Sir Anthony, Playa de las Américas

Sir Antony er 5 stjörnu hótel við Amerísku ströndina. Góð þjónusta og allur aðbúnaður er í samræmi við 5* hótel.
Þjónustufólk dekrar við hótelgesti og leggur sig fram um að dvölin á Sir Antony verði ánægjuleg.

Hótelið er byggt í boga og snýr yfir sundlaugargarð og strönd. Í garðinum er sundlaug og sólbekkir með mjúkum dýnum til að sem best fari um gesti.

Hótelið er við strönd á besta stað á amerísku ströndinni, steinsnar frá aðal verslunargötunni. Þar er fjölbreytt mannlíf, barir, kaffihús, veitingastaðir, smáverslanir og verslunarhús.

Á hótelinu eru 70 herbergi og svítur. „Double Superior“ eru á samningi. Smart tveggja manna herbergi með verönd eða svölum og útsýni yfir garð og út á sjó. Smart herbergi þarf að sérpanta. Öll eru herbergin loftkæld með þráðlausu netsambandi, sjónvarpi með gervihnattarásum, öryggishólfi, smábar, tónlistarrásum og síma. Baðherbergi eru falleg og vel búin með síma, baðslopp, inniskóm og hárþurrku.  

Við hótelið eru sex veitingastaðir og barir. Strandbarinn er sérlega notalegur og er opinn fyrir drykki og létta rétti allan daginn og fram á kvöld. Veitingastaðurinn Windsor er í fallegu umhverfi  með úrvals mat. Austurlenskur matur er borinn fram á Feng Shui Asian Restaurant og steikarstaðurinn er með nautasteikur frá Argentínu. Auðvitað er líka spænskur veitingastaður með tapas réttum og úrvali af þjóðlegum réttum. Hægt er að kaupa morgunverð eða hálft fæði. 

Glæsilegt hótel með öll helstu þægindi.

Athugað að stórar rútur komast ekki alveg að Sir Anthony og því þurfa farþegar sem bóka akstur til og frá flugvelli að ganga ca 300m að hótelinu.