fbpx Yfir hafið frá Flórída til Southampton | Vita

Yfir hafið frá Flórída til Southampton

Glæsisigling yfir Atlantshaf

Bókaðu þína ferð
Báðar leiðir
Aðra leið

Myndagallerí

Sigling yfir Atlantshafið

Celebrity Silhouette
14. april - 1. maí 2020
Fararstjóri: Laufey Jóhannsdóttir

Lauderdale, Florida – Lissabon, Portúgal – Bilbao, Spáni – París, Frakklandi – Southampton, Englandi.

Stutt ferðalýsing
logið með Icelandair til Orlando seinni part þriðjudagsins 14. april, ekið beint á Florida hotel & conference center þar sem gist er í 3 nætur. 17.april er ekið sem leið liggur til Ft. Lauderdale þar sem Celebrity Sihouette bíður við bryggju.  Haldið af stað yfir hafið og tekur siglingin 8 daga áður en að komið er til  Lissabon eftir einn dag á sjó og síðan til Bilbao á norður Spáni, síðan er það París eða hafnarborgin Le Havre og endað á að koma til Southampton á Englandi. Síðan er flogið beint heim frá Gatwick flugvelli í London og áætluð lendig er kl. 15.10 í Keflavík þann 1. maí


Celebrity_Silhouette_cruise.jpg

Celebrity Silhouette er í svokölluðum „Solstice” verðflokki hjá Celebrity Cruises.    Celebrity Silhouette fór í sína jómfrúarferð í júlí 2011.
Skipið er 122.000 rúm lestir, um 315 metrar á lengd og með rými fyrir 2850 farþega.  Skipið er 12 hæðir. Á efsta þilfari er Sveitaklúbburinn The Lawn Club með vel snyrtri grasflöt, sólarlagsbarnum og keilubrautum.
Lido er næst efsta þilfarið með skokkbraut, setustofum, veitingastað og bar, allt með miklu útsýni. Resort þilfarið er með sundlaugum, sundlaugarbar, sólbekkjum og heilsulindinni Aquaspa. Þar eru nuddpottar, gufa, sauna og endalausir mögluleikar á ýmsum dekur- og heilsubætandi meðferðum. Entertainment þilfarið er með veitingastaði, listmunasölur, kaffihús, ísbúðir o.fl.  Á Promenade þilfarinu eru litlar verslanir, vínbarir og spilavíti.
Kvöldverður eru borin fram í aðal veitingasal skipsins, sem er á tveimur hæðum. Fleiri veitingastaðir eru um borð eins og Murano sem er með úrval alþjóðlegra rétta á matseðlinum og Tuscan Grille , sem býður ítalska rétti og lúxus steikur.  Silk Harvest er með asískt eldhús. Bóka þarf borð og greiða þjónustugjald á sérrétta veitingastöðum skipsins, gjaldið er frá 30 – 90 usd á mann, fer eftir stöðum.
Barir og seturstofur eru um allt skip og þegar kvölda eru glæsilegar sýningar og uppákomur í leikhúsinu, sem er á þremur hæðum.
Vínspesíallistar frá vínræktarhéruðunum í Napa Valley eru á barnum Cellar Masters og kenna ykkur  að þekkja göfug vín og velja það besta um borð.

Flugtafla

Flugnúmer Dags Brottför Kl. Áfangastaður Kl.
FI 689 14.april Keflavík 17:15 Orlando 21:00
FI 471 1.maí London (LHR) 13:10 Keflavík 15:10

Siglingaleið

Dagur Áfangastaður Koma Brottför
17 apríl Fort Lauderdale, Flórida   16:30
18.april Á siglingu    
19.april  Á siglingu    
20.april Á siglingu    
21.april Á siglingu    
22.april  Á siglingu    
23.april Á siglingu    
24.april Á siglingu     
25.april Á siglingu    
26.april  Lissabon, Portúgal 10:00 20:00
27.april  Á siglingu    
28.april  Bilbao, Spáni 08:00 17:00
29.april Á siglingu     
30.april París (Le Havre) Frakkaland 07:00 21:00
1.maí  Southampton, Englandi  05:30  

Ferðatilhögun

Þriðjudagur 14. april. Keflavík -  Orlando, Flórída
Flogið með Icelandar kl 17:15 frá Keflavík og lending í Orlando kl. 21:00. Ekið beint á hótel í Orlando þar sem gist er í  3 nætur fyrir siglinguna. Gisting á Florida hotel &conference center, betur þekkt sem Florida Mall hótel.


orlando_florida.jpg

Miðvikudagur 15. og fimmtudagur 16. april Orlando 
Dagskrá í samvinnu við fararstjóra. Hægt að sóla sig, fara í einhverja hinna fjölmörgu verslana sem eru í Florida Mall eða heimsækja einhvern af Disney görðunum vinsælu, Magic Kingdom, Epcot Center, Universal Studios svo einhverjir séu nefndir.


web-florida-hotel-pool-view.jpg

Föstudagur 17. april  Orlando – Ft. Lauderdale
Ekið af stað eftir morgunverð til Ft. Lauderdale, aksturinn tekum um 3 klst. Tékkað inn í skipið um hádegi. Gengið um borð í Celebrity Silhoutte, þar til að það leggur út höfn kl. 16:30.


sigling_yfir_hafid_lauderdale_florida_2.jpg

Laugardagur 18. – laugardagsins 25.april    - Á siglingu
Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.


Celebrity_Silhouette.jpg

Sunnudagur 26.april – Lissabon, Portúgal
Dýrðlegar gamlar götur, víðfræg menningarsöfn, frábær hönnunarsöfn og verslanir, mannlífsblanda, götuveitingahús og lifandi næturlíf. 
Sagt er að besta leiðin til að kynnast borginni sé að villast í gamla borgarhlutanum. Dásamlegt er að rölta um hin þröngu steinlögðu stræti. Ekki er verra að detta inn á Art Noveau kaffihúsin við Rossio og Praca do Commercio eða önnur þjóðsöguleg kaffihús og horfa í kring um sig á mannlífið. Skoða forna listmuni og nútímalist á söfnum á borð við Gulbenkian safnið, Nútímalistasafnið, Berardo hönnunarsafnið og öðrum víðfrægum söfnum. Hér úir og grúir af menningu, vilji maður það við hafa. Hér eru líka allskonar verslanir út um allt, verslunarmiðstöðvar og ótrúlegir flóamarkaðir og sérbúðir í bland við hátískuna.
Áhugavert getur verið að fá sér far með gömlu járnbrautinni gegnum miðborgina og uppgötva að sérhvert hús og sérhver gata á sér sína sögu. Skemmtana- og næturlíf Lissabon er kafli útaf fyrir sig. Sérviskuleg sælkeraveitingahús og skyndibitastaðir eru hér jafnrétthá og úrval þjóðlegra og alþjóðlegra rétta er gífurlegt. Lissabon er spennandi kostur fyrir matgæðinga og almennt er talið að gæði veitingahúsa séu hér mjög mikil.


sigling_yfir_hafid_lissabon_1.jpg

Mánudagur 27. april – Á siglingu
Annar dagur til að njóta þess sem boðið er upp á í skipinu, á meðan siglt er norður með strönd Portúgals og Spánar og komið til Bilbao.


sigling_yfir_hafid_bilbao_spann_4.jpg

Þriðjudagur 28. april – Bilbao, Spáni.
Bilbao er fjölmennasta borg Baskalands og höfuðstaður Biskajahéraðs, á Norður-Spáni, skammt frá landamærum Frakklands.
Bilbao hefur umbreyst úr einskonar ljótum andarunga í fagran svan síðustu ár. Hún hefur fengið róttæka andlitslyftingu, gengið í gegnum mikla lýtaaðgerð þar sem borgarskipulag hefur verið bætt og ýmiskonar grunnvirki endurnýjuð. Þessar borgarbætur hafa verið drifkraftur endurreisnar og nýs lífs fyrir íbúa og gesti. Ferðaþjónusta hefur blómstrað hin síðari ár af þessum sökum. Í reynd má segja að ný Bilbao hafi þannig risið úr rústum iðnaðarkreppu níunda áratugar síðustu aldar og umbreyst í fallega og mannvæna borg. Þar ber hæst hið útlitsfagra Guggenheim-safn eftir Kanadamanninn Frank O. Gehry. En fleiri byggingarlistardjásn hafa orðið til. Ráðstefnu- og tónlistarhöllin Euskalduna er í þeim hópi. Einnig nýtt jarðlestakerfi sem breski arkitektinn Norman Foster hannaði. Santiago Calatrava, frægasti núlifandi arkitekt Spánverja, teiknaði nýja flugstöð við flugvöllinn skammt utan borgarinnar. Eftir hann er einnig Zubizuri – Hvíta brú – en hún bættist fyrir nokkrum árum við þær brýr sem liggja yfir Nervión-fljót í borginni. Á bökkum þess, skammt frá  Guggenheim og Hvítu brú, gnæfa og ný háhýsi eftir þá Arata Isozaki frá Japan og  César Pelli frá Argentínu. Margt fleira er nýtt af nálinni eða uppgert og endurbætt.
Bilbao stendur í kvos meðal iðjagrænna hæða. Áðurnefnt Nervión-fljót rennur í gegnum hana. Í  fljótinu í gætir sjávarfalla og skipgengt er upp til borgarinnar. Fyrr á tíð var höfn þar en hún var færð til strandar.
rómaðir fyrir góðan mat og listakokka. Fiskréttir eru í sérflokki. Kóngur þeirra er saltfiskurinn í ýmsum útgáfum. En Baskar eru ekki síðri í að matreiða kjöt. 


sigling_yfir_hafid_bilbao_spann_5.jpg

Miðvikudagur 29. april  – Á siglingu
Síðasta dagsins á siglingu er notið á skipinu. Hvort sem kosið er að vera úti á dekki í sólinni og láta stjana við sig og skemmta af starfsfólki skipsins eða vera innandyra þar sem margt er um að vera, hvort sem er útsölur á göngugötunni, taka á því í ræktinn , láta stjana við sig í nuddi eða öðru í heilsulindinni, eða bara njóta þessa að ganga um skipið.


Celebrity_Silhouette1

Fimmtudagur 30.april - París  ( Le Havre), Frakkland
Það er óþarfi að fjölyrða um hvað París er stórkostlega heillandi og falleg borg. Í franska höfuðstaðnum tekur hvert safnið við af öðru, Louvre, d'Orsay, Picasso og Rodin. Svo eru það lystigarðar og almenningsgarðar, Tuileries á bökkum Signu og Lúxemborgargarðurinn á vinstri bakkanum, og auðvitað Sigurboginn og Eiffelturninn sem allir verða að sjá að minnsta kosti einu sinni á ævinni.


sigling_yfir_hafid_paris_frakkland_1.jpg

Föstudagur 1. maí - Southampton, Englandi – heimferð
Tékkað út af skipinu og rútan bíður við skipshlið. Ekið sem leið liggur að Heathrow flugvelli. Flogið með Icelandair til Keflavíkur kl. 13:05 áætluð lending er 15:15.

Sjá nánari ferðalýsingu
Bókaðu þína ferð
Báðar leiðir
Aðra leið
  • Hagnýtar upplýsingar

  • Verð og innifalið

  • Veðrið

  • Flugtími

    Kef ORL

    8 klst

    Eftirmiðdagsflug

  • Gjaldmiðill

    $

    USD

    Gengi

Gististaðir

Kort

Sjá alla gististaði
Sjá Kortasýn Sjá gististaði

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun