Ferðirnar með VITA Sport á Anfield í vetur.

Í ár bjóðum við eingöngu upp á miða í Code Lounge í ferðunum okkar á Anfield.

Code Lounge er í nýju stúkunni, Main Stand sem var opnuð haustið 2016 eftir miklar endurbætur.   Okkar miðar eru í Hólfum L11 og L12 og er yfirsýnin yfir völlinn úr þessum sætum verulega góð.    Code Lounge er svo salur með veitingaaðstöðu inn í stúkubyggingunni.   Í Code Lounge er bæði seldur matur og drykkir fyrir leik og eftir leik.  Í hálfleik er boðið upp á drykki án endurgjalds.    Fyrir hvern leik kemur fyrrverandi leikmaður Liverpool og heldur stutta tölu.   Code Lounge opnar 2 klst fyrir leik og er opið í eina klukkustund eftir að leik lýkur.  Á myndinni hér að ofan má sjá útsýnið yfir völlinn úr sætunum sem boðið er upp á í okkar ferðum.

Í allar ferðir er flogið með áætlunarflugi Icelandair til Manchester.
Flugið út á föstudögum er morgunflug og heimflugið á mánudögum í hádeginu.
Ekki er hægt að greiða fyrir ferðinar með vildarpunktum Icelandair, en farþegar í vildarklúbbnum fá vildarpunkta fyrir flugið í ferðunum.

Gist er á Jurys Inn, ágætu 3 stjörnu hóteli við höfnina í miðborg Liverpool.

Í flestum ferðum okkar á Anfield er íslensk fararstjórn og rútuferðir til og frá flugvelli.
Eins er boðið upp á skoðunarferð um Anfield í öllum ferðum þar sem við erum með fararstjórn.

Frekari upplýsingar veitum við í gegnum netfangið tonsport@vita.is eða í gegnum síma 570-4472.

ATH að verðin sem sjá má hér á netinu eiga við ef bókað er í bókunarvélinni okkar hér á síðunni, en ef bókað er í gegnum síma eða tölvupóst bætast 2.500 kr. bókunargjald á hvern farþega.