fbpx Sælkeraferð um Toscana | Vita

Sælkeraferð um Toscana

Gönguferð í "grasa- og sælkera takti"

Ferðir
Flug
Báðar leiðir
Aðra leið

Myndagallerí

Gönguferð í "grasa- og sælkera takti" um fjallendi Toscana

8. -15. júní 2020
Fararstjóri er Steinunn Harðardóttir

Dvalið verður í Garfagnana-héraðinu í norðvestur Toscana, en það er fjalllent og skógivaxið svæði sem er af mörgum talið eitt best varðveitta leyndarmál Ítalíu. Þetta afskekkta hérað býður ekki aðeins upp á fjölbreytta náttúrufegurð heldur státar jafnframt af einstaklega ríkri matarhefð, frábæru hráefni, spennandi gróðurlendi og fjölmörgum krydd- og lækningajurtum. Gist er í Corfino, litlu fallegu fjallaþorpi við útjaðar Orecchiella-þjóðgarðsins. Göngu-Hrólfur hefur boðið upp á sælkeragönguferðir til Toscana í allmörg ár. Þátttakendur læra að elda mat úr héraðinu í eldhúsinu hjá þeim Möru, Róberto og Martínu í fjallahótelinu La Baita. Þá er líka farið út í móa til að tína grös og jurtir til eldamennskunnar. Fjölskyldan elskar að taka á móti íslenskum ferðalöngum og kynna þeim matargerð og leyndardóma Garfagnana. Auk þess er farið í léttar gönguferðir um nágrennið. Síðan er gist í bænum Castelnuovo sem er miðstöð héraðsins. Einnig verður farið með lest til að heimsækja skemmtilegan vínbúgarð og smakka á afurðunum og farið á markað og hádegisverður snæddur á skemmtilegum „slow food“ veitingastað í Castelnuovo.  Á frídegi getur fólk slakað á eða farið með lest til hins fallega og spennandi bæjar Lucca. Lágmarksfjöldi  er 12 manns . Hámarksfjöldi 20 .

1.DAGUR. BROTTFÖR FRÁ KEFLAVÍK
Flogið síðdegis til Mílanó og lent um kvöldmatarleitið. Ekið í u.þ.b.fimm tíma til Corfino og gist á La Baita hjá þeim Roberto og Möru og Martinu sem taka vel á móti hópnum þó komið sé fram á nótt. Þau reka lítið heimilislegt hótel rétt við rætur fjallsins Pania de Corfino sem er um 1606 m hátt.

2  DAGUR. CORFINO, CAMPANIANA, MATARGERÐ OG GÖNGUFERР
Þennan verður farið í  göngur um nágrennið, kryddjurtum safnað og hráefni og afurðir héraðsins kannaðar. Hópnum er skipt í tvennt. Helmingurinn fer í gönguferð um hlíðar Pania de Corfino og upp í fjárhirðaþorpið Campaniana. Áður en lagt er af stað er farið í litlu búðina í þorpinu og keypt í ljúffenga lautarmáltíð sem hópurinn ber í sameiningu. Á meðan er hinn helmingurinn heima á hóteli og eldar matinn með aðstoð Robertos, Möru og Martinu. Hlutverkunum verður snúið við næsta dag . 

3.DAGUR CORFINO,CAMPANIANA,MATARGERÐ OG GÖNGUFERÐ
Göngur um nágrennið, kryddjurtum safnað og hráefni og afurðir héraðsins kannaðar. Hlutverkunum er nú snúið við. Þeir sem hafa þegar verið í eldhúsinu fara nú í gönguferð um hlíðar Pania de Corfino og upp í fjárhirðaþorpið Campaniana. Þeir sem þegar hafa farið í gönguferð eiga skemmtilegar stundir í eldhúsinu. Vert er að taka það fram að þeir sem vilja geta sleppt eldhúsverkunum og farið tvisvar í gönguferð en leitast verður við að ganga ekki alveg sömu leið báða dagana. Áður en lagt er af stað er farið í litlu búðina í þorpinu og keypt í ljúffenga lautarmáltíð sem hópurinn ber í sameiningu.

4.DAGUR MARKAÐUR Í CASTELNUOVO
Í dag er fimmtudagur og við vöknum snemma um morguninn og höldum með rútu  niður til Castelnuovo sem er aðal verslunar- og viðskiptamiðstöð dalsins. Öld eftir öld komu bændur og iðnaðarmenn þangað með vörur sínar og afurðir og seldu á fimmtudagsmarkaðnum og enn í dag eru allar götur og torg þakin ýmiskonar varningi þennan vikudag. Við notum tækifærið og sláumst í hópinn með heimamönnum og skoðum þennan fjölbreytta markað. Í hádeginu gefst svo tækifæri til að bragða á framleiðslu héraðsins hjá Andrea sem rekur hinn sérstæða veitingastað Il Vecchio Mulino. (Gamla myllan). Eftir að hafa skoðað sig um í bænum  er haldið með rútu upp í Corfino

5 DAGUR. ISERA – PANIA DE CORFINO
Eftir að hafa keypt inn til hádegisverðar er hráefninu skipt niður á hópinn. Haldið er að skemmtilegum fjallaskála sem nefnist Isera þar sem breitt er úr dúknum fyrir sameiginlegan lautarverð. Þeir sem vilja geta farið upp í fallegan grasagarð með jurtum úr héraðinu og þeir hraustustu geta farið alla leið upp á Pania De Corfino,1606 m. Síðan er haldið til baka til Corfino.

6. DAGUR. CASTELNOUVO- VÍNBÚGARÐUR 
Nú kveðjum við fjölskylduna á La Baita og förum með rútu til Castelnuovo þar sem gist verður næstu nótt á hótelinu La Lanterna. Þegar við höfum komið okkur fyrir er  haldið með lest til bæjarins Borgo a Mozzano og farið í stutta gönguferð um einstaklega falleg vínræktarhéröð og upp að vínbúgarðinum Macea þar sem við fáum að smakka lífræn vín sem þar eru framleidd. Garfagnana-héraðið er frægara fyrir farro (spelt) kastaníur, góðan ost og kjötvörur en vín, en þarna á vínbúgarðinum hafa menn náð góðum árangri. Síðan er haldið heim með lestinni.  Kvöldverður á hótelinu

7. DAGUR, frjáls dagur í Castelnovo hægt er að taka lestina til bæjarins Lucca eða bara njóta lífsins í bænum og á sundlaugarbakkanum.

8 HEIMFERÐADAGUR
Um morguninn er hægt að taka það rólega því ekki er ekið af stað áleiðis til Mílanó fyrr en um hádegi  þar sem ekki er flogið til Íslands fyrr en um kvöldmatarleitið.
Fararstjóri: Steinunn Harðardóttir.
Ferðin getur tekið minniháttar breytingum vegna veðurs eða af öðrum ástæðum
Erfiðleikastuðull: Eitt-til tvö fjöll.

UMSAGNIR  UM FERÐINA 
​Sigríður Jóhannesdóttir " Fór fyrir mörgum árum með Ásu minni í svona ferð . Mara og Roberto eru manni minnisstæð úr þeirri ferð. Að ógleymdri náttúrufegurðinni á svæðinu. Lifi enn á minningunum úr ferðinni. Þarna kynntist ég "Sow food " hugmyndafræðinni."
Guðbjörg Elín Ásgeirsdóttir Fór 2007, ásamt vinahóp. Einstök upplifun!
Þórunn Traustadóttir Get mælt 100 % með þessari ferð. Hún er frábær 

SJÁ NÁNARI FERÐALÝSINGU
Ferðir
Flug
Báðar leiðir
Aðra leið
  • Verð og Innifalið

  • Erfiðleikastig

Gististaðir

Sjá alla gististaði
  • Veðrið

  • Flugtími

    Kef MXP

    3:50

    Eftirmiðdagsflug

  • Gjaldmiðill

    Evra

    Gengi

Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun