Ariston, Róm

Hótel Ariston er mjög huggulegt hótel, vel staðsett, í stuttu göngufæri við hina frægu kirkju Santa Maria Maggiore, Colosseum, Roman Forum og hið skemmtilega og líflega Monti hverfi þar sem allt iðar af lífi á kvöldin og finna má frábæra veitingastaði. Í Monti eru líka spennandi litlar búðir með fallegum listmunum og hönnunarvörum.
 
Termini stöðin er aðeins örfáum metrum frá og þar er hægt að taka lest (Metro) eða strætó til allra átta s.s í Vatikanið eða Trastevere hverfið hinumegin við ánna Tiber. Einnig er hægt að  fara í aðeins lengri göngutúra frá hótelinu og ganga að til dæmis Trevi gosbrunninum, Campo de Fiori torginu  og Spænsku tröppunum. Gönguferð um borgina er jú eitt stórt listasafn.

Herbergin eru fallega innréttuð ýmist með antik eða nýtískulegum stíl ásamt allri nútíma tækni sem gerir dvöl þína ánægjulega. Á Ariston er rúmgóð og björt gestamóttaka með einstaklega góðri þjónustu, morgunverðarsalur með hlaðborði og skemmtilega innréttaður bar, T-Twenty bar. Einnig er vel útbúin líkamsræktarstöð á hótelinu sem gestir hafa frían aðgang að.

Ariston er systurhótel Morgana hótelsins sem er staðsett beint á móti Ariston og er einnig í boði hjá VITA

Morgana

Hótel Morgana er fyrsta flokks hótel og vel staðsett í sögulegri borginni. Hótelið hefur verið vinsælt meðal ferðalanga sem leita að góðu og þægilegu hóteli á meðan á dvöl þeirra stendur. Einstaklega vel er tekið á móti gestum og þjónustan öll til fyrirmyndar. Morgana er í stuttu göngufæri við hina frægu kirkju Santa Maria Maggiore, Colosseum, Roman Forum og hið skemmtilega og líflega Monti hverfi þar sem allt iðar af lífi á kvöldin og finna má frábæra veitingastaði. Í Monti eru líka spennandi litlar búðir með fallegum listmunum og hönnunarvörum. 
 
Termini stöðin er aðeins örfáum metrum frá og má með auðveldum hætti ferðast með lest (Metro) eða strætó til allra átta s.s í Vatikanið eða í Trastevere hverfið sem hvoru tveggja er staðsett hinumegin við ánna Tiber. Fyrir þá sem  kjósa lengri göngu þá er hægt að ganga frá hótelinu að til dæmis Trevi gosbrunninum, Campo de Fiori torginu  og Spænsku tröppunum og á þessum leiðum er alltaf margt fleira að sjá sem áhugavert er, Róm er jú sem eitt stórt listasafn.
 
Herbergin eru fallega innréttuð með antik húsgögnum, ekki mjög stór en með allri nútíma tækni sem gerir dvöl þína þægilega í alla staði. Mögulegt er að fá fyrir minni hópa s.s saumaklúbba eða fjölskyldur, herbergi í sér húsi með sameiginlegri aðstöðu fyrir morgunverð og setustofu. Þessi herbergi þarf að sérpanta hjá okkur. Á Morgana er gestamóttaka og inn af henni er bar og setustofa þar sem notalegt er að fá sér drykk og „aperitivo“ seinnipartinn eftir langan og sögulegan dag í borginni. Gestir á Morgana hafa frían aðgang að líkamsræktinni á systurhótelinu Ariston, sem staðsett er beint á móti Morgana og er einnig í boði hjá VITA.
 
 

The Hive, Róm

Flott hönnun einkennir þetta nýtískulega hótel í Róm. Góð staðsetning í heillandi gamaldags hverfi, Esquilino, sem einkennist af fallegum gömlum byggingum og stórum torgum. Frá hótelinu er stutt í helstu samgöngur og menningu en það er aðeins í um kílómetersfjarlægð frá Colosseum. Nafnið á hótelinu vísar í býflugnabú sem lýsir vel iðandi stórborgarlífinu í þessari fornu borg, Róm. 

Á hótelinu eru 189 herbergi sem skiptast í tveggja til þriggja manna herbergi og svítur. Herbergin eru innréttuð á nútímalegan og stílhreinan hátt, þau eru opin og björt og öll hin snyrtilegustu. Veggir eru ljósir og parket er á gólfum. Herbergin eru hljóðeingruð og í þeim öllum er loftkæling, frítt Internet, sjónvarp, míníbar og öryggishólf. Í sumum þeirra er aðstaða til að hella upp á kaffi eða te og úr svítum er fallegt útsýni. Baðherbergin eru mjög snyrtileg, þau eru flísalögð með sturtu, hárþurrku, inniskóm og helstu snyrtivörum. 

Morgunverður er framreiddur á yndislegri verönd á fimmtu hæð hótelsins þar sem er hægt að byrja daginn á morgunverði utandyra og njóta útsýnisins. Gestir geta fengið sér morgunverð af hlaðborði eða pantað girnilega rétti af matseðli. Einnig er hægt að fá sér fullkominn kaffibolla og croissant á kaffihúsi á hótelinu. Á kvöldin er skemmtilegt andrúmsloft á hótelinu, hægt að fá sér drykk á barnum og njóta klassískrar ítalskrar matargerðar eða jafnvel asískra rétta, innandyra eða úti á gríðarstórri veröndinni með Santa Maria Maggiore kirkjuna í baksýn.

The Hive er glæsilegt hótel sem staðsett er mjög miðsvæðis og hentar vel fyrir alla sem komnir eru til Rómar til að upplifa sögu, menningu og lífið í borginni. Einnig er það hentugt fyrir þá sem vilja kanna Ítalíu á eigin vegum og leigja sér bíl því það eru góð bílastæði undir hótelinu.

Grand Hotel Palatino

Vel staðsett í Monti hverfinu
Colosseum hringleikahúsið í stuttu göngufæri

Þægileg og rúmgóð herbergi með sjónvarpi, smábar, öryggishólfi og hárþurrku svo eitthvað sé nefnt.  Stór gestamóttaka sem er opin allan sólarhringinn, veitingastaður og bar.
Hótelið er staðsett á einum besta stað borgarinnar í Monti hverfinu, með Colosseum og Forum Romanum í næsta nágrenni.

The Inn at the Spanish Steps

The Inn at the Spanish Steps er eitt af best geymdu leyndarmálum Rómarborgar og eins og nafnið ber með sér stendur það rétt við Spönsku tröppurnar. Þetta er lítið lúxus hótel staðsett við eina frægustu verslunargötu borgarinnar, Via Condotti með öllum frægustu merkjabúðunum.

Í göngufæri eru margir af áhugaverðustu stöðum borgarinnar eins og Trevi gosbrunnurinn, hið fræga Navona torg, Pantheon og fl.

Við hliðina á hótelinu er hið sögufræga kaffihús Antico Caffè Greco sem stofnað var árið 1760. 

Húsið er friðað og var áður virðulegt íbúðarhús byggt í kringum 1800. Húsið hefur allt verið gert upp og er búið öllum nútíma þægindum. Friðsælt og einstakt heldur húsið sögulegu gildi sínu frá þeim tíma er það var byggt.

Falleg verönd, þakgarður, er á efstu hæð hótelsins með útsýni yfir spænsku tröppurnar.  Þar á þeirri hæð er einnig að finna hjarta hótelsins „Lounge“, setustofa með notalegu og afslappandi andrúmslofti, kjörið að setjast þar, úti eða inni, fyrir cocktail eða drykk ásamt smakki á léttum réttum eða fyrir síðdegis teið. Drykkir og líkjörar eru settir fram á fallegt antikborð og kaffi er alltaf í boði. Morgunverður er borinn fram á þessari hæð og mögulegt að sitja úti og njóta.

Herbergin eru fallega innréttuð, í anda hússins, með rómantískum blæ. Herbergin eru misjöfn að stærð og lögun, öll búin helstu þægindum.

Ekki er mögulegt að kaupa ferðir til og frá flugvelli með rútum VITA. Eingöngu leigubílar komast að þessu hóteli og bjóðum við aðstoð við að bóka það fyrirfram ef þess er óskað.