Lissabon frá Akureyri

Heillandi borg og frábært mannlíf

  • Pakkaferðir
    +
    -
    +
    -
    +
    -

    Verð frá

    107.600 kr    og 12.500 Vildarpunktar** Á mann m.v. 2 í herbergi á Lutecia Smart með morgunverði.

  • Flug

Myndagallerí

 

Hvíta Perlan í Suðri

27. - 30.október

Fararstjórar: Katrín Perla Gunnarsdóttir og Helgi Sigurðsson

Dýrðlegar gamlar götur, víðfræg menningarsöfn, frábær hönnunarsöfn og verslanir, mannlífsblanda, götuveitingahús og lifandi næturlíf. 

„Fyrrum höfuðborg höfuðborganna“.
„Skyndikynni við söguna“.
„Gleymda borgin“.

Allt eru þetta nöfn sem aðdáendur borgarinnar gefa.

Gamli borgarhlutinn. 

Sagt er að besta leiðin til að kynnast borginni sé að villast í gamla borgarhlutanum. Dásamlegt er að rölta um hin þröngu steinlögðu stræti, detta inn á Art Noveau kaffihúsin við Rossio og Praca do Commercio eða önnur þjóðsöguleg kaffihús og horfa í kring um sig á mannlífið. Skoða forna listmuni og nútímalist á söfnum á borð við Gulbenkian safnið, Nútímalistasafnið, Berardo hönnunarsafnið og öðrum víðfrægum söfnum. Hér úir og grúir af menningu, vilji maður það við hafa. Hér eru líka allskonar verslanir út um allt, verslunarmiðstöðvar og ótrúlegir flóarmarkaðir og sérbúðir í bland við hátískuna.

Miðborgin

Áhugavert getur verið að fá sér far með gömlu járnbrautinni gegnum miðborgina og uppgötva að sérhvert hús og sérhver gata á sér sína sögu. Skemmtana- og næturlíf Lissabon er kafli útaf fyrir sig. Sérviskuleg sælkeraveitingahús og skyndibitastaðir eru hér jafnrétthá og úrval þjóðlegra og alþjóðlegra rétta er gífurlegt. Lissabon er spennandi kostur fyrir matgæðinga og almennt er talið að gæði veitingahúsa séu hér mjög mikil.

Hvíta Perlan í suðri

Að nálgast Lissabon af hafi, eða sunnan yfir "25. apríl brúna" og upplifa hvernig borgin breiðir út faðminn móti komumanni, er mynd sem enginn getur gleymt sem upplifað hefur. Þá skilur maður gælunafnið sem hún fékk á öldinni sem leið - Hvíta perlan í suðri.
Íslenskir salt- og saltfisk- kaupmenn, sem þangað sóttu voru líka metnir sem þjóðhöfðingjar - mennirnir frá eyjunni norðlægu, þaðan sem besti saltfiskurinn kom - saltfiskurinn sem skyldi verða Jólamáltíðin. Gilti þá einu hvað einvaldurinn og harðstjórinn Antonio de Oliveira Salazar lagði á þjóð sína af klöfum og harðræði "bacalao Islandia" skyldi verða á borðum ríkra og fátækra á Jólum.

Sagan

Borgin á sér mikla og stórfenglega sögu og er afar skemmtileg að heimsækja. Hún er höfuðborg hins forna landkönnunar- og nýlenduveldis Portúgala. Sagan lifir hér í menningunni, söfnunum, gömlum götum og byggingum. Hinni gömlu byggingarhefð er hér vel við haldið í gömlum og mörgum tilfellum endurgerðum mannvirkjum, kirkjum, kastölum, brúm og götum. Samt er Lissabon spennandi nútímaborg.

Þetta er Lissabon, gamaldags borg og nútímaleg um leið.

Vekjum athygli á gistináttaskatti sem borgaryfirvöld í Lissabon innheimta af ferðamönnum. Þetta eru € 1 á mann á nótt og greiðist beint til hótels við brottför. Einnig þarf að borga € 1 á mann við komuna til landsins. Verð er birt með fyrirvara um breytingar. 

Sjá nánari ferðalýsingu
  • Pakkaferðir
    +
    -
    +
    -
    +
    -

    Verð frá

    107.600 kr    og 12.500 Vildarpunktar** Á mann m.v. 2 í herbergi á Lutecia Smart með morgunverði.

  • Flug
  • Veðrið

  • Flugtími

    Kef -> LIS

    4 klst

    Hádegisflug

  • Gjaldmiðill

    Evra

    Gengi

Gististaðir

Kort

Sjá alla gististaði
Sjá Kortasýn Sjá gististaði