipulagningu skólans og er skólastjóri hans.
Núna er eingöngu hægt að bóka ferðirnar í bókunarvélinni á heimasíðu okkar  www.vita.is       
Áður en farið er út, mun VITA Sport halda kynningarfund fyrir þátttakendur í skólanum.

Þjálfunin

Þjálfarar skólans eru í hópi þeirra fremstu í unglingaþjálfun í Belgíu. 

Rik Van Cauter er yfirþjálfari skólans. Hann er fyrrverandi atvinnumaður með Lokeren. Rik hefur æðstu gráðu Konunglega þjálfaraskólans í Belgíu.
Markmannsþjálfari er Paul Van Hemerlrijke. Hann er með æðstu gráðu konunglega þjálfaraskólans í Belgíu. Allir markmenn sem koma í KB skólann fá þjálfun frá þessum frábæra markmannsþjálfara.
Thomas Vlaminck er tækniþjálfari hjá Club Brugge og er talinn sá besti í Belgíu.
Wim Langenbick styrktarþjálfari hjá Club Brugge.
Aðrir þjálfarar eru: Jef Vanthournout,þjálfari U-17 ára liðs Club Brugge, Björn De Neve og Bart Plasschhaert. Allir vel menntaðir þjálfarar með UFEA-A.
Sjúkraþjálfari skólans er Nik Peeters. 
Skólastjóri KB skólans er Kristján Bernburg. Kristján er búsettur í Lokeren og sér um að allt gangi smurt fyrir sig.

 

Æfingaaðstaða og uppbygging æfinga

Æft er tvisvar á dag. Mikil áhersla lögð á að innleiða tækni, aga og einbeitingu hjá drengjunum. Allir þjálfararnir hafa mikla reynslu sem atvinnumenn og bera vinnubrögð þeirra þess merki. Æfingarnar eru mjög markvissar en um leið eiga þjálfararnir mjög auðvelt með að ná til ungra knattspyrnumanna með skemmtilegum aðferðum og viðheldur léttleika í hópnum.

Afþreying

Ýmislegt er gert sér til dundurs á milli æfinga. Auk þess er boðið upp á fræðslu á kvöldin um ýmislegt sem hjálpar ungum knattspyrnumönnum að bæta sig. Verðlaun verða veitt fyrir besta herbergið, framfarir og til leikmanna sem hafa skarað fram úr á meðan skólinn stendur yfir.

Sjá nánari ferðalýsingu
  • Pakkaferðir
    +
    -
    +
    -
    +
    -

    Verð frá

    242.500 kr    *

  • Flug

Knattspyrnuskóli KB

Mæli eindregið með KB skólanum , þar er unnið af miklum metnaði og fagmennsku.
Strákarnir mínir voru báðir svo ánægðir að þeir vildu hiklaust fara aftur.

Svava Mathiesen, okt 2014

 

Ég kynntist Kristjáni stofnanda og eigenda K.B skólans þegar ég var 17 ára þegar ég fór út til Lokeren þar sem ég fékk að æfa og spila í viku tíma. Mikill öðlingsmaður hann Kristján og hugsaði hann einkar vel um mig þegar ég var þar. Þess vegna fannst mér ekkert mál þegar sonur minn vildi fara í knattspyrnuskólann hjá honum. Ég vissi það af góðri reynslu að hann væri í frábærum höndum.

Útkoman hjá guttanum var svo fyrirsjáanleg. Hann vill helst vera í K.B skólanum í hverjum mánuði. „Þjálfararnir frábærir, æfingarnar skemmtilegar, maturinn góður, aðstaðan til fyrirmyndar“.
Þannig að knattspyrnuskóli K.B fær 5 stjörnur frá guttanum. Ef einhverjir eru að hugsa um að senda barnið sitt í K.B skólann með VITA þá þurfið þið ekki að hugsa ykkur lengur um. Barnið þitt er í góðum höndum alveg frá því það leggur af stað og þangað til það kemur til það kemur til baka.

Þórhallur Dan Jóhannsson, okt 2014

- Svava Mathiesen, okt 2014 - Þórhallur Dan Jóhannsson, okt 2014

  • Veðrið

  • Flugtími

    Kef íkon mynd af flugvél BRU

    3 klst

    Morgunflug

  • Gjaldmiðill

    Evra

    Gengi

Sjá Kortasýn Sjá gististaði