Aquasol, Palmanova

Aquasol er einfalt og fjölskylduvænt íbúðahótel á Palmanova ströndinni. 

Á hótelinu eru 132 íbúðir, ýmist með einu, tveimur eða þremur svefnherbergjum sem rúma mest 8 einstaklinga. Íbúðirnar eru snyrtilegar og innréttaðar á látlausan hátt. Baðherbergin eru öll með "walk inn" sturtu. Ókeypis þráðlaus nettenging er á öllum svæðum hótelsins. Athugið að ekki er lyfta á hótelinu.

Á veitingastaðnum Citrus er hægt er að fá bæði morgun- og kvöldverð af hlaðborði. Hægt er að velja af sérstöku hlaðborði fyrir börnin. Tveir barir eru á hótelinu, inni er Aquasol barinn þar sem hægt er að svala sér á góðum kokteilum eða bara fá sér einn kaldan en á útisvæðinu er sundlaugarbarinn Fresco þar sem hægt er fá sér drykki og létt snarl. Krakkaklúbbur er á hótelinu með ýmsar skemmtanir fyrir 4-12 ára, s.s. vatnaleiki, ýmis konar barnasýningar og mini disco svo eitthvað sé nefnt.