Hagnýtar upplýsingar

FLUG:

Flugtíminn er um fjórar og hálf klukkustund. 

FARANGUR

Leyfilegt er að taka með sér eina innritaða tösku ef flogið er á almennu farrými. Hún má að hámarki vega 23 kg og heildarumfang (lengd + breidd + hæð) má ekki vera meira en 158 cm, að meðtöldu handfangi og hjólum.
Sjá nánar á vefsíðu Icelandair.

TÍMAMISMUNUR:

Á sumrin er tímamismunurinn tvær klukkustundir, á undan. Á veturnar er tímamismunurinn ein klukkustund á undan. 

GREIÐSLUKORT:

Lang flestar búðir og veitingastaðir taka öll helstu kreditkort. Ekki er hægt að treysta því að hægt sé að greiða fyrir vöru eða þjónustu með debetkorti, en að sjálfsögðu er hægt að taka pening út úr hraðbönkum, hvort sem er út á kredit- eða debetkort.

SIESTA

Margir fara í hádegisverðarhlé um miðjan daginn og loka flest þjónustufyrirtæki, skrifstofur og verslanir frá um það bil 13:30 til um það bil 16:30 eða í u.þ.b. 3 tíma.

ÖRYGGI:

Á flestum baðströndum gilda ákveðnar öryggisreglur því ekki eru alls staðar starfsmenn á öryggisvakt. Öryggisreglur eru þannig:

• Rauður fáni: Bannað er að fara í sjóinn. Getur varðað sektum.
• Gulur fáni: Aðgát skal höfð við böð.
• Grænn fáni: Ládeyða, gott baðveður.

SÓLBÖÐ

Ráðlagt er að fara varlega í sólböðin fyrstu dagana eftir komu, eða á meðan húðin er að venjast sólinni. Góð regla er að bera alltaf á sig sólaráburð nokkrum mínútum áður en farið er út í sólina. Bera verður á líkamann með reglulegu millibili til að viðhalda virkni og forðast þannig sólbruna. Munið að drekka nóg af vatni þegar legið er í sólbaði, fyrst og fremst til að forðast sólsting og/eða uppþornun. Einkenni sólstings eru ógleði, þreyta, höfuðverkur og jafnvel hár hiti. Gott ráð við roða eða vægum sólbruna er að bera Aloe Vera- krem eða hreina jógúrt á svæðið. Einnig er ráðlagt að nota höfuðfat til að forðast sólsting.

TRYGGINGAR:

Öllum ferðalöngum er ráðlagt að fara vel yfir sínar tryggingar áður en lagt er af stað í ferðalag og kaupa sérstaka ferðatryggingu sé hún ekki þegar innifalin í korta- eða heimilistryggingu viðkomandi. Einnig er gott að hafa meðferðis tryggingaskírteini frá Tryggingastofnun ríkisins, komi eitthvað óvænt upp á.

APÓTEK:

Apótek bera nafnið Farmacia á spænsku og eru auðþekkt á stórum grænum krossi. Yfirleitt er auðvelt að nálgast lyf í apótekum við minni háttar kvillum. Sum apótek eru með næturopnun og hægt er að fá upplýsingar hjá læknum, leigubílstjórum eða í hótelmóttöku um hvaða apótek er með næturvakt hverju sinni. Annars eru þau opin til 20:00. 

LÆKNISÞJÓNUSTA

Ef grunur leikur á veikindum skal hiklaust leita til læknis. Sama á við ef slys verða. Á svæðinu eru læknastofur (Clínica) sem bjóða upp á læknisþjónustu allan sólarhringinn. Þar eru yfirleitt enskumælandi læknar sem geta komið í vitjun á gististaði ef þess er óskað. Einnig bendum við á að móttakan á hótelinu getur verið ykkur innan handar
Mikilvægt er að hafa vegabréf og tryggingarskjöl (bláa alþjóðlega tryggingarskírteinið frá TR E-111) meðferðis þegar læknisaðstoðar er leitað.

BANKAR:

Oftast opnir frá kl. 09:00 til 14:00 alla virka daga. Á laugardögum er stundum opið frá kl. 09:00 til 12:00. Hraðbankar eru víða og mælum við með að nota þá sem eru hjá bankaútibúum. Hægt er að taka út peninga í hraðbönkum, en athugið þá að hafa PIN númer kortsins við hendina. Þegar verslað er út á kredit- og debetkort í búðum er fólk stundum beðið um að sýna vegabréf til að staðfesta að þeir eigi kortið.

KRANAVATNIÐ:  

Bragðast ekki vel. Við mælum með að keyptar séu vatnsflöskur í matvöruverslunum til drykkjar og matargerðar.

MOSQUITOFLUGUR:  

Lifa hér og því er skynsamlegt að bera á sig svokölluð anti-mosquito krem eða úða þegar rökkva tekur (slík krem/úðar er hægt að kaupa í apótekum og í flestum matvöruverslunum). Við hvetjum ykkur til að leita hiklaust til læknis ef þið fátið slæmt bit.

ÞJÓRFÉ:

Það tíðkast að gefa 5-10% þjórfé fyrir góða þjónustu, og á það sérstaklega við um veitingastaði. Í leigubílum, á kaffihúsum og börum er stundum upphæðin rúnuð að næstu heilu tölu. Oftast er þjórfé skilið eftir á borðinu. Stundum er sérstakt þjónustugjald innifalið.

BÍLALEIGUBÍLAR

Rétt er að hafa í huga að væntanlegur ökumaður þarf að hafa gilt ökuskírteini og vegabréf til að geta tekið bíl á leigu. Við árekstur þarf alltaf að kalla til lögreglu og fylla út skýrslu, bæði fyrir bílaleiguna og leigutaka. Ath. rafræn ökuskirteini eru ekki gild á Spáni. 

ALMENNINGSVAGNAR

Ganga yfirleitt á 15-30 mínútna fresti. 

LEIGUBÍLAR

Eru þægilegasti ferðamátinn og þá er auðvelt að finna. Bílarnir eru vanalega hvítir að lit með gulu skilti og ljósi á þeim ef þeir eru lausir. Auðveldast er að veifa þeim út á götu eða láta gestamóttöku eða veitingastaði panta þá.
Allir leigubílar eiga að vera með gjaldmæli en þó taka þeir yfirleitt fast verð fyrir ákveðnar vegalengdir. Einnig er hægt að nota bæði Uber og Bolt. 

Verð og innifalið

Verð frá: 229.900 kr. á mann m.v. 2 í stúdíó íbúð á Sol Puerto Marina með hálfu fæði
Sjá nánar verð og möguleika á dagafjölda í bókunarvél. 

Innifalið: Flug, íslenskir farar- og skemmtanastjórar. Gisting með hálfu fæði, ásamt glasi af borðvíni eða vatni með kvöldverði.
Ekki innifalið: Akstur milli flugvallar og hótels.

Hægt er að nota hvaða upphæð sem er af Vildarpunktum þegar kemur að því að greiða fyrir pakkaferðir.