Grand Hotel Oriente

Grand Hotel Oriente er gott 4 stjörnu hótel í nútímalegum stíl. Hótelið er nýlega endurnýjað og staðsetningin er góð miðsvæðis í Napolí. Á hótelinu er morgunverður borinn fram af hlaðborði á fallegum veitingastað á annarri hæð. Hægt er að sitja úti. Á efstu hæð hússins er "Roof top bar" þar sem hægt er að njóta útsýnisins. 

Herbergin eru rúmgóð og fallega innréttuð í ljósum litum. Baðkar með sturtu er í öllum herbergjum. Þau eru öll með sjónvarpi, loftkælingu, minibar, öryggishólfi og hárþurrku. Frítt þráðlaust internet er um allt hótelið og herbergisþjónusta í boði allan sólarhringinn. 
Hægt er að leigja hjól í gestamóttöku. Verslanir og veitingastaðir eru allt um kring.