Roca Nivaria Gran Hotel

Rova Nivaria Gran Hotel er 5 stjörnu lúxus fjölskylduhótel staðsett í um 10 km frá Costa Adeje. Í göngufæri frá hótelinu eru veitingastaðir og barir.

Garðurinn er stór og fallegur. Tvær sundlaugar eru í garðinum, önnur er saltvatnslaug og upphituð allt árið, hin er ferksvatnslaug. Góð sólbaðsaðstaða er í garðium og einnig á efstu hæð hótelsins. Barnalaugar eru í garðinum með rennibrautum og leiktækjum. Frábært barnadagskrá með ýmis konar afþreyingu. Tennisvöllur er við hótelið og hægt er að kaupa tenniskennslu. Góð líkamsræktaraðstaða er á hótelinu og heilsulind með nuddpottum, afslöppun og nuddmeðferðir í boði. Nokkrir veitingastaðir eru á hótelinu, bæði à la carte og hlaðborðsveitingastaður, ásamt bar í gestamóttökunni og sundlaugarbar í garðinum.

Herbergin eru ágætlega rúmgóð og í nútímalegum stíl. Öll eru þau með loftkælingu, sjónvarpi, öryggishólfi, minibar gegn gjaldi, hárþurrku og kaffiaðstöðu. Frítt þrálaust internet er um allt hótelið. Sólbekkir eru á svölunum, baðsloppur og inniskór. Hægt er að velja um herbergi með og án sjávarsýn, junior svítur og superior svítur. Hálft fæði eða allt innifalið.

Fallegt hótel með glæsilegri aðstöðu fyrir alla aldurshópa.