Hótel Speiereck, Lungau

Hótel Speiereck er gott þriggja stjörnu hótel staðsett í St. Michael í Lungau. Hótelið er í eigu Íslendinga en nýjir eigendur tóku við rekstrinum haustið 2019. Hótelið er í 200 metra fjarlægð frá miðbæ St. Michael og stutt er í næstu skíðalyftu eða aðeins um 7 mínútna gangur.  Skíðarútan stoppar rétt hjá hótelinu og því auðvelt að komast til annarra skíðasvæða sem eru í næsta nágrenni. 

Hótelið hefur að miklu leyti verið endurnýjað en þarna er lítil móttaka, bar og veitingastaður. Herbergin hafa öll verið tekin í gegn og eru búin nýjum húsgögnum, inn á herbergjum eru ýmist hjónarúm 200x200 eða einstaklingsrúm 100x200 eftir því sem við á. Svíturnar hafa einnig svefnsófa 160x200.  Þráðlaust internet er á svæðinu, sauna og nuddherbergi þar sem hægt er að panta í nudd gegn gjaldi. Hægt er að óska etir baðsloppum gegn skilagjaldi. Á hótelinu er hálft fæði innifalið, morgunverður sem er reiddur fram af hlaðborði milli 7-10 alla morgna og  þriggja rétta kvöldmáltíð þar sem lögð er ríkuleg áhersla á gæði. Skíðageymsla er á fyrstu hæð og á neðri hæð er skíðaskógeymsla með hita. Happy hour er á  hótelinu í lok hvers skíðadags þar sem hægt er að njóta saman eftir ánægjulegan dag í fjallinu. 

Undanfarin ár hefur mikil uppbygging hefur átt sér stað á skíðasvæðunum og nýjir kláfar og stólalyftur fengið að líta dagsins ljós. Grosseck- Speiereck  er skíðasvæðið sem er næst hótelinu og er skíðakláfur í göngufæri frá hótelinu.  Í næsta nágrenni eru önnur mjög skemmtileg skíðasvæði eins og Katschberg-Aineck, Fanningberg og Obertauern. Bærinn St. Michael er afar sjarmerandi en þarna má m.a. finna þröng stræti og nokkrar verslanir. 

Hérna geta allir sem hafa gaman af  alpaskíðum, brettum og gönguskíðum fundið eitthvað við sitt hæfi . 

Ekki er í boði akstur til og frá flugvelli á vegum Icelandair VITA

Hotel der Waldhof, Zell am See

Martha boutique hotel, Zell am See

Heitzmann & Two Timez, Zell am See

Hotel Lebzelter, Zell am See

Der Schmittenhof Hotel, Zell am See

Dorfhotel Glücksschmiede, Hinterglemm

Das Alpenhaus, Kaprun

Hotel Saalbacher Hof, Saalbach

Aaritz,Selva

Hótel Aaritz er mjög gott fjögurra stjörnu hótel sem er staðsett miðsvæðis í Selva, beint á móti Ciampinoi-lyftunni eða í um 10 metra fjarlægð.

Óhætt er að fullyrða að allar vistarverur séu hinar glæsilegustu á Aaritz og er hótelið tilvalið fyrir þá sem vilja virkilega dekra við sig á meðan dvölinni stendur.

Hótelstjórinn leggur allt kapp á að skapa þægilegt og afslappandi andrúmsloft og má segja að gestir upplifi þá stemningu um leið og gengið er inn í móttökusal hótelsins, en þar er stór og notaleg setustofa þar sem ávallt er kveikt upp í arninum þegar hótelgestir koma heim af skíðum og úrval drykkja er á hótelbarnum. Frá setustofunni liggur glæsilegur stigi uppí veitingasalinn, sem er á 2.hæð hótelsins.

Hægt er að velja á milli tvenns konar herbergja. Annars vegar er hægt að fá hefðbundið tveggja manna herbergi sem er mjög makindalegt og stílhreint. Hins vegar er hægt að fá betra herbergi (superior) sem eðlilegra er stærra og betur útbúið. Með aukarúmum gesta mest fjórir gestir gist í einu og sama herberginu. Öll herbergi eru með flatskjá, þráðlausa nettengingu, síma og loftræstingu/kyndingu. Baðherbergi eru með baðkar eða sturtu og hárþurrku. 

Öll önnur aðstaða á hótelinu er fyrsta flokks. Á hótelinu er líkamsræktaraðstaða, heilsulind, sauna, blautgufa og hvíldarherbergi. Aðgangur innifalinn í verði. 

Hægt er að skíða beint frá hótelinu í skíðalyftu og að hótelinu í lok dags.

Innifalið er hálft fæði, sem er morgunverður og kvöldverður. Maturinn sérlega góður og þjónusta fyrsta flokks.

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Des Alpes Hotel, Selva

Hótel Des Alpes er þriggja stjörnu hótel staðsett við aðalgötuna í Selva við hliðina á hótel Armin sem margir þekkja. Það eru því um 400 metrar að skíðakláfnum Ciampinoi en möguleiki er á að taka skíðarútu sem stoppar um 50 metra frá hótelinu.

Á hótelinu er góður veitingasalur sem bæði er fyrir gesti og gangandi. Mikill metnaður er hjá veitingastaðnum að hafa alla matargerð í hæsta gæðaflokki þar sem aðallega er boðið upp á þjóðlega rétti, enda er ítölsk matargerð heimsþekkt. Þarna er einnig bar þar sem er tilvalið að fá sé eitthvað hressandi eftir góðan dag í fjallinu.

Hótelgestir geta valið um að vera með hálft fæði innifalið eða aðeins morgunverð. 

Herbergin eru ágæt og vel búin nútímaþægindum eins og þráðlausu interneti, sjónvarpi, síma, öryggishólfi, kaffivél, hárþurrku og fullbúnu baðherbergi þar sem ýmist er sturta eða baðkar. Sum herbergjanna eru með svölum. Í boði eru einstaklings, tveggja og þriggja mannaherbergi, bæði standard þar sem allar innréttingar eru úr eik og herbergin teppalögð og svo superior herbergi, en þau eru parketlögð og sum hver með setkrók, því stærri og rúma allt að fjóra (superior herbergin þarf að panta sérstaklega). 

Skemmtilegir veitingastaðir, apres-ski barir og verslanir eru í léttu göngufæri frá hótelinu og stutt er í almenningssamgöngur til að komast til næstu bæja. Hótelið er fjölskyldurekið og sér hún Prizka aðallega um reksturinn og tekur vel á móti öllum. Þetta er hentugur kostur fyrir þá sem vilja einfalda gistingu á góðu verði.  

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Freina, Selva

Garni Giardin Boutique, Selva

Hótel Garni Giardin er fallegt þriggja stjörnu superior hótel sem er staðsett ofarlega í Selva. Það er vel staðsett við eina vinsælustu skíðabrekkuna sem liggur frá stærsta skíðasvæðinu niður í miðbæ.

Aðeins 50 metrar eru frá hótelinu að næstu skíðalyftu og þú getur rennt þér heim að dyrum.
Góð skíðageymsla er fyrir hótelgesti. Fimm mínútna gangur er í miðbæinn, þannig að staðsetningin gerist vart betri.

VITA er með samning um Superior herbergi. Tvíbýli – Superior eru 23 m2  fallega innréttuð og vel búin með síma, 26“sjónvarpi, útvarpi, smábar, nettengingu, hárþurrku, snyrtispegli, sloppum og inniskóm. Á herbergjunum eru svalir.  Þráðlaus gjaldfrjáls nettenging.

Á Garni Giardin er gestamóttaka, morgunverðarsalur og bar. Garni Giardin er með morgunverði.

Frír aðgangur er að heilsulindinni þar sem meðal annars er hægt að nota tækjasal, fara í sauna og drekka jurtate. Nuddpottur og einka sauna gegn vægu gjaldi.

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Garni Schenk, Selva

Garni Schenk er þægilegt lítið hótel á góðum stað í Selva, rétt hjá hótel Somont sem margir þekkja. 

Í hótelinu eru 14 hlýlegar vistarverur sem skiptast í herbergi sem rúma tvo, fjölskylduherbergi sem rúmar fjóra, stúdíóíbúð fyrir tvo til þrjá og tveggja herbergja íbúð fyrir fjóra til sex einstaklinga. Innréttingar eru klassískar, í alpastíl, úr ljósri furu og með rauðu áklæði. Viðarbjálkar í loftum og teppi er á gólfum. Allar vistarverur eru búnar nútímaþægindum eins og sjónvarpi með gervihnattarásum, síma, öryggishólfi og þráðlausri nettengingu, gestum að kostnaðarlausu. Íbúðirnar eru búnar eldhúskrók með helluborði, örbylgjuofni, uppþvottavél, kaffivél og ísskáp með frysti auk potta og panna og tilheyrandi áhalda. og Á baðherbergjum er baðker með sturtu, hárþurrka og ókeypis baðvörur.
Við öll herbergi eru rúmgóðar svalir, með útsýni yfir hótelgarðinn og hluta Dólómítafjallgarðsins. 

Morgunverður með bæði heitum og köldum réttum er af hlaðborði í veitingasal alla daga.

Heilsulind með gufubaði er í hótelinu, þar sem upplagt er að slaka á eftir daginn, og hvíldarhreiður með bekkjum. 

Garni Schenk er einstaklega þægilegt fjölskyldurekið hótel á frábærum stað í Selva. Skemmtilegir veitingastaðir og verslanir eru í léttu göngufæri og stutt í almenningssamgöngur til að komast til næstu bæja.

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Armin, Selva

Armin er gott þriggja stjörnu „Superior"  hótel þar sem eigendur hótelsins,  Armin fjölskyldan, hugsa af einstakri natni um gesti sína.  Hótelið er við aðalgötuna í Selva og um 400 metrar eru að Ciampinoi kláfnum, sem gengur upp á skíðasvæðið í Selva.

Boðið er upp á litla hótelskutlu og geta gestir pantað far með bílnum.

Tveggja manna herbergi eru:
Comfort, sem eru 23-26m2 og taka 2-3
Superior" sem eru 30-40m2 og taka 2-4.
Herbergin eru nýlega uppgerð, öll með  síma, sjónvarpi, öryggishólfi og þráðlausri nettengingu. Baðherbergi eru falleg ýmist með sturtu eða baði og hárþurrku.
Comfort herbergin eru með svölum en Superior herbergin eru svalalaus.

Einbýli eru örfá og ekki með svölum.

Á hótelinu er bar og maturinn er fyrsta flokks. Hótelgestir á Armin koma þangað aftur og aftur, ekki síst til að borða hinn ljúffenga mat sem á borðum er og njóta hinnar persónulegrar þjónustu, sem er aðalsmerki hótelsins.

Fín heilsulind er á hótelinu með gufubaði, heitum potti og notalegu hvíldarherbergi. Hún er innifalin en greiða þarf fyrir afnot af heita pottinum.
Skíðageymsla er á hótelinu. 

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Oswald

Oswald er glæsilegt fjögurra stjörnu hótel sem hefur notið mikilla vinsælda hjá Íslendingum síðustu ár. Hótelið er tilkomumikið og allur aðbúnaður góður.

Hótel Oswald er við aðalgötuna í Selva.

Tveggja manna herbergin eru "Superior" herbergi og rúma 2-4 gesti. Þau eru 30 - 40 m2, fallega innréttuð með setkrók, smábar, sjónvarpi, síma, öryggishólfi, hárþurrku og svölum. Aðgangur að interneti er án endurgjalds.

Hótelið er staðsett um 500 metra frá Champinoi skíðakláfnum og svo er hótelið með litla skíðarútu sem gestir geta tekið í lyftuna, en þá þjónustu þarf að panta fyrirfram. Verslanir má finna handan götunnar og allt um kring og skíðarútan stoppar fyrir framan hótelið á nokkurra mínútna fresti.

Ávallt er lagður ríkur metnaður í veitingasal hótelsins. Innifalið er hálft fæði, þ.e. morgunverður og kvöldverður.

Í heilsulindinni er hægt er að komast í gufuböð, nuddpott, ilmbað, ljósabekki og ýmislegt fleira. Þá er boðið upp á ýmsar vellíðunar- og slökunarmeðferðir gegn gjaldi.
Á hótelinu er einnig lítið leikherbergi fyrir yngstu kynslóðina. 

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Serena, Selva

Stórfínt þriggja stjörnu hótel sem er á frábærum stað alveg við skíðalyfturnar þar sem meðal annars eru staðsettar kennslubrekkur Selva og margar aðrar spennandi brekkur fyrir byrjendur jafnt sem lengra komna. Það er ekki ofsögum sagt að það megi beinlínis skíða út og inn af hótelinu - svo nálægt brekkunum er það. Næsta skíðlyfta er í um 10 metra fjarlægð. Á hótel Serena fæst þægileg gisting á góðu verði.

Hótelið er notalegt og vel við haldið þar sem hefðbundinn týrólskur stíll ræður ríkjum. Herbergi hótelsins eru vistleg, góð og einföld,  VITA er með samning um tvær gerðir herbergja: Comfort og Superior, öll herbergin eru parketlögð með sjónvarpi, síma og öryggishólfi. Superior herbergin eru með setkrók eða sófa og eru því stærri, ásamt því að þar er innifalið baðsloppur og inniskór fyrir hótelgesti ásamt helstu snyrtivörum. Hægt er að sérpanta fjölskylduherbergi sem taka 2 fullorðna og 2 börn. 

Eins og áður hefur komið fram er hótelið staðsett rétt hjá barnabrekkum, þannig að það hentar einstaklega vel fyrir börn og aðra sem vilja fara í skíðakennslu. 

Á hótel Serena er hálft fæði innifalið, morgunverður af hlaðborði þar sem fjöldi rétta er í boði og þriggja rétta kvöldverður á kvöldin. 

Tiltölulega lítil en ágæt heilsuaðstaða er á hótelinu og er aðgangur að henni innifalin. Þar er gufubað, heitur pottur, ljósabekkur, hægt að fara í heitt og kalt fótabað og svo er hægt að panta nudd gegn gjaldi. Einnig er lítil líkamsræktaraðstaða. 

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 
 

Somont, Selva

Hótel Somont er fallegt  fjögurra stjörnu hótel, ofarlega í bænum Selva. Það er frábærlega vel staðsett við skíðabrekku sem liggur frá einu stærsta skíðasvæðinu niður í miðbæ.

Aðeins 50 metrar eru frá hótelinu að næstu skíðalyftu og þú getur rennt þér heim að dyrum. 10 mínútna gangur er í miðbæinn, þannig að staðsetningin gerist vart betri.
Tekin er lyfta frá skíðageymslunni uppá skíðabrautina sem liggur framhjá hótelinu.
 
Á Somont er gestamóttaka, falleg setustofa með arni, veitingasalur og bar.

Glæsilegt heilsusvæði er á hótelinu með innisundlaug, sólbekkjum, tyrknesku baði, nuddpotti, sauna og hvíldaraðstöðu. Aðgangur að því er innifalinn í verði. 

Vita er með samning um þrjár gerðir herbergja:
Superior, Comfort og Junior suite.

Tvíbýli  - Comfort, er 26 m²
Rúmgóð tveggja manna  herbergi í fallegum alpastíl. Herbergi eru parketlögð, öll með sturtu og hárþurrku, setkrók, síma, sjónvarpi, þráðlausri nettengingu, öryggishólfi, ísskáp og svölum.

Tvíbýli – Superior (Sasslong) er 27 m²
Rúmgóð tveggja manna herbergi í fjallakofa eða alpastíl. Herbergi eru parketlögð, öll með sturtu og hárþurrku, setkrók, síma, sjónvarpi, skrifborði,  þráðlausri nettengingu, öryggishólfi, ísskáp og svölum eða verönd.

Tvíbýli – Junior Suite 32 m²
Rúmgóð tveggja manna herbergi í fallegum alpastíl. Svíturnar eru parketlagðar, allar með sturtu og hárþurrku, setkrók eða sófa,  síma, sjónvarpi, skrifborði,  þráðlausri nettengingu, öryggishólfi og svölum.

Á hótel Somont er hálft fæði, morgunverður og kvöldverður.

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Mountain Design Hotel Eden Selva

Savoy, Selva

Mjög gott fjögurra stjörnu superior hótel staðsett á mjög góðum stað í Selva eða við hliðin á Hótel Somont sem margir þekkja. Hægt er að skiða bæði til og frá hótelinu. 

Hótel Savoy býður upp á mjög góða aðstöðu sem dæmi má nefna móttaka opin allan sólarhringinn, veitingastaður þar sem lögð er áhersla á fersk og gæða hráefni, bar og setustofa. 

Öll herbergi eru með svölum, sjónvarpi, síma, internet tengingu og fullbúnu baðherbergi þar sem eru helstu snyrtivörur og hárþurrka. 

Á hótelinu er glæsilegt spa sem hefur allt verið tekið í gegn, þar má m.a. finna bæði gufubað og blautgufu, sundlaug o.fl. Einnig er hægt að panta gegn gjaldi í nudd og aðrar snyrtimeðferðir. 

Frábær kostur fyrir þá sem vilja gera vel við sig í skíðafríinu. 

*Ath ferðamannaskattur í Selva er ekki innifalinn í verði ferðarinnar, Hann greiðist á hóteli við brottför. Sjá nánar undir hagnýtar upplýsingar. 

Laurin, Selva

Hótel Laurin er glæsilegt fjögurra stjörnu fjallahótel á frábærum stað í miðju Selva di Val Gardena. Lúxus og þægindi fyrir fríið þitt og örstutt í skíðabrekkurnar, en hótelið er rétt hjá skíðakláfnum Champinoi. 

Á hótelinu eru 25 herbergi sem skiptast í eins til tveggja manna herbergi og fjölskylduherbergi. Hönnunin á herbergjunum er í nútímalegum sveitastíl og herbergin eru hlýleg og kósý með öllum helstu þægindum. Andrúmsloftið er fágað og rólegheitin svífa yfir. Leitast er við að skapa gestum heimili að heiman. Veggir eru ljósmálaðir en húsgögn eru úr viði og á gólfum er parket. Í öllum herbergjum er frítt internet, flatskjársjónvarp með gervihnattastöðvum, öryggishólf, hitastilling og skrifborð. Öllum deluxe herbergjum fylgja svalir og sum superior og fjölskylduherbergin eru einnig með svalir. Baðherbergi eru flísalögð, þar er sturta, hárblásari og helstu snyrtivörur.

Morgunmatur er borinn fram á girnilegu hlaðborði. Á veitingastað hótelsins er boðið upp á ítalska og týrólska rétti. Notalegur bar er á hótelinu þar sem er hægt að eiga indæla kvöldstund og sötra á ljúffengum kokteilum. Fallegt útsýni er frá hótelinu til fjalla og umhverfið er mjög rómantískt. Þeir sem vilja geta pantað mat upp á herbergið. 

Inni á hótelinu er góð líkamsræktaraðstaða, upphituð sundlaug með fallegu útsýni, nuddpottur og heilsulind. Í heilsulindinni er annars vegar finnsk sána og hins vegar létt sána. Auk þess er þar tyrkneskt bað, gufubað og gott slökunarherbergi. Þar er heilsubar og þarna er því góður vettvangur til að næra líkama og sál.

Hótelið er frábærlega staðsett við hliðina á skíðabrekkunum, göngusvæði og miðbæ þorpsins. Þjónusta er frábær, starfsfólk vingjarnlegt og alltaf tilbúið að aðstoða gesti við hvaðeina sem þeir þurfa hjálp við. Skemmtilegt er að læra á skíði á þessum slóðum á veturna eða fara í gönguferðir í fallegu umhverfi restina af árinu. Skíðaleiga er á hótelinu og hægt að skrá sig í skíðaskólann. 
Það er sérstaklega yndislegt þarna um slóðir á veturna þegar skóglendi, fjöll og engi eru þakin snjó.

ATH. Hálft fæði er innifalið á hótelinu, 7x morgunverðir og 6x kvöldverðir (það er ekki kvöldverður innifalinn á þriðjudögum, nema á jólunum þá er ekki kvöldmatur á jóladag 25.desember 2024).

Ariston, Madonna

Ariston er notalegt þriggja stjörnu superior fjölskyldurekið hótel á frábærum stað við efra torgið í miðbæ Madonna. Það er örstutt í skíðalyftur, brekkur og búðir, og á hótelinu sjálfu er veitingastaður og heilsulind. Aðeins er um 50 metra gangur að næstu skíðalyftu, og stutt í verslanir.

Herbergin eru rúmgóð og búin öllum helstu þægindum; sjónvarp með gervihnattarásum, öryggishólfi og svölum. Te og kaffivél er inná herbergjum. Ókeypis þráðlaus nettenging er á herbergjum og hótelinu. Á baðherbergjum er bæði baðkar og sturta. Hárþurrka er á öllum herbergjum.

Á hótelinu er líkamsrækt og heilsulind með sundlaug, nuddpotti, sánu og tyrknesku baði. Þar er tilvalið að slaka á eftir erfiðan dag í brekkunum.
Frítt er í sauna og sund. Nudd- og snyrtimeðferðir eru einnig í boði gegn gjaldi og hægt er að leiga baðslopp. Börn að 15 ára aldri hafa aðgang að sundlaug hótelsins milli kl. 14:00 og 17:30, en hafa ekki aðgang að sauna- og gufuböðum.

Á veitingastað hótelsins er boðið upp á ítalska rétti og rétti frá Miðjarðarhafinu, bæði nýja og hefðbundari rétti. Í vínkjallaranum er mikið úrval og ef þú ert ekki viss gefur vínþjónninn góð ráð. 

Á hótel Ariston er hálft fæði, morgunverður og kvöldverður.

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Campiglio Bellavista, Madonna

Campiglio Bellavista er glæsilegt hótel sem Artini fjölskyldan hefur rekið af alkunnri gestrisni í 40 ár. Hótelið er gegnt Pradalago skíðalyftunni og í göngufæri við aðaltorgið í bænum.

Hótelinu er haldið vel við og hefur meðal annars verið endurbyggt alveg frá grunni. Allt er fyrsta flokks, bæði híbýli og þjónusta.

Öll herbergi eru með upphituð harðviðargólf, og þar eru gervihnattasjónvarp, þráðlaust internet án endurgjalds, smábar, öryggishólf og svalir.
Á baðherbergi er hárþurrka, sloppur og inniskór.
"Classic" herbergi tekur tvo og ungabarn og "Junior" svítur taka 3 fullorðna. Hægt er að sérpanta "Junior" svítu á tveimur hæðum sem tekur 4.

Í heilsulindinni er gott að láta líða úr sér eftir ævintýri dagsins. Aðgangur er innifalinn. Þar eru nuddpottur, sauna, tyrkneskt bað, og í boði eru nudd og snyrtimeðferðir gegn gjaldi.

Á veitingastaðnum er árstíðabundinn matseðill og mikið lagt upp úr fersku hráefni úr næsta nágrenni.
Maturinn þykir sérlega ljúffengur og í matsalnum stjana þjónar hótelsins við gesti sína. Skíðageymslan er með læsta skápa merkta viðkomandi herbergi.
Fæði: Hálft fæði, morgunverður og kvöldverður.

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Bertelli

Hótel Bertelli er gott fjögurra stjörnu hótel, frábærlega staðsett ofarlega í Madonna di Campiglio, rétt við skíðakláfinn Pradalago. Fimm mín ganga er í miðbæinn. Allt er til alls á hótelinu og eru herbergin rúmgóð og notaleg.  Á hótel Bertelli eru huggulegar setustofur, bar og einn af betri veitingatöðum Madonna.

Herbergin eru falleg og búin helstu þægindum. Öll með baðkeri eða sturtu, öryggishólfi, síma, hárþurrku, smábar, þráðlausri nettengingu (án gjalds) og flatskjá. Einnig er aðstaða til að laga te og kaffi. Flest herbergin eru með svölum. Hótel Bertelli er eitt fínasta hótelið í Madonna.

Heilsulindin er með litla sundlaug, tyrkneskt bað, sauna og nuddpotta. Gott er að slaka á þar eftir góðan skíðadag. Í boði er að fara í sólbekki og alls kyns nudd, gegn greiðslu.  

Hálft fæði er á hótelinu og er góður veitingastaður þar sem þjónustan er fyrsta flokks. Morgun- og kvöldverðarsalurinn er fallegur og er maturinn góður og glæsilega fram borinn. Þar er meðal annars hægt að fá mjög góðan ítalskan mat og úrvals vín frá héraðinu. 

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Cristiania, Madonna

Cristiania er snyrtilegt fjögurra stjörnu hótel sem er staðsett rétt við efra torgið í Madonna rétt hjá Bellavista hótelinu sem margir þekkja og beint á móti Pradalago skíðakláfnum. 

Hótelið hefur mikið verið tekið í gegn og þá sérstaklega sameiginleg aðstaða og superior herbergin, en val er um standard herbergi, superior og fjölskylduherbergi sem geta rúmað allt að 5. Öll eru herbergin búin helstu þægindum eins og sjónvarpi, síma, öryggishólfi og þráðlausu interneti. Baðherbergi eru ýmist með sturtu eða baðkari. Superior herbergin eru einnig með lítinn kæliskáp. Sum herbergi eru með svalir. 

Sameiginleg aðstaða á hótelinu er mjög hugguleg en þar má finna móttöku, bar og morgunverðarsal. Þarna er einnig heilsulind með finnsku og tyrknesku saunabaði, sturtum og hvíldarherbergi. Þjónustan kostar aukalega eur 10 per skiptið eða eur 40 fyrir alla vikuna. 

Cristiania er góður kostur fyrir þá sem vilja gistingu eingöngu með morgunmat og framúrskarandi staðsetningu en frá Cristiania er bæði stutt í miðbæinn þar sem má finna fjölbreytt úrval veitingastaða og í skíðalyftu. 

Ath.Eingöngu er morgunmatur í boði á hótelinu því getur verið gott  að panta fyrirfram á veitingastöðum ef á að fara út að borða á kvöldin. 

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Dahu, Madonna

Gott fjögurra stjörnu hótel sem er staðsett ofarlega við aðalgötuna rétt við skíðakláfinn Pradalago. Nánast hægt að skíða út og inn af anddyri hótelsins. Hótelið er í efri hluta bæjarins og um 200 metra gangur er í miðbæ Madonna. Komið er inn í hlýlega gestamóttöku með setustofu og þaðan er gengið inn í fallegan veitingasal. Á hótelinu er einnig bar.

Í boði eru tveggja til fjögurra manna rúmgóð og fallega innréttuð herbergi, öll með sturtu eða baði, öryggishólfi, sjónvarpi, síma, hárþurrku og þráðlausu interneti, sem hótelgestir geta notað án endurgjalds. Hefðbundin teppi eru á rúmum og öll herbergi eru með svölum. Hálft fæði er innifalið í verði og er óhætt að fullyrða að matargerðin á hótelinu sé fyrsta flokks. 
Á hótelinu er góð heilsulind, með heitum potti og gufubaði, þar sem tilvalið er að slaka á í lok dagsins. Aðgangur að svæðinu er innifalinn. 

Sérlega gott hótel sem hefur mælst afar vel fyrir.

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Diana Boutique, Madonna

Diana Boutique er fallegt hótel á frábærum stað í Madonna, gegnt 3-Tre svigbrautinni, aðeins 20 metra frá Miramonti-lyftunni og 50 metra frá Pradalago-kláfnum. Heilsulind og veitingastaður á hótelinu, tveggja mínútna gangur í miðbæinn.

Í hótelinu eru 27 fallega innréttaðar vistarverur. Hægt er að velja um classic eða superior herbergi sem ætluð eru einum eða tveimur fullorðnum eða tveimur fullorðnum og barni, og junior svítur sem rúma tvo fullorðna og barn. Allar vistarverur eru fallega innréttaðar, í klassískum alpastíl, úr ljósri furu með hvítum og rauðum litum. Parkett er á gólfum. Alls staðar er kynding, flatskjársjónvarp með gervihnattarásum, smábar, öryggishólf og þráðlaus nettenging. Á baðherbergjum er sturta, hárþurrka, snyrtispegill og baðvörur. Við mörg herbergjanna eru svalir og í sumum er rafmagnsarinn.
Morgunverðarhlaðborð er alla daga á veitingastaðnum La Stube Diana og þar er einnig tilvalið að fá sér snarl seinnipartinn. Á kvöldin stendur valið um sælkerarétti, alþjóðlega jafnt sem dæmigerða fyrir héraðið og Ítalíu alla, við kertaljós og ljúfa stemningu. Tekið er við sérpöntunum fyrir þá sem eru með fæðuóþol. Það er kósí stemning á setustofubarnum sem býður upp á kaffi og ljúffenga drykki af öllu tagi.

Í heilsulindinni er aldeilis hægt að næra líkama og sál eftir langan dag í brekkunum. Þar er nuddpottur, blaut- og þurrgufa, ilmolíusturtur og hvíldarhreiður og boðið er upp á nudd-, líkams- og snyrtimeðferðir af ýmsum gerðum.

Móttakan er opin allan sólarhringinn. Þvottahús er í hótelinu, skíðageymsla og leikherbergi fyrir börn.

Boutique Hotel Diana fær nær undantekningarlaust frábærar umsagnir. Það opnaði dyr sínar árið 1887 og á sér því ríka sögu. Staðsetningin gæti ekki verið betri, rétt við bæði kláf og lyftu og spölkorn frá miðbænum með sínum skemmtilegu göngugötum, veitingastöðum og verslunum.

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Garni Arnica, Madonna

Hotel Garni Arnica er notalegt, gott og vel viðhaldið þriggja stjörnu hótel á besta stað við torgið Piazza Brenta Alta í miðbæ Madonna. 60 metrar eru í skíðakláfinn 5 Laghi. Hótelið er fjölskyldurekið þar sem er andrúmsloft er þægilegt og gestrisni einstök.

Á hótelinu er aðgangur að þráðlausu interneti, setustofa, sjónvarpsherbergi, morgunverðarsalur, bar og Arnica Café Aprés Ski Bar, sem er veitingastaður, kaffihús og bar. Í skíðageymslu eru klossahitarar.  

Tveggja manna herbergi eru rúmgóð og flest með svölum. Herbergin eru með hárþurrku, síma, sjónvarpi og öryggishólfi. Eins manns herbergi eru mjög lítil og alltaf án svala. Herbergi eru látlaus en snyrtileg og búin ágætum húsgögnum.

Á hótelinu er heilsulind, með nuddpotti, sánu og gufubaði, þar sem tilvalið er að slaka á í lok dagsins. Hægt er að leiga baðslopp.
Athugið að börn og unglingar innan 15 ára fá ekki aðgang að heilsulindinni (heldur ekki með fullorðnum). 

Morgunmatur er innifalinn í verði.

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Garni St. Hubertus, Madonna

Garni St. Hubertus er vinalegt,einfalt þriggja stjörnu hótel á frábærum stað í Madonna. Hótelið er í miðbænum og er 50 metra frá skíðalyftu. Allt um kring eru verslanir, kaffihús og veitingastaðir.

Hótelið sjálft er einfalt og komið til ára sinna en á sína fasta viðskiptavini sem hafa komið ár eftir ár og vilja hvergi annars staðar vera. Á hótelinu er hlýleg setustofa og bar og hefur St. Hubertus í gegnum árin verið þekkt fyrir sérlega góðan og vel útilátinn morgunverð.

Herbergi eru lítil og gamaldags, en hrein og snyrtileg. Öll herbergi hótelsins eru með síma, sjónvarpi, öryggishólfi og hárþurrku. Þráðlaus nettenging er í sameiginlegum rýmum og næst oftast uppá herbergi.
Hægt er að panta fjölskylduherbergi. 

Hótelið er rétt hjá 5 Laghi Express skíðalyftunni. Á Hubertus er góður garður og útisundlaug en hún er bara opin yfir sumartímann. Á hótelinu er skíðageymsla, sólarhringsmóttaka, bílastæði og lyfta svo eitthvað sé nefnt.

Hagkvæmur en einfaldur kostur á fínum stað í miðbænum nálægt skíðalyftum. 

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Majestic Mountain Charme, Madonna

Majestic Mountain Charme er glæsilegt hótel á besta stað við göngugötuna í Madonna di Campiglio. Frábært útsýni yfir fjöllin, heilsulind, góður matur og örstutt í kláfinn upp í brekkurnar.

Á hótelinu eru 43 nýuppgerð herbergi sem skiptast í tveggja til þriggja manna sem eru eftirfarandi herbergjatýpur; superior herbergi, juniour svítur og design junior svítur. Hægt er að bóka samliggjandi herbergi gegn sérpöntun. Herbergin eru fallega hönnuð og allar innréttingar nútímalegar og úr náttúrulegum efnum sem gerir vistarverur afar hlýlegar og snyrtilegar. Á gólfum er parket. Í öllum herbergjum er sjónvarp, míníbar, internet og öryggishólf. Baðherbergin eru flísalögð en þar er sturta, hárþurrka og helstu snyrtivörur.

Á Majestic, eins og algengt er á Ítalíu er gengið út frá því að heilsan byrji að innan og því þurfi að næra sig rétt. Þegar kemur að næringu er hugað að því hvað hentar gestunum, allt frá girnilegu morgunverðarhlaðborði og þar til sest er niður með drykk eftir kvöldverð.  Vínúrvalið er mjög gott.  Á hótelinu er einnig bar þar sem reglulega er flutt lifandi tónlist. 

Sky Wellness Terrace heilsulindin er starfrækt á efstu hæð hótelsins með útsýni yfir Madonna di Campiglio og skíðabrekkurnar. Þar er dásamlegt að láta líða úr sér eftir daginn í gufunni, sturtunum eða nuddpottinum. Einnig eru þar afslöppunarherbergi á borð við Majestic Lounge þar sem hægt er að slaka á við arineldinn. Svo er auðvitað hægt að bóka dekurmeðferðir. Heilsulindin er aðeins fyrir 16 ára og eldri. 

Á veturna gefur augaleið að flestir gestanna nýta sér nálægðina við skíðasvæðin út í ystu æsar. Það er þó ekki síður skemmtilegt að koma þangað á sumrin en þá er hægt að fara í gönguferðir, fjallgöngur, hjólaferðir, leiðsöguferðir með reyndum leiðsögumönnum, boðið er upp á tónleika í mikilli hæð yfir sjávarmáli, flúðasiglingar og svifflug.

Í heildina er Majestic Mountain Charme frábær kostur fyrir vetrar- eða sumarfrí í fjöllunum. Hér er um að ræða hótel í háum gæðaflokki þar sem tekið er vel á móti gestum sem vilja fágaða upplifun í fjallalandslagi.

Ath. þann 31. desember þurfa hótelgestir að greiða beint til hótelsins aukagjald fyrir áramótakvöldverðinn sem er sérstaklega glæsilegur. 

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Montana, Madonna

Hótel Montana er mjög gott 3ja stjörnu hótel, frábærlega vel staðsett með skíðabrekku nánast í bakgarðinum og hægt að skíða heim á hótel. Rúmgóð herbergi, flottur bar og einstaklega góður morgunverður.

Montana er í efri hluta bæjarins örstutt frá skíðakláfnum Pradalago og aðeins 200 m fjarlægð frá miðbæ Madonna.

Á hótelinu er notalegur bar þar sem hann Franscisco dekrar við gestina, en þar er bæði hægt að fá ýmsa góða drykki og létt snarl á kvöldin.  Á hótelinu er einnig morgunverðarsalur og sjónvarpsherbergi.

Hægt er að slappa af og dekra við sig eftir góðan dag í skíðabrekkunum í nuddpottinum, sauna og nudd sturtunum sem eru á hótel Montana. Aðgangur að heilsuræktinni, nuddpotti og sauna er innifalin í verði fyrir farþega á vegum VITA. Herbergin eru stór og rúmgóð, þar sem öll rúm eru með sængum. Hægt er að velja á milli hefðbundinna tveggja manna herbergja og herbergja sem hafa pláss fyrir allt að fjóra gesti. 

Öll herbergi eru með síma, sjónvarp með flatskjá, öryggishólf, gjaldfrjálst þráðlaust net og svalir. Hárþurrkur og baðsloppar eru á öllum herbergjum.

Fyrir þá sem vilja leigja skíði, þá er hótelið í samstarfi við skíðaleigu í bænum. Hægt er að fá skutl þangað fram og tilbaka og því einstaklega þægilegt.  Einn af eigendum hótelsins er skíðakennari og því er tilvalið að fá upplýsingar um skíðakennslu eða panta tíma beint hjá þeim. 

Innifalið í verði er morgunverður. 

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.

Sporthotel Romantic Plaza, Madonna

Sporthotel Romantic Plaza er 4ra stjörnu hótel við efra torgið í miðbæ Madonna og örstutt í skíðalyftur. Fín herbergi, góður matur og frábær staðsetning. Um 5-7 mín. gangur er í næsta skíðakláf. 

Nokkrar gerðir herbergja eru á Romantic Plaza.
VITA er með samning um "Superior", "Panoramic" og "Natura" herbergi. Á vefsíðu hótelsins eru bæði myndir og lýsing af herbergjunum, en herbergi eru misjöfn að stærð og ekki öll eins. 

Á öllum herbergjum er flatskjár, internet, smábar (ef óskað er), öryggishólf og svalir eru á sumum herbergjum en þó ekki öllum. Á baðherbergi er hárþurrka, sloppar og inniskór.

Í glæsilegri heilsulindinni eru innilaug, heitur pottur og sauna, auk fjölda vel valinna nudd- og dekurmeðferða. Aðgangur að heilsulindinni er innifalinn. Nudd- og dekurmeðferðir er hægt að panta gegn gjaldi. 

Veitingahúsið  leggur áherslu á ferskan mat úr nágrenninu og fjölbreytileika. Á barnum er hægt að njóta aprés-ski stemningar.
Skíðageymslan er með hitarörum fyrir skíðaskóna. Ekki eru sérstakir skíðaskápar fyrir hvert herbergi, heldur eru þau geymd í stóru opnu rými. 

Ferðamannaskatturinn í Madonna er ekki innifalinn í verði ferðarinnar. Hann greiðist á hóteli við brottför. Sjá nánar undir hagnýtar upplýsingar.