fbpx Pílagrímaganga um Cisa skarðið | Vita

Pílagrímaganga um Cisa skarðið

Einstaklega spennandi hluti pílagrímaleiðarinnar til Rómar

Ferðir
Flug
Báðar leiðir
Aðra leið

Myndagallerí

Pílagrímganga- Úr Cisaskarði um Apenninafjöll að Miðjarðarhafi.

Cisaskarðið og Appennianafjöllin er einstaklega spennandi hluti pílagrímaleiðar til Rómar sem tugir Íslendinga gengu á miðöldum. Þegar hafa Göngu Hrólfur og Vita sport boðið upp á gönguferðir úr St. Bernharðsskarði og um Aostadalinn, milli Lucca og Siena og síðustu 120 km til Rómar. Árið 990 lýsti Sigríkur erkibiskup af Kantaraborg áfangastöðum sínum á göngu til Rómar. Leið hans sem liggur frá Englandi gegnum Frakkland, Sviss og Ítalíu hefur verðið kölluð Via Francigena. Hún er 1700 km. og 89 áfangar ef gengnir eru 20 km á dag. Við förum í fótspor hans en þó einkum Nikulásar ábóta frá Munkaþverá “Munkaþvérárleið”. Nikulás gekk til Rómar frá Íslandi og lýsti leiðinni í ritinu “Leiðarvísir og borgarskipan” árið 1154. Að þessu sinni höldum við yfir Appenninapföllin um Cisaskarðið. Þetta er einstaklega falleg og fáfarin leið um fjöll og dali,yfir skörð (Cisa 1030mys)  um miðaldabæi og þorp alla leið niður að sjó til hinnar fornu rómversku hafnarborgar Luna. Farið er um Emilia Romana,Toscana og Liguria allt mikilvæg héröð á Ítalíu sem þekkt eru fyrir matargerð. Eina til tvær nætur verður gist í pílagrímagistingu (jafnvel í gömlum kastala)  með 3-6 manna herbergjum en annars er gist í tveggja manna herbergjum á gistiheimilum eða hótelum. Farangur er fluttur milli staða og bíll fylgir hópnum svo ekki þarf alltaf að ganga alla dagleiðina. Lágmarksfjöldi er 12 manns

DAGUR 1. Frá Malpensa  til Berceto
Lent í Milano um kvöldmatarleyti,ekið í um þrjá tíma til bæjarins Berceto og gist á hótel  Vittoria**  Berceto var síðasti áfangastaður miðaldapílagríma áður en þeir fóru yfir Cisa skarðið og Appeninafjöllin. Bærinn byggðist  kringum dómkirkjuna St. Moderanno sem er frá 11 öld.  Sigríkur biskup dvaldi hér á leið sinni heim frá Róm. (Áfangi XXIII) Í bænum er mikið af fallegum hlöðnum steinhúsum með utaná liggjandi tröppum upp á efri hæðina (balchio). Undir þeim voru sjoppur og svínastíur. Í brunninum „font Romea“ er náttúrulegt sódavatn sem vert er að bragða á.                                                                               

DAGUR 2. Berceto í Cisa skarð ,útsýnisganga og Berceto                                                         
Við tökum því rólega um morguninn en gefum okkur samt tíma til að skoða bæinn Berceto, kirkju St.Moderanno og fræðast um ferðir pílagríma um Appeninafjöllin. Við erum við rætur þessa fjallgarðs sem liggur eins og hryggjarsúla eftir endilangri Ítalíu. Við göngum um sjö kílómetra leið upp í Cisa skarðið(1030mys). Siðan gefst góður tími til að fara í skemmilega gönguferð eftir fjallshryggjum Appeninafjallanna þar sem oft eru villtir hestar á beit og við blasir einstakt útsýni. Þá er haldið til baka til Berecto þar sem gist verður aftur næstu nótt. Þeir sem vilja geta látið skutla sér til baka úr skarðinu.
Gengið ca 7 til 10 km. 2-4 tíma, hækkum 150 m.

DAGUR 3. Cisa skarð-Pontremoli (22Km)                                                                              
í dag yfirgefum við Emilia Romana sýsluna sem tók á móti okkur og göngum inn í Lunigiana  héraðið í Toscana. Þar réðu Liguriu Apuanar ríkjum fyrr á öldum. Þeir stóðu af sér allar árásir þar til 179 að Rómverjar náðu yfirhöndinni. Saga hérðasins er nátengd ferðum pílagríma til Rómar. Leiðin í Cisaskarðið, liggur um Lunigiana en það er auðveldasta skarðið upp úr Po dalnum yfir Appenninafjöllin. Vegna valdabaráttu aðalsætta frá Flórens,Pisa og Genova er gífulegur fjöldi kastala og varnarmannvirkja á svæðinu. Lungniana er á mörkum Emilia Rómana,Toscana og Liguriu. Framundan er fjölbreyttur og krefjandi dagur um villta náttúru og upp á hæðir með einstöku útsýni. Farið er um fjallastíga, beyki og kastaníuskóga, yfir ár á fagurlega gerðum steinbrúm, gegnum falleg fjallaþorp með fáeinum fjallabúum og niður til Pontremoli. Bærinn er menningarmiðstöð Lunigiana héraðsins. Áætlað er að gista í Castle of Piagnaro sem er hostel í einstakri miðaldabyggingu. Kvöldverður í bænum þar sem borið verður fram úrval af því besta í Lugniana. Gengið ca 7 tíma 22Km hækkun 450m en lækkun 900m, Gisting Castello Piagnaro 
(ekki staðfest) annars gist á hótel Napoleon(Pontremoli)***

DAGUR 4. Pontremoli – Bagnone (20Km)                                                                                           
Pontremoli er í nyrsta sveitafélagi Toscana  og söguleg miðstöð Lunigiana. Hún var um langt skeið helsta borg Lángbarða og  byggingar, brýr, kastalar bera langri sögu vitni. Blómlegasta tímabilið var 1700-1900, þá var borgin á mörkum valdasvæða greifanna af Toscana og Parma. Piagnaro kastalinn sem stendur á hárri klöpp er frá 11 öld þar er einstakt safn „Museo statue stelle“með tilhöggnum uppreistum sandsteinum allt frá 6.öld fyrir Krist. Við gefum okkur auðvitað tíma til að skoða það. Framundan er síðan frábær en nokkuð langur dagur um einangruð sveitahéröð. Við fylgjum Marga ánni og göngum að hluta gegnum skóglendi og miðaldaþorp með listilega hlöðnum steinhúsum, en steinhleðslur eru einkennandi fyrir þetta svæði.  Við förum aðeins út af hinni hefðbundnu pílagrímaleið til að upplifa betur andrúmsloft miðalda áður en við komum til Bagnone sem stendur á klöpp við mikið gil.   Gengið 5-6 tíma,20 km hækkun um 300 m lækkun 250m. Kvöldverður í Bagnone. Gisting Hostel La Gutula Bagnone                               

DAGUR 5. Bagnone-Aulla (20Km)                                                                                             
Þetta er þægilegur dagur þar sem góður tími gefst til að skoða smáþorpin á leiðinni. Filetto er miðaldabær sem hýsti eitt sinn hostel san Giacomo de Altopasio, húsið stendur enn.  Utan við bæinn er kirkjan St Georgs frá 12. öld, hún varðveitir merkilengan 752 ára gamlan stein frá tímum Langbarða. Bærinn Virgoletta er frá svipuðum tíma, hliðið út úr honum sem pílagrímar fara um er einstaklega fallegt.  Húsin eru líka augnayndi þar sem þau halla sér hvert að öðru í tveimur bröttum fjallshlíðum. Gárungarnir segja að það sé jafnvel útsýni úr úr svínastíum og kjallörum. Við stefnum á nútíma bæinn Aulla.  Þar sem dalurinn þrengist verulega og sunnan bæjarins tekur héraðið Liguria við.  Eins og um aðra bæi í Lunigiana er saga Aulla tengd Malaspinaættinni sem réði hér öllu um aldir. Sigríkur dvaldi í Aulla á XXXIII degi. Gengið 5-6  tíma, km 20 hækkum +250 lækkun 250.  Gisting og kvöldverður í þorpinu Podenzana sem er á hæð ofan við Aulla: Hópnum verður skutlað þangað.                                                                                                                                           

DAGUR 6. Aulla - Sarzana (22Km)                                                                                             
Þetta er nokkuð strembinn dagur því til að komast frá Aulla  til  Sarzana sem er í Liguriu  þarf að fara yfir hæðirnar sem skilja að Liguriu og Toscana. Á leiðinni er einstakt útsýni yfir hina úfnu Apuan Alpa með sínar frægu marmaranámur, til La Specia og flóans fyrir utan. Sarzana sem er andleg miðstöð svæðisins reis vegan návígis við rómversku hafnarborgina Luni.  Hún dafnaði á 10.-11.öld í tengslum  við ferðir pílagríma. Sarzana varð fljótlega miðstöð svæðisins og umhverfis hana eru rammgerðir borgarmúrar sem setja mikill svip á borgina.  Síðustu tvær næturnar gistum við á hóteli í Sarzana. Gengið 6 tíma ,22 km.hækkun 450 m lækkun 450 gisting og kvöldverður  í Albergo La Villetta                                                                   

DAGUR 7. Sarzana  til Luni og rómverskar minjar 7 km.                                                                       
í dag liggur leiðin til hinnar sögulegu hafnarborgar Luni en þangað eru aðeins  sjö km og liggur gönguleiðin að mestu um þéttbýlt svæði. í Luni heimsækjum við áhugaverðar Rómverskar fornminjar en Rómverjar byggðu Luni um 177 þegar sigur yfir Langbörðum var í höfn. Bærinn var þeim mjög mikilvægur.Þar var útflutningshöfn fyrir marmara sem var unnin í námum í Carrara og víðar í fjöllunum í kring. Bærinn var ekki varinn af borgarmúrum og því varð hann oft fyrir árásum og vegna framburðar Margarárinnar breyttist umhverfið smá saman í óheilnæmt fen. Bærinn var því yfirgefinn og íbúarnir settust að í þorpum í fjöllunum. Sigríkur dvaldi hér á 28 degi. Við skoðum fornleifauppgröftinn í fylgd með sérfræðingi og fræðumst um fyrrum mikilvægi borgarinnar. Síðan förum við aftur til Sarzana með lest. Þar höfum við tima til að ganga upp í hlíðarnar við bæinn til að njóta útsýnis yfir svæðið. Gengið 2 tíma til Luni og síðan um fornminjarnar. Gisting og kvöldverður                                                                                                                                                                                                                                                                                                                          

DAGUR 8. Frjáls tími og heimferð                                                                                             
Sarzana  er ekki alveg við sjóinn en hann er ekki langt undan og það er hægt að nota morguninn til að fara með strætó niður á strönd. Einnig er gaman fá sér göngutúr að kastalanum sem setur svip á Sarzana eða bara gefa sér tíma í bænum. Brottför til Milano er fljólega eftir hádegi og flogið er um kvöldmatarleitið.

SJÁ NÁNARI FERÐALÝSINGU
Ferðir
Flug
Báðar leiðir
Aðra leið
  • Erfiðleikastig

  • Verð og innifalið

Gististaðir

Kort

Sjá alla gististaði
  • Veðrið

  • Flugtími

    Kef MXP

    3:50

    Hádegisflug

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun