fbpx Best Siroco, Benalmadena | Vita

Best Siroco, Benalmadena
4 stars

Vefsíða hótels

Best Siroco hótelið er nútímalegt, stórt og glæsilegt hótel rétt við strandlengjuna í Benalmadena. Stutt niður á höfn og hótelið er í göngufjarlægð frá skemmtigörðum og fjölbreyttri afþreyingu.

Á hótelinu eru 404 herbergi sem skiptast í tveggja, þriggja og fjögurra manna herbergi. Herbergin eru björt og fallega innréttuð, veggir eru hvítmálaðir en viðarhúsgögn og parket á gólfi gera umhverfið mjög hlýlegt. Á öllum herbergjum er frítt internet, sjónvarp með gervihnattastöðvum, míníbar, sími og öryggishólf en einnig eru svalir eða verönd út frá öllum herbergjum. Baðherbergin eru flísalögð og á þeim er baðkar með sturtu, hárþurrka og helstu snyrtivörur.

Á hótelinu er veitingastaður sem býður upp á spænska og alþjóðlega rétti af hlaðborði. Stundum eru þar matreiðslumenn að leika listir sínar og leyfa gestum að fylgjast með. Einnig er bar á hótelinu þar sem reglulega er boðið upp á fjörug skemmtiatriði. Það er ávísun á indæla kvöldstund að fá sér drykk í góðum félagsskap úti á veröndinni. Margir góðir veitingastaðir og skemmtilegir barir eru í næsta nágrenni við hótelið svo það er um að gera að skoða sig um.

Hótelgarðurinn er stór, fallegur og gróinn. Í honum eru tvær góðar sundlaugar og sólbaðsverönd svo nóg er af plássi og góð aðstaða til að slaka á og sleikja sólina. Á hótelinu er gott líkamsræktarherbergi þar sem hægt er að taka vel á því og eftir æfinguna er hægt að skella sér í tyrkneskt bað eða sánu. Leikjaherbergi er á hótelinu en meðal annars er hægt að spila billjarð þar. Á hótelinu er líka fjölbreytt skemmtidagskrá fyrir börn.

Í heildina er um að ræða góðan kost á mjög skemmtilegum stað við höfnina í Benalmadena. Hótelið hentar ferðamönnum með fjölbreyttar þarfir og ólíkum hópastærðum. Góðir golfvellir eru í grennd við hótelið fyrir þá sem vilja taka einn hring eða þrjá.

Fjarlægðir

  • Flugvöllur: 9 km
  • Strönd: 450 m í Malapesquera strönd
  • Veitingastaðir: Á hótelinu og allt um kring

Aðstaða

  • Sundlaug
  • Skemmtidagskrá
  • Veitingastaður
  • Aðgengi fyrir fatlaða
  • Bar
  • Barnadagskrá
  • Barnaleiksvæði
  • Gestamóttaka
  • Heilsulind
  • Herbergi
  • Líkamsrækt
  • Nettenging

Vistarverur

  • Sjónvarp
  • Öryggishólf
  • Verönd/svalir
  • Minibar
  • Hárþurrka
  • Loftkæling: og kynding

Fæði

  • Hálft fæði
  • Morgunverður
  • Án fæðis

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun