Rosamar Hotel, Benidorm

Gott 3 stjörnu hótel í hjarta Benidorm, skammt frá Levante-ströndinni. Allt sem þarf í næsta nágrenni.

Í öllum herbergjum er gervihnattasjónvarp, öryggishólf, loftkæling og svalir. Hægt er að leigja ísskáp. Þráðlaust internet er á hótelinu, gegn gjaldi. Athugið að í september gæti verið slökkt á loftkælingunni. Hægt er að fá lánað/an straujárn og hárblásara í afgreiðslu gegn gjaldi. 

Sundlaugargarðurinn er stórskemmtilegur, þar er m.a. sundlaug, barnalaug og leiksvæði fyrir börnin.

Heilsulind með innilaug, nuddpotti, sauna og tyrknesku baði. Einnig líkamsrækt og aðstaða til að leika tennis, borðtennis, biljarð, pílukast og minigolf. Heilsulindin og líkamsræktin er opin þrisvar til fjórum sinnum í viku frá 16:00-19:30.

Aðgangur að líkamsræktinni kostar 4 EUR per klukkustund og aðgangur að heilsulind og líkamsrækt kostar 7 EUR per klukkustund.

Veitingahús og nokkrir barir, m.a. snarlbar við laugina.

Í hjarta Benidorm.

Avenida Apartments

Avenida Benidorm Apartments er einfalt og þægilegt íbúðahótel, við göngugötu á frábærum stað rétt við Levante-ströndina á Benidorm. Verslanir, veitingastaðir og iðandi mannlíf allt um kring.

Í hótelinu eru 70 íbúðir ýmist með einu svefnherbergi og rúma þær allt að fjóra og íbúðir með tveimur svefnherbergjum sem rúma allt að sex einstaklinga.

Íbúðirnar eru snyrtilegar og innréttaðar á látlausan hátt. Engin íbúð er nákvæmlega eins en marmaraflísar eru á flestum gólfum. Loftkæling og upphitun er í öllum íbúðum, einnig sími, sjónvarp með gervihnattarásum og öryggishólf. Í setustofu er svefnsófi og borðstofuborð. Eldhúskrókur er vel útbúinn, með ísskáp, örbylgjuofni, kaffivél og brauðrist og öllum helstu ílátum og áhöldum sem þarf til matargerðar. Ókeypis þráðlaus nettenging er í öllum vistarverum. Við allar íbúðir eru svalir með húsgögnum.

Gestamóttakan er opin allan sólarhringinn og starfsfólk aðstoðar við gjaldeyrisskipti, miðakaup og leigu á bíl. Í hótelinu er þvottahús með sjálfsafgreiðslu, en skipt er á handklæðum á þriggja daga fresti og sængurfötum á fjögurra daga fresti.

Gegnt Avenida íbúðunum stendur systurhótelið Avenida Hotel og býðst gestum að nýta sér ýmsa aðstöðu þar, eins og veitingasal, bar, sundlaug, líkamsræktaraðstöðuna, heitan pott og skipulagðar skemmtanir. Einnig er hægt að fara í gufubað en það kostar í það. 

Íbúðahótelið stendur við göngugötu mitt í iðandi mannlífinu í hjarta Benidorm og nóg er af verslunum, veitingastöðum og börum allt um kring. Levante-ströndin er 150 frá hótelinu og fimm mínútur tekur að rölta niður á Poniente-ströndina. Gamli bærinn sem gaman er að skoða er í léttu göngufæri og fyrir þá sem vilja æfa sveifluna er næsti golfvöllur í örfárra kílómetra fjarlægð. Einnig er stutt í skemmtigarða og vatnasport er hægt að stunda víða við ströndina.

Við innritun þarf að greiða 100 evrur í tryggingu í peningum. Ekki er hægt að nota kort. 

*** ATH. það er ekki innifalið í hálfu fæði né fullu fæði hátíðarkvöldverður þann 25.des og 31.des.  

Albir Garden Resort & Aquapark

Albir Garden er gott íbúðahótel, stutt frá ströndinni í Albir, rólegum bæ miðja vega milli Benidorm og Altea á Costa Blanca. Hentar mjög vel fyrir fjölskyldur.

Albir Garden Resort státar af rúmlega 400 vistarverum í lágreistum (þriggja hæða) byggingum. Íbúðirnar rúma allt að fjóra,en tveir geta sofið inn í svefnherbergi og tveir í svefnsófa í stofunni. Íbúðirnar eru einfaldar en snyrtilegar með litlum svölum. Eins og lenska er orðin á þessum slóðum eru allar íbúðirnar bjartar, flísa- og parketlagðar og að sjálfsögðu loftkældar og upphitaðar. Í þeim er sjónvarp með gervihnattarásum og sími. Öryggishólf eru í móttöku. Eldhúskrókur er vel búinn með helluborði, kæliskáp, örbylgjuofni og öðru því sem nauðsynlegt er í nútímaeldhúsi. Þráðlaus netaðgangur er á almenningssvæðum og í íbúðum, gestum að kostnaðarlausu. Svalir eru á öllum íbúðum.

Veitingahús er á staðnum þar sem bornar eru fram alþjóðlegar kræsingar á morgnana, í hádeginu og á kvöldin. Við sundlaugina sem býður upp á mikið úrval drykkja og einnig ýmiss konar léttmeti. Þá er setustofubar einnig í hótelinu.

Mikil afþreying er á hótelinu sem opin er frá miðjum júní fram í miðjan september. Má þar nefna tvær sundlaugar og sérstaka barnalaug í fallegum og gróskumiklum garði. Þar er að sjálfsögðu góð sólbaðsaðstaða með bekkjum og sólhlífum. Einnig eru tvær stórar vatnsrennibrautir sem teknar voru í notkun vorið 2015. Góð leikaðstaða er fyrir börn og skemmtidagskrá er á svæðinu. Ekki er nema nokkurra mínútna gangur niður á strendur sem eru meðal þeirra bestu á Costa Blanca.

Gestir hafa aðgang að glæsilegri líkamsræktaraðstöðu og heilsulind þar sem meðal annars er innilaug, nuddpottur, sána, tyrkneskt bað og nuddherbergi auk þess sem þar er hægt að fá bæði hand- og fótsnyrtingu.

Afbragðsíþróttasvæði er við hótelið með tennisvelli, blakvelli og hlaupabrautum. Biljarð, borðtennis og pílukast er einnig í boði.

Eins og áður segir Er Albir rólegur bær en fyrir þá sem vilja líta á verslanir eða fjörugt næturlíf er stutt að aka til Benidorm og þangað ganga einnig almenningsfarartæki. Skemmtigarðar eins og Terra Mitica (tívolí) og Aqualandia (vatnsskemmtigarður) eru skammt undan. Vart þarf að nefna að golfvellir eru víða og kylfingar þurfa því engu að kvíða.

Ath. barnarúm þarf að greiða fyrir á staðnum beint til hótels
Ath. yfir vetrartíma eru vatnsrennibrautir í garðinum ekki opnar. 

Roca Esmeralda, Calpe

Roca Esmeralda AR hótela er þriggja stjörnu hótel á besta stað við Levante ströndina í Calpe og í göngufæri við aðal bæjarkjarnann þar sem er að finna fjölda veitingastaða og verslana.
Skemmtilegt hótel sem hefur lengi verið vinsælt.

Herbergin eru björt og notaleg og í þeim öllum eru þráðlaust internet, gervihnattasjónvarp, loftkæling, ísskápur, öryggishólf, skrifborð, hárþurrka og svalir.

Í sundlaugargarðinum eru þrjár laugar, þar af ein fyrir börn. Einnig er barnaklúbbur.

Í heilsulindinni eru í boði margskonar heilsu- og vellíðunarmeðferðir, Upphituð innilaug, nuddpottur og sauna auk líkamsræktaraðstöðu. Hægt er að leika tennis og minigolf og í leikherbergi er m.a. hægt að leika billjarð og borðtennis.

Veitingastaðirnir eru tveir, báðir með áherslu á spænska rétti, annar með hlaðborð, en hinn, Los Naranjos, er með grillrétti. Auk þess er þar bar/kaffihús, sundlaugarbar og fjöldi spennandi staða í næsta nágrenni.

Yfir sumarmánuðina (júní - ágúst) er skemmtidagskrá á kvöldin.

Góð heilsulind fyrir þá sem vilja slaka á og líkamsrækt fyrir þá sem vilja taka á.

Meliá Alicante

Glæsilegt hótel á frábærum stað við Postiguet-ströndina og smábátahöfnina í Alicante. Á aðra hönd er Postiguet-ströndin og á hina er göngugatan La Explanada de España. Hér er iðandi mannlíf á alla kanta, verslanir, veitingastaðir, gamli bærinn og Santa Barbara-kastalinn í léttu göngufæri. Strætó og leigubílar stoppa rétt við hótelið.

Í hótelinu eru 545 stílhrein og rúmgóð herbergi sem rúma tvo eða þrjá einstaklinga og fjölskylduherbergi og svítur sem rúma allt að fjóra. Öll herbergin eru búin loftkælingu og upphitun, flatskjársjónvarpi með gervihnattarásum, síma, öryggishólfi og smábar. Á baðherbergjum er hárþurrka, ókeypis baðvörur og ýmist baðker eða sturta. Við öll herbergi eru svalir með húsgögnum og er útsýni ýmist yfir hafið eða smábátahöfnina. Þráðlaus nettenging er í herbergjum og sameiginlegum rýmum gestum að kostnaðarlausu. 

Það er ekki amalegt að byrja daginn á ríkulegu morgunverðarhlaðborði og njóta um leið óhefts útsýnis yfir Miðjarðarhafið úr veitingasalnum. Í hádeginu og á kvöldin er tilvalið að klæða sig í betri fötin og njóta ljúffengra rétta úr ferskasta hráefni sem völ er á af matseðlinum á Terra-veitingastaðnum eða slaka á yfir léttari réttum á veitingastaðnum Blu við sundlaugina. Á setustofubarnum er boðið upp á úrval kokteila og annarra svalandi drykkja. 

Sundlaug er við hótelið með sólbekkjum og sólhlífum. Krakkaklúbbur er starfræktur  fyrir börn 5 til 12 ára. Heilsulind með líkamsræktaraðstöðu, heitum pottum, líkams- og snyrtimeðferðum er við hlið hótelsins.

SPA Porta Maris by Melia

Hótel Spa Porta Maris er fjögurra stjörnu hótel staðsett á einum besta stað borgarinnar. Ströndin er alveg við hótelið en jafnframt er stutt að ganga að miðbænum og í gamla bæinn. Veitingastaðir og verslanir má finna allt um kring. 

Hótelið stendur við hliðina á Suites del Mar og tilheyra þau sömu hótelkeðjunni. Sameiginleg móttaka og ýmis önnur þjónusta er fyrir bæði hótelin, en þó er ekki allt sameiginlegt.

Aðstaðan á hótelinu er mjög góð og margt sem stendur til boða, sem dæmi er tilvalið að fá sér hressingu á veitingastaðnum Luz de Mar og njóta um leið útsýnisins yfir smábátahöfnina en á staðnum er m.a. boðið upp á tapasrétti sem margir þekkja og elska. Annar veitingastaður er á hótelinu sem heitir Marabierta og er opinn á kvöldin. Þarna er einnig bar og móttaka sem opin er allan sólarhringinn. Heilsulind og líkamsrækt er staðsett rétt hjá hótelinu og stendur hótelgestum til boða gegn aukagjaldi.

Herbergin á hótelinu eru annað hvort með útsýni yfir höfnina eða sjávarsýn. Öll eru þau með sjónvarpi, síma, öryggishólfi, minibar, hárþurrku, te- eða kaffivél og helstu snyrtivörum. 

Dásamlegt útsýni og litríkt mannlíf má finna allt um kring á þessu vel staðsetta hóteli þar sem flest allt er í göngufjarlægð. Uppi á hæðinni fyrir ofan blasir svo kastalinn við í öllu sínu veldi og setur fallegan svip á borgina.

Suites del mar by Melia

Suites del Mar by Melia er mjög vel staðsett fjögurra stjörnu hótel í Alicante borg þar sem hótelgestir hafa tækifæri á að upplifa samtímis  allt það sem ströndin hefur upp á að bjóða og ys og þys borgarlífsins.

Hótelið stendur við smábátahöfnina og er því útsýnið óviðjafnanlegt til allra átta, hvort sem horft er yfir höfnina, hafið eða mannlífið. Við hliðina á hótelinu er hótel SPA Porta Maris by Melia en tilheyra þessi hótel sömu hótelkeðju. Sameiginleg móttaka er fyrir þau bæði og deila hótelgestir sumu af því sem boðið er upp á en þó ekki öllu.

Aðstaðan er mjög góð og má þar nefna sundlaug, sólbaðsaðstaða og spa svo eitthvað sé nefnt. Móttakan er opin allan sólarhringinn og morgunverður er borinn fram  á veitingastaðnum Llum de Mar en þar er tilvalið að byrja daginn með því að njóta fagurs útsýnis á meðan morgunverður er snæddur. Herbergin á hótelinu eru junior svítur og eru annað hvort með útsýni yfir höfnina eða sjávarsýn. Öll herbergin eru rúmgóð, nýtískulega hönnuð og búin nútímaþægindum eins og sjónvarpi, síma, öryggishólfi og kaffivél (Nespresso). Inni á herbergjum er einnig strandarhandklæði, sloppur og inniskór sem hótelgestir geta haft afnot af á meðan dvöl stendur

Í næsta nágrenni má finna verslanir, veitingastaði og áhugaverða staði. Uppi á hæðinni fyrir ofan blasir svo kastalinn við í öllu sínu veldi og setur fallegan svip á borgina þar sem hið gamla og nýja mætast. 

Melia Benidorm

Melia Benidorm er fínt og flott hótel á góðum stað. Um 10 min gangur að Levante-ströndinni. Eitt besta hótelið á Benidorm með glæsileg sameiginleg salarkynni, frábæran sundlaugargarð og vel útbúna heilsulind.

Á hótelinu eru 526 björt og rúmgóð herbergi. Herbergin eru með svalir sem snúa ýmist út að hafi eða inn í garðinn. Hótelið er þó ekki alveg við ströndina. Hægt er að fá samliggjandi herbergi með ,,superior" herbergjum.
Athugið að VITA mælir með að bókað sé Superior herbergi fyrir 3 aðila ásamt ungabarni þar sem standard herbergin rúma ekki bæði auka rúm og barnarúm.
Í öllum herbergjum er gervihnattasjónvarp, sími, internet, útvarp, smábar, loftkæling, hárþurrka, marmaragólf, skrifborð, sófi og öryggishólf sem rúmar fartölvu (gegn gjaldi).
Á baðherbergjum er baðkar með sturtuhaus.

Nokkur veitingahús eru á hótelinu;
El Curt er með hlaðborð
El Moralet og á sundlaugarbarnum Chiringuito L'Illa er hægt að fá snarl og léttari rétti (ekki innifalið í verði fyrir hálft fæði).
Á bar hótelsins er líf og fjör.

Sundlaugargarðurinn er stór og glæsilegur, þar eru tvær stórar sundlaugar, barnalaug og sérstakt svæði fyrir börnin. Einnig er innilaug og nuddpottur. Heilsuræktin er glæsileg og þar er í boði fjölbreytt úrval snyrti- og nuddmeðferða auk þess sem hægt er að fá nudd á herbergjum.

Við sundlaugina er hægt að leigja handklæði. Greiða þarf 10 Evru tryggingagjald fyrsta daginn, sem fæst endurgreitt ef hótelgestir skila handklæðum sínum.Gott hótel á fínum stað, rétt hjá Levante ströndinni. Nýlega voru allar lyftur endurnýjaðar. Fín sameiginlega salarkynni með tveimur byggingum, Poniente og Levante. 

Ath. Í vetur standa yfir framkvæmdir í garðinum og eru báðar útisundlaugarnar og garðurinn er lokaður frá 8. jan. - 26.mars 2024. Innisundlaugin verður opin eins og alltaf.  Þann 27.mars n.k verður  önnur útisundlaugin opnuð og gert er ráð fyrir að hin sundlaugin opni 20.maí n.k.  Reynt verður að halda bæði hávaða og ónæði í lágmarki. 

Magic Tropical Splash, Benidorm

Ævintýralegt íbúðahótel með vatnsrennibrautagarði og skemmtun fyrir alla aldurshópa. Sjóræningjaþema, heilsulind og stutt í ströndina og nálæga skemmtigarða.

Þetta nýuppgerða íbúðahótel er með 326 íbúðum sem henta fjölbreyttum fjölskyldugerðum, en í boði eru allt frá tveggja manna íbúðum upp í 8 manna íbúðir. Íbúðirnar eru bjartar og rúmgóðar með flísum á gólfi. Allar íbúðirnar eru með a.m.k. tvö herbergi og eitt baðherbergi, loftkælingu, tvö sjónvörp, síma, ísskáp og eldunaraðstöðu sem er mismunandi milli íbúða. Stærri íbúðir eru með eldhús á meðan minni íbúðir eru með rafmagnshellu og örbylgjuofn. Baðherbergin eru flísalögð með baðkari og sturtu, hárblásara og snyrtispegli. Flestar íbúðirnar hafa svalir eða verönd með útihúsgögnum. 

Silver íbúðir eru 2ja herbergja íbúðir með 2 x 90 cm rúmum í báðum herbergjum. Einnig er örbylgjuofn, lítill ísskápur, sjónvarp, svalir, loftkæling, kaffivél og hraðsuðuketill.
Gold íbúðir eru 2ja herbergja íbúðir með stærri rúmum í öðru herberginu, 2 x 135 cm. Einnig er örbylgjuofn, lítill ísskápur, sjónvarp, svalir, loftkæling, kaffivél og hraðsuðuketill. Aukarúmin 2 x 90 cm.
Hótelið er einnig með Platinium íbúðir með þremur svefnherbergjum. Í öllum standard Platinium íbúðum eru 2 x 90 cm rúm.  

Á hótelinu eru fjölbreyttir veitingastaðir og snarlbarir sem eru opnir í 16 tíma sólarhringsins. Morgunmatur er borinn fram á girnilegu hlaðborði. Við sundlaugina er hægt að fá léttar máltíðir og drykki. Einnig eru á hótelinu þemabarir og kaffitería þar sem hægt er að gæða sér á ljúffengum veitingum. Þvottaaðstaða er á hótelinu.

Hægt er að velja um hálft fæði sem er morgunverður og kvöldverður af hlaðborði eða allt innifalið sem innifelur morgunverð, hádegisverð og kvöldverð af hlaðborði, drykki og snakk á milli máltíða eða allt innifalið ULTRA en það innifelur það sama og allt innifalið nema aukalega eru innifaldar skoðunarferðir og sérréttastaðir. Með allt innifalið ULTRA fá gestir app í símann þar sem hægt er að sjá hvað í boði er hverju sinni og bóka þá þjónustu fyrirfram.

Fjölskylduævintýrið byrjar í hótelgarðinum sem er 3000m² sjóræningjaþemagarður með meira en 6 vatnsrennibrautum, risastóru sjóræningjaskipi og fleiri vatnaskemmtunum. Í garðinum er gríðarstór sundlaug með nuddpotti sem er bara fyrir fullorðna og gott sólbaðssvæði þar sem hægt er að slaka á og njóta sólarinnar á góðum sólbekkjum. Á hótelinu er líkamsræktarstöð og frábær heilsulind með tyrknesku baði og gufubaði.

Krakkaklúbbur sér um að skemmta börnunum og jafnvel fræða þau í leiðinni en á hótelinu er líka minigolfvöllur, körfuboltavöllur og leiksvæði. Í hótelgarðinum er stór LED skjár þar sem eru sýndar kvikmyndir, íþrótta- og tónlistarviðburðir. Inni er hægt að leika sér í fjölbreyttum tölvuspilum og prófa sig áfram með sýndarveruleika. Hægt er að spila borðtennis, billjarð eða fara í pílukast. Ef stefnan er tekin út af hótelinu er stutt á Poniente ströndina en þar er til dæmis hægt að prófa ýmsar vatnaíþróttir. Miðbær Benidorm, þar sem er fullt af skemmtilegum börum, veitingahúsum og verslunum, er svo í um 15 mínútna bílferð í burtu. Á hótelinu eru frí bílastæði svo hægt er að leigja sér bíl og fara í könnunarleiðangur um svæðið.

Magic tropical splash íbúðahótelið er staðsett nálægt ströndinni, rétt fyrir utan Benidorm. Þarna ættu allar fjölskyldur að finna gistimöguleika og skemmtun við sitt hæfi.

Magic Aqua Rock Gardens, Benidorm

Fjörið endar aldrei á þessu skemmtilega þemahóteli á Benidorm. Safaríþema, vatnsleikjagarður, bar í helli í sundlauginni og fjöldinn allur af uppákomum er meðal þess sem bíður fjölskyldunnar á þessu hóteli.

Á hótelinu eru 254 herbergi sem skiptast í smærri og stærri vistarverur fyrir fjölbreyttar fjölskyldugerðir. Öll herbergin eru innréttuð í afrískum stíl og í þeim anda með moskítónet yfir rúmunum. Herbergin eru björt, veggirnir hvítmálaðir með smá litagleði hér og þar. Parket er á gólfum. Í herbergjunum er loftkæling, sjónvarp, skrifborð og lítill ísskápur, öryggishólf, frítt internet, sími og ketill. Stærri herbergin eru með stofu þar sem er svefnsófi og útgengt út á verönd eða svalir með útihúsgögnum. Baðherbergin eru flísalögð og þar er sturta og bað, hárþurrka, sími og snyrtivörur. 

Á hótelinu eru máltíðir og drykkir innifaldir. Á frjálslegum veitingastaðnum er hlaðborð með sérstaka rétti sem höfða til barna. Þar eru líka tveir barir, annars vegar Chill out þar sem fullorðnir geta slakað á, sötrað á kokteila og notið útsýnisins. Hinn barinn er blautbar en hann er staðsettur í helli ofan í sundlauginni! Einnig er snakkbar þar sem hægt er að fá sér snarl yfir daginn.

Hótelgarðurinn er sannkölluð paradís fyrir börnin og alla fjölskylduna. Sundlaug með nuddsætum og fjöldinn allur af vatnsrennibrautum fyrir alla aldurshópa tryggja marga klukkutíma af skemmtun á hverjum degi. Sólbekkir og sólhlífar bjóða upp á góða aðstöðu til að slaka á með bók og fylgjast með krökkunum að leik. Fyrir ofan sundlaugina er stór LED skjár þar sem sýndar eru bíómyndir, íþróttaviðburðir og fleira. Krakkaklúbburinn heldur uppi dagskrá og skemmtun fyrir börnin. Inni á hótelinu er leikjaherbergi og innileikvöllur. 

Fleiri afþreyingarmöguleikar eru að spila billjarð eða borðtennis, prófa pílukast eða bogfimi. Fyrir þau fullorðnu er líkamsræktarstöð og heilsulind með heitum potti og gufu en þar er hægt að panta sér nudd eða aðrar dekurmeðferðir. Á kvöldin er flutt lifandi tónlist eða skemmtiatriði, karókí og leikir. Ef stefnan er sett út fyrir hótelið þá er Levante ströndin aðeins 150m í burtu svo það tekur aðeins örfáar mínútur að rölta þangað til að njóta sólarinnar í sandinum. Einnig er stutt að fara í dýragarðinn. 

Magic aqua rock gardens hótelið er staðsett á rólegum stað nálægt ströndinni rétt fyrir utan Benidorm. Troðfullt hótel af skemmtun fyrir fjölbreyttar fjölskyldur.

Avenida hótel, Benidorm

Fallegt hótel á frábærum stað í hjarta Benidorm, rétt við Levante-ströndina. Örstutt á ströndina, í verslanir, veitingahús og golfvelli.
Í hótelinu eru 156 herbergi sem rúma tvo til þrjá einstaklinga. Vistarverur eru fallega innréttaðar á stílhreinan og nútímalegan hátt, í bláum, rauðum eða grænum litum. Allar vistarverur eru búnar loftkælingu og upphitun, sjónvarpi með gervihnattarásum, síma, öryggishólfi og smábar. Á baðherbergjum er hárþurrka og ókeypis baðvörur. Herbergi snúa ýmist að göngugötu eða að bakhúsum sem eru sumar með útsýni yfir hafið. Þráðlaus nettenging er gestum að kostnaðarlausu.

Í hótelinu er hlaðborðsveitingastaður með úrvali Miðjarðarhafs- og alþjóðlegra rétta og kaffiterían býður upp á allar tegundir kaffidrykkja og kökur og kruðerí með. 
Þeir sem kjósa að njóta geisla sólarinnar í meira næði en gefst við saltan sjó og sand geta notið þess að liggja í friði á sundlaugarbakkanum á þakveröndinni og notið útsýnisins yfir hafið. Þar er einnig einnig hægt að mýkja upp stirða vöðva í heitum potti eða gufubaði og kæla sig niður með ljúffengum drykkjum á sundlaugarbarnum. Athugið að panta þarf tíma í gufubaðið. 
Starfsfólk sér um skemmtidagskrá sem hentar öllu aldri, yfir daginn og fram á kvöld.

Gestamóttakan er opin allan sólarhringinn og þar er boðið upp á gjaldeyrisskipti, bílaleigu, töskugeymslu og þvottaþjónustu. 
Avenida er á besta stað í Benidorm, 75 metra frá ströndinni og umkringt verslunum, veitingastöðum og iðandi mannlífi. Þeir sem það kjósa geta þó notið þess að sóla sig í friði og ró því að á þakveröndinni er sundlaug með góðri sólbaðsaðstöðu. Heitur pottur, líkamsræktaraðstaða og gufubað sjá til þess að næra líkama og sál og stutt er í golfvelli, vatnasport og alla mögulega afþreyingu fyrir spennufíkla af öllum gerðum.  

Vinsamlega athugið að ekki eru öll herbergi eru með svölum.

Flash Hotel, Benidorm

Á besta stað á Levante ströndinni – í miðbænum og aðeins 10 mínútna ganga frá gamla bænum.
Flash-hótelið er endurgert hótel á gömlum grunni. Hótelið er bjart og litaglatt.
ATH. Hótelið er eingöngu fyrir fullorðna.

Á herbergjum er loftkæling, gervihnattasjónvarp, sími, þráðlaust internet gegn gjaldi, lítill ísskápur og smábar, öryggishólf (ef óskað er) og svalir.
Ef þrír ferðast saman er hægt er að fá aukarúm í tveggja manna herbergi, en auk þess er hægt að sérpanta herbergi fyrir fjóra.

Á hótelinu er vel búin líkamsrækt þar sem m.a. er hægt að fá nudd og tvær sundlaugar.
Á Flash er veitingastaður og tveir barir þar sem hægt er að fá snarl og létta rétti; annar er við sundlaugina, og á hinum, Flash Bar, er  lifandi tónlist á hverju kvöldi.

Hægt er að velja um gistingu með morgunverði eða hálfu fæði (morgun- og kvöldverður).

Flash-hótelið útvegar gestum sínum strandhandklæði gegn tryggingu á meðan á dvöl stendur.

Family Gourmet Villa del Mar, Benidorm

Gott hótel við Poniente-ströndina í Benidorm, fjörugasta strandbænum á Costa Blanca.

Herbergin 107 eru björt, falleg og nútímaleg og rúma mest fjóra. Öll eru þau búin loftkælingu og upphitun, sjónvarpi með gervihnattarásum og kæliskáp og hægt er að fá aðgang að öryggishólfi. Að sjálfsögðu er baðherbergi á öllum herbergjum. Aðgangur að netinu er fáanlegur á sumum almenningssvæðum. Lyfta er í hótelinu og það er aðgengilegt fólki í hjólastól.

Í Villa del Mar er veitingastaður þar sem Miðjarðarhafskræsingar eru bornar fram á hlaðborði. Að sjálfsögðu er notalegur setustofubar í hótelinu þar sem tilvalið er að slaka á við dempað ljós og dreypa á ljúffengum og svalandi drykk.

Við hótelið er sundlaug og falleg sólbaðsverönd með sólbekkjum. Góð leikjaaðstaða er fyrir börn og ýmislegt gert til að hafa ofan af fyrir þeim.

Villa del Mar býður upp á líkamsræktaraðstöðu og heilsulind með innilaug, nuddpotti, sána og tyrknesku baði.

Hótel Villa del Mar stendur alveg við Poniente-ströndina í Benidorm og aðeins kippkorn frá því helsta sem bærinn hefur upp á að bjóða fyrir utan sand, sjó og sól, svo sem verslanir, veitingahús, bari og fjörugt mannlíf. Við ströndina er boðið upp á ýmiss konar sjósport eins og seglbretta- og sjóskíðabrun og margt fleira.
Tívolígarðurinn Terra Mitica er innan bæjarmarkanna og vatnsskemmtigarðurinn Aqualandia með ævintýralegum vatnsrennibrautum og laugum er í útjaðri bæjarins. Þeir sem ekki geta hugsað sér sumarleyfi án þess að grípa í golfsettið hafa úr ýmsu að velja og má til dæmis nefna golfvellina Las Rejas og Villaitana sem báðir eru í bænum. Og þeir sem ekki eru á þeim buxunum að fara snemma í háttinn þurfa ekki að láta sér leiðast því að hvergi á Costa Blanca er fjörugra næturlíf en í Benidorm.

Albir Playa Hotel

Albir Playa er með vinalegt andrúmsloft, frábæra aðstöðu og notalega stemningu.

Hótelið er mitt á milli listamannabæjarins Altea og hins líflega Benidorm-bæjar.  Albir-ströndin er í um 15 min göngufjarlægð. Þar er hægt að stinga sér í kristaltæran sjóinn.

Á hótelinu er margt í boði, meðal annars fjölbreyttar dekur-meðferðir í glæsilegri heilsulind, þráðlaus nettenging og frábærar sundlaugar bæði fyrir börn og fullorðna. Auðvelt er að hafa ofan af fyrir börnum á leikvelli hótelsins og við barnasundlaugina en einnig er barnaklúbbur fyrir 4-12 ára sem starfræktur er frá 15. júní til 15. september. Heimsókn í Terra Mitica-skemmtigarðinn sem er að finna í næsta nágrenni er skemmtileg afþreying fyrir alla fjölskylduna. Skemmtidagskrá er á hótelinu.

Fyrir þá sem vilja hreyfa sig þá er mögulegt að leigja reiðhjól í gestamóttöku og njóta þess að hjóla eftir langri strandlengjunni. Í nágrenninu er einnig að finna flotta golfvelli sem henta byrjendum sem lengra komnum.

Herbergin eru fallega innréttuð, öll með baðkari, loftkælingu og svölum.

Fæði: Hálft fæði ( morgunverður og kvöldverður).

Hótelið er með handklæði til leigu fyrir hótelgesti. Greiðar þarf €10 í tryggingargjald, sem fæst endurgreitt í lok dvalar ef gestir hafa passað að skila handklæðum. Þessi handklæði má bæði nota í garðinum og fara með á ströndina.

Kaktus Albir Hotel

Gott 4ra stjörnu hótel við ströndina í Albir. Fyrirtaks aðstaða, skemmtidagskrá og svo er stutt í gamla bæinn með verslanir, veitingastaði, bari og markaði.

Herbergin 203 eru rúmgóð og þægileg, öll með litlum svölum, loftkælingu, sjónvarpi, síma, hárþurrku, sófa, ísskáp/smábar (gegn gjaldi), öryggishólfi (gegn gjaldi) og nettengingu (gegn gjaldi).

Í sundlaugargarðinum er sundlaug og barnalaug. Önnur sundlaug og nuddpottur eru á þaki hótelsins, en þaðan er frábært útsýni yfir Miðjarðarhafið og svæðið í kring. Einnig eru á hótelinu líkamsrækt, gufubað, nuddpottur og innilaug.

Á veitingastaðnum er hlaðborð þrisvar á dag. Á barnum er leikin lifandi tónlist öll kvöld nema mánudagskvöld. 

Hálft fæði er innifalið í verði (morgunverður og kvöldverður).

Gengið er yfir eina götu til að komast á ströndina, sem er beint fyrir framan hótelið. Þar er hægt að komast í alls kyns sjósport eins og brimbretti, fallhlífasvif með hraðbát, sjóskíði, kajak eða bruna um hafflötinn á uppblásinni tuðru.

Í göngufæri við hótelið er Albir Golf, lítill æfingavöllur, þar sem hægt er að æfa golfsveiflu og pútt. Í litlu götunum í Albir er úrval veitingastaða og gaman er að rölta um hippamarkaðina og skoða heimagert skart og minjagripi.

Diamante Beach, Calpe

Diamante Beach frá AR hótelum er glæsilegt hótel í Calpe með 185 herbergjum á góðum stað. Stór og góð heilsulind, góðir veitingastaðir og aðeins 200 metrar á ströndina.

Herbergi eru rúmgóð með þráðlausu neti, sjónvarpi, loftkælingu, öryggishólfi, minibar, síma, hárþurrku og tveggja sæta sófa. Rúmgóðar svalir.

Í garðinum eru þrjár sundlaugar og barnalaug.  Barnaklúbbur og skemmtidagskrá er á hótelinu frá miðjum júní fram í miðjan september. Matvöruverslun er hinu megin við götuna.

Heilsulindin er rúmir 2.000 m2, og þar er meðal annars hægt að fá margar vatnstengdar heilsu- og vellíðunarmeðferðir. Þar er einnig nuddpottur, sauna, tyrkneskt bað og líkamsrækt. Að auki er hægt að leika tennis, biljarð, borðtennis og mini golf.

Veitingastaðirnir eru tveir, La Scala og La Pergola, og eru þeir báðir með ítalskan mat og rétti frá Miðjarðarhafinu.

Estimar Calpe Apartments 2 & two, Calpe

Estimar Calpe Apartments 2 & two sem áður hét Apartamentos del mar er góð íbúðargisting á besta stað í miðbæ Calpe, við Arenal ströndina. Hótelið er eingöngu fyrir fullorðna, 16 ára og eldri, þannig að þar er rólegt og afslappað andrúmsloft.
Sérlega góður kostur fyrir sóldýrkendur sem vilja slaka vel á nálægt sjónum.

Á hótelinu eru fjölmargar íbúðir sem eru eins til þriggja herbergja og ættu því að henta fjölbreyttum hópum. Íbúðirnar eru einstaklega rúmgóðar og vel búnar. Þær eru ljósmálaðar og með flísum á gólfi. Í þeim er flatskjár, dvd, loftkæling, ísskápur og eldhús. Einnig eru svalir með útihúsgögnum í öllum íbúðum. 
Ef þú velur íbúð með sjávarsýn þá fylgir henni frábært útsýni út á Miðjarðarhafið og Costa Blanca strandlengjuna.

Íbúðirnar deila aðstöðu með Gran Hotel Sol y Mar hótelinu svo þar er allt til alls þegar kemur að sólbaðs-, líkamsræktar- og veitingaaðstöðu. Það er auðvelt að finna fallegan stað til að borða á þarna um slóðir því útsýnið er frábært út á flóann. Veitingastaðurinn The Food Gallery er sýningareldhús þar sem hægt að panta frábæra hrísgrjónarétti, kjötrétti og ferskan fisk sem kemur beint af markaðnum og fylgjast með eldamennskunni. Hinn veitingastaðurinn, Abyss, sérhæfir sig í hefðbundinni matargerð úr bestu fáanlegu hráefnum. Á sumrin er svo einn veitingastaður í viðbót, The beach club, þar sem boðið er upp á létta rétti og drykki.
Í byggingunni er kaffihúsið 360° sem er frábær staður til að hittast á, fá sér eitthvað snarl og njóta stórbrotins útsýnis yfir Arenal ströndina. Þar er einnig reglulega spiluð lifandi tónlist sem heldur uppi góðri stemningu. Dorée er svo hótelbarinn sem er sérstaklega hannaður til að hægt sé að slaka á með ljúffengan drykk í hönd og horfa á sólina setjast í Miðjarðarhafið. Að lokum er sportbar á hótelinu þar sem hægt er að fylgjast með helstu íþróttaviðburðum.
Í heilsulindinni eru í boði fjöldinn allur af heilsu- og vellíðunarmeðferðum sem margar tengjast vatni. Líkamsræktin er stór og búin nýlegum og góðum tækjum, og einkaþjálfari er þér innan handar.

Í um það bil 500 metra fjarlægð frá hótelinu stoppar strætó sem gengur til Benidorm fjórum sinnum á dag.

Hægt er að panta þrif á meðan dvöl stendur gegn vægu gjaldi og er borgað fyrir hvert skipti. Gjaldið fer eftir stærð íbúðar. Panta þarf þrif og greiða fyrir í gestamóttöku. Þrif eru innifalin eftir að dvöl lýkur. 
Gestir geta sótt sér hrein handklæði og sængurföt.
Ath. að farþegar þurfa að leggja fram til hótelsins 150 evrur við komu. Þetta er einungis tryggingargjald sem fæst til baka við brottför nema annað komi fram.

Solymar Gran Hotel The One, Calpe

Solymar Gran Hotel The One sem áður hét Gran hotel Sol Y Mar er frábært hótel á besta stað í miðbæ Calpe, við Arenal ströndina. Hótelið er eingöngu fyrir 16 ára og eldri. 

Herbergin eru rúmgóð og glæsileg. Í þeim er flatskjár, frítt þráðlaust internet, loftkæling og smábar.  Gott hjólastólaaðgengi er á hótelinu.

Garðurinn er ekki stór en fallegur og með útsýni yfir hafið og Peñón de Ifach-klettinn. Gengið er beint niður á strönd.

Í heilsulindinni eru í boði fjöldinn allur af heilsu- og vellíðunarmeðferðum sem margar tengjast vatni. Líkamsræktin er stór og búin nýlegum og góðum tækjum, og einkaþjálfari er þér innan handar.

Á hótelinu eru veitingahúsin Anfora, með áherslu á sjávarrétti, og Abiss, sem er á efstu hæð hússins með dýrindis mat og frábært útsýni. Á kampavínsbarnum Le Champagneria geturðu valið milli 35 tegunda af kampavíni, cava (spænsku freyðivíni) og cava-kokkteilum.

Í um það bil 500 metra fjarlægð frá hótelinu stoppar strætó sem gengur til Benidorm fjórum sinnum á dag.

Hægt er að velja um morgunverð eða hálft fæði en hótelið er rómað fyrir frábær hlaðborð með gæða hráefni.

Estimar Calpe Suitopia 3 & Three, Calpe

Estimar Calpe Suitopia 3 & Three, Calpe sem áður hét Suitopía Sol y mar er skemmtilegur gististaður á frábærum stað við ströndina í miðbæ Calpe. Mikið er lagt upp úr fallegri umgjörð. Hótelið er fjölskylduvænt með úrval af afþreyingu fyrir börnin. 

Vistarverur skiptast í tveggja manna herbergi og svo 75 fermetra svítur sem rúma allt að fjóra. Innréttingar eru nýtískulegar og stílhreinar, í hvítum litum en einstaka veggir eru klæddir með ljósum við og áklæði er í mildum litum. Flísar eru á gólfum. LED-ljós eru stillanleg og því auðvelt að skapa óskastemninguna með réttri lýsingu. Öll nútímaþægindi eru til staðar eins og stillanleg loftkæling og upphitun, 40 tommu flatskjársjónvarp með gervihnattarásum, sími, öryggishólf og smábar. Á baðherbergjum er sturta, hárþurrka ,baðvörur og ýmist baðkar eða sturta.  Í svítunum er einnig sjónvarp bæði í svefnherbergi og stofu, tvöföld sturta á baðherbergjum og við þær er 20 fermetra verönd búin húsgögnum. Ókeypis þráðlaus nettenging er á öllu hótelinu.

Veitingastaðurinn býður upp á úrval rétta af hlaðborði þar sem ávallt er lögð áhersla á ferskasta fáanlega hráefni og hægt er að fylgjast með kokkunum að störfum. Á setustofubarnum fást samlokur og snarl auk fljótandi veitinga. Á efstu hæðinni, þeirri þrítugustu, er Sky Lounge barinn með óþrjótandi úrvali kokteila og ómótstæðilegu útsýni yfir Ifach-klett og út á haf. 
Heilsulind er í hótelinu með líkamsræktaraðstöðu, heitum pottum og nudd- og líkamsmeðferðum.
Í hótelgarðinum eru sundlaugar fyrir börn og fullorðna, samtals 1.000 fermetrar. Sólbaðsaðstaða er til fyrirmyndar með sólbekkjum og sólhlífum og alltaf er hægt að fá sér snarl og svalandi drykki á sundlaugarbarnum. 
Mikið er lagt upp úr að huga að þörfum yngri fjölskyldumeðlimanna. Allar svítur eru með barnalæsingu á hurðum, gluggum og innstungum. Krakkaklúbbur er starfræktur og eru leiksvæði og afþreying miðuð við mismunandi aldurshópa. Tvær laugar eru fyrir börnin, busllaug og rennibrautalaug. Gestamóttakan er opin allan sólarhringinn og þar er kjörbúð og þvottahús með þvottavélum, þurrkurum og strauborðum. 

Estimar Calpe Suitopia 3 & Three, Calpe er á frábærum stað í miðbænum, með verslanir, veitingastaði og fjörugt mannlíf allt um kring og aðeins 50 metra frá ströndinni í Calpe. Mikið er af skemmtilegum hjólaleiðum í nágrenninu og í hótelinu er hjólaleiga og góð hjólageymsla. Stutt er í golf og aðra afþreyingu. 

Sun Palace Albir

Rólegt og þægilegt lúxushótel sem er staðsett á góðum stað á Albir, stutt frá ströndinni. Glæsilegt útsýni upp í fjöllin og út á Miðjarðarhafið. Hótelið hentar ferðamönnum með fjölbreyttar kröfur en er sérstaklega eftirsóknarvert fyrir alla sem vilja slaka á í sólinni.

Á hótelinu eru 216 herbergi sem skiptast í einstaklingsherbergi og tveggja til þriggja manna herbergi. Hönnunin á herbergjunum er nútímaleg en herbergin eru máluð í ljósum lit og ljósar flísar eru á gólfum. Húsgögn eru vandlega valin og ýta undir þægilega dvöl á hótelinu. Í öllum herbergjum er loftkæling, frítt internet, flatskjársjónvarp, skrifborð og míníbar. Baðherbergin eru mjög snyrtileg en þau eru flísalögð með baðkari og sturtu, hárþurrku, stækkunarspegli og helstu snyrtivörum. Einnig eru svalir með útihúsgögnum í öllum herbergjum.

Morgunverður af hlaðborði er innifalinn í dvölinni en á hótelinu er veitingastaður og kaffihús auk líflegrar kokteilstofu á þaki hótelsins. Veitingastaðurinn er lítill og einkarekinn en hann er staðsettur á verönd hótelsins. Þar er mikið næði og þaðan er fallegt útsýni til Calpe og út á Miðjarðarhafið. Hann er því kjörinn fyrir rómantískan kvöldverð en einnig eru fjölmargir veitingastaðir í bænum. Einnig er hægt að panta máltíðir upp á herbergið. Á sumrin er sundlaugarbar starfræktur í hótelgarðinum. 

Í hótelgarðinum er stór sundlaug með sér svæði fyrir börn og góð aðstaða til sólbaðsiðkunar. Góð líkamsræktaraðstaða er á hótelinu, innisundlaug og heitur pottur en á hótelinu er einnig frábær heilsulind með hvíldarherbergi, sánu og gufubaði. Þar er hægt að panta meðferðir svo sem tyrkneskt bað, nudd og margt fleira sem gerir dvölina á hótelinu afar afslappandi.
Gestamóttakan er opin allan sólarhringinn en þar fá gestir aðstoð með hvað sem er. Hótelið býður upp á að keyra gesti á ströndina en skutlan fer á hverjum klukkutíma.

Sun Palace hótelið er í heildina mjög góður valkostur í Albir.

Villa Venecia, Benidorm

Gullfallegt  „boutique" hótel. Flott hönnun, góður aðbúnaður og húsgögnin eru elegant og smart. Marmari  á gólfum, falleg setustofa og bar í gestamóttöku. Gluggar ná frá gólfi til lofts og útsýni er einstakt. Hótelið er 5 hæðir með tveim litlum þakgörðum. Annar er með lítilli sundlaug, hvítum leðursófum og opnum Kokteilbar á kvöldin yfir sumarið. Hinn garðurinn er með nuddpotti og sauna.

Villa Venecia er uppi á höfðanum í miðbænum milli Levante- og Poniente- strandanna og útsýni gott yfir báðar strendurnar.  Segja má að hótelið sé á miðpunkti Benidorm og sérstaklega stutt í verslanir, veitingastaði og iðandi mannlíf.

Á hótelinu eru 25 herbergi, nýtískuleg og fallega innréttuð, með viðargólfi, risastórum gluggum og miklu útsýni.  Herbergi eru loftkæld með flatskjá með gervihnatta- og tónlistarrásum, öryggishólfi, smábar, espressó-kaffivél, síma og nettengingu. Baðherbergi eru með hárþurrku og helstu snyrtivörum. Það eru ekki svalir á öllum herbergjunum en í staðinn eru stórir gluggar sem ná frá lofti til gólfs. 

Baðherbergið er mjög sérstakt og er stórt baðkarið aðskilið frá svefnherbergi með gleri. Allt klætt marmara og með bestu hugsanlegu tækjum, einnig er sturtuklefi.

Veitingasalur er lítill en fallegur og einnig með stórum gluggum og fallegu útsýni. Verönd fyrir hótelgesti og aðra er við hótelið.  Hádegis- og kvöldverður eru framreiddur af sérréttamatseðli,  „a la carte". Heilsulind er á hótelinu en þar má finna tyrkneskt bað, innisundlaug, leikfimisaðstöðu og jacuzzy.  Hægt er að panta nudd og aðrar snyrtimeðferðir gegn sérgjaldi. 

Hægt er að velja um morgunverð eða  hálft fæði.

Ekta hótel fyrir brúðhjón eða aðra sem vilja gera mjög vel við sig.

Primavera Park

Primavera Park er glæsilegt fjögurra stjörnu hótel, sannkölluð vin í hjarta Benidorm sem býður upp á alla helstu þjónustu og aðstöðu eins og hún gerist best, steinsnar frá gamla bænum og aðeins nokkra metra frá ströndinni.

Hótelið er nýuppgert með yfir 200 herbergjum af ýmsum stærðum og gerðum á sautján hæðum. Þar má finna vel útbúinn sundlaugargarð með notalegri sólbaðsaðstöðu og hengirúmum, veitingastað þar sem boðið er upp á fjölbreyttan matseðil og fyrsta flokks morgunmat og þrjá bari, þ.á.m. kokteilbarinn Selvático á þaki hótelsins þar sem einnig er sundlaug með frábæru útsýni. Þar er tilvalið að njóta sólsetursins eftir langan dag á ströndinni. Einnig er á hótelinu líkamsræktaraðstaða og bílastæðahús með hleðslustæðum fyrir rafskutlur. Gestamóttakan er opin allan sólarhringinn og þar er lögð áhersla á góða þjónustu og upplýsingagjöf.

Herbergin eru fallega stílhrein en notaleg. Parket á gólfum, loftkæling, sjónvarp, þráðlaust internet, setuaðstaða, sólríkar svalir með tilkomumiklu útsýni á efri hæðum og baðherbergi með regnsturtu, hárþurrku og helstu snyrtivörum. Um er að ræða björt herbergi með öllum helstu þægindum þar sem gestir geta látið líða úr sér á milli ævintýra. Sannkallað heimili að heiman á besta stað í bænum.

Hótelið er staðsett á frábærum stað í Benidorm eða við hliðina á ráðhúsinu og Aigüera-garðinum. Stutt er í alla þjónustu, veitingastaði og verslanir og aðeins örfárra mínútna gangur í gamla bæinn og á Levante ströndina.

Halley hotel & apartments by Melia

Nútímalegt íbúðarhótel sem býður bæði upp á stúdíó íbúðir og íbúðir með tveimur svefnherbergjum. 

Gististaðurinn er staðsettur Levante meginn á Benidorm og tekur það um 10 mín. að ganga á ströndina og um 7 mínútna göngufjarlægð er á milli Halley og hótel Melia Benidorm sem margir þekkja.

Á Halleys er  móttaka og lítill sundlaugargarður með sundlaug, barnasundlaug og sólbekkjum allt um kring. Einnig má þar finna snarlbar sem býður upp á ískalda drykki, enskan morgunverð og einfalda rétti  m.a. tapas. Hægt er að velja hvort maður situr úti eða inni.

Íbúðirnar eru nútímalega innréttaðar, einfaldar en þægilegar, útbúnar öllu því helsta sem þarf til að njóta dvalarinnar. Meðal þæginda sem boðið er upp á eru vel búin baðherbergi með helstu snyrtivörum, loftkæling, örbylgjuofn, kæliskápur, sjónvarp, setusvæði, öryggishólf með plássi fyrir fartölvu, þráðlaust internet og einkasvalir. Hótelið er átján hæðir svo útsýnið er ekki af verri endanum. 

Hotel Brisa

Rótgróið lítið fjögurra stjörnu hótel á frábærum stað, alveg við ströndina í hinu rólega Rincón de Loix-hverfi Benidorm.

Hótel Brisa býður upp á einföld en litrík og björt herbergi með útsýni yfir ströndina og heiðblátt hafið. Hönnunin er einföld en öll helstu þægindi eru til staðar, t.d. sími, sjónvarp með gervihnattarásum, öryggishólf, flísalögð gólf, loftkæling, þráðlaust internet, baðherbergi með hárþurrku og helstu snyrtivörum. Hægt er að fá samtengd herbergi fyrir þá sem ferðast með vinum eða fjölskyldu.

Á hótelinu er veitingastaður, bar og snarlbar. Boðið er upp á morgunverðarhlaðborð og einnig er hægt að fá morgunverð eða nestispakka fyrir ævintýri dagsins senda upp á herbergi. Á sumrin er grillað fyrir gesti á útisvæði hótelsins á fimmtudögum og oft er boðið upp á lifandi tónlist. Hægt er að nýta sér hreinsun og þvottaþjónustu hótelsins gegn gjaldi og vel útbúin líkamsræktaraðstaða er til staðar fyrr þá sem vilja halda sér í formi í fríinu. Gestamóttakan er opin allan sólarhringinn og starfsfólk er ávallt tilbúið að aðstoða gesti og veita upplýsingar.

Brisa er eitt af fáum hótelum við ströndina sem státar af eigin sundlaug fyrir gesti. Sundlaugarsvæðið vísar út að ströndinni og þar er einnig verönd með setuaðstöðu. Aðeins er nokkurra metra gangur á ströndina sjálfa þar sem nóg er af sólbekkjum og hægt er að njóta Miðjarðarhafsgolunnar í sólbaðinu.

Bæjarhlutinn Rincón de Loix er einn sá vinsælasti á Benidorm. Umhverfið er rólegt en þó er stutt í allt það helsta, bæði afþreyingu og þjónustu. Hotel Brisa er tilvalið fyrir þá sem vilja verja deginum á ströndinni og njóta sólsetursins á hótelinu með kaldan drykk við hönd.

Ath. Fyrir þá sem panta rútuferð til og frá flugvelli, þá er gott að hafa í huga að rútan getur ekki stoppað alveg við hótelið. 

Hotel Bristol, Benidorm

Fjögurra stjörnu glæsilegt hótel staðsett á góðum stað á Benidorm, eða í spænska hverfinu svokallaða og aðeins steinsnar frá miðbænum og er ströndin í göngufæri.

Á hótelinu er góð aðstaða eins og móttaka opin allan sólarhringinn,  sundlaug, sólbaðsaðstaða, bar og veitingastaður. Hægt er velja um morgunmat, hálft fæði eða fullt fæði og er matur reiddur fram af hlaðborði.

Herbergin eru öll með sjónvarpi, síma, nettenginu, loftkælingu og fullbúnu baðherbergi þar sem má finna helstu snyrtivörur.  

Dynastic Hotel

Apartamentos Benibeach, Benidorm

Hotel Benidorm Center, Benidorm

The Cookbook Gastro Boutique Hotel & Spa

Barcelo Benidorm Beach, Benidorm