Cristiania

Snyrtilegt þriggja stjörnu hótel sem er staðsett rétt við efra torgið í Madonna, í rétt um 20 metra fjarlægð frá Pradalago lyftunni. 

Ágætt hótel á góðu verði. Frá Cristiania er stutt í bæinn og stutt í fjölbreytt úrval framúrskarandi veitingastaða.
Herbergin eru einföld, en hrein og snyrtileg. Þau geta tekið allt að þrjá fullorðna eða 2 fullorðna og tvö börn á aldrinum 2ja til 11 ára. Aukarúmin eru beddar sem settir eru inná herbergin. 
Sameiginleg aðstaða á hótelinu hefur hefur nýlega verið endurnýjuð og er mjög hugguleg.

Ágæt heilsulind með finnsku og tyrknesku saunabaði, sturtum og hvíldarherbergi. Þjónustan er gegn vægu gjaldi. 

Cristiania er góður kostur fyrir þá sem vilja gistingu á hagstæðu verði og framúrskarandi staðsetningu.

Garni St. Hubertus

Vinalegt og vinsælt þriggja stjörnu hótel á frábærum stað í Madonna. Hótelið er í miðbænum og er 50 metra frá skíðalyftu. Allt um kring eru verslanir, kaffihús og veitingastaðir.

Hlýleg setustofa og bar eru á hótelinu og hefur St. Hubertus verið þekkt fyrir sérlega góðan og vel útilátinn morgunverð í gegnum árin.
Herbergi eru lítil og frekar gamaldags, en hrein og snyrtileg. Öll herbergi hótelsins eru með síma, sjónvarpi, öryggishólfi, nettengingu gegn gjaldi og hárþurrku.

St. Hubertus er með morgunverði.

Garni Arnica

Hotel Garni Arnica er notalegt, gott og vel viðhaldið þriggja stjörnu hótel á besta stað við torgið Piazza Brenta Alta í miðbæ Madonna. 60 metrar eru í skíðakláfinn 5 Laghi. Hótelið er fjölskyldurekið þar sem er andrúmsloft er þægilegt og gestrisni einstök.

Á hótelinu er aðgangur að þráðlausu interneti, setustofa, sjónvarpsherbergi, morgunverðarsalur, bar og Arnica Café Aprés Ski Bar, sem er veitingastaður, kaffihús og bar. Í skíðageymslu eru klossahitarar.  

Tveggja manna herbergi eru rúmgóð og flest með svölum. Herbergin eru með hárþurrku, síma, gervihnattasjónvarpi og öryggishólfi. Eins manns herbergi eru mjög lítil og alltaf án svala. Herbergi eru látlaus en snyrtileg og búin ágætum húsgögnum.

Á hótelinu er mjög flott heilsulind, með nuddpotti, sánu og gufubaði, þar sem tilvalið er að slaka á í lok dagsins. Hægt er að leiga baðslopp á 10 evrur.
Athugið að börn og unglingar innan 15 ára fá ekki aðgang að heilsulindinni (heldur ekki með fullorðnum). 

Morgunmatur er innifalinn í verði.

Ariston

Notalegt, fjölskyldurekið hótel á frábærum stað við efra torgið í miðbæ Madonna. Það er örstutt í skíðalyftur, brekkur og búðir, og á hótelinu sjálfu er veitingastaður og heilsulind.
Aðeins er um 50 metra gangur að næstu skíðalyftu, og stutt í verslanir.

Herbergin eru rúmgóð og búin öllum helstu þægindum; gervihnattasjónvarpi, öryggishólfi og svölum. Á baðherbergjum er bæði baðkar og sturta og hárþurrka.
Á hótelinu er líkamsrækt og heilsulind með sundlaug, nuddpotti, sánu og tyrknesku baði. Þar er tilvalið að slaka á eftir erfiðan dag í brekkunum.
Frítt er í sauna og sund. Nudd- og snyrtimeðferðir eru einnig í boði gegn gjaldi og hægt er að leiga baðslopp fyrir 10 evrur. 
Börn að 15 ára aldri hafa aðgang að sundlaug hótelsins milli kl. 14:00 og 17:30, en hafa ekki aðgang að sauna- og gufuböðum.

Á veitingastað hótelsins er boðið upp á ítalska rétti og rétti frá Miðjarðarhafinu, bæði nýja og hefðbundari rétti. Í vínkjallaranum er mikið úrval og ef þú ert ekki viss gefur vínþjónninn góð ráð. 

Á hótel Ariston er hálft fæði, morgunverður og kvöldverður.

Montana

Hótel Montana er mjög gott 3ja stjörnu hótel, frábærlega vel staðsett með skíðabrekku nánast í bakgarðinum og hægt að skíða heim á hótel. Rúmgóð herbergi, flottur bar og einstaklega góður morgunverður.

Montana er í efri hluta bæjarins örstutt frá skíðakláfnum Pradalago og aðeins 200 m fjarlægð frá miðbæ Madonna.

Á hótelinu er notalegur bar, einnig morgunverðarsalur og sjónvarpsherbergi. Hægt er að slappa af og dekra við sig eftir góðan dag í skíðabrekkunum í nudd pottinum, sauna og nudd sturtunum sem eru á hótel Montana. Aðgangur að heilsuræktinni, nuddpotti og sauna er innifalin í verði fyrir farþega á vegum VITA. Herbergin eru stór og rúmgóð, þar sem öll rúm eru með sængum. Hægt er að velja á milli hefðbundinna tveggja manna herbergja og herbergja sem hafa pláss fyrir allt að fjóra gesti. 

Öll herbergi eru með síma, sjónvarpi með flatskjá og enskri CNN stöð, öryggishólfi, þráðlausu, gjaldfrjálsu neti og svölum. Hárþurrkur og baðsloppar eru á öllum herbergjum.

Innifalið í verði er morgunverður. 

Dahu

Gott fjögurra stjörnu hótel sem er staðsett ofarlega við aðalgötuna rétt við skíðakláfinn Pradalago. Nánast hægt að skíða út og inn af anddyri hótelsins. Hótelið er í efri hluta bæjarins og um 200 metra gangur er í miðbæ Madonna. Komið er inn í hlýlega gestamóttöku með setustofu og þaðan er gengið inn í fallegan veitingasal. Á hótelinu er einnig bar.

Í boði eru tveggja til fjögurra manna rúmgóð og fallega innréttuð herbergi, öll með sturtu eða baði, öryggishólfi, gervihnattasjónvarpi, síma, hárþurrku og þráðlausu interneti, sem hótelgestir geta notað án endurgjalds. Hefðbundin teppi eru á rúmum og öll herbergi eru með svölum. Hálft fæði er innifalið í verði og er óhætt að fullyrða að matargerðin á hótelinu sé fyrsta flokks. 
Á hótelinu er góð heilsulind, með heitum potti og gufubaði, þar sem tilvalið er að slaka á í lok dagsins. Aðgangur að svæðinu er innifalinn. 

Sérlega gott hótel sem hefur mælst afar vel fyrir.

Bertelli

Hótel Bertelli er gott fjögurra stjörnu hótel, frábærlega staðsett ofarlega í Madonna di Campiglio, rétt við skíðakláfinn Pradalago. Fimm mín ganga er í miðbæinn. Allt er til alls á hótelinu og eru herbergin rúmgóð og notaleg.  Á hótel Bertelli eru huggulegar setustofur, bar og einn af betri veitingatöðum Madonna.
Heilsulindin er með litla sundlaug, tyrkneskt bað, sauna og nuddpotta. Gott er að slaka á þar eftir góðan skíðadag. Í boði er að fara í sólbekki og alls kyns nudd, gegn greiðslu.  

Hálft fæði er á hótelinu og er góður veitingastaður þar sem þjónustan er fyrsta flokks. Morgun- og kvöldverðarsalurinn er fallegur og er maturinn góður og glæsilega fram borinn. Þar er meðal annars hægt að fá mjög góðan ítalskan mat og úrvals vín frá héraðinu. 

Herbergin eru falleg og búin helstu þægindum. Öll með baðkeri eða sturtu, öryggishólfi, síma, hárþurrku, smábar, nettengingu (án gjalds) og gervihnattasjónvarpi. Flest herbergin eru með svölum. Hótel Bertelli er eitt fínasta hótelið í Madonna.

Sporthotel Romantic Plaza

Mjög gott 4ra stjörnu hótel við efra torgið í miðbæ Madonna og örstutt í skíðalyftur. Fín herbergi, góður matur og frábær staðsetning. Um 70 metrar eru í næstu skíðalyftu. 

Nokkrar gerðir herbergja eru á Romantic Plaza.
VITA er með samning um "Superior", "Panoramic" og "Natura" herbergi og á héimasíðu hótelsins eru bæði myndir og lýsing af herbergjunum.
Sængur eru í rúmum allra gesta á vegum VITA, en ekki hefðbundið lak og teppi eins og algengt er á hótelum í Madonna.

Á öllum herbergjum er flatskjár, internet, smábar (ef óskað er), öryggishólf og svalir. Á baðherbergi er hárþurrka, sloppar og inniskór. Herbergin eru mjög rúmgóð, en mismunandi herbergi eru í boði.

Í glæsilegri heilsulindinni eru innilaug, heitur pottur og sauna, auk fjölda vel valinna nudd- og dekurmeðferða. Aðgangur að heilsulindinni er innifalinn. Nudd- og dekurmeðferðir er hægt að panta gegn gjaldi. 
Veitingahúsið er mjög gott og leggur mikla áherslu á ferskan mat úr nágrenninu. Á barnum er hægt að njóta aprés-ski stemningar.
Skíðageymslan er með hitarörum fyrir skíðaskóna.

Campiglio Bellavista

Glæsilegt hótel sem Artini fjölskyldan hefur rekið af alkunnri gestrisni í 40 ár. Hótelið er gegnt Pradalago skíðalyftunni og í göngufæri við aðaltorgið í bænum.
Hótelinu er haldið vel við og árið 2008 var hótelið endurbyggt frá grunni. Allt er fyrsta flokks, bæði híbýli og þjónusta.

Öll herbergi eru með upphituð harðviðargólf, og þar eru gervihnattasjónvarp, þráðlaust internet án endurgjalds, smábar, öryggishólf og svalir.
Á baðherbergi er hárþurrka, sloppur og inniskór.
"Classic" herbergi tekur tvo og ungabarn og "Junior" svítur taka 3 fullorðna. Hægt er að sérpanta "Junior" svítu á tveimur hæðum sem tekur 4.

Í heilsulindinni er gott að láta líða úr sér eftir ævintýri dagsins. Aðgangur er innifalinn. Þar eru nuddpottur, sauna, tyrkneskt bað, og í boði eru nudd og snyrtimeðferðir gegn gjaldi.

Á veitingastaðnum er árstíðabundinn matseðill og mikið lagt upp úr fersku hráefni úr næsta nágrenni.
Maturinn þykir sérlega ljúffengur og í matsalnum stjana þjónar hótelsins við gesti sína. Skíðageymslan er með læsta skápa merkta viðkomandi herbergi.
Fæði: Hálft fæði, morgunverður og kvöldverður.

Diana Boutique hotel

Fallegt hótel á frábærum stað í Madonna, gegnt 3-Tre svigbrautinni, aðeins 20 metra frá Miramonti-lyftunni og 50 metra frá Pradalago-kláfnum. Heilsulind og veitingastaður á hótelinu, tveggja mínútna gangur í miðbæinn.

Í hótelinu eru 27 fallega innréttaðar vistarverur. Hægt er að velja um classic eða superior herbergi sem ætluð eru einum eða tveimur fullorðnum eða tveimur fullorðnum og barni, og junior svítur sem rúma tvo fullorðna og barn. Allar vistarverur eru fallega innréttaðar, í klassískum alpastíl, úr ljósri furu með hvítum og rauðum litum. Parkett er á gólfum. Alls staðar er kynding, flatskjársjónvarp með gervihnattarásum, smábar, öryggishólf og þráðlaus nettenging. Á baðherbergjum er sturta, hárþurrka, snyrtispegill og baðvörur. Við mörg herbergjanna eru svalir og í sumum er rafmagnsarinn.
Morgunverðarhlaðborð er alla daga á veitingastaðnum La Stube Diana og þar er einnig tilvalið að fá sér snarl seinnipartinn. Á kvöldin stendur valið um sælkerarétti, alþjóðlega jafnt sem dæmigerða fyrir héraðið og Ítalíu alla, við kertaljós og ljúfa stemningu. Tekið er við sérpöntunum fyrir þá sem eru með fæðuóþol. Það er kósí stemning á setustofubarnum sem býður upp á kaffi og ljúffenga drykki af öllu tagi.

Í heilsulindinni er aldeilis hægt að næra líkama og sál eftir langan dag í brekkunum. Þar er nuddpottur, blaut- og þurrgufa, ilmolíusturtur og hvíldarhreiður og boðið er upp á nudd-, líkams- og snyrtimeðferðir af ýmsum gerðum.

Móttakan er opin allan sólarhringinn. Þvottahús er í hótelinu, skíðageymsla og leikherbergi fyrir börn.

Boutique Hotel Diana fær nær undantekningarlaust frábærar umsagnir. Það opnaði dyr sínar árið 1887 og á sér því ríka sögu. Staðsetningin gæti ekki verið betri, rétt við bæði kláf og lyftu og spölkorn frá miðbænum með sínum skemmtilegu göngugötum, veitingastöðum og verslunum.

Design Oberosler Hotel, Madonna

Fallegt hönnunarhótel á frábærum stað í Madonna. Veitingastaður og heilsulind með innilaug. 10 metrar í Spinale-kláfinn og 5 mínútna gangur í Pradalago-kláfinn. 100 metrar í miðbæinn. 

Í hótelinu eru 40 smekklega innréttaðar vistarverur sem skiptast í eins og tveggja manna herbergi, fjölskylduherbergi fyrir fjóra og tveggja manna svítur. Herbergin eru ýmist einstaklega nútímalega hönnuð eða nútímaleg og klassísk í bland, viður og litur á áklæði misjafn eftir herbergjum. Parkett er á gólfum. Alls staðar er kynding, flatskjársjónvarp með gervihnattarásum, sími, öryggishólf, smábar og ókeypis þráðlaus nettenging. Á baðherbergjum er baðker eða sturta, hárþurrka, baðsloppar, inniskór og baðvörur. Við allar vistarverur er verönd eða svalir.  

Á veitingastaðnum I tre sensi er morgunverðarhlaðborð alla daga og ítalskir og alþjóðlegir réttir með nútímayfirbragði í hádegi og á kvöldin. Að sjálfsögðu er boðið upp á gæða vín, alþjóðleg jafnt sem ítölsk. Diskótekið sér um að engum þurfi að leiðast á kvöldin, hvað þá þjást af þorsta, og það sama má segja um ameríska setustofubarinn þar sem boðið er upp á happy hour alla eftirmiðdaga.
Í hótelinu er glæsilega hönnuð heilsulind með 15 metra upphitaðri sundlaug klæddri með Bisazza-mósaikflísum, nuddpotti og barnalaug. Meðfram sundlauginni eru sérlega þægilegir bekkir til að slaka á og láta alla þreytu líða úr sér og útsýnið er ekki af verri endanum, yfir 3-Tre svigbrautina. Þurr- og blaut- og innrauð gufa er einnig í boði ásamt heitum og köldum sturtum auk úrvals nudd- og líkamsmeðferða. Einnig er nuddpottur utandyra.

Skíðaskóli er starfræktur við hótelið og þar er einnig skíðageymsla. Móttakan er opin allan sólarhringinn og þar er farangursgeymsla og þvotta-, þurrhreinsi- og strauþjónusta. 

Oberosler hönnunarhótelið er á besta stað, spölkorn frá miðbænum í Madonna di Campiglio og frábærum skíðalyftum. Veitingastaður, góður bar og diskótek ásamt heilsulind og því allt til að endurnæra líkama og sál eftir góðan dag í brekkunum.