Tæland og Víetnam

Singapore - Hong Kong

Ferðir
Flug
Báðar leiðir
Aðra leið

Myndagallerí

SIGLING Í ASIU - Singapore,Tæland, Víetnam og Hong Kong

Celebrity Millennium   
28. febrúar - 17. mars 2019
Fararstjóri:  Gunnhildur Gunnarsdóttir 

Singpore – Bangkok/Laemichabang, Tælandi – Ho Chi Minh(Phu My), Hue/Danang (Chan May), Hanoi (Halong Bay), Víetnam –  Hong Kong, Kína.

Stutt ferðalýsing 
Flogið er með Icelandair til Parísar þann 28. febrúar og síðan áfram til Singapore með Singapore Airlines. Lending þann 1. mars í Singapore kl. 13:40.
Gist er í eina nótt á hóteli í Singapore og síðan er farið í skip þar sem gist er aðra nótt. Eftir tvo dag á siglingu er komið til Bangkok þar sem skipið er í tvo daga. Áfram er síðan haldið til Vietnam og komið til Ho Chi Minh, Hue/ Danang og síðan til Hanoi, þar sem einnig er gist eina nótt í skipinu við bryggju. Eftir einn dag á siglingu er komið til Hong Kong og gist um borð í Millennium í eina nótt áður en haldið er heim á leið. Eins og á útleiðinni er flogið með Singapore Airlines frá Hong Kong til Kaupmannahafnar með millilendingu í Singapore og frá Kaupmannahöfn með Icelandair heim til íslands, áætluð lending í Keflavík er kl. 15:10  þann 17. mars.


celebrity_millennium.jpg

Celebrity Millennium
Celebrity Millennium er í svokölluðum „Millennium" flokki hjá Celebrity Cruises, sem er næsthæsti klassi skipafélagsins. Innréttingar skipsins einkennast af marmara, klassískum viðarinnréttingum og gleri. Allur aðbúnaður og vistarverur bera vott um gæði og glæsileika.
Celebrity Millennium fór í sína jómfrúarferð árið 2000 og allt tekið í gegn árið 2016. Skipið er 91.000 lestir tæplega 300 metrar og með rými fyrir liðlega 2.000 farþega. Aquaspa er heilsulind með nuddpottum, gufu, sauna, persnenskum garði og sólarium með glerþaki. Ótal sérfræðingar bjóða ýmsar dekur- og heilsubætandi meðferðir gegn gjaldi.
Klefarnir eru ýmist með tvíbreiðu rúmi eða tveimur rúmum, setkrók með sófa og skrifborði, minibar, öryggishólfi og sjónvarpi. Hægt er að bóka skoðunarferðir, horfa á kvikmyndir og panta herbergisþjónustu í klefann í gegnum sjónvarpið. Baðherbergi er með sturtu, snyrtivörum, baðsloppum og hárþurrku. Sængurfötin eru ofin úr egypskri bómull og herbergisþjónusta er opin allan sólarhringinn.
Á efsta þilfarinu er skokkbrautin, þar sem hægt er að ganga eða hlaupa hringinn um skipið. Unaðslegur hitabeltisgarður er í útsýnisturninum. "The Conservatory" og á sólarþilfarinu er sundlaug, sólbekkir og barir.
Kvöldverður eru borinn fram í aðal veitingasal skipsins, sem heitir Metropolitan og er á tveimur hæðum. Við sérstök tækifæri er gaman að bóka borð á Qsine veitingastaðnum, þar sem gestir velja sér matseðilinn með Ipad.
Barir eru um allt skip og þegar kvöldar taka við glæsilegar sýningar og uppákomur í flottu 4ra hæða leikhúsi. Ótal afþreyingarmöguleikar, að ógleymdri fyrsta flokks þjónustunni sem fæst um borð, gera siglingu með Celebrity Milennium ógleymanlega.

Flugáætlun

Flugnúmer Dags Brottför kl. Áfangastaður kl.
FI 542 28.febrúar Keflavík 07:40 París 12:00
SQ 333 28.febrúar  París 18:00 Singapore 13:40+1
SQ 861  16.mars Hong Kong 15:45 Singapore 19:45
SQ 352  16.mars Singapore 23:55 Kaupmannahöfn 06:00+1
FI 205 17.mars Kaupmannahöfn 12:55 Keflavík  15:10

Siglingaleið

Dagur Áfangastaður Koma Brottför 
 2.mars Singapore    
 3.mars Singapore   17:00
 4.mars Á siglingu    
 5.mars Á siglingu    
 6.mars Bangkok/Laemchabang, Tælandi 07:00  
 7.mars Bangkok/Laemchabang, Tælandi   18:00
 8.mars Á siglingu    
 9.mars Ho Chi Minh (Phu My), Víetnam 08:00 20:00
10.mars Á siglingu    
11.mars Hue/Danang (Chan May), Víetnam 07:00 18:00
12.mars Hanoi (Halong Bay), Vietnam 12:00  
13.mars Hanoi (Halong Bay), Vietnam   22:00
14.mars Á siglingu    
15.mars Hong Kong, Kína 07:00  
16.mars Hong Kong, Kína    

Fimmtudagur 28. febrúar  Keflavík – Singapore
Flogið með Icelandair til Parísar og stoppað þar í 6 klukkustundir. Miðdegisverður á Sheraton hótelinu á flugvellinum í París til að drepa tímann fram að brottför til Singapore sem er kl. 18:00. Lending í Singapore er áætluð kl.13:40 1. mars.


Singapore.jpg

Föstudagur 1. mars  -  Singapore
Lent í Singapore kl 13:40, ekið beint á hótel og restin af deginum tekin rólega. Gist um nóttina á Park Regis hotel.


singapore_2.jpg

Singapore
Singapore er lítið land nánartiltekið lítil eyja í Suðaustur-Asíu þar sem yfir 5 milljónir manns búa. Fjögur opinber tungumál eru töluð þ.e. enska, kínverska, malay og tamíl. Flestir íbúar eru búddisma trúar en einnig tíðkast líka kristintrú, Islam og hindúatrú. Eftir að landið fékk sjálfstæði hafa breytingarnar orðið gríðarlegar. Á aðeins 150 árum hefur heimsborgin Singapore orðið ein mesta hafnarviðskiptaborg heims og þekkt fyrir umskipanir. Borgin er leiðandi á ýmsum sviðum til að mynda er hún ein af fjórum leiðandi borgum heims á sviði fjármála, næst stærsta borg í heimi þegar kemur að spilavítum og fjárhættuspilum og ein af þremur stærstu borgum hvað varðar olíuhreinsun. Þetta gerir landið að einu ríkasta landi heims.
Veðurfarið er einstaklega gott og hlýtt allt árið um kring en þó rignir yfirleitt daglega en aldrei meira en klukkutíma í einu. Maturinn er mjög bragðgóður, mikið er um tískuvöruverslanir og háklassa merki. Hægt er að sigla á Singapore River og kynnast menningu „litla" Indlands, skoða Chinatown (Kínahverfið) og Geylang. Því næst að kanna Mangrove skóg, Pasir Ris Park og sjá Merlion sem er þekktasta tákn Singapore.
Að koma til Singapore er eins og að stíga inn í heim þar sem bænakall keppir við hringiðu kapítalisma, þar sem gamalmenni spila Mah-jongg  á götum úti og hvítklæddir leikmenn slá boltann á vel hirtum Cricket velli. Fjölbreyttur lífsstíll, menning og trúarbrögð þrífst þarna innan ramma vel skipulagðs samfélags. Singapore er tandurhrein nútímaborg með grænum svæðum og þarna búa um 4,6 milljónir manna, þar á meðal margir útlendingar. Á suðurhluta eyjarinnar er Singapore borg, með háreistum skrifstofubyggingum og hafnarsvæði. Af heildar landsvæði Singapore er meira en helmingur byggður, en annað samanstendur af görðum, ræktuðu  landi, plantekrum, mýrarsvæðum og skógi. Vel malbikaðir vegir tengja alla hluta eyjarinnar og Singapore borgin hefur framúrskarandi almenningssamgöngukerfi.


singapore_dreamstime.jpg

Laugardagur 2. mars  Singapore - Celebrity Millennium 
Tékkað út af hótelinu og farið í skoðunarferð um borgina en ferðin endar um miðjan dag við skipshlið og þá er gengið um borð að lokinni innritun.
Skýjakljúfar borgarinnar eru magnaðir og í skoðunarferðinni ökum við m.a. framhjá Þinghúsinu, Krikket klúbbnum, Hæstarétti og Ráðhúsi borgarinnar.  Stoppum í Merlion Park og Næst sjáum við eitt elsta og merkasta musteri borgarinnar en það er Búddha hofið „Thian Hock Keng“,áður en ekið er framhjá Kínahverfinu. Ekið framhjá Kínahverfinu að hinum dásamlega garði „The Singapore Botanic Gardens“ og göngum um einn fegursta blettinn þar sem 60.000 orkídeur blómstra.  Ferðinni klýkur með göngu um indverska hverfið „Litla Indland“ en í þessu gamla borgarhveri hefur karakter og arkitekúr haldist óbreyttur í áranna rás.

 


singapore.jpg

Sunnudagur 3. mars Singapore – Celebrity Millennium
Hálfs dags ferð um singapore og síðan frjáls dagur þar til skipið siglir úr höfn kl. 17:00
Ferðin hefst með því að það er farið í Garðana við flóann eða „Gardens by the bay“ þar sem finnast yfir 500,000 plöntur frá yfir 2,200 tegundum og frá sex heimsálfum. Eftir að búið að ganga um gariðn er farið á
uppá útsýnispallinn við Marina Bay hótelið til að sjá hið magnaða útsýni yfir borgina, en staðurinn er þekktasta kennileiti borgarinnar.


celebrity_millennium2.jpg

Mánudagur og þriðjudagur 4. og 5. mars  - Siglingadagur
Tveir dagar á siglingu. Fararstjóri fer í kynnisferð um skipið til að enginn missi af neinu. Ef sólin skín má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.


celebrity_millennium.jpg

Miðvikudagur og fimmtudagur 6. og 7. mars - Bangkok/ Leamchabang Tælandi
Bankok er borg mótsagna: Háreystar byggingar, vinsælir skemmtistaðir og síðan gullin musteri og lífleigir markaðir.
Thailand hefur verið sjálfstætt ríki síðan árið 1238 og er höfuðborgin Bangkok. Íbúar landsins eru ríflega 65 milljónir og eru langflestir eða um 95% búddatrúar. Landið er 514 þúsund ferkílómetrar að stærð og er um 28% af því ræktað land. Flestir eða um 49% íbúanna stunda landbúnað, 14% vinna við iðnað og 37% starfa í þjónustugeiranum. Gjaldmiðill Thailendinga heitir batt.


bangkok_tailand_1.jpg

Föstudagur 8. mars - Siglingadagur
Njótið þess að skoða skipið, leggjast á sólbekk við sundlaugina og smakka hina litskrúðugu og ljúffengu  kokteila sem barþjónarnir blanda. Svo má fara í búðir, á málverkauppboð - eða kannski á matreiðslunámskeið, danskennslu eða sækja fyrirlestur.
Matur og drykkur allan daginn, svo bíður 3ja rétta kvöldverður og glæsileg sýning um kvöldið. 


celebrity_millennium1.jpg

Laugardagur 9. mars Ho Chi Minh (Phu My), Víetnam
Ho Chi Minh borg hét áður Saigon. Stórborg með fjölskrúðugu mannlífi og mikilli umferð. Víða má sjá kirkjur og reisulegar byggingar frá nýlendutíma Frakka. Matarmenning, verslun og næturlíf er hreint framúrskarandi. 
Á mörgum stöðum eru minnismerki sem minna á stríðið í Víetnam gegn Bandaríkjunum. Eitt magnaðasta stríðsminjasafnið er í Saigon og Cu Chi-göngin fyrir utan borgina eru ótrúlegt mannvirki. 


ho chi minh_Vietnam_sigling_Hanoi_hochiminh_square.jpg

Sunnudagur 10. mars  Siglingadagur
Enn einn lúxusdagur á siglingu og um að gera að  fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist áður en komið er til Hue/ Danang sem er einnig í Víetnam.


celebrity_reflection_9.jpg

Mánudagur 11. mars - Hue/Danang (Chan May), Vietnam
Nguyen-keisaraættin setti þessa fyrrverandi höfuðborg landsins á stofn á 17. öld á bökkum Ilmvatnsár. Í dag er borgin eins og tröllaukið útisafn með musterum, pagóðum, höllum og grafhýsum. Þar er upplagt að skoða keisarakastalann, taka sér síðan ferð með báti eftir ánni og sjá grafhýsi keisaranna og Thien Mu-pagóðuna.


hue_vietnam_4.jpg

Þriðjudagur 12. og miðvikudagur 13. mars, Hanoi (Halong Bay) - Víetnam
Áætluð koma er kl. 12:00 og skipið liggur við bryggju um nóttina.
Hanoi hefur í gegnum söguna verið höfuðborg Víetnam nokkrum sinnum og er það aftur núna. Borgin er upphaflega byggð í kringum Imperial Citadel sem nú er húsnæði hersins. Hanoi skiptist í fjögur aðal hverfi, Quan. Hoan Kiem hverfið er nefnt eftir vatninu í miðju þess. Þar eru flestir ferðamennirnir. Rétt norðan við vatnið er elsti hlutinn,Old Quarter, heillandi samsafn af fornum götum. Sunnan við vatnið munt þú finna nútímalegan hluta miðborgarinnar sem var áður franski hlutinn. Í norðvesturhlutanum, Ba Dinh hverfinu, er dýragarðurinn, Ho Chi Minh grafhýsið og West Lake svæðið. Halong Bay er á heimsminjaskrá UNESCO og er um 175 km vestur af Hanoi. Þetta jarðfræðilega undraland samanstendur af  sem rísa úr blágrænum sjónum.


halong_bay.jpg

Fimmtudagur 14. mars - Siglingadagur   
Næstu tveir dagar fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist.


celebrity_millenium_class.jpg

Föstudagur 15. mars - Hong Kong
Eftir morgunverð á skipinu er farið í skoðunarferð um Lantau eyju.  Meðal annars er farið með ferju yfir Hong Kong flóa og Tai og Fishing þorpið heimsótt ásamt hinu fræga Po Lin klaustri. Kláfurinn Ngong Ping 360 flytur okkur síðan upp að risavöxnu Buddah líkneskinu. Eftir ferðina er frjáls tími síðdegis í borginni. Skipið liggur við bryggju þessa síðustu nótt.


hong_kong_istock.jpg

Hong Kong er annað af tveimur sérstaklega stjórnuðum svæðum í Kína (special administrative regions/SARs), hitt svæðið er Macau. Hong Kong er staðsett á suðurströnd Kína og markast af Pearl River Delta og Suður-Kínahafi. Hong Kong er þekkt fyrir glæsilega skýjakljúfa og náttúrulega höfn. Landsvæðið sem er aðeins um 1.104 km2 með íbúafjölda um sjö milljónir gerir Hong Kong að einu þéttbýlasta svæði jarðarinnar.
Hong Kong varð bresk nýlenda eftir fyrsta ópíum stríðið (1839–1842). Nýlendan takmarkaðist upphaflega af Hong Kong eyju, en við nýlenduna bættist síðan Kowloon árið 1860 og síðan svokölluð New Territories árið 1898. Meðan á Kyrrahafsstríðinu stóð hertóku Japanir svæðið en Bretar náðu aftur yfirráðum eftir lok heimstyrjaldarinnar og héldu því til 1997, þegar Kína tók við svæðinu. Allt hefur þetta haft áhrif á menningu á svæðinu sem oft er lýst sem "Austrið mætir vestrinu".
Hong Kong eyja og Kowloon eru aðskilin með Victoria höfninni. Á Hong Kong eyju nær miðborgin aðeins nokkra kílómetra til suðurs þar til fjöllin rísa upp. Borgin nær svo nokkra kílómetra norður til Kowloon.


hong_kong_junkboat.jpg

Laugardagur 16. mars  - Hong Kong  
Farið frá borði kl. 9 eftir morgunverð í skipinu. Farið verður í skoðunarferð um borgina þar sem meðal annars verður farið upp á Viktoríutind og farið í siglingu frá Aberdeen höfn (Sampan ride). Ferðin endar út á flugvelli með brottför til Singapore kl. 15:45 þar sem stoppað verður 4 tíma áður en haldið verður áfram til Kaupmannahafnar og þaðan áfram til Keflavíkur. Lending í Keflavík er áætluð kl. 15:10 þann 17. mars.


hong_kong_victoria_harbor.jpg

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél SIN

    16 klst

    Morgunflug

  • Gjaldmiðill

    $

    Dollar

    Gengi

Gististaðir

Kort

Sjá alla gististaði
Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun