Innifalið á Morgado

ÖLL VERÐ KOMA FRAM Í BÓKUNARVÉL.

• Beint leiguflug með Icelandair
• Ein innrituð taska (20 kg) og eitt golfsett (15 kg)
• Akstur milli flugvallar og hótels
• Gisting
• Morgun- og kvöldverðarhlaðborð
• *Ótakmarkað golf alla daga með GOLFBÍL, (háð brottfarar- og komutíma)
• ​Fararstjórn (m.v. lágmark 20 manns)

*Ótakmarkað golf: Gestir okkar geta spila ótakmarkað golf sér að kostnaðarlausu alla spiladagana eingöngu EF rástímar eru lausir. Viðbótar golf við 18 holur á dag er ekki hægt að panta fyrirfram og er háð umferð á vellinum.

Flugupplýsingar

LEIGUFLUG MEÐ BOEING VÉLUM ICELANDAIR

Allir flugtímar koma fram í bókunarvél og eru staðartímar. Birtir með fyrirvara um breytingu. 

Farangur og golfsett : Hver farþegi má hafa 20 kg af farangri og að auki golfsett upp að hámarki 15 kg án þess að borga yfirvigt. Allt umfram þessa leyfilegu þyngd þarf að borga fullt kílóagjald. 

ATH! Það verða mörg golfsett í þessum vélum og eru það vinsamleg tilmæli að pakkað sé af skynsemi.

Hagnýtar upplýsingar

Ath. Lágmarksfjöldi í ferð er 20 manns. Öll verð sem birt eru á þessari síðu eru tilupplýsinga um verð á þjónustu erlendis og geta breyst án fyrirvara.

Staðsetning: Golfhótelið við Morgado og Alamos vellina er staðsett 12 km frá Portimao borg í Algarve héraði Portúgal.

FYRIR BROTTFÖR

Heilsa: Næsta apótek er í Portimao og þar er einnig læknir. Ef kalla þarf út lækni verður viðkomandi að greiða honum beint.

Farangur: VITAgolf er með sérreglur um golfsett.Hver farþegi má hafa 20kg + 15kg golfsett, samtals 35kg. Sumir hafa spurt hver sé leyfileg þyngd á 2ja setta pokum. Það er ekki verið að skilgreina hvort 2 golfsett séu saman í poka svo lengi sem heildarþyngd pokans fer ekki yfir 30 kg. Handfarangur miðast við 10 kg hámark

Hraðbankar: Hraðbankar eru í Portimao. 

Internettenging:  WIFI er á herbergjunum hótelsins og í klúbbhúsinu.

Klæðnaður: Eins og gengur og gerist með velli í háum gæðaflokki þá eru reglur um klæðaburð almennt mjög strangar. Bannað er t.d. að leika í gallabuxum og íþróttabuxum (trimmbuxum,) svo og í kragalausum bolum og stuttbuxum með teygju í mittið. Hlýrar á kvenmannsbolum verða að vera a.m.k. 5 cm breiðir og fleira. Ætlast er til að kylfingar séu í viðeigandi klæðnaði. það er golfbuxum síðum eða í stuttbuxum (Bermúdasídd) í skyrtu með kraga og golfskóm. Gott er að hafa þunna peysu með á völlinn. Góð regla er að hafa ávallt regnhlíf og regnföt með í golfferðina og í golfpokanum.

Sólarvörn og flugur: Við mælum með, þegar fólk fer erlendis að spila golf, að sólarvörn og vörn gegn moskítóflugum sé með í golfsettinu. (Fæst í flestum apótekum hér heima).

Evrópska sjúkratryggingakortið: Við mælum með að fólk hafi kortið meðferðis

EFTIR AÐ ÚT ER KOMIÐ

Ástand golfvalla: ATH. Golfdeild VITA tekur ekki ábyrgð á ástandi golfvalla vegna framkvæmda, veðurfars eða annarra óviðráðanlegra aðstæðna.

Farsímar: Bannað er á golfvöllum erlendis, eins og hér heima, að hafa farsímann opinn meðan menn eru á golfvellinum.

Golfkerrur og golfbílar: Golfbíll er innifalin í golfferðunum til Morgado (nema í æfingaferðum).

Golfskáli: Litíl golfbúð er æi goffskála. Frá svölum aftan við húsið eru sófar og borð þar sem hægt er að sitja og fá sér hressingu og samtímis dást að útsýninu yfir völlinn og æfingasvæðið.   

Golfvellirnir: Tveir ólíkir golfvellir, Morgado og Alamos eru við hlið hótelsins. Morgado golfvöllur var opnaður 2003 og er par 73. Hann er 5.875m langur af gulum teigum og 4.824 m af rauðum teigum. Brautirnar eru nokkuð opnar, stórar flatir og stórkostlegt útsýni er yfir fallega náttúruna er einkenni þessa valar. Morgado er nokkuð auðveldur í göngu.
Alamos er styttri en ekki síður spennandi. Alamos var opnaður 2006 og er par 71. Hann er 5.055m af gulum teigum og 4.291m af rauðum teigum. Þrátt fyrir að völlurinn er stuttur þarf að vanda sig til að ná góðu skori á þessum bráðskemmtilega velli.
Báðir vellirnir eiga það sameiginlegt að vera umkringdir einstakri náttúru og frá völlunum er enga byggð að sjá. Við klúbbhúsið er glæsilegt æfingasvæði, með púttflötum og vippflötum.

Æfingasvæðið: Er með marga palla til að slá af þar af nokkra með gervigrasi. Á svæðinu eru tvær vipp flatir, tvær púttflatir.

Ótakmarkað golf: Gestir okkar á Morgado geta spilað ótakmarkað golf sér að kostnaðarlausu alla spiladagana ef rástímar eru lausir. Viðbótar golf er ekki hægt að panta fyrirfram og er háð umferð á vellinum.

Rástímar: Daglega eru bókaðir rástímar fyrir hópana ýmist á Morgado eða Alamos vellinum. Fararstjóri sér um að raða í ráshópa og taka við óskum. Tilkynningar um rástíma og ráshópa er tilkynnt úti af fararstjóra

Samgöngur: Hægt er að panta leigubíl í hótelmóttökunni og einnig bílaleigubíla.

Út að borða: Kvöldverðarhlaðborð er innifalið öll kvöld, einnig geta fararstjórar veitt upplýsingar um veitingastaði í nágrenninu. Hálft fæði er innifalið í verði ferða. 

Þjórfé: Ekki er skylda að gefa þjórfé. Ef menn fara á góðan veitingastað og eru ánægðir með mat og þjónustu er þumalputtareglan 10% af upphæð reiknings. Venjan er að skilja smáaur eftir við gluggann hjá rútubílstjórunum okkar eftir ferð og gott er að gefa stúlkunum, sem þrífa herbergin, sem dæmi 10 evr. á viku.