ATH: Lágmarksfjöldi í ferð er 20 manns. Öll verð sem birt eru á þessari síðu eru til upplýsinga um verð á þjónustu erlendis og geta breyst án fyrirvara.

Staðsetning: Peinina Golf & Resort er skammt frá borginnni Portimao í vestur hluta Algarve héraðsins. Það er u.þ.b. klukkutíma akstur frá flugvellinum í Faro til Penina.

FYRIR BROTTFÖR

Heilsa: Næsta apótek er í Portemao. Ef kalla þarf út lækni verður viðkomandi að greiða honum beint. Vinsamlega hafið samband við fararstjóra ef upp koma veikindi.

Golfvörur: Golfvörur á Íslandi geta verið ódýrari og oft er meira úrval hér heima en í "pro-shop" verslunum erlendis. Samt sem áður er hægt að kaupa mjög falleg golfföt, sem sum eru nokkurskonar "minjagripir"- merkt viðkomandi golfstað.

Farangur: VITAgolf er með sérreglur um golfsett. Hver farþegi má hafa 20kg + 15kg golfsett, samtals 35kg. Sumir hafa spurt hver sé leyfileg þyngd á 2ja setta pokum. Það er ekki verið að skilgreina hvort 2 golfsett séu saman í poka svo lengi sem heildarþyngd pokans fer ekki yfir 30 kg.

Handfarangur: Flugmálastjórn hefur gefið út bækling með reglum um handfarangur. Nýjustu útgáfu má nálgast hér.

Hraðbankar: Það eru hraðbankar í Portemao Aqua verslunarmiðstöðinni

Internet tenging: "WI-FI" (þráðlaus tenging), er í öllum herbergjum án endurgjalds og opnum svæðum.

Klæðnaður: Eins og gengur og gerist með velli í háum gæðaflokki þá eru reglur um klæðaburð almennt mjög strangar. Bannað er t.d. að leika í gallabuxum og íþróttabuxum (trimmbuxum,) svo og í kragalausum bolum og stuttbuxum með teygju í mittið. Hlýrar á kvenmannsbolum verða að vera a.m.k. 5 cm breiðir og fleira. Ætlast er til að kylfingar séu í viðeigandi klæðnaði. það er golfbuxum síðum eða í stuttbuxum (Bermúdasídd) í skyrtu með kraga og golfskóm. Gott er að hafa þunna peysu með á völlinn. Góð regla er að hafa ávallt regnhlíf og regnföt með í golfferðina og í golfpokanum.

Sólarvörn og flugur: Við mælum með, þegar fólk fer erlendis að spila golf, að sólarvörn og vörn gegn moskítóflugum sé með í golfsettinu. (Fæst í flestum apótekum hér heima).

Evrópska sjúkratryggingakortið: Við mælum með að menn sæki um það hjá Tryggingastofnun ríkisins og hafi meðferðis. Evrópska sjúkratryggingakortið er notað ef korthafi veikist eða slasast í öðru EES-ríki. Ríkisborgarar Íslands og annarra EES-ríkja sem eru búsettir og sjúkratryggðir hér á landi eiga rétt á að fá evrópskt sjúkratryggingakort. Evrópska sjúkratryggingakortið gildir í öllum ríkjum EES og Sviss.

EFTIR AÐ ÚT ER KOMIÐ

Ástand golfvalla: ATH. Golfdeild VITA tekur ekki ábyrgð á ástandi golfvalla vegna framkvæmda, veðurfars eða annarra óviðráðanlegra aðstæðna.

Farsímar: Bannað er á golfvöllum erlendis, eins og hér heima, að hafa farsímann opinn meðan menn eru á golfvellinum.

Golfkennsla: Hægt er að fá kennslu hjá golfkennara staðarins.

Golfbílar: Golfbílar innifaldir í pakka.

Golfskáli: Er hluti af hótelinu.

Golfvöllur: Við hótelið eru 3 golfvellir. Keppnisvöllurinn Sir Henry Cotton 18 holur. Academy 9 holu völlur og Resort 9 holu völlur. Glæsilegt æfingasvæði með pláss fyrir allt að 70 kylfinga, pútt flöt, chipping flöt, sandglompur og flöt til að slá inná.

Ótakmarkað golf: Gestir okkar á Penina eiga bókaðan einn hring á keppnisvellinum á dag. Eftirmiðdagsgolf er hægt að bóka bæði á 18 holu vellinum og á 9 holu völlunum háð umferð og ef rástímar eru lausir.

Spilahraði: Æskilegt er að leikið sé eftir punktafyrirkomulagi, Stableford. Boltinn skal tekinn upp eftir að slegin hafa verið 3 til 4 högg yfir par. Það hefur enginn gaman að "slow play" í golfi og því minnum við á að halda þarf vel í við ráshópinn á undan. Vallarvörður sér líka um að slíkt sé gert á ferðum sínum um völlinn. Við bendum fólki á að hafa golfbíla/kerrur í beinni röð á næsta teig og vera ávallt tilbúið að slá þegar brautin eða flötin er auð.

Rástímar: Bókaðar eru 18 holur daglega milli kl. 08:30 og 10.00. Á komudegi er bókaður rástími á Resort vellinum milli kl. 15:00- 16.00 Fararstjóri sér um að raða í ráshópa. Tilkynningar um rástíma og ráshópa verða settar á upplýsingatöflu hótelsins á hverju kvöldi.

Forsvarsmenn golfvalla erlendis áskila sér rétt á að breyta rástímum fyrirvaralaust og ber VITAgolf enga ábyrgð á því ef það gerist.

Rásröð: Það er nauðsynlegt að láta fararstjóra vita um óskir varðandi meðspilara. Annars verður niðurröðun í hópa í öruggum höndum fararstjóra sem gerir sitt besta svo allir fái meðspilara við hæfi. Ráðgert er að halda golfmót í hverri ferð. (nánari upplýsingar úti).

Æfingasvæði: Mjög stórt og gott æfingasvæði er bak við golfskálann. Þar er hægt að æfa öll högg - löng, stutt, vipp, glompuhögg og einnig eru tvær æfinga "púttflatir" til staðar. Æfingasvæðið er mikið bókað, sérstaklega á morgnana og það borgar sig að tala við "pro-shop" og athuga stöðuna daglega til að vera viss um að fá tíma.

Samgöngur: Hægt er að panta leigubíl í hótelmóttökunni og einnig bílaleigubíla. Ef menn ætla í leigubíl til Sevilla, Huelva eða Faro verður að panta það með góðum fyrirvara.

Út að borða: það eru 4 veitingastaðir á hótelinu. Á einum veitingastað hótelsins er verið með "þema" mat ,á hinum er "set menu" sem farþegum hefur líkað vel í bland við hlaðborð. Til tilbreytingar veita fararstjórar gjarnan upplýsingar um ýmsa veitingastaði. Í Portimao er góður Piripiri veitingastaður ásamt góðum fiskiveitingastöðum. Í strandbænum Alvor eru góðir fiskiveitingastaðir.

Verslanir: Mikið úrval verslana er í Portimao ásamt stórri verslunarmiðstöð sem heitir Aqua.
 
Þjórfé: Ekki er skylda að gefa þjórfé. Ef menn fara á góðan veitingastað og eru ánægðir með mat og þjónustu er þumalputtareglan 5 til 10% af upphæð reiknings. Venjan er að skilja smáaur í gluggann hjá rútubílstjórunum okkar eftir ferð og gott er að gefa stúlkunum, sem þrífa herbergin, 5 til 10 evr. á viku til að fá betri þjónustu.