NH Panorama Napoli

NH Panorama Napoli er 4 stjörnu hótel í nútímalegu háhýsi í miðborg Napolí. Staðsetningin er góð, stutt er að ganga að sögufrægum stöðum og verslunargötum. Hótelið er í hæstu byggingu Napolí, það eru 230 herbergi á hótelinu og þau byrja á 16. hæð hússins þannig að útsýnið úr herbergjunum er frábært. Veitingastaður og bar er á fyrstu hæð hótelsins þar sem hægt er að njóta ítalskrar matarmenningar. Morgunverðurinn er fjölbreyttur og borinn fram að hlaðborði. Lítil líkamsræktaraðstaða er á 16.hæð. 

Herbergin eru í nútímalegum stíl og innréttuð í ljósum litum. Þau eru öll með frábæru útsýni yfir borgina. Þau eru öll með sjónvarpi, loftkælingu/hitun, öryggishólfi, hárþurrku, minibar og frítt þráðlaust internet er um allt hótelið.