fbpx Mallorca - dásamleg eyja með fallegar strendur.

Mallorca

Dásamlegar strendur

Ferðir
Flug
Báðar leiðir
Aðra leið

Myndagallerí

Afsláttarkóðinn SUMAR22 veitir 20.000 kr bókunarafslátt á mann. Gildir til 10. janúar!

Eyjan fagra í Miðjarðarhafinu

Mallorca hefur lengi vel verið einn vinsælasti áfangastaður Íslendinga í Miðjarðarhafinu.  Playa de Palma, Palma Nova, Santa Ponsa, Alcudia og Can Picafort eru heillandi staðir þar sem allir finna eitthvað við sitt hæfi.  Hitastigið er þægilegt, oftast á milli 25-30 stiga hiti og létt golan sem blæs frá hafi sér til þess að hitastigið er alltaf bærilegt. 
Mallorca er stærsta eyjan i Balearic eyjaklasanum, um 80 km frá austurströnd Spánar í Miðjarðarhafinu. Eyjan er rómuð fyrir mikla náttúrufegurð, fjölbreytilegt landslag og síðast en ekki síst breiðar og fallegar strendur sem gera eyjuna að paradís sóldýrkenda. Síðustu ár hafa sífellt fleiri ferðamenn farið í göngu- og hjólaferðir, enda landslagið og náttúran óviðjafnanleg.  Af þeim fjölmörgu ferðamönnum sem reglulega heimsækja eyjuna er spænska konungsfjölskyldan líklega þekktust en hún hefur komið sér upp dvalarstað rétt fyrir utan höfuðstað eyjunnar Palma.   

Fjölbreytt afþreying er um alla eyjuna og má þar helst nefna:

Vatnasport
Vatnagarða
Hjólreiðar

Flotta golfvelli

Fjallsvæðið

Sera de Tramuntana, sem liggur á norðvestur hluta eyjunnar, er vinsælt meðal göngugarpa. Þar eru mörg lítil og heillandi þorp á borð við Valldemossa með klaustrinu fræga, steinlögðum götum og dvalarstað heimsfræga tónskáldsins Chopin. Um miðbik eyjunnar er akurlendi víða áberandi með ólívu- og möndlutrjám.  

Íbúar

Á Mallorca eru um 900 þúsund og býr um helmingur þeirra í Palma. Palma er ekta spænsk stórborg með öllu sem því tilheyrir. Helsta kennileiti borgarinnar er gotneska dómkirkjan sem reist var á miðöldum og stendur nálægt strandlengjunni.

Gamli bærinn

Í skjóli dómkirkjunnar liggur gamli bærinn með sínum þröngu götum og litlu torgum. Gaman er að rölta um þetta svæði og virða fyrir sér þessa skemmtilegu götumynd og þann fjölbreytta arkitektúr sem endurspeglar hina langa sögu eyjunnar.

Palma

Palma er heillandi borg með breiðstræti, þröngar göngugötur, litlar og snotrar verslanir og verslunarmiðsöðina PORTO PI. Ýmis þekkt söfn eru í og við Palma, t.d. Museu de Mallorca þar sem gefur að líta mörg sagnfræðilega mikilvæg verk er lúta að Mallorca. Annað safn sem vert er að heimsækja er safn verka tileinkað katalónska listamanninum Joan Miró, og heitir: Fundacio Pilar i Joan Miró a Mallorca.

Verslun

Fyrir þá sem vilja versla er mikið um búðir í Palma sem bjóða upp á allt það nýjasta í tísku og hönnun. Verslunarhús/magasín á borð við El Corte Inglés er ein af þeim mörgu verslunum sem Íslendingar hafa sérstakt dálæti á.

Matarmenning

Flóran af veitingastöðum, kaffihúsum og börum er mikil og dásamlegt að rápa um miðborgina og stinga sér inná ekta tapas bar og njóta. Matarmenning og hefðir eru sterkar á Mallorca og mikið er til af góðu hráefni.  Mikill metnaður er lagður í að matreiða frábæra rétti úr hinu besta fáanlega hráefni sem eyjan hefur upp á að bjóða. Á síðustu árum hefur veitingahúsum fjölgað hratt með auknum kröfum ferðamanna ekki síst í minni þorpum og bæjum fyrir utan höfuðstaðinn. 

Saga hvítvínsins á Mallorca er skemmtileg, vínið mjög gott og einnig olían sem þeir framleiða. Hægt er að panta sér skoðunarferð með vínsmökkun. 

Ferðamannaskattur

Farþegar á hótelum á Mallorca eru rukkaðir um ferðamannaskatt.
Verðið er eftirfarandi:  

1 - 3* hótel: 2 EUR á mann á nótt.
3* og lykla superior hótel 4* hótel: 3 EUR á mann á nótt.
4* og lykla superior hótel​ og íbúðahótel. 5* hótel: 4 EUR á mann á nótt.

Sjá nánar upplýsingar
Ferðir
Flug
Báðar leiðir
Aðra leið
  • Hagnýtar upplýsingar

  • Afþreying

  • Verslun og þjónusta

  • Flogið með Icelandair

Gististaðir

Kort

Sjá alla gististaði
  • Veðrið

  • Flugtími

    Kef PMI

    4,5

    Morgunflug

  • Gjaldmiðill

    Evra

    Gengi

  • Bjórverð

    Meðalverð 3 EUR

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun