GOLFSKÓLI

Í golfskóla okkar er aðaláhersla lögð á að nemendur nái góðri færni í grunnatriðum.

Grip – Stöðu – Jafnvægi. Að námskeiði loknu verði allir nemendur betri golfarar og hafa meiri ánægju og kunnáttu á golfi. Samhliða tæknilegri þjálfun fer fram bókleg fræðsla um golf, s.s. golfleikinn, golfvellina, siðareglur, framkomu á golfvelli og forgjöfina. Líkamleg og andleg þjálfun, upphitun fyrir golfhring, teygjuæfingar og létt styrktarþjálfun.

Okkar markmið er að allir njóti sín sem best á golfvellinum. Við gerum þig að betri kylfingi.

Í golfskólanum lærirðu mikið um golf og umfram allt, á skemmtilegan máta. Það er gaman í golfi og það er gaman í golfskólanum.

Þeir sem eru lengra komnir geta bókað sig í einkatíma eða örkennslu, þar sem gerðar eru fínstillingar til að bæta leikinn.

Markmið golfskólans er að allir nemendurnir nái færni í grunnatriðum golfsveiflunnar, vippsins og púttsins og að þeir geti leikið golf á góðum hraða og haft gaman af.