Allegro, Madeira

Nútímalegt hótel sem er tilvalið fyrir alla þá sem þyrstir í sól og sælu. Hótelið er eingöngu fyrir fullorðna og aðstæður góðar til að slaka á.

Í heildina eru 124 herbergi á hótelinu en þau skiptast í tveggja til þriggja manna herbergi og svítur. Herbergin eru björt, ljósmáluð og nýtískuleg, með ljósum innréttingum og klassískum einkennislitum. Snyrtilegur dúkur er á gólfum. Öll herbergin eru með loftkælingu, fríu interneti, síma, flatskjársjónvarpi með gervihnattarásum, litlum ísskáp, öryggishólfi og skrifborði. Út frá öllum herbergjum eru svalir sem búnar eru útihúsgögnum. Baðherbergin eru flísalögð en þar er sturta, hárblásari og helstu snyrtivörur. Út frá sumum herbergjum er fallegt útsýni til sjávar.

Á hótelinu er Lido, kósý og fjölbreyttur veitingastaður sem býður upp á alþjóðlega rétti sem og einkennisrétti svæðisins en þar er alltaf notast við ferskasta mögulega hráefni frá svæðinu. Þar er einnig borinn fram morgunverður. Þrír barir eru á hótelinu og eru þeir spennandi, hver á sinn hátt. Einn barinn er á efstu hæð hótelsins en þaðan er stórbrotið útsýni yfir Madeira. Á þessari opnu verönd er hægt að sitja og njóta sólarlagsins og heitrar kvöldgolunnar með ljúffengan drykk í hönd. Annar bar er í anddyrinu og þar er gott að slaka á, hvort sem það er með kaffi og góða bók eða með spjalli við vini yfir kokteil. Síðast en ekki síst er bar við sundlaugina þar sem gestir geta fengið sér snarl og kælt sig niður með drykkjum án þess að þurfa að yfirgefa sundlaugargarðinn. 

Hótelgarðurinn sjálfur er snyrtilegur og vel skipulagður. Garðurinn er tilvalinn til að slaka á eftir könnunarleiðangra dagsins eða bara til að flatmaga allan liðlangan daginn því þar er sundlaug og góð aðstaða til sólbaðsiðkunar. Einnig er góð líkamsræktaraðstaða á hótelinu ásamt heilsulind með gufubaði og tyrknesku baði.

Hotel Allegro er frábært hótel fyrir rólegt frí í sólinni. Staðsetningin er góð en frá hótelinu er stutt á ströndina og í verslanir.

Golden residence

Golden Residence er heillandi fjögurra stjörnu hótel á suðurströnd Madeira. Þægindi, glæsileg hönnun og gæði einkenna hótelið sem er staðsett á frábærum stað með óheft sjávarútsýni.

Á hótelinu eru 172 herbergi og íbúðir sem henta fjölbreyttum hópum ferðamanna. Hönnun herbergjanna er nútímaleg en klassísk. Veggir eru ljósmálaðir, parket er á gólfum og herbergin eru því björt og hlýleg. Öll herbergi hafa loftkælingu, frítt internet, flatskjársjónvarp, míníbar og teketil. Í íbúðum er að auki aðstaða til eldamennsku. Baðherbergin eru flísalögð og þar eru sturta, snyrtispegill, hárþurrka og helstu snyrtivörur. Öllum herbergjum fylgja svalir.

Á hótelinu er veitingastaður sem býður upp á rétti af svæðinu sem og alþjóðlega rétti. Unnið er með ferskt hráefni, meðal annars úr grænmetisgarði hótelsins. Hægt er að borða inni á staðnum eða úti á veröndinni. Morgunverður er borinn fram af girnilegu hlaðborði.
Á hótelbarnum er boðið upp á gott úrval af léttum drykkjum og kokteilum. Njóttu þess að sitja úti, slaka á og sötra ljúffengan drykk á meðan þú fylgjast með töfrandi sólarlaginu.

Í hótelgarðinum er góð sundlaug og aðstaða til sólbaðsiðkunar í snyrtilegu umhverfi. Á hótelinu er heilsulind þar sem hægt er að svamla um í upphitaðri sundlaug, taka á því á líkamsræktarstöð og iðka núvitundaræfingar í hugleiðsluherbergi. Boðið upp á fjölbreyttar meðferðir sem hægt er að panta sér, meðal annars heitsteinanudd. Á hótelinu er einnig aðstaða til að spila billjarð.

Golden residence býður upp á öll helstu þægindi sem gera hótelið að frábærum kosti fyrir alla ferðamenn sem setja heilsu og afslöppun í forgang. Í nágrenninu er mikið af fallegum gróðri og enn eru ræktaðir bananar á plantekrunum í Funchal. Þjónustan er góð, umhverfi hótelsins er rólegt og stutt í afþreyingu og veitingahús. Hér er því góður staður til að njóta lífsins við sjávarsíðuna.

Porto Mare

Porto Mare er fallegt 4 stjörnu hótel á góðum stað. Á hótelinu eru fjórir veitingastaðir, sex barir og 5 sundlaugar. Sundlaugagarðurinn er gróinn og við sundlaugina eru sólbekkir og sólhlífar. 2 nuddpottar eru í garðinum og um 100 metrar eru niður á strönd. Skemmtidagskrá fyrir börn er í boði á hótelinu og ýmis afþreying er í boði á hótelinu. Falleg heilsulind er á hótelinu þar sem hægt er að kaupa meðferðir eins og nudd og lítil líkamsræktaraðstaða er í boði.

Herbergin eru öll með svölum og hægt er að velja herbergi með útsýni til sjávar. Þau eru rúmgóð og í klassískum stíl. Minibar, aðstaða til að hita kaffi og te, öryggishólf og minibar er á öllum herbergjum. Frítt þráðlaust internet er um allt hótelið.

VidaMar Resort, Madeira

Glæsileiki, falleg hönnun og öll helstu þægindi einkenna VidaMar hótelið í Madeira. Hér er svo sannarlega allt til alls. Frábær staðsetning á ströndinni, fjölbreytt afþreying og fallegt umhverfi.

Á hótelinu eru 300 herbergi af ýmsum stærðum og gerðum en í þeim öllum eru þægindin í fyrirrúmi. Hægt er að fá tveggja til þriggja manna herbergi með sjávarsýn eða útsýni út í garðinn, fjölskylduherbergi og svítur af ýmsum stærðum og gerðum. Hér ættu því allir að geta fundið hentugar vistarverur. Herbergin eru björt og rúmgóð, innréttingar eru klassískar og húsgögn eru falleg. Flísar eru á gólfum. Í herbergjunum er loftkæling, frítt internet, flatskjársjónvarp með gervihnattastöðvum, ketill, skrifborð, lítill ísskápur og öryggishólf. Á baðherbergjum er sturta og baðkar, hárþurrka, sloppar og inniskór ásamt helstu snyrtivörum. Öllum herbergjum fylgja svalir eða verönd með útihúsgögnum.

Á hótelinu eru fimm veitingastaðir sem bjóða upp á mikla fjölbreytni. Þar er bæði í boði að prófa rétti frá svæðinu eða halda sig við alþjóðlega rétti, hvort sem farið er á hlaðborð eða aðra veitingastaði. Einnig er á hótelinu píanóbar og bar þar sem hægt er að spila billjarð. 

Hótelgarðurinn er mjög vel skipulagður, stór og fallegur en í honum eru fjórar sundlaugar og skemmtilegur gróður, þar á meðal pálmatré. Einnig er góð aðstaða til sólbaðsiðkunar í garðinum. Útsýnið yfir Funchal flóa er stórbrotið.

Á hótelinu er góð líkamsræktaraðstaða og ýmsir íþróttavellir sem gera gestum kleift að huga að hreyfingu. Einnig er þar flott heilsulind með sánu, tyrknesku baði, fjölbreyttum sturtum og beinum aðgangi út að sjónum. Fjölbreytt afþreying er á hótelinu, til dæmis er hægt að fara að kafa, prófa aðrar vatnaíþróttir, spila skvass eða taka þátt í slökunarstundum. Á kvöldin er oft spiluð lifandi tónlist á barnum og fyrir börnin er starfræktur krakkaklúbbur á hótelinu.

VidaMar Resort Madeira er góður kostur fyrir fjölskyldur og aðra sem vilja njóta alls hins besta sem Madeira býður upp á. Hér er um að ræða hótel sem stendur á fallegum stað við sjóinn og hefur allt til alls til að fríið verði stórfenglegt.

Four Views Baía

Four Views Baía er fallegt 4 stjörnu hótel eingöngu fyrir fullorðna. Staðsett uppi í hæðum São João í um 15 mín göngufjarlægð frá sjónum.

Á hótelinu er flott sólbaðsaðstaða, tvær sundlaugar og sundlaugabar. Gestir hótelsins hafa aðgang að fallegu spa, heitum potti og nuddmeðferðum. Einnig er ágætlega vel útbúin líkamsræktarstöð á hótelinu. 

Herbergin eru falleg og í nútímalegum stíl. Öll með sturtuklefa eða nuddbaðkari. Loftkæling er í herbergjum, öryggishólf gegn gjaldi, kaffivél, sjónvarp og hárþurrka. Hægt er að velja um herbergi með útsýni til fjalla eða til sjávar. Svalirnar eru ekki stórar. Frítt þráðlaust internet er um all hótelið.

Veitingastaður er á hótelinu þar sem boðið er upp á morgunverð og kvöldverð af hlaðborði og bar með flottum kokteilum og lifandi tónlist. 

Jardins d'Ajuda

Jardins d'Ajuda er snyrtilegt en einfalt hótel staðsett um 500m frá sjónum og um 50m frá Madeira shopping center. Garðurinn er rúmgóður, með sundlaug og sólbekkjum. Á hótelinu er hlaðborðsveitingastaður þar sem morgunverður og kvöldverður er borinn fram. Einnig er bar á hótelinu með lifandi tónlist.
Herbergin eru einföld en rúmgóð og ágætlega búin. Loftkæling er í öllum herbergjum, sjónvarp, hárþurrka og öryggishólf. Herbergin eru öll með svölum með stólum og borði. Þráðlaust internet er um allt hótelið.

Four Views Monumental Lido

Four Views Monumental Lido er gott 4 stjörnu hótel á Lido svæðinu og með fallegt útsýni til sjávar. Á hótelinu er veitingastaður þar sem borinn er fram morgunverður og kvöldverður af hlaðborði og tveir barir, kokteilabar og sundlaugabar. Tvær sundlaugar eru í garðinum, ein barnalaug og innilaug. Heilsulind með heitum potti og meðferðum og ágæti líkamsræktaraðstaða.

Hægt er að velja um herbergi með útsýni til fjalla, útsýni til sjávar og stúdíó. Herbergin eru björt en ekki mjög stór. Lítil kaffiaðstaða er í herbergjunum, sjónvarp, frítt þráðlaust internet og hárþurrka. Í stúdíóunum, sem eru ágætlega rúmgóð, er lítill eldhúskrókur með ísskáp og örbylgjuofni.

Savoy Palace

Savoy Palace er glæsilegt 5 stjörnu hótel á góðum stað í Funchal og eitt af lúxus hótelunum á Madeira. Á hótelinu er úrval veitingastaða og bara, hlaðborðsveitingastaður þar sem morgunverður er borinn fram en einnig fallegir veitingastaðir þar sem hægt er að sitja inni og úti. Garðurinn er fallegur og góð sólbaðsaðstaða. Sundlaug og barnalaug er í garðinum, einnig upphituð innilaug og sundlaug og solarium á þaki hótelsins. Líkamsræktaraðstaða og spa er á hótelinu þar sem í boði eru ýmis konar meðferðir.

Herbergin eru falleg og rúmgóð, um 40 fm. Þau eru öll með svölum, loftkælingu, sjónvarpi, öryggishólfi, kaffiaöstöðu, sloppum og inniskóm. Þráðlaust internet er um allt hótelið.

Enotel Magnólia

Enotal Magnolia er fallegt 4 stjörnu hótel á góðum stað. Nýlega uppgert í hreinlegum stíl.

Á hótelinu er veitingastaður og bar, hægt er að velja á milli herbergja með morgunverði eða hálfu fæði. Tvær sundlaugar eru við hótelið, útilaug með góðri sólbaðsaðstöðu og upphituð innilaug. Heilsulind er á hótelinu, með heitum potti, tyrknesku baði og gufubaði og ágæt líkamsræktaraðstaða. 

Herbergin eru fallega innréttuð og eru öll með öryggishólfi, minibar, hárþurrku, handklæðum fyrir sundlaugina og baðsloppum. Frítt þráðlaust internet er á hótelinu. 

Vila Baleira Funchal

Vila Baleira Funchal er gott 4 stjörnu "boutique" hótel staðsett stutt frá miðbæ Funchal og steinsnar frá strönd. Gestamóttakan er litrík og snyrtileg. Bar og veitingastaður þar sem morgunverðarhlaðborð er borið fram, ásamt kvöldverðarmatseðli er á hótelinu. Lítill sundlaugargarður með sólbekkjum er á þaki hótelsins og þaðan er fallegt útsýni til sjávar. Sundlaugarbar er í garðinum þar sem hægt er að frá snarl og drykki. 
Herbergin eru snyrtileg og öll með svölum. Loftkæling er í herbergjum, sjónvarp, hárþurrka og minibar. Frítt þráðlaust net er um allt hótelið. Herbergin geta ýmist verið með baðkari eða sturtu. 

Muthu Raga Madeira Hotel

Muthu Raga Madeira Hotel er vel staðsett í um 30 mín göngufjarlægð frá miðbæ Funchal. Frá hótelinu er fallegt útsýni til sjávar og upp í fjöllin. Verslanir, veitingastaðir og barir eru í næsta nágrenni við hótelið. Sundlaug er á hótelinu með sólbaðsaðstöðu. Hlaðborðsveitingastaður, bar og sundlaugarbar. Heilsulind er á hótelinu sem býður upp á meðferðir, nudd ofl. 

Herbergin eru snyrtileg og eru öll með svölum. Loftkæling er á herbergjum, öryggishólf, minibar, hárþurrka og þráðlaust internet. 

Pestana Casino Park

Pestana Casino Park er fallegt 5 stjörnu hótel á góðum stað, staðsett við höfnina í Funchal. Hótelið er umkringt stórum garði með fallegum gróðri. Góð sólbaðsaðstaða er í garðinum, sundlaugar og sólbekkir, "infinity" sundlaug, heilsulind með nuddpotti, tyrknesku baði, gufubaði og líkamsrækt. Nudd og aðrar meðferðir eru í boði gegn gjaldi. Á hótelinu er fallegur veitingastaður með hlaðborði ásamt á la carte veitingastað og bar. Frítt þráðlaust internet er á hótelinu.

Herbergin eru fallega innréttuð og hægt er að velja um standard herbergi, herbergi með útsýni yfir garðinn eða hliðarsjávarsýn. Herbergin eru öll með loftkælingu, öryggishólfi, hárþurrku og minibar.

Pestana Promenade

Pestana Promenade er gott 4 stjörnu hótel í Lido hótelhverfinu.

Hótelið er í stuttri 2 mín göngufjarlægð frá sjónum. Sundlaugargarðurinn er stór og fallegur með góðri sólbaðsaðstöðu. Tveir veitingastaðir og bar eru á hótelinu. Falleg heilsulind og líkamsræktaraðstaða. 

Herbergin eru öll með svölum og ágætlega rúmgóð. Þau eru með loftkælingu, öryggishólfi, hárþurrku og sjónvarpi. Frítt þráðlaust net er á hótelinu.