Alicante - Benidorm, Albir, Calpe

Eitthvað fyrir alla

Ferðir
Flug
Báðar leiðir
Aðra leið

Myndagallerí

Eitthvað fyrir alla, sól og slökun, menning og mannlíf. 

Flogið með Icelandair!
Láttu þér líða vel og njóttu afþreyingar og frábærrar þjónustu Icelandair alla leið til Alicante og aftur á leiðinni heim. 

Veldu þitt sæti
Þú getur valið þitt sæti um borð í vélum Icelandair þegar þú ferðast með VITA. Hafðu ferðalagið eins og þú vilt hafa það!

Afþreyingarkerfi um borð
Yfir 600 klukkustundir af afþreyingarefni um borð í vélum Icelandair. Þú getur horft á nýjar eða klassískar kvikmyndir, sjónvarpsþætti og heimildarmyndir. Einnig er hægt að hlusta á innlenda og erlenda tónlist. Þú ert með snertiskjá fyrir framan þig og ræður ferðinni. 

Nýttu og safnaðu Vildarpunktum
Allir sem ferðast með VITA safna Vildarpunktum sem má síðan nýta í valdar ferðir hjá VITA næst þegar þig langar í ferðalag. 

Alicante er í Costa-Blanca héraði og þar eru: Benidorm, Albir og Calpe.

Calpe svæðið býður upp á sérstaklega góða gistimöguleika fyrir stórfjölskylduna. 

Starfsmaður VITA á Alicante svæðinu er Jóhanna G. Benediktsdóttir.  Jóhanna tekur á móti farþegum á flugvelli og hægt er að ná í hana í þjónustu/neyðarsíma á meðan á dvölinni stendur. VITA er ekki með skipulagðar skoðunarferðir á Alicante svæðinu. 

Í Costa Blanca-héraðinu er eitthvað fyrir alla.  Menning, mannlíf, strandlíf, slökun, fjörugt skemmtanalíf, mikil matar- og vínmenning og mikil veðursæld svo eitthvað sé nefnt.

Alicante er staðsett í hjarta Costa Blanca héraðsins á Spáni. Þaðan er akstursfjarlægð til Valencia um 90 mínútur og um fimm klst. til Barcelona. Benidorm, Albir og Calpe eru miklir ferðamanna staðir og þar er hægt að nálgast alla þá þjónustu sem hugsast getur. Strandlengjan við borgina er yfir 7 km löng og fjölbreyttir skemmtigarðar og aðstæður til íþróttaiðkunar eru á hverju strái. Svæðið býður upp á margt fleira en strandlíf og slökun. Þarna er hægt að finna fjölda áhugaverða safna, sögulegar minjar, skemmtilega markaði að hætti innfæddra og heimsþekktar verslanir.  Mikil matar- og vínmenning er á Benidorm, Albir og Calpe sem endurspeglast í fjölda framúrskarandi veitingastaða á svæðinu.

GUADALEST

Guadalest er eitt sérstæðasta fjallaþorp Spánar. Íbúar þorpsins eru aðeins um 200 talsins en yfir tvær milljónir ferðamanna heimsækja þorpið á hverju ári sem gerir Guadalest að einum fjölsóttasta ferðamannastað Spánar.

Það er mjög tilkomumikið að aka leiðina upp að Guadalest en ekið er sem leið liggur framhjá "Terra Mitica"-skemmtigarðinum og afleggjaranum niður til Benidorm og beint upp til fjalla. Vegurinn til Guadalest er malbikaður en liggur oft bugðóttur utan í bröttum hlíðum fjallsins. Það er mjög eftirminnilegt að aka þessa leið.

Í Guadalest-þorpinu er gamalt Máravirki frá 8. öld, byggt á kletti í um 900 metra hæð yfir sjávarmáli. Eru kastalarústirnar til vitnis um stormasama sögu þess. Þræða þarf um fimm metra löng göng í gegnum klett til þess að komast að elsta hluta þorpsins, en efst trónir kirkjugarðurinn sem býður upp á einstakt útsýni yfir Guadalest dalinn og nærliggjandi sveitir. Frægastur er turninn "Peñon de La Alcalá" sem var notaður til að fylgjast með mannaferðum í dalnum fyrir neðan.

Einnig er að finna í þorpinu tvö söfn, "smámunasafnið Belen" og pyntingasafn. Það er mikil upplifun að koma inn í safnið þar sem litlu dúkkuhúsin eru til sýnis. Þau eru með öllum smáatriðum og svo á hæðinni fyrir ofan er búið að útbúa stórt fjallaþorp úr þessum litlu húsum og öllu tilheyrandi. Þorpsbúar eru frægir fyrir handverk, t.d. handsaumaða dúka, körfugerð og barnaföt. Hægt er að nálgast vörurnar í verslunum sem eru við þröngar götur þorpsins þar sem þær eru höggnar inn í bergið.

Hægt er að hafa samband við t.d Local tours. Fararstjóri getur gefið upplýsingar um ferðir með þeim. 

ALTEA

Altea er yndislegur lítill bær í nágrenni Calpe, allir sem koma til Spánar ættu að heimsækja Altea. Gamli bærinn stendur uppá hæð sem áður fyrr gerði þorpsbúum kleift að sjá til sjóræningjana sem stundum komu frá Ibiza eða Mallorca og gerðu mikinn óskunda á meginlandinu.

Bærinn er þekktur fyrir kirkjuna sem er rómuð fyrir fegurð og byggist gamli bærinn í kringum hana. Það er einstaklega notalegt að ganga um litlu steinlögðu göngugöturnar (háir hælar geta reynst hættulegir) og rétt við kirkjuna er útsýnispallur þaðan sem sést yfir til Benidorm og Calpe.

Fjöldi smáverslana sem selja listmuni, skartgripi og leðurvöru eru við þröngar götur þorpsins og í júlí og ágúst er starfræktur markaður á kirkjutorginu. Tilvalið er að fara til Altea seinnipartinn, ná ljósaskiptunum og bregða sér síðan á einn á veitingastöðum þorpsins.

Gaman er að keyra til Altea á bílaleigubíl. Gæti verið erfitt að fá stæði yfir mesta annatímann. Einnig er hægt að taka leigubíl þangað, en þeir eru ekki dýrir. 

JEPPASAFARÍ

Heill dagur af ævintýrum og fjöri á meðan ekið er í gegnum fallega, óheflaða og græna sveitina á Costa Blanca. Njótið dagsins þar sem er keyrt um fjöll og dali, sjáið gömul og gleymd þorp, djúp gljúfur, grænblá lón og skóga. Í hádeginu er annaðhvort hægt að fá 3ja rétta máltíð á mjög góðu verði á ekta fjallaveitingastað eða koma með eigið nesti. Síðar um daginn er farið í "náttúrulega sturtu" hjá Algar-fossum til að þvo í burtu allt rykið áður en lagt er af stað til baka.

Einnig er hægt að bóka t.d köfun, hjólaferðir, ofl. Fararstjóri getur gefið upplýsingar og einnig eru upplýsingar í möppunum. 

Sjá nánari ferðalýsingu
Ferðir
Flug
Báðar leiðir
Aðra leið
  • Veðrið

  • Flugtími

    Kef íkon mynd af flugvél ALC

    4,5

    Morgunflug

  • Gjaldmiðill

    Evra

    Gengi

  • Bjórverð

    íkon mynd af bjór

    2-4 EUR

  • Rafmagn

    íkon mynd af ljósaperu

    220 Volt

Gististaðir

Kort

Sjá alla gististaði
Sjá Kortasýn Sjá gististaði