Royal Tenerife Country Club Golf del Sur

Ég var að koma frá Tenerife þar sem ég gisti á Royal Tenerife og lék golf á hverjum degi í 15 daga. Fyrst af öllu vil ég lýsa yfir ánægju minni með gistinguna, frábært að gista þarna við golfvöllinn og aðbúnaður eins góður og getur verið fyrir minn smekk.  Dvölin var í alla staði mjög ánægjuleg.  Fararstjórn á staðnum er og hefur verið frá upphafi frábær.  Atli tekur á móti farþegum á hótelunum þegar þeir koma frá flugvelli.
- Sigurður Hauksson - nóv 2019

Royal Tenerife Country Club er 3ja stjörnu gististaður með íbúðum sem eru ýmist með einu eða  tveimur svefnherbergjum. Staðsett á Golf del Sur-golfvellinum og tekur u.þ.b. 4 mínútur að labba í klúbbhúsið.
Við gististaðinn eru 3 útisundlaugar, ein vel upphituð, og góður sundlaugagarður. Bar sem bíður uppá bæði mat og drykki. Það er litil líkamsræktarstöð, einnig er tennisvöllur og borðtennisaðstaða.

Íbúðirnar eru mjög huggulegar, byggðar í nýlendustíl, ýmist með verönd eða svölum. Loftræstikerfið er mjög gott,vifta er í stofulofti, svefnsófi, góður hægindastóll, kapalsjónvarp. Hægt er að leigja öryggishólf án gjalds. Á baðherbergjum (2) er hárþurrka og snyrtivörur  og í eldhúsinu er örbylgjuofn,brauðrist,hraðsuðuketill og kaffivél.

Í svefnherbergi eru stórir fataskápar og stórt hjónarúm með góðum sængum. Svalir og verandir eru vel búnar húsgögnum og sólbekkjum. Það er þrifið og skipt um handklæði á þriggja daga fresti og á rúmum á 6 daga fresti.

WiFi er frítt og hraðvirkt og er til staðar hvarvetna á gististaðnum. Nuddstofa,hárgreiðslustofa og snyrtistofa er á staðnum.

Gestamóttakan er opin allan sólarhringinn og á svæðinu er lítil verslun þar sem allt það helsta fæst og þar færst líka nýbakað brauð kl átta á morgnana og búðin er opin alla daga frá 8 til 21.
San Blas hverfið er í um 15-20 mín. göngufæri og þar er fjöldi veitingastaða, smáverslana, matvöruverslun.  

Í 5 mín göngufæri er Apótek, lækna/tannlækna og sjúkraþjálfunar stöðvar.

Frá íbúðunum er víða fallegt útsýni yfir golfvöllinn og íbúðirnar eru staðsettar á milli brauta golfvallarins.
Aksturinn á suður flugvöllin tekur aðeins um 10 mínútur.

Santa Barbara Golf and Ocean Club

Hótelið er staðsett við ströndina um 15 mín akstur frá flugvelli og örstutt frá Golf del Sur golfvellinum.
Um 15 mín ganga er að golfvellinum eða um tvær mínútur í leigubíl, sem kostar ca. 4 evrur. Í göngufæri frá hótelinu eru nokkrir veitingarstaðir og barir.

Á hótelinu er útisundlaug, heilsulind með heitum potti og gufubaði. Allar íbúðirnar á  Santa Barbara Tenerife eru með vel útbúin eldhús með ísskápi, þvottavél og þurrkara.

Setusvæði er með sófa, flatskjásjónvarpi með gervihnattarásum og DVD-spilara. Baðherbergin eru með hárþurrku. Öll herbergin eru með  loftkælingu og hita. Mjög falleg útsýni er víða frá hótelinu yfir Atlantshafið. 
Veitingastaðurinn Melrose er með úrval af staðbundnum og alþjóðlegum réttum á matseðlinum og hægt er að fá sér drykki eða snarl á sundlaugarbarnum. Matvöruverslun er á staðnum sem er mjög þægilegt fyrir gesti að hafa.