Pílagrímaganga Siena Rome

Einstaklega skemmtileg gönguferð á slóðum pílagríma

  • Pakkaferðir
    +
    -
    +
    -
    +
    -

    Verð frá

    319.500 kr    * Á mann m.v. 2 í herbergi með hálfu fæði.

  • Flug

Myndagallerí

Í fótspor pílagríma

15. - 25. október
Fararstjóri: Magnús Jónsson

Undanfarin tvö ár hefur Magnús Jónsson sagnfræðingur haldið vinsæl námskeið um suðurgöngur Íslendinga á miðöldum. Í framhaldi af þeim hefur hann farið með tvo gönguhópa um hluta pílagrímaleiðarinnar til Rómar, frá Lucca til Siena. Nú verður pílagrímagöngunni haldið áfram til  borgarinnar eilífu.
Gengnir verða um 125 kílómetrar en það er um það bil lágmark til að fá viðurkenningu páfa í lokin. 
Það er til íslensk leiðarlýsing fyrir pílagríma frá 1153 eftir Nikulás Bergsson ábóta á Munkaþverá og liggur leið göngumanna í fótspor hans eins og unnt er. Margir þekktir Íslendingar gengu suður, m.a. Guðríður Þorbjarnardóttir, Hrafn Sveinbjarnarson og Sturla Sighvatsson sem var leiddur berfættur milli allra kirkna í Rómaborg og hýddur frammi fyrir flestum höfuðkirkjum.
Flogið er til Rómar og ekið til Montefiascone sem er nokkuð sunnan við Siena en þar endaði fyrri hluti þessarar göngu. Gengið er í fótspor pílagríma en einnig Rómverja þegar farin er hin forna via Appia leið eftir hellulögðum stígum. Leiðin liggur um einstaklega fallegt landslag, gamla sögufræga bæi eins og Viterbo og Sutri og framhjá fornum sprengigýgum og eldfjöllum. Gist í tveggja manna herbergjum allan tímann bæði á hótelum og í einfaldari gistiaðstöðu. Hádegisverður á eigin vegum alla dagana, farangur er alltaf fluttur milli staða og bíll fylgir hópnum svo ekki þarf alltaf að ganga alla dagleiðina.

Dagur 1  Reykjavík – Montefiascone

Flogið til Rómar og milli lent í Kaupmannahöfn. Frá Róm er um tvegga tíma akstur til Montefiascone þar sem gist er fyrstu nóttina. Montefiascone sem stendur á hæð sunnan við Bolsenavatnið er um 100 kílómetrrum norðan við Róm og innan vébanda Lassiohéraðsins í mið Ítalíu. Borgin sem stendur á mikilli hæð var ein af 12 höfuðborgum Etruska og var kastalinn þar einn af dvalarstöðum Albornos Kardinála þegar páfastóllinn var í Avignon. Hann fór síðar í niðurníðslu vegna sjúkdómsfaraldurs 1657 og mikilla jarðskjálfta 1697 en hefur að einhverju leyti verið endurbyggður. Gisting  á hóteli Alta Villa  

Dagur 2: Montefiascone - Viterbo                                                                                                    

Um morguninn gefst tími til að skoða sig um í Montefiascone og fara upp í „pílagrímaturninn“.  Þaðan er gott útsýni yfir gönguleiðna til Viterbo og síðan Rómar og yfir hið undurfallega Bolsenavatn. Við fáum tilfinningu fyrir svæðinu og sögu þess allt frá tímum Etruska til Rómverja og fram á miðaldir. Leiðin liggur að hluta eftir hellulögðum vegi, Via Cassia sem var mikilvæg rómversk leið líklega frá 2.öld fyrir Krist. Á leiðinni er víða heillandi útsýni yfir Montefiascone og Viterbo. Þegar um  fimm kílómetrar eru til Viterbo er hægt að fara í heit böð  Terme del Bagnaccio. Þeirra er getið þegar á miðöldum. Viterbo er fyrrum páfasetur og þar er mikið af glæsilegum kirkjum og klaustrum frá þeim tíma. Gaman er að skoða fyrrum dvalarstað páfa Palazzo dei Papi  og rölta um gamla bæjarhlutann “del Pellegrino”
Kvöldverður á veitingastað í  gamla borgarhlutanum, þar verður ef til vill boðið upp á Acquacotta,  sem er hefðbundinn réttur frá l Tusciahéraðinu. Gisting og  matur http://bborchard.it/it/   Gengið 18 km 5-6 tíma hækkun +150m  lækkun  -450m.  

Dagur 3. Viterbo-Vetralla                                                                                                                              

Enn er gengið í Tuscia héraðinu um ólívulundi, akra og engi, framhjá litlum sveitabæjum og fé á beit.  Þennan dag er farið yfir mörkin þar sem nákvæmlega 100 kílómetrar eru til Rómar, en það er lágmarksvegalengd til að fá  TESTIMONIUM eða viðurkenningu páfa. Í Vetralla  eru gamlar og þröngar götur bæjarins þræddar áður en bragðað verður á sérrétti svæðisins brauði og einstakri ólívuolíu. Gisting og kvöldverður Antica Locanda Francigena- Vetralla locandafrancigena.it .  Gengið 18 km 6 tíma hækkum +260m; lækkun -280m. 

Dagur 4. Vetralla - Capranica                                                                                

Þennan dag er gengið milli tveggja borga um einstaklega falleg sveitahéröð. Þegar komið er til Capranica er gaman að skoða sig um í bænum sem er við rætur fornra eldfjalla Cimini  og  Sabatini og allt landslagið ber eldvirkninni merki. Um 6 kílómetrum norðan við bæinn er gígvatnið Vico og fyrir sunnan hann er Braccianovatnið sem einnig er í gömlum gíg. Bærinn stendur á hæð með útsýni yfir Sutridalinn. Fegurð staðarinns heillar marga Rómverja sem ýmsir eiga þarna sumarhús.  Bærinn skiptist í 3 hluta og tveir þeirra elstu eru á móbergsklettum milli djúpra dala. Federico Fellini tók lítinn hluta myndarinnar  La dolce vita  fyrir neðan annað þeirra, Castrovecchio við Porta del Ponte. Gisting og kvöldverður Hotel Capranica Gengið 18 km 5-6 tíma  hækkun +400m  lækkun -400m.

Dagur 5. Capranica-Sutri-Monterosi                                  

Þennan dag eru skoðaðar merkar veggmyndir í kirkjunni Santa Maria del Parto í hinum sögulega bæ Sutri, sérlega  athyglisverðar eru  fornar myndir af pílagrímum.  Þá er einnig farið í skoðunarferð með leiðsögn um einstakan rómverskan leikvang sem er listilega grafinn inn í hæð. Að því loknu er genginn síðasti spölurinn til Monterosi, þar er gott  að slaka á og njóta  sveitasælunnar í Tuscian í mjög skemmtilegri bændagistingu. Gisting og kvöldverður Agriturismo Scuderie della Contea -Monterosi-  Gengnir 18 km lengd um 6 tímar upp 250m, niður -250m.

Dagur 6. Monterosi - Campagnano                                                                                                                               

Ganga dagsins liggur um Trejadalinn sem er við rætur Montegelatofjallsins. Þarna eru tærar lindár sem hægt er að baða sig í og fallegir fossar. Enn er gengið eftir hinni fornu rómversku leið Via Cassia, hún liggur um bæinn Campanagnano De Roma sem er fyrst getið 1076.  Þegar nær dregur bænum má sjá húsin rísa upp í landslaginu. Fyrir kvöldmatinn er gaman að skoða sig um í Campagnano. Gisting og kvöldverður Hotel Benigni – Campagnano (RM)  Gengið  6 tíma 12 km ; hækkun +150m lækkun -150m.

Dagur 7 Campagnano -Isola Farnese

Frá Campagnano er haldið um skógivaxnar hæðir þjóðgarðsins  Vejo, niður í  Sorbodalinn og  gegnum Formello  sem er sérlega skemmtilegur miðaldabær.  Að lokum er komið til  Isola Farnese sem stendur í skógivaxinni hæð, efst á henni trónir  Farnesekastalinn sem verður auðvitað heimsóttur eftir að hópurinn hefur komið sér fyrir á gististaðnum. Gisting og kvöldverður  Hotel Tempio di Apollo .Gengið 18 km  6 tíma  hækkun 550m lækkun -650m

Dagur 8. Isola Farnese-Rome                                                                                                       

Eftir morgunverð erum við tilbúin fyrir síðustu og lengstu dagleiðina. Að nokkru er farið um borgarland en leiðin liggur um úthverfi borgarinnar og við njótum þess að ganga um garða og græn svæði hennar. Þegar komið er á Monte Mario  blasa Péturskirkjan og Péturstorgið við í fjarska og fyrr en varir verðum við komin þangað og markinu náð.  Hotel Medici /.

Dagar 9. Pílagrímakirkjurnar í Róm

Við notum daginn til að ganga á milli  höfuðkirkna í borginni að pílagrímasið og förum í fótspor Sturlu Sighvatssonar í kirkjurnar St Giovanni í Laterano, Santa Maria Maggiore og auðvitað Péturskirkjuna.

Dagur 10. Frjáls dagur í  Róm                                                                                                                                  

Dagur 11.  Flogið heim frá Róm, milli lent í Kaupmannahöfn. 

Sjá nánari ferðalýsingu
  • Pakkaferðir
    +
    -
    +
    -
    +
    -

    Verð frá

    319.500 kr    * Á mann m.v. 2 í herbergi með hálfu fæði.

  • Flug
  • Veðrið

  • Flugtími

    Kef -> FCO

    4

    Morgunflug

  • Gjaldmiðill

    Evra

    Gengi

Sjá Kortasýn Sjá gististaði