Umhverfis jörðina

Frá Hawaii til Ástralíu

UPPSELT

Þessi ferð er uppseld. Vinsamlegast hafið samband til að fá nánari upplýsingar. Hægt er að senda okkur tölvupóst á info@vita.is. Síminn er 570-4444.

Hafa samband

Myndagallerí

Sigling frá Hawaii til Sydney í Ástralíu.

Celebrity Solstice
30. sept  -  23.október
Fararstjóri: Þóra Valsteinsdóttir

Aðeins tvö sæti eftir vegna forfalla í þessa ferð.

Seattle – Bandaríkin, Honolulu og Lahaina, Maui – Hawaii, Papeete, Tahiti og Bora Bora, Frönsku Pólýnesíu – Dagalínan – Auckland og Bay of Islands, Nýja Sjálandi - Sydney, Ástralíu.

Stutt ferðalýsing
30. september er flogið með Icelandair til Seattle og gist eina nótt á hóteli við flugvöllinn áður en flogið er áfram til Hawaii. Dvalið í tvo daga í Honolulu áður en siglt er af stað og fyrsta stopp er Lahaina á eyjunni Maui á Hawaii. Eftir fimm daga á siglingu er stoppað á tveimur rómuðum eyjum í Suður Kyrrahafi, Papeete og Bora Bora í Frönsku Pólýnesíu. Siglt er í átt til Nýja Sjálands og tekur það fimm daga, en á þriðja degi er farið yfir dagalínuna. Auckland og Bay of Islands á Nýja Sjálandi eru næstu áfangastaðir sem við heimsækjum en sigling endar í Sydney í Ástralíu þar sem farið er frá borði. Gist í Sydney í þrjár nætur áður en flogið er heim til Keflavíkur með millilendingu á Heathrow flugvelli í London.


celebrity_solstice_-_opera_house_-_richard_birch.jpg

 

Flugtafla

Flugnúmer Dags Flugvöllur  Brottför Flugvöllur  Lending
FI 681 30.september Keflavík  17.00 Seattle 17.45
AS 851 1.október Seattle 10.50 Honolulu 14:00
BA 016 23.október Sydney 15:50 London 05:05+1
FI 451 24.október London 13:10 Keflavík 15:10

Siglingaleið

Dagur Áfangastaður Koma Brottför
2.október Honolulu, Oahu, Hawaii   23:59
3. október Lahaina, Maui, Hawaii 08.00 21:30
4.október Á siglingu    
5. október Á siglingu    
6. október Á siglingu    
7. október Á siglingu    
8. október Á siglingu    
9. október  Papeete, Tahiti, Frönsku Pólýnesíu 08:00 21:00
10. október Bora Bora, Frönsku Pólynesíu 07:00 18:00
11. október Á siglingu    
12. október Á siglingu    
13. október Dagalínan    
14. október Á siglingu    
15. október Á siglingu    
16. október Auckland, Nýja Sjálandi 10:00 20:00
17. október Bay of Islands, Nýja Sjálandi  07:00 17:00
18.október Á siglingu    
19. október Á siglingu    
20. október Sydney, Ástralíu 06:30  

 

Laugardagur 30. september Keflavík – Seattle
Flogið er með Icelandair til Seattle kl. 17:00 og lending kl. 17:45 að staðartíma. Flugið tekur 7klst og 45 mín. Farið er á hótel Double Tree Seattle Airport  í eina nótt áður en haldið er áfram til Hawaii.


seattle_skyline.jpg

 

Sunnudagur  1.október Seattle – Honolulu, Hawaii
Eftir morgunverð á hótelinu er flogið áfram til Honolulu, brottför frá flugvelli í Seattle er kl. 10:00 og lending kl. 13:24 að staðartíma í Hawaii. Flugið tekur 5 og hálfa klukkustund. Ekið á Hotel Aston Waikiki Beach í Honolulu þar sem gist er í 1 nótt.

 


honolulu.jpg

 

 

Mánudagur 2. október – Honolulu, Oahu, Hawaii – Celebrity Solstice
Það er óhætt að kalla Honolulu, höfuðborg Hawaii, demantinn í Kyrrahafinu. Hér gefur að sjá einu konungshöllina sem reist hefur verið í öllum Bandaríkjunum, hægt er að sóla sig á Waikiki-ströndinni, fara upp á eldfjallið Diamond Head sem gnæfir þar yfir eða njóta kyrrðarinnar í þjóðarkirkjugarði Kyrrahafsins, sem að sjálfsögðu er á toppi eldfjalls, ofan í Punchbowl-gígnum. Þá er óhætt að mæla með því að skoða Pearl Harbor-safnið og minnisvarðann um USS Arizona.
Skoðunarferð um Honolulu sem endar við skipshlið. Celebrity Solstice leggur síðan úr höfn um miðnætti.


hawaii_honolulu_1.jpg

 

Þriðjudagur 3.október  – Lahaina, Maui, Hawaii
Það er ekki hægt annað en að taka undir með þeim á Hawaii þegar þeir segja „Maui No Ka Oi“, eða „Maui er best“. Allavega ekki eftir að hafa heimsótt Maui, Dalaeyjuna eins og hún er kölluð. Hér er upplagt að skoða hvalveiðibæinn Lahaina og friðlandið í skógi vöxnum fjöllunum þar fyrir ofan eða leggja leið sína í Haleakala-þjóðgarðinn en þar er einn stærsti óvirki eldgígur heims, litlir 32 kílómetrar í þvermál. Þá er hægt að heimsækja Hana sem er afskekktur smábær þar sem gamli tíminn ræður ennþá ríkjum eða njóta fegurðar ósnertra kóralrifja og dýralífsins neðansjávar við köfun og snorkl við Lanai-eyju.


Hawaii_strond_sigling.jpg

 

Miðvikudagur 4. – sunnudags 8. október  4 dagar á siglingu

Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.


celebrity_millennium2.jpg

 

Mánudagur 9. október - Papeete, Tahítí, Frönsku Pólýnesíu
Hér nýtur Kyrrahafsrómantíkin sín í öllu sínu veldi, með bláum lónum, eldfjöllum, fossum, svörtum sandströndum og hjartnæmum viðtökum heimamanna á Tahítí í Frönsku Pólýnesíu. Og stemningin er óneitanlega frönsk í Papeete þar sem kaffihúsin sitja i röðum við breiðgötur höfuðborgarinnar


maxresdefault.jpg

 

Þriðjudagur 10. október -  Bora Bora, Frönsku Pólýnesíu
Bora Bora er án vafa einn fegursti og rómantískasti áfangastaður jarðar. Mjallahvítar sandstrendur, gróskumikil náttúran, litrík kóralrifin og túrkisblá lónin valda því að það er ekki nokkur vegur að standast sjarma þessarar einstöku Kyrrahafseyju.


bora-dream-pictures.jpg

 

Miðvikudagur 11. og fimmtudagur 12. október – Á siglingu
Lífsins notið um borð þessa tvo daga áður en siglt er yfir miðbaug. Um að gera að njóta þess sem í boði er á skipinu.

 


cel_sl_silkharvest2.jpg

 

 

Föstudagur 13. október - Dagalínan
Yfir Kyrrahaf liggur ímynduð lína sem kölluð er dagalínan og markar upphaf hvers dags. Línan fylgir 180 ̊ lengdargráðu en tekur þó sveigjur og beygjur meðfram nokkrum landsvæðum og eyjaklösum.  


154575-004-8e24d68b_international_dateline.jpg

 

Laugardagur 14. og sunnudagur 15. október – Á siglingu
Næstu tveir dagar fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist.


cel_sl_winetower_wide.jpg

 

Mánudagur 16. október – Auckland, Nýja Sjálandi
Auckland er langstærsta borg Nýja-Sjálands, með 1,3 milljónir íbúa, þar af er stór hluti Pólýnesíumenn og aðfluttir frá öllum heimshornum. Borgin er oft kölluð „City of Sails“, eða Borg seglanna, því að hún er staðsett á milli tveggja stórra siglingahafna og veðurfarið er einstakt. Auckland er stór borg á lítilli eyju og andrúmsloftið einkennist af sannkölluðum heimsborgarbrag.

 


nyja_sjaland_sue_38.jpg

 

 

Þriðjudagur 17. október  - Bay of Islands, Nýja Sjálandi
Það var landkönnuðurinn mikli James Cook sem gaf svæðinu sem samanstendur af 150 smáeyjum og strandbæjum nafnið Bay of Islands árið 1769. Það má því engan undra að ævintýri á borð við stangveiði, skútusiglingar, kajaksiglingar og fleira bíði ykkar á þessum slóðum.


bay_of_islands_new_zealand.jpg

 

Miðvikudagur 18. og fimmtudagur 19. október – Á siglingu
Síðustu tveggja dagana er notið á skipinu áður en komið er til hafnar í Sydney í Ástralíu. Hvort sem kosið er að vera úti á dekki í sólinni og láta stjana við sig og skemmta af starfsfólki skipsins eða vera innandyra þar sem margt er um að vera, hvort sem er útsölur, taka á því í ræktinnim, láta stjana við sig í nuddi eða öðru í heilsulindinni, eða bara njóta þessa að ganga um skipið.


equinox_skip_vita_7.jpg

 

Föstudagur 20. október -  Sydney, Ástralíu
Celebrity Solstice leggur að bryggju í Sydney kl. 06:30 að morgni, eftir morgunmat í skipinu er farið frá borði og farið beint í skoðunarferð um Sydney. Eftir ferðina er farið á Rydges World Squere Hotel þar sem gist er í 3 nætur. Síðdegið og kvöldið frjálst.


australia_rhapsody_sydney2.jpg

 

Laugardagur 21. október – Sydney, Ástralíu

Heils dags ferð í Blue Mountain og í Featherdale Wild life park. Featherdale dýragarðurinn er með yfir 1700 tegundir af dýrum öllum áströlsku dýrunum eins og kengúrum, kóalabjörnum, krókódílum svo eitthvað sé nefnt. Bláu fjöllin eða Blue Mountain er undurfagurt skógivaxið fjalllendi með skemmtilegum tindum farið er t.d. í kláf til að njóta sem best það sem fyrir augu ber.


australia-blue-mountains-national-park-govetts-leap-lookout.jpg

 

Sunnudagur 22. október – Sydney, Ástralíu

Hálfs dags ferð. Farið er m.a. í Óperuhúsið í Sydney þar sem við fáum klukkustund til að skoða þetta fræga óperuhús og síðan er siglt um flóann og höfnina. Í siglingunni er boðið upp á mat og drykk.


cel_australia_sydney_8.jpg

 

Mánudagur 23. október  - Sydney – London - Keflavík

Á leiðinni út á flugvöll er ekið um Bondi Beach sem er ein frægasta strönd Ástralíu. Áætlað flug frá Sydney er kl. 15:50 lending í London er 05:05 að morgni þriðjudagsins 24. október. Flug frá London til Keflavíkur með Icelandair kl. 13:10 og lending kl. 15.10.

Sjá nánari ferðalýsingu

UPPSELT

Þessi ferð er uppseld. Vinsamlegast hafið samband til að fá nánari upplýsingar. Hægt er að senda okkur tölvupóst á info@vita.is. Síminn er 570-4444.

Hafa samband
  • Veðrið

  • Flugtími

    Kef -> SEA

    8

    Eftirmiðdagsflug

  • Gjaldmiðill

    $

    Dollar

    Gengi

Gististaðir

Kort

Sjá alla gististaði
Sjá Kortasýn Sjá gististaði