Novotel Gdansk Centrum hotel
Vefsíða hótels
Þægilegt hótel á frábærum stað í hjarta borgarinnar, rétt við gamla bæjarhlutann. Veitingastaður og bar á hótelinu. Verslanir, veitingastaðir, söfn og mörg helstu kennileiti borgarinnar í næsta nágrenni.
Í hótelinu eru 158 herbergi, 23 fermetrar að stærð og ætluð frá tveimur fullorðnum upp í tvo fullorðna og tvö börn. Innréttingar eru smekklegar, viður millibrúnn og áklæði ljóst. Teppi er á gólfum. Standard herbergi eru búin stillanlegri loftkælingu og upphitun, flatskjársjónvarpi með gervihnatta- og greiðslurásum, síma, öryggishólfi, smábar og aðstöðu til að laga te og kaffi auk ókeypis þráðlausrar nettengingar. Á baðherbergi er sturta, hárþurrka og baðvörur. Executive herbergjum fylgir baðsloppur, fleiri snyrtivörur, iPod-vagga, kaffivél, vatn á flöskum og hraðari nettenging.
Novo Square heitir veitingastaðurinn á hótelinu. Þar er úrvals morgunverður af hlaðborði og í hádeginu og á kvöldin er hægt að velja sælkerarétti frá ýmsum heimshornum af matseðli. Setustofubarinn býður upp á svalandi drykki og létt snarl. Þegar veður leyfir er tilvalið að setjast út í hótelgarðinn og njóta matar og ljúffengra drykkja undir beru lofti. Í garðinum er einnig afmarkað leiksvæði fyrir börn.
Lítil líkamsræktaraðstaða er á hótelinu með nokkrum tækjum.
Móttakan er opin allan sólarhringinn og þar er farangursgeymsla, hraðbanki og hjólaleiga, auk þvotta-, þurrhreinsi- og strauþjónustu og Xbox-leikjatölvu fyrir börn.
Hótelið er á frábærum stað í miðborginni, með verslanir og veitingastaði í götunum í kring. Mörg söfn og helstu kennileiti borgarinnar eru í léttu göngufæri, til dæmis er 5 mínútna gangur að Dlugi-markaðnum. Almenningssamgöngur stoppa við hótelið og fyrir þá sem hyggjast leigja bíl eru bílastæði sem tilheyra hótelinu.
Fjarlægðir
- Flugvöllur: 17 km
- Veitingastaðir: Á hóteli og allt um kring
- Miðbær: Í miðbænum, rétt hjá gamla bænum
Aðstaða
- Veitingastaður
- Aðgengi fyrir fatlaða
- Bar
- Gestamóttaka
- Herbergi
- Lyfta
- Nettenging
Vistarverur
- Sjónvarp
- Öryggishólf
- Loftkæling
- Kaffivél
- Minibar
- Hárþurrka
Fæði
- Án fæðis