Innifalið

ÖLL VERÐ KOMA FRAM Í BÓKUNARVÉL.

• Beint flug með Icelandair
• Ein innrituð taska (23 kg) og eitt golfsett (15 kg)
• Akstur milli flugvallar og hótels og milli golfvallanna La Finca, Las Ramblas og Vilamartin
• Gisting 
• Morgun- og kvöldmatur af matseðli dagsins, hægt að velja um 3 forrétti, 3 aðalrétti og 3 eftirrétti ásamt drykkjum; vatn, bjór, vín hússins og gosdrykkjum
• Ein máltíð á Frijolino 
• *Ótakmarkað golf á La Finca alla daga MEÐ GOLFBÍL, (háð brottfarar- og komutíma)
• Fararstjórn (m.v. lágmark 20 manns)

Hver hópur spilar 1 Hring á Las Ramblas og 1 hring á Vilamartin á viku með GOLFBÍL 

*Ótakmarkað golf: Gestir okkar geta spila ótakmarkað golf sér að kostnaðarlausu á La Finca vellinum alla spiladagana en eingöngu EF rástímar eru lausir. Viðbótar golf við 18 holur á dag er ekki hægt að panta fyrirfram og er háð umferð á vellinum.

Öll verð eru birt með fyrirvara um breytingu og eru háð lágmarksfjölda 20 manns.

Flugupplýsingar

Allir flugtímar koma fram í bókunarvél og eru staðartímar. Birtir með fyrirvara um breytingu. 

Farangur og golfsett : Hver farþegi má hafa 23 kg af farangri og að auki golfsett upp að hámarki 15 kg án þess að borga yfirvigt. Allt umfram þessa leyfilegu þyngd þarf að borga fullt kílóagjald. 

Veitingar um borð: Veitingar og drykkir um borð eru seldir gegn vægu gjaldi. 

ATH! Það verða mörg golfsett í þessum vélum og til að koma í veg fyrir millilendingar á út-eða heimleið eru það vinsamleg tilmæli að pakkað sé af skynsemi.

Hagnýtar upplýsingar

ATH: Lágmarksfjöldi í ferð er 20 manns. Öll verð sem birt eru á þessari síðu eru til upplýsinga um verð á þjónustu erlendis og geta breyst án fyrirvara.

Staðsetning: La Finca er í Andalúsíu héraði í u.þ.b. 40 mín. akstursfjarlægð frá flugvellinum í Alicante.

FYRIR BROTTFÖR:

Heilsa: Næsta apótek er í Alicante. Ef kalla þarf út lækni verður viðkomandi að greiða honum beint. Vinsamlegast hafið samband við fararstjóra ef þörf er fyrir aðstoð á heilsugæslu.

Golfvörur: Golfvörur á Íslandi geta verið ódýrari og oft er meira úrval hér heima en í "pro-shop" verslunum erlendis. Samt sem áður er hægt að kaupa mjög falleg golfföt, sem sum eru nokkurskonar "minjagripir"- merkt viðkomandi golfstað.

Handfarangur: Flugmálastjórn hefur gefið út bækling með reglum um handfarangur.
Nýjustu útgáfu má nálgast hér.

Hraðbankar: Það eru hraðbankar í . Ekki gleyma Pin-númerinu/leyninúmerinu heima! Hægt er að skipta ferðatékkum í hótelmóttöku

Internet tenging: "WI-FI" (þráðlaus tenging), er herbergjum og víða á hótelinu eins og á barnum, setustofu og veitingastað.

Klæðnaður: Eins og gengur og gerist með velli í háum gæðaflokki þá eru reglur um klæðaburð almennt mjög strangar. Bannað er t.d. að leika í gallabuxum og íþróttabuxum (trimmbuxum,) svo og í kragalausum bolum og stuttbuxum með teygju í mittið. Hlýrar á kvenmannsbolum verða að vera a.m.k. 5 cm breiðir og fleira. Ætlast er til að kylfingar séu í viðeigandi klæðnaði. það er golfbuxum síðum eða í stuttbuxum (Bermúdasídd) í skyrtu með kraga og golfskóm. Gott er að hafa þunna peysu með á völlinn. Góð regla er að hafa ávallt regnhlíf og regnföt með í golfferðina og í golfpokanum.

Sólarvörn og flugur: Við mælum með, þegar fólk fer erlendis að spila golf, að sólarvörn og vörn gegn moskítóflugum sé með í golfsettinu. (Fæst í flestum apótekum hér heima).

Evrópska sjúkratryggingakortið: Við mælum með að menn sæki um það hjá Tryggingastofnun ríkisins og hafi meðferðis. Evrópska sjúkratryggingakortið er notað ef korthafi veikist eða slasast í öðru EES-ríki. Ríkisborgarar Íslands og annarra EES-ríkja sem eru búsettir og sjúkratryggðir hér á landi eiga rétt á að fá evrópskt sjúkratryggingakort. Evrópska sjúkratryggingakortið gildir í öllum ríkjum EES og Sviss.

EFTIR AÐ ÚT ER KOMIÐ:

Ástand golfvalla: ATH. Golfdeild VITA tekur ekki ábyrgð á ástandi golfvalla vegna framkvæmda, veðurfars eða annarra óviðráðanlegra aðstæðna.

Farsímar: Bannað er á golfvöllum erlendis, eins og hér heima, að hafa farsímann opinn meðan menn eru á golfvellinum.

Golfkerrur og Golfbílar: Golfbílar eru innifaldir á öllum völlunum.

Golfvöllur: La Finca er í 3ja mín. göngufjarlægð frá hótelinu. Staðsettur í fallegu landslagi og þaðan er falleg útsýn yfir nágrennið.  Brautirnar eru breiðar og góðar en ekki má gleyma glompum og vötnum sem prýða völlinn og eru áskorun fyrir hvaða kylfing sem er. Fremur stórar flatir. 

Villamartin:                                                                                                                                                                      
Gamall og gróinn skógarvöllur frá 1972 og þar hafa mörg stórstirni leikið golf, svo sem Seve, Jose Maria Olazabal, Ian Woosnan og fl.  Völlurinn hefur mikið landslag og margar krefjandi torfærur. Spilaður er einn hringur á Villamartin í vikuferð.

Las Ramblas:                                                                                                                                                                 
Völlurinn liggur í fallegu hæðóttu landslagi, alsettu barrtrjám og náttúrulegum vatnatorfærum. Umhverfið heillar margan kylfinginn þar eð hann býður upp á margar krefjandi torfærur og þar þarf stundum að vega og meta hvort skuli nota driver eður ei.  Flatirnar eru stórar, hraðar og margbrotnar. Spilaður er einn hringur á Villamartin í vikuferð.

Ótakmarkað golf: Gestir okkar geta spila ótakmarkað golf sér að kostnaðarlausu alla spiladagana ef rástímar eru lausir. Viðbótar golf við 18 holur á dag er ekki hægt að panta fyrirfram og er háð umferð á vellinum.

Spilahraði: Æskilegt er að leikið sé eftir punktafyrirkomulagi, Stabelford. Boltinn skal tekinn upp eftir að slegin hafa verið 3 til 4 högg yfir par. Það hefur enginn gaman að "slow play" í golfi og því minnum við á að halda þarf vel í við ráshópinn á undan. Vallarvörður sér líka um að slíkt sé gert á ferðum sínum um völlinn. Við bendum fólki á að hafa golfbíla/kerrur í beinni röð á næsta teig og vera ávallt tilbúið að slá þegar brautin eða flötin er auð.

Rástímar: Bókaðar eru 18 holur um kl. 09.00 flesta daga, einstaka daga má þó reikna með að byrjað sé aðeins fyrr. Fararstjóri sér um að raða í ráshópa. Tilkynningar um rástíma og ráshópa verða settar á upplýsingatöflu hótelsins á hverju kvöldi.

Forsvarsmenn golfvalla erlendis áskila sér rétt til að breyta rástímum fyrirvaralaust og ber VITAgolf enga ábyrgð á því ef það gerist.

Rásröð: Það er nauðsynlegt að láta fararstjóra vita um óskir varðandi meðspilara. Annars verður niðurröðun í hópa í öruggum höndum fararstjóra sem gerir sitt besta svo allir fái meðspilara við hæfi. Ráðgert er að halda golfmót í hverri ferð. (nánari upplýsingar úti).

Æfingasvæði: Gott æfingasvæði er við hótelið. Þar er hægt að æfa öll högg - löng, stutt, vipp, glompuhögg og pútt.

Samgöngur: Hægt er að panta leigubíl í hótelmóttökunni og einnig bílaleigubíla. Ef menn ætla í leigubíl til Garrucha eða Vera verður að panta það með góðum fyrirvara.

Út að borða: Kvöldverðarhlaðborð er á hótelinu öll kvöld og er innifalið í verði. Til tilbreytingar veita fararstjórar gjarnan upplýsingar um ýmsa veitingastaði.

Þjórfé: Ekki er skylda að gefa þjórfé. Ef menn fara á góðan veitingastað og eru ánægðir með mat og þjónustu er þumalputtareglan 5 til 10% af upphæð reiknings. Venjan er að skilja smáaur í gluggann hjá rútubílstjórunum okkar eftir ferð og gott er að gefa stúlkunum, sem þrífa herbergin, 5 til 10 evr. á viku til að fá betri þjónustu.