Pílagrímaganga frá Lucca til Siena í maí

Einstaklega skemmtileg gönguferð á slóðum pílagríma

Ferðir
Flug
Báðar leiðir
Aðra leið

Myndagallerí

Pílagrímaganga frá Lucca til Siena 

12. - 20. maí 2019
Fararstjóri: Magnús Jónsson

Á 12. öld verður æ algengara að Íslendingar gangi suður til Rómar. Til er leiðarlýsing fyrir pílagríma frá 1153 eftir Nikulás Bergssonar ábóta á Munkaþverá. “Leiðarvísir og borgarskipulag” Margir þekktir Íslendingar gengu suður, m.a. Guðríður Þorbjarnardóttir, Hrafn Sveinbjarnarson og Sturla Sighvatsson sem var leiddur berfættur milli kirkna í Rómaborg og hýddur frammi fyrir flestum höfuðkirkjum. Via Francigena er 1700 km pílagrímaleið frá Englandi gegnum Frakklandi sem er um 89 áfangar, meðaltal um 20 km á dag. Í Sviss mætir þessi leið “Munkaþvérárleiðinni”leið Nikulásar sem við ætlum að fylgja. Undanfarið hefur áhugi á Via Francigena vaxið mjög og er hún nú vel merkt.  Okkar ganga hefst í Lucca, víðfrægum miðaldarbæ en þaðan liggur leiðin um ávalar hæðir Toscana til Siena, sem er líka einstakur miðaldarbær enda friðaður af Unesco. Frá Siena er haldið til baka til Pisa og flogið gegnum London heim. 
Gist bæði á hótelum í tveggja til þriggja manna herbergjum og í klaustrum og pílagrímagistingum í 4-8 manna svefnsölum. Bíll fylgir hópnum á göngunni svo hægt er að fara hluta dagleiðanna gangandi og fá síðan akstur á gististað                                                           

Dagur 1.  Reykjavík – London- Pisa – Lucca.
Lent í Pisa og farið með lest til Lucca og gist á hóteli í nágrenninu. Þar hittir hópurinn Matteo, ítalska leiðsögumanninn sem fer yfir áætlun ferðarinnar.  Lucca er einstaklega fallegur bær, umlukinn vel varðveittum borgarmúrum, aðaltorgið var áður rómverskur leikvangur. Nikulás ábóti kallar borgina “Lukku, þar sé biskupsstóll að Maríukirkju og róða sem Nikódemus lét gera eftir guði sjálfum”. Kvöldverður og gist á gistiheimili í Lucca.  

Dagur 2.  Altopascio - Ponte a Cappiano   
Eftir stutta gönguferð um Lucca er farið með lest til Altopascio og gengið þaðan til Ponte a Cappiano. Altopascio var snemma mikilvægur áfangastaður pílagríma og gistiheimilisins “Spedale” er getið svo snemma sem 1084, það varð síðan grunnur að reglu heilags Jakobs af Atropacio. Leiðin liggur um bæina Capannori og Porcari en í þeim eru fallegar litlar kirkjur. Í Ponte a Cappiano er  merkileg kirkja og kirkjuturn. Gist í 4-8 manna herbergjum í sögulegum pílagrímagististað. Fyrsti áfangi er að mestu á sléttlendi, stutt og þægileg ganga. Hækkun er um 110 metrar, gengið 12,5 km.                                                                       
Dagur 3. Ponte a Cappiano – San Miniato.
Gengið um hæðir og hóla, landbúnaðarland, skóga og frjósamt mýrlendi. Stoppað verður í hinni fallegu borg Fucecchio sem státar af glæsilegri höll. Síðan er haldið yfir Arno ána og upp til bæjarins San Miniato sem hefur í gegnum aldirnar verið áfangastaður pílagríma á leiðinni til Rómar. Bærinn var á krossgötum Florence, Pisa, Lucca og Siena. Um aldir hefur stöðugur straumur fólks legið þar um, vinveittir og óvinveittir herir, kaupmenn, ferðamenn og pílagrímar. Í bænum eru margar sögulegar minjar og hann er þekktur fyrir hvítar truflur. Gist verður í fallegu klaustri í tveggja til þriggja manna herbergjum. Hækkun 163 metrar, gengið 15.8 km, um 5 tíma                                                                                                                                                     

Dagur 4. San Miniato (PI) – Gambassi Terme
Gengið eftir fallegum stígum um landslag sem er einkennandi fyrir Toscana, ávalar hæðir með sýprustrjám, vínökrum, ólívulundum og eikar- og kastaníuskógum. Leiðin liggur gegnum Chianni sem skartar einstaklega fallegri lítilli kirkju. Gisting og kvöldmatur á fallegu pílagrímagistiheimili í útjaðri bæjarins Trattoria Pinchiorba í 3-6 manna herbergjum með snyrtingu.Hækkun 406 m,gengið 23,7 km, um 6 tíma 

Dagur 5. Gambassi Terme – San Gimignano
Leið dagsins liggur upp og niður um hin frægu Cianti vínræktarhéruð. Löngu áður en komið er að hinni sérstæðu borg, San Gimignano, blasa háreistir turnar hennar við. Bærinn stendur á 334 m hæð og gnæfir yfir Elsadalnum. Nafnið er rakið til heilags Gimignano, biskups af Modena á 10. öld, sem bjargaði bænum frá barbörum. San Gimignano blómstraði á miðöldum sökum verslunar tengdri pílagrímaferðum og þar eru kirkjur og klaustur skreytt mikilfenglegum listaverkum. Byggingarlistin var undir áhrifum frá Pisa, Siena og Florence og turnanir eru frá 11. - 13. öld. Á borgarsafninu er einstök eftirlíking af miðaldraskipulagi bæjarins en hann er UNESCO friðaður. Síðdegis gefst tími til að skoða þennan einstaka miðaldabæ. Kvöldmatur og gisting á Locanda Il Pino. Hækkun 344m, gengið 13,4 km, um 4 klukkustundir. Gisting 2 manna herbergi 

Dagur 6. San Gimiato - Colle Val D'Elsa 
Þetta er skemmtileg ganga farið erum um ávalar grónar hæði  til Colle Val D'Elsa sem er fyrst getið á 9.öld. Á miðöldum  voru þar oft átök og í síðari heimstyrjöldinni varð bærinn fyrir miklum sprengingum.  Elsti hlutinn er coll de alta eða hæðin, þar er gamli miðbærinn vel varðveittur.  Inngangurinn í bæinn er um hið forna hlið Portanóva eða nýja hliðið og þaðan liggur þröngt stræti með fallegum 16. og 17. alda villum, ráðhúsið er í einni þeirra. Síðan taka við hellulögð stræti og hús aðalsmanna frá 14.- 15. öld. Gengið um 18 km. Gist í pílagrímagistingu í 6 manna herbergjum í fallegu klaustri.                                                                  

Dagur 7. Colle Vall D'Elsa-Abbadia Isola
Þægileg ganga um sveitahéruð, falleg leið og einstakt og útsýni. Gengið er frá Colle Val d’Elsa, til Castel Petraia og síðan á Montagnole hæðina sem er vaxin þéttum skógi. Áfram eftir fallegum stíg að bænum Monteriggioni sem er umlukinn myndarlegum borgarmúrum. Rétt fyrir utan múrana er gist í 4-6 manna herbergjum í fallegu gistiheimili í klaustri í Abbadia Isola. hækun 420 m. gengið 20 km 6-8 tímar        

Dagur 8. Abbadia Isola – Siena
Síðasta dagleiðin liggur um rómuð héruð Toscana. Hótelið okkar Piccolo Hotel Etruria er rétt við hið fræga torg Piazza del Campo Siena sem er UNESCO friðuð og einn mest heimsótti bær á Ítalíu. Þar telja men vera eitt fegursta torg í Evrópu og er það rómað fyrir fegurð og samræmi. Nikulás ábóti kallaði Siena Löngusýn, þar sagði hann að konur væru vænstar. Siena er einstakur miðaldarbær, frægur fyrir listir, söfn og matargerðarlist. „Palio", hinar árlegu kappreiðar á torginu Piazza del Campo eru víðfrægar. Borgin var stofnuð af Etrúskum og var einn helsti keppinautur Flórens um völd í héraðinu á miðöldum. Bankinn Banca Monte dei Paschi di Siena var stofnaður í borginni árið 1472 og er elsti banki heims sem enn er starfandi. Gist í tveggja manna herbergjum. Kvöldmatur á krá í nágreninu. Gengið 20 km, Hækkun 330 km. Hægt er að stytta gönguna í 7 kílómetra eða 14 km.       

Dagar 9. Siena -Pisa -Reykjavík 
Ekið til Písa og flogið þaðan til Keflavíkur gegnum London.

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél GON

    Morgunflug

  • Gjaldmiðill

    Evra

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun