fbpx Perlur Japans | Vita

Perlur Japans

Undur og upplifun

Ferðir
Flug
Báðar leiðir
Aðra leið

Myndagallerí

Undur Japans með Celebrity Millennium

24.september til 11.október
Fararstjóri Héðinn Svarfdal Björnsson

Tokyo, Mt. Fuji, Kobe, Kochi, Hiroshima og Beppu, Japan -  Busan, Suður Kóreu - Hakodate, Aomori, Yokohama og Tokyo, Japan.

Stutt ferðalýsing:
Flogið verður frá Keflavík til Tokyo  24. september með millilendingu í Kaupmannahöfn. Áætluð lending á Haneda flugvelli í Tokyo rétt fyrir kl. 08:00 að morgun 25.september.
Hótelið er bókað frá kvöldinu áður þannig að herbergi eru tilbúin við komu.
Gist er í Tokyo og farið í ferðir áður en haldið er til skips og siglt af stað síðdegis 27.september. Fyrsti áfangastaðurinn er Shimizu, en þar gefur að líta hæsta og frægasta fjall Japans, hina rómuðu ginnhelgu og snætypptu eldkeilu Fuji. Áfram er siglt til Kobe sem er á sunnanveðri Honshu-ey sem er  fimmta stærsta borg Japans og myndar þétta stórborgarbyggð með grannborgunum Kuoto og Osaka. Í Kobe er stoppað yfir nótt. Nú taka við áfangastaðirnir Kochi, Hiroshima og Beppu og eftir það tveir dagar á siglingu.
Næst er Busan í Suður Kóreu þar sem stoppað verður einn dag og við fáum síðan annan siglingadag áður en komið er við á Hakodate og Aomori í Japan. Einn dagur á siglingu áður en komið  er til Tokyo þann 10.október. Gist er um borð í Millennium í eina nótt og flogið í morgunflugi með SAS til Kaupmannahafnar og samdægurs áfram með Icelandair til Keflavíkur.

Flugtafla

Dagur

Flugnúmer Brottför Kl. Áfangastaður Kl.
24.september FI 204 Keflavík 07:45 Kaupmannahöfn 13:00
24.september SK 983 Kaupmannahöfn 14:05 Tokyo 07:55+
11.október SK 984 Tokyo 11:50 Kaupmannahöfn 16:10
11.október FI 213 Kaupmannahöfn 21:05 Keflavík 22:25

Siglingatafla

Dagur Áfangastaður Koma Brottför
27.september Tokyo (Yokohama), Japan   17:00
28.september Mt. Fuji (Shimizu), Japan 07:00 15:00
29.september Kobe, Japan 12:00  
30.september Kobe, Japan   18:00
 1.október Kochi, Japan 07:00 17:00
 2.október Hiroshima, Japan 09:00 18:00
 3.október Beppu, Japan 08:00 17:00
 4.október Á siglingu    
 5.október Busan, Suður Kóreu 07:00 17:00
 6.október Á siglingu    
 7.október Hakodate, Japan 09:00 20:00
 8.október Aomori, Japan 07:00 18:00
 9.október Á siglingu    
10.október Tokyo (Yokohama), Japan 08:30  
11.október Tokyo (Yokohama), Japan    

celebrity_millennium_revolution.jpg

Celebrity Millennium
er í svokölluðum „Millennium" flokki hjá Celebrity Cruises, sem eru skipin sem eru um 90 þúsund lestir. Innréttingar skipsins einkennast af marmara, klassískum viðarinnréttingum og gleri. Allur aðbúnaður og vistarverur bera vott um gæði og glæsileika.
Skipið fór í sína jómfrúarferð árið 2000 og allt tekið í gegn árið 2016, aftur í mars 2019 og er núna all uppgert. Millennium er 91.000 lestir tæplega 300 metrar á lengd og með rými fyrir liðlega 2.000 farþega. Aquaspa er heilsulind með nuddpottum, gufu, sauna, persneskum garði og sólarium með glerþaki. Ótal sérfræðingar bjóða ýmsar dekur- og heilsubætandi meðferðir gegn gjaldi.

Klefarnir eru ýmist með tvíbreiðu rúmi eða tveimur rúmum, setkrók með sófa og skrifborði, minibar, öryggishólfi og sjónvarpi. Hægt er að bóka skoðunarferðir á vegum skipsins, horfa á kvikmyndir og panta herbergisþjónustu í klefann í gegnum sjónvarpið. Baðherbergi er með sturtu, snyrtivörum, baðsloppum og hárþurrku. Sængurfötin eru ofin úr egypskri bómull og herbergisþjónusta er opin allan sólarhringinn.

Dagskrá og ferðatilhögun.

Fimmtudagur 24.september  -   Lagt af stað
Brottför með flugi FI 204 kl. 07:45 og lent í Kaupmannahöfn kl.13:00. Flogið áfram með SK 983 klukkutíma seinna og lent í Tokyo kl. 07:55 næsta morgun.


tokyo_1.jpg

Föstudagur 25.september  -   komið til Tokyo
Akstur frá flugvelli tekur um eina og hálfa klst. og við reiknum með að koma á hótel Keio Plaza um kl.10:30 þar sem við hvílum okkar fram að hádegi.
Keio Plaza er í Shinjuku hverfinu sem er í raun eitt af “Hjörtum borgarinar” eða það svæði sem flestir hugsa þegar er verið að talað um Tókýó-borg með öll neon ljósin í Kabukicho hverfinu og er líka þar sem Shinjuku lestarstöðinn, einn fjölfarnasta lestarstöð heim er og hún er í göngufæri frá Keio Plaza, þaðan er hægt að heimsækja t.d frægu gatnamótin Shibuya Crossing sem um 2000 manns fara yfir hverju sinni og Hachiko styttunni sem er við hliðinna á gatnamótunum.  Shinjuku er yfirleitt fullt af fólki, mat og verslunum og verslunarmiðstöðvum þ.m.t. raftækjaversluninar Yodobashi Camera og Bic Camera og margar fleiri mismunandi verslanir sem eru í göngufæri frá Keio Plaza hótelinu.

Hópurinn sóttur kl. 13:00 farið í skoðunarferð þar á meðal í Asakusa hverfið og snæddur hádegisverður. Eftir það er heimsækum við hið forna Sensoji Búdda hof sem er eitt elsta hof Tókýó svæðisins og förum á Nakamise-dori götuna sem er uppfull af allskonar skemmtilegum verslunum og minjagripum. Áfram er haldið að Sumida-ánni til að sjá SKYTREE í fjarska, en það er 634 metra hár turn sem trónir yfir Tókýó borg og síðan haldið aftur á hótelið í Shinjuku, en þar bíður okkar góður nætursvefn.
Innifalið: Hádegisverður


japan_1.jpg

Laugardagur 26.september  -   Skoðunarferð í Tokyo.
Eftir morgunverð er lagt af stað að rótum Fuji-fjalls og ef veður leyfir er keyrt að Fuji 5th station sem er í 2300 hæð eða rúmlega hálfa leið upp fjallið og er eins langt og maður kemst upp án þess að klifra fjallið og þar getur maður séð á góðum degi undurfallegt útsýni yfir fjallgarða og landslag Honshu-eyjar sem er stærsta eyja Japans og gott er að vera með góðan jakka eða peysu þar sem hitastigs munurinn getur verið allt að 15 gráður. Þaðan er haldið að Ashi-vatni og farið um borð í endurgerð af evrópsku átjándu aldar skipi og siglt um vatnið. Þaðan er hægt að sjá Tori-hlið meðfram vatninu og stundum Fuji-fjall í fjarska. Að lokum er haldið til Hakone Togendai og tekin kláfur til Owakudani sem er staður sem minnir á Ísland með hveri og stórbrotið útsýni. Ekið heim á hótel og kvöldverður snæddur á japönskum veitingastað í göngufærði við hótelið.
Kvöldverður og gisting
Innifalið: Morgun-, hádegis- og kvöldverður.


celebrity_millennium_cosmopolitan.jpg

Sunnudagur 27.september  -   Ekið til hafnar og siglt af stað
Eftir morgunverð er farið frá hótelinu og komið um hádegisbil til Osanbashi-bryggunar í Yokohama til að fara um borð í skemmitferðaskipið Celebrity Millennium.
Innritun fer fram við skipshlið og öll þjónusta til reiðu nema verslanir og spilavíti sem opna ekki fyrr en komið er á haf út. Um borð bíður okkar hádegisverður. 


japan_4.jpg

Mánudagur 28.september - Fuji-fjall  (Shimizu), Japan
Komið til hafnar snemma morgun í Shimizu. Á heiðskírum dögum, einkum að vetrarlagi, sést Fuji-fjall (Fuji-san á japönsku) alla leið frá Tókýó, 100 kílómetra í burtu. Þegar hæsta fjall Japans skartar snjóhettu er það hin fullkomna póstkortsmynd af eldfjallskeilu. Þetta rómaða fjall er eitt frægasta tákn Japans, á því hefur hvílt helgi síðan í fornöld og konum var bannað að koma þangað allt fram á öndverða 20. öld


kobe_japan_1.jpg

Þriðjudagur 29.september og miðvikudagur 30.september - Kobe, Japan
Borgin Kobe er staðsett á Honshu eyju og er ein af líflegustu borgum í Japan. Borgin stendur á fallegri höfn en í baksýn er fjallgarður þaðan sem er stórbrotið útsýni yfir héraðið. Í þessari 1.5 milljón manna borg er margt að sjá og reyna. Þar má til dæmis nefna Hafnarturninn, 108 metra hátt stólagrindarmannvirki þaðan sem sést vítt til allra átta. Í Kobe er við hæfi að bragða hið rómaða nautakjöt sem kennt er við borgina og á engan sinn líka. Saki eða hrísgrjónabrennivín er þjóðardrykkur Japana og þeir sem vilja fræðast nánar um sakibruggun og hefðir geta gert það í Hakutsuru-sakísafninu. Dveljum í Kobe í eina nótt, einn og hálfan dag og boðið verður uppá ferðir til Kyoto og Osaka, sitt hvorn daginn.

Fimmtudagur 1.október - Kochi, Japan
Kochi er höfuðborg Kochi héraðsins á suðurströnd Shikoku. Borgin er lítil og notaleg en andrúmsloftið þar er frjálslegt með suðrænum blæ. Í Kochi er fjölmargt sem er áhugavert fyrir ferðamenn. Miðbærinn einkennist af vel varðveittum kastala sem stendur efst á hæð í miðbænum en kastalinn var reistur á miklu óeiningartímabili í sögu borgarinnar. Á öðrum fjallstoppi í grenndinni, Godaisan, heimsækja pílagrímar Chikurinji hofið sem er eitt af 88 hofum á Shikoku pílagrímsleiðinni. Borgin er einnig fræg fyrir að vera heimabær Sakamoto Ryoma, samúræjans sem gerði Meiji endurreisnina að veruleika. Sakamoto Ryoma Memorial safnið er staðsett á hinni fögru Katsurahama strönd, rétt suður af miðbænum.

Föstudagur 2.október - Hiroshima, Japan
Hiroshima er helsta borg Chugoku héraðsins en í borginni búa yfir milljón einstaklingar.
Þegar fyrstu atómsprengjunni var sleppt yfir Hiroshima, þann 6. ágúst 1945, öðlaðist borgin vafasama heimsfrægð á örskotsstundu. Eyðileggingarmáttur sprengjunnar var gríðarlegur og útrýmdi hún nær öllu í tveggja kílómetra radíus.  Eftir stríðið var mikil vinna lögð í að endurreisa borgina. Spár um það að borgin yrði óbyggileg reyndust ekki sannar. Sögulegar minjar Hiroshima sem höfðu glatast í sprengingunni, til dæmis kastali Hiroshima og Shukkeien Garden, voru byggðar aftur. Stór garður var skipulagður í miðju borgarinnar og fékk hann nafn sem átti að endurspegla væntingar til hinnar endurreistu borgar: Friðargarðurinn eða Peace Memorial Park.

Laugardagur 3.október - Beppu, Japan
Í Beppu eru 2,894 hverir sem gerir svæðið að næststærsta hverasvæði í heiminum á eftir Yellowstone þjóðgarðinum í Bandaríkjunum. Eftir að hafa fengið sér sundsprett í heitu vatni eða grafið sig í náttúrulega heitum sandi er spennandi að smakka á japönsku góðgæti, kaupa skemmtilega minjagripi og skoða fjöll og eldfjöll í kring. Ef þú ert ekkert fyrir það að dýfa þér ofan í leirugt vatn er áhugavert að fara í „Ferð til heljar“, eða Tour of Hell, þar sem skoðaðir eru níu stórfenglegir heitir hverir sem eru meira til að skoða heldur en að baða sig í. Meðal hveranna eru Umi-jigoku sem er fullur af kóbaltbláu heitu vatni og Chi-no-ike-jigoku sem er tjörn með heitu, rauðu vatni. 


celebrity_millennium2.jpg

Sunnudagur 4.október - Á siglingu
Algjör lúxus að fá heilan dag til að sigla um framandi höf og njóta matar, drykkja og afþreyingar um borð í Celebrity Millennium.

Mánudagur 5.október - Busan, Suður Kóreu
Gaman er að uppgötva líflega menningu á ferð um Busan. Yongdusan garðurinn þar sem eru yfir 70 mismunandi tegundir af trjám og hinn frægi Busan turn sem gnæfir í um 20 metra yfir garðinn. Úr trjám og blómum er upplagð að fara á Jagalchi fiskmarkaðinn sem er sá allra stærsti in Kóreu og þar getur að líta, þar sem hægt er að sjá veiði dagsins. Gukje markaðurinn er risastór markaður sem allir verða að skoða og má m.a. nefna matargötuna.

Mánudagur 6.október - Á siglingu
Njótið alls þess sem er í boði á þessu frábæra skipi. Látið dekra við ykkur hvort sem er við sundlaugina eða innandyra í heilsulindinni eða í því sem hugurinn girnist. Eitt er víst að það er nóg að borða og drekka.

Þriðjudagur 7.október - Hakodate, Japan
Hakodate er þriðja stærsta borgin í Hokkaido en hún er staðsett á suðurodda eyjarinnar. Hakodate er best þekkt fyrir stórfenglegt útsýnið frá Hakodate fjalli og bragðgóðar, ferskar sjávarafurðir. 
Borgin var ein af fyrstu japönsku hafnarborgunum sem opnaðar voru fyrir alþjóðlegan markað eftir að einangrunartímabili landsins lauk. Því hefur Hakodate orðið fyrir merkjanlegum áhrifum erlendis frá og helstu viðkomustaðir ferðamanna eru til dæmis vestrænt virki í borginni og hverfið sem áður var búsetusvæði erlendra íbúa.
Onuma garðurinn er einskonar þjóðgarður þar sem fallegt landslagið samanstendur af stöðuvötnum og eyjum. Svæðið er í um hálftímafjarlægð frá Hakodate og gaman er að koma við þar á leið sinni frá Hakodate til Sapporo.

Miðvikudagur 8.október - Aomori, Japan
Aomori Port höfuðborg samnefnds héraðs, er staðsett á Mutsu flóa á norðuroddi Honsh eyar. Hér um slóðir blandast náttúra og menning í eina heild. Shirakami fjöllin sem faðma stærsta ósnortna beykiskóg í heimi eru á heimsminjaskrá UNESCO. Minnisvarðar um forna tíma er víða að finna í Aomori Port. Einnig er hægt að sökkva sér í róandi andrúmsloft Sannai-Maruyama sem eru stærstu rústir í Japan en talið er að þær séu frá því um 4-5000 fyrir Krist. 

Fimmtudagur 9.október - Á siglingu
Síðasti séns að njóta skipsins áður en komið verður til hafnar í Yokohama, leggjast á sólbekk við sundlaugina, smakka síðustu kokteilana og njóta sýningar um kvöldið.


tokyo_4.jpg

Föstudagur 10.október - Komið til Yokohama
Eftir morgunverð er haldið til Kamakura sem er borg sunnan Tókýó þar sem má finna mörg og hefðbundin gömul hús sem sýna byggingarlist Japans til forna. Heimsækju Tsurugaoka Hachimangu musterið sem er einn af helgistöðum Shinto trúarinar sem er trú byggð á Japönskum gildum og innihaldur marga guði eða “Kami” ekki ólíkt Ásatrúinni okkar. Föruum líka á Komachi-Dori götuna en þar má finna hefðbundin japönsk sætindi og margt fleira. Frá Kamakura er ferðinni haldi aftur til Yokohama og Ramen núðlusafnið heimsótt bæði til að skoða og borða hádegismar. Eftir það er haldið aftur að Osanbashi og farið aftur um borð í Celebrity Millennium  þar sem gist er um nóttina. 

Laugardagur 11.október - Heimferð
Ekið á flugvöllinn, en brottför flugs SK 984 er kl. 11:50. Flogið til Kaupmannahafnar og áætluð lending kl. 16:10. Flogið heim með kvöldflugi Icelandair og komið til Keflavíkur kl. 22:25.

Sjá nánari ferðalýsingu
Ferðir
Flug
Báðar leiðir
Aðra leið
  • Hagnýtar upplýsingar

  • Verð og innifalið

Gististaðir

Kort

Sjá alla gististaði
  • Veðrið

  • Flugtími

    Kef TYO

    14 klst.

    Morgunflug

  • Gjaldmiðill

    jpy

    Japanskt yen

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun