Hagnýtar upplýsingar

Flug:

Flugtíminn er um  fimm og hálf klukkustund. 
Flogið með Icelandair

Farangur:

Leyfilegt er að taka með sér eina innritaða tösku ef flogið er á almennu farrými. Hún má að hámarki vega 23 kg og heildarumfang (lengd + breidd + hæð) má ekki vera meira en 158 cm, að meðtöldu handfangi og hjólum.
Hægt er að finna nánari upplýsingar um leyfilegan farangur á vefsíðu Icelandair. 

Akstur:

Hægt er að bóka akstur til og frá flugvelli og þarf að greiða fyrir það sérstaklega. Frá flugvellinum til gististaða er um 20 mínútna akstur.

Landfræðileg lega:

Kanaríeyjar eru sjö talsins og er Tenerife sú stærsta, 2,034 ferkílómetrar og liggur rúmlega 300 km út frá strönd Marokkó í Afríku.

Íbúafjöldi:

Á Kanaríeyjum búa samtals 2,1 milljón manns, þar af um 900 þúsund á Tenerife.

Tímamismunur:

Á veturna eru Kanaríeyjar í sama tímabelti og Ísland, en á sumrin eru eyjarnar klukkutíma á undan.

Greiðslukort:

Lang flestar búðir og veitingastaðir taka öll helstu kreditkort. Ekki er hægt að treysta því að hægt sé að greiða fyrir vöru eða þjónustu með debetkorti, en að sjálfsögðu er hægt að taka pening út úr hraðbönkum, hvort sem er út á kredit- eða debetkort.

Hitastig og veður:

Tenerife státar af veðurblíðu og mildu loftslagi árið um kring þar sem hafgola og hafstraumar sjá um að halda hitanum jöfnum og þægilegum. Það hefur því verið sagt að á Tenerife ríki eilíft vor með að jafnaði um 20-25°C á daginn.

Öryggi:

Á flestum baðströndum gilda ákveðnar öryggisreglur því ekki eru alls staðar starfsmenn á öryggisvakt. Öryggisreglur eru þannig:

• Rauður fáni: Bannað er að fara í sjóinn. Getur varðað sektum.
• Gulur fáni: Aðgát skal höfð við böð.
• Grænn fáni: Ládeyða, gott baðveður.

Tryggingar:

Öllum ferðalöngum er ráðlagt að fara vel yfir sínar tryggingar áður en lagt er af stað í ferðalag og kaupa sérstaka ferðatryggingu sé hún ekki þegar innifalin í korti eða heimilistryggingu viðkomandi. Einnig er gott að hafa meðferðis tryggingaskírteini frá Tryggingastofnun ríkisins, komi eitthvað óvænt upp á.

Fararstjórar:

Íslenskir fararstjórar taka á móti farþegum á flugvelli og eru þeim innan handar allan dvalartímann. Upplýsingar um viðtalstíma og nauðsynleg símanúmer er að finna í upplýsingamöppum á gististöðum.

Apótek:

Á spænsku bera þau nafnið Farmacia og eru auðþekkt á stórum grænum krossi. Þau eru yfirleitt opin alla virka daga frá kl. 09:00 til 13:30 og frá 17:00 til 20:00 en þó er það aðeins breytilegt milli staða. Á laugardögum eru flest apótek opin fyrir hádegi. Yfirleitt er auðvelt að nálgast lyf í apótekum við minni háttar kvillum, en við bendum fólki á að hafa samband í neyðarsíma okkar ef það þarf á lækni að halda. Það er alltaf eitthvert apótek opið allan sólarhringinn og hægt er að fá upplýsingar hjá læknum, leigubílstjórum eða í móttöku gisti-staðar hvaða apótek er með næturvakt hverju sinni.

Verð og innifalið

Verð frá: 309.900 kr. á mann m.v. 2 í herbergi með morgunmat innifalinn á Vulcano****. 
Sjá nánar verð og möguleika á dagafjölda í bókunarvél. 

Hægt er að nota hvaða upphæð sem er af Vildarpunktum þegar kemur að því að greiða fyrir pakkaferðir.

Innifalið: Flug, íslenskir farar- og skemmtanastjórar. Gisting með morgunmat. 
Ekki innifalið: Akstur milli flugvallar og hótels og annað sem er ekki tilgreint.