fbpx Pílagrímaganga til Rómar, síðustu 125 kílómetrarnir | Vita

Pílagrímaganga til Rómar, síðustu 125 kílómetrarnir

Einstaklega skemmtileg gönguferð á slóðum pílagríma

Bókaðu þína ferð
Báðar leiðir
Aðra leið

Myndagallerí

Í fótspor pílagríma

17. - 27. október
Fararstjóri: Magnús Jónsson

Undanfarin ár hefur Magnús Jónsson sagnfræðingur haldið vinsæl námskeið um suðurgöngur Íslendinga á miðöldum. Í framhaldi af þeim hefur hann farið með  gönguhópa um hluta pílagrímaleiðarinnar til Rómar, frá Lucca til Siena og síðan áfram til  borgarinnar eilífu.  
Flogið er til Rómar og ekið til Montefiascone sem er nokkuð sunnan við Siena en þar endaði fyrri hluti þessarar göngu. Gengið er í fótspor pílagríma en einnig Rómverja þegar farin er hin forna via Appia leið eftir hellulögðum stígum. Leiðin liggur um einstaklega fallegt landslag, gamla sögufræga bæi eins og Viterbo og Sutri og framhjá fornum sprengigýgum og eldfjöllum. Gist í tveggja manna herbergjum allan tímann bæði á hótelum og í einfaldari gistiaðstöðu.Hádegisverður á eigin vegum alla dagana, farangur er alltaf fluttur milli staða og bíll fylgir hópnum svo ekki þarf alltaf að ganga alla dagleiðina.

Dagur 1. Reykjavík - Róm - Montefiascone. 17.október. 
Flogið til Rómar, þaðan er um tvegga tíma akstur til Montefiascone þar sem gist er fyrstu nóttina. Montefiascone sem stendur á hæð sunnan við Bolsenavatnið er um 100 kílómetrrum norðan við Róm  og innan vébanda Lassiohéraðsins í mið Ítalíu. Borgin sem stendur á mikilli hæð var ein af 12 höfuðborgum  Etruska og var kastalinn þar einn af dvalarstöðum Albornos Kardinála þegar páfastóllinn var í Avignon. Hann fór síðar í niðurníðslu vegna sjúkdómsfaraldurs 1657 og mikilla jarðskjálfta 1697 en hefur að einhverju leyti verið endurbyggður.
Gisting og kvöldmatur á hóteli Alta Villa.

Dagur 2. Montefiascone- Viterbo. 18. október.
Um morguninn gefst tími til að skoða sig um í  Montefiascone og fara upp í „pílagrímaturninn“.  Þaðan er gott útsýni yfir gönguleiðna til  Viterbo og síðan Rómar og yfir hið undurfallega Bolsenavatn. Við fáum tilfinningu fyrir svæðinu og sögu þess allt frá tímum Etruska til Rómverja  og fram á miðaldir. Leiðin liggur að hluta eftir hellulögðum vegi, Via Cassia sem var mikilvæg rómversk leið líklega frá 2.öld fyrir Krist. Á leiðinni er víða heillandi útsýni yfir Montefiascone og Viterbo. Þegar um  fimm kílómetrar eru til Viterbo er hægt að fara í heit böð  Terme del Bagnaccio. Þeirra er getið þegar á miðöldum. Viterbo er fyrrum páfasetur og þar er mikið af glæsilegum kirkjum og klaustrum frá þeim tíma. Gaman er að skoða fyrrum dvalarstað páfa Palazzo dei Papi og rölta um gamla bæjarhlutann “del Pellegrino”  Kvöldverður á tavernu í  gamla borgarhlutanum og þar verður ef til vill boðið upp á Acquacotta,  sem er hefðbundinn réttur frá l Tusciahéraðinu. Gisting og  matur
Gengið 18 km 5-6 tíma hækkun +150m  lækkun  -450m.  

Dagur 3. Viterbo - Vetralla. 19. október.
Enn er gengið í Tuscia héraðinu um ólívulundi, akra og engi, framhjá litlum sveitabæjum og fé á beit.  Þennan dag er farið yfir mörkin þar sem nákvæmlega 100 kílómetrar eru til Rómar, en það er lágmarksvegalengd til að fá  TESTIMONIUM eða viðurkenningu páfa. Þegar komið er til  Vetralla liggur leiðin um gamlar og þröngar götur bæjarins áður en bragað er á sérrétti svæðisins  brauði og einstakri ólívuolíu. Gisting og kvöldverður
Gengið 18 km 6 tíma hækkum  +260m; lækkun -280m . 

Dagur 4. Vetralla - Capranica. 20. október.
Þennan dag er gengið milli tveggja borga um einstaklega falleg sveitahéröð. Þegar komið er til Capranica er gaman að skoða sig um í bænum sem er við rætur fornra eldfjalla Cimini  og  Sabatini og allt landslagið ber eldvirkninni merki. Um 6 kílómetrum norðan við bæinn er gígvatnið Vico og fyrir sunnan hann er Braccianovatnið sem einnig er í gömlum gíg. Bærinn stendur á hæð með útsýni yfir Sutridalinn. Fegurð staðarinns heillar marga Rómverja sem ýmsir eiga þarna sumarhús.  Bærinn skiptist í 3 hluta og tveir þeirra elstu eru á móbergsklettum milli djúpra dala. Federico Fellini tók lítinn hluta myndarinnar  La dolce vita  fyrir neðan annað þeirra,  Castrovecchio við Porta del Ponte. Gisting og kvöldverður Hotel Capranica.
Gengið 18 km 5-6 tíma  hækkun +400m  lækkun -400m.

Dagur 5. Capranica-Sutri-Monterosi. 21. október.
Þennan dag fer drjúgur tími í að skoða sig um í hinum sögulega bæ Sutri og  virða fyrir sér freskurnar í  Santa Maria del Parto kirkjunni. Sérlega  athyglisverðar eru  fornar myndir af pílagrímum. Þá er einnig farið í skoðunarferð með leiðsögn um einstakan rómverskan leikvang sem er listilega grafinn inn í hæð. Að því loknu er genginn síðasti spölurinn til Monterosi en þar er mjög skemmtileg bændagisting  þar sem gott er að slaka á og njóta  sveitasælunnar í Tuscian.
Gisting og kvöldverður Agriturismo Scuderie della Contea -Monterosi
Gengnir 18 km lengd um 6 tímar upp 250m, niður -250m

Dagur 6. Monterosi-Campagnano. 22. október.
Ganga dagsins liggur um  Trejadalinn sem er við rætur  Montegelatofjallsins. Þarna eru tærar lindár sem hægt er að baða sig í  og fallegir fossar. Enn er gengið eftir hinni fornu Rómversku leið Via Cassia en hún liggur um bæinn Campanagnano De Roma sem er fyrst getið 1076.  Þegar nær dregur má sjá húsin rísa upp í landslaginu. Fyrir kvöldmatinn er gaman að skoða sig um í Campagnano.
Gisting og kvöldverður. Hotel Benigni – Campagnano (RM).
Gengið  6 tíma 12 km ; hækkun +150m lækkun -150m

Dagur 7. Campagnano-Isola Farnese. 23. október.
Frá Campagnano er haldið um skógivaxnar hæðir þjóðgarðsins  Vejo, niður í  Sorbodalinn og  gegnum Formello  sem er sérlega skemmtilegur miðaldabær. Að lokum er komið til  Isola Farnese sem stendur í skógivaxinni hæð, efst á henni trónir  Farnesekastalinn sem verður auðvitað heimsóttur eftir að hópurinn hefur komið sér fyrir á gististaðnum. Gisting og kvöldverður Hotel Tempio di Apollo.
Gengið 18 km  6 tíma  hækkun 550m lækkun -650m;

Dagur 8. Isola Farnese - Rome. 24. október. 
Eftir morgunverð erum við tilbúin fyrir síðustu og lengstu dagleiðina og enn er haldið eftir hinni hefðbundnu pílagrímaleið. Að nokkru er gengið gengið í borgarlandslagi en leiðin liggur um úthverfi borgarinnar og við njótum þess að ganga um garða og græn svæði hennar. Þegar komið er á Monte Mario  blasa Péturskirkjan og Péturstorgið við í fjarska og fyrr en varir verðum við komin þangað og markinu náð. Hotel Medici
Gengið 18 km 6 tíma hækkum  +260m; lækkun -280m . 

Dagur 9. Pílagrímakirkjurnar í Róm. 25. október  
Við notum daginn til að ganga á milli  höfuðkirkna í borginni að pílagríma sið og förum  í fótspor Sturlu Sighvatssonar í kirkjurnar St Giovanni í Laterano, Santa Maria Maggiore og auðvitað Péturskirkjuna.

Dagur 10. Frjáls dagur í Róm. 26. október. 

Dagur 11. Flogið heim frá Róm. 27. október.

SJÁ NÁNARI FERÐALÝSINGU
Bókaðu þína ferð
Báðar leiðir
Aðra leið
  • Hagnýtar upplýsingar

  • Verð

Gististaðir

Sjá alla gististaði
  • Veðrið

  • Flugtími

    Kef FCO

    4

    Morgunflug

  • Gjaldmiðill

    Evra

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun