Riva Bodrum Resort

Vefsíða hótels

Fallegt hótel sem staðsett er uppi á hæð á milli bæjanna Gumbet og Bitez. Herbergin á hótelinu eru annaðhvort í aðalbyggingu eða í smáhýsum sem byggð eru utan í hæðina og snúa að ströndinni í Bítez. Öll herbergin eru rúmgóð og nýtískuleg, í ljósum og fjólubláum litum. Í aðalbyggingunni eru herbergin með litlar svalir eða svokallaðar franskar svalir, en í smáhýsunum eru stórar svalir eða verönd.

Í hótelinu eru þrjár útisundlaugar, heilsulind og aðstaða til líkamsræktar. Stuttur gangur er niður hæðina að strönd, en hótelið býður einnig upp á skutlur sem flytja gesti á ströndina og til baka. Rétt er að taka fram að mikið er um tröppur á milli smáhýsanna, en í aðalbyggingunni er lyfta.

Á hótelinu er starfræktur barnaklúbbur fyrir börn 4 - 12 ára og fyrir fullorðna er skemmtidagsskrá á hverju kvöldi. Í hótelinu er allt innifalið og morgunmatur og máltíðir eru bornar fram í fallegum veitingasal á verönd sem snýr út að fagurbláum Bitezflóanum.

Fyrir framan hótelið stoppa litlir strætisvagnar á 10 mínútna fresti, svokallaðir dolmusar, og gestir geta ferðast með þeim til miðbæjanna í Gumbet og Bodrum gegn vægu gjaldi.

Fjarlægðir

  • Flugvöllur: 40 km
  • Miðbær: 1,5 km
  • Strönd: 1 km
  • Veitingastaðir: 1,5 km

Aðstaða

  • Sundlaug
  • Skemmtidagskrá
  • Veitingastaðir
  • Bar
  • Barnaleiksvæði
  • Barnasundlaug
  • Gestamóttaka
  • Heilsulind
  • Herbergi
  • Líkamsrækt
  • Lyfta
  • Nettenging: Frítt í gestamóttöku

Vistarverur

  • Hárþurrka
  • Verönd/svalir
  • Loftkæling
  • Minibar
  • Sjónvarp
  • Öryggishólf

Fæði

  • Allt innifalið

Við notum vefkökur (e.cookies) t.d. til að greina umferð um vefinn og til að bæta upplifun notanda á síðunni. Með því að halda áfram að vafra um síðuna samþykkir þú vefkökuskilmála VITA

Nánari upplýsingar um vefkökunotkun