Frá New York til Rómar
Glæsisigling yfir Atlantshaf
Myndagallerí
Sigling yfir Atlantshafið
Odyssey Of The Seas
25. april - 12. maí 2025
Fararstjóri: Lilja Jónsdóttir
Bayonne New Jersey, New York – Ponta Delgada, Portúgal – Malaga, Spáni – Cartagena, Spáni – Barcelona, Spáni - La Spezia, Ítalíu- Róm, Ítalíu.
Stutt ferðalýsing
Flogið með Icelandair til New York seinni part föstudagsins 25. april, ekið beint á Harmony Suites Secaucus Meadowlands hótelið þar sem gist er í 2 nætur. 27.april er ekið sem leið liggur til Cape Liberty New Jersey þar sem Odyssey Of The Seas bíður við bryggju. Haldið af stað yfir hafið og tekur siglingin 6 daga áður en að komið er til Ponta Delgada í Portúgal, eftir tvo daga á sjó er síðan komið til Malaga, Cartagena og Barcelona á Spáni, þar á eftir er seinasti sjódagurinn áður en haldið er til La Spezia á Ítalíu og að endingu er komið til Rómar. Gist er eina nótt í Róm áður en haldið er af stað upp á flugvöll og flogið í beinu flugi með Icelandair til Íslands, áætluð lending í Keflavík er klukkan 18:15 þann 12.maí.
Odyssey of the Seas er í s.k. „Quantum Class“ flokk hjá skipafélaginu Royal Caribbean Cruise Line, en honum tilheyra nýjustu og glæsilegustu skipin í flotanum. Í raun er um að ræða fljótandi lúxushótel þar ýmsar nýjungar líta dagsins ljós og má þar t.a.m. nefna útsýniskúluna „North Star“ þar sem farþegar eru í stúkusæti, svífa hátt til himins og fá þar með útsýni til allra átta. Aðrar nýjungar er t.d. salur með glæsilegum sýningum þar sem toppmenn í kvikmyndabransanum í Hollywood voru fengnir til að hanna ótrúlega flott „laser show“. Matsalnum er svo skipt í fjóra mismunandi staði með mismunandi þema og aldrei hafa verið jafn margir og fjölbreyttir veitingastaðir um borð í einu skipi..
Skipið fór í sína jómfrúarferð í júlí 2021 og er 167.700 lestir, um 350 metrar á lengd og með rými fyrir liðlega 4.198 farþega. Heilsulindin Vitality Spa & Fitness Center býður uppá allt hugsanlegt dekur og að sjálfsögðu fylgir tækja- og íþróttasalur. Spilavíti, verslanir og alls 16 barir og veitingastaðir eru að finna um borð.
Klefarnir eru ýmist með tvíbreiðu rúmi eða tveimur rúmum, flestir með setkrók með sófa og skrifborði, kæliskáp (en hægt að panta drykki gegn gjaldi og nota sem smábar), öryggishólfi og sjónvarpi. Hægt er að bóka skoðunarferðir, horfa á kvikmyndir og panta herbergisþjónustu í klefann í gegnum sjónvarpið. Baðherbergi er með sturtu, snyrtivörum, baðsloppum og hárþurrku. Sængurfötin eru ofin úr egypskri bómull og herbergisþjónusta er opin allan sólarhringinn. Gott skápapláss er einn af kostum þessa skips.
Á efsta þilfarinu er skokkbraut þar sem hægt er að ganga eða hlaupa hringinn um skipið. Þar er einnig öldulaug og fleiri nýjungar þar sem unnendur vatnasports geta fengið útrás.
Á sólarþilfarinu eru sundlaugar, heitir pottar, sólstólar og innisundlaug með fínustu aðstöðu. Að sjálfsögðu eru barir og veitingastaðir á báðum þilförum og á vissum tímum troða skemmtikraftar upp með söng og lifandi tónlist.
Kvöldverður eru borinn fram í aðal veitingasal skipsins, sem er á tveim hæðum á þriðju og fjórðu hæð en einnig er í boði að borða á þeim fjölmörgu veitingarstöðum um allt skip.
Einnig er hægt er að borða á öðrum veitingastöðum, en á flestum þeim þarf að greiða vægt gjald og kostar misjafnlega mikið eftir stöðum. Þar má nefna japanska staðinn Izumi, Chops Grille, Teppanyaki ásamt fleiri stöðum.
Þegar kvöldar taka við glæsilegar sýningar og uppákomur bæði í Leikhúsinu The Royal Theatre og tækniundrinu Two 70 og þeir sem vilja slappa af, dansa eða taka þátt í karokee koma sér fyrir á skemmtistaðnum the Music Hall. Endalausir afþreyingarmöguleikar, að ógleymdri fyrsta flokks þjónustunni sem fæst um borð, gera siglingu með Odyssey of the Seas að dásamlegu ævintýri.
Flugnúmer | Dags | Brottför | Kl. | Áfangastaður | Kl. |
---|---|---|---|---|---|
FI 623 | 25.apr | Keflavík | 17:00 | Newark | 19:10 |
FI 563 | 12.may | Róm ( FCO ) | 15:25 | Keflavík | 18:15 |
Siglingaleið
Dagur | Áfangastaður | Koma | Brottför |
27 apríl | Cape Liberty, New Jersey | 16:00 | |
28.april | Á siglingu | ||
29.april | Á siglingu | ||
30.april | Á siglingu | ||
01.maí | Á siglingu | ||
02.maí | Á siglingu | ||
03.maí | Ponta Delgada, Azoreyjar Á siglingu | 08:00 | 18:00 |
04.maí | Á siglingu | ||
05.maí | Á siglingu | ||
06.maí | Malaga, Spáni | 08:00 | 18:00 |
07.maí | Cartagena, Spáni | 07:00 | 17:00 |
08.maí10 | Barcelóna, Spáni | 10.00 | 22:00 |
09.maí | Á siglingu | ||
10.maí | Florence/Pisa, Ítalíu | 07:00 | 18:00 |
11.maí | Róm, Ítalíu | 05:00 |
Ferðatilhögun
Föstudagur 25. april. Keflavík - Newark
Flogið með Icelandar kl 17:00 frá Keflavík og lending í Newark kl. 18:15. Ekið beint á Harmony Suites hótelið í New Jersey þar sem gist er í 2 nætur fyrir siglingun
![new_jersey_usa.jpg new_jersey_usa.jpg](https://vita.is/sites/default/files/styles/large/public/thumbnails/image/new_jersey_usa.jpg?itok=VICj_bF9)
Laugardagurinn 26. april New Jersey
Er frjáls dagur. Hægt er að taka dagsferð til Manhattan, kíkja í siglingu kring um frelsisstyttuna eða jafnvel kíkja í verslunarmiðstöðina American Dream Mall sem er aðeins í 4 km fjarðlægð frá hótelinu.
![new_jersey_usa1.jpg new_jersey_usa1.jpg](https://vita.is/sites/default/files/styles/large/public/thumbnails/image/new_jersey_usa1.jpg?itok=cFFdw87-)
Sunnudagur 27. april
Fyrsti dagur siglingar. Ekið af stað eftir morgunverð til Cape Liberty og tékkað inn í skipið. Gengið um borð í Odyssey of the Seas og leggur það úr höfn kl 16:00
![rci_northstar_nyskyline.jpg rci_northstar_nyskyline.jpg](https://vita.is/sites/default/files/styles/large/public/thumbnails/image/rci_northstar_nyskyline.jpg?itok=-gvSAOzm)
Mánudagurinn 28. april –föstudagsins 2. maí - Á siglingu
Fararstjóri fer í kynnisferð um skipið til að enginn missi af neinu. Njótið þess að skoða skipið og svo má t.d. leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, á málverkauppboð, eða kannski á matreiðslunámskeið, danskennslu eða sækja fyrirlestur. Matur og drykkur allan daginn, svo bíða 3ja rétta kvöldverðir og glæsilegar sýningar á kvöldin.
![odyssey_hot_tub.jpg odyssey_hot_tub.jpg](https://vita.is/sites/default/files/styles/large/public/thumbnails/image/odyssey_hot_tub.jpg?itok=N8E9QiYQ)
Laugardagurinn 03. maí – Ponta Delgada, (Azoreyjar) Portúgal
Asoreyjar mynduðust í eldsumbrotum á Mið-Atlantshafshryggnum – þeim sama og Ísland liggur á nema svolítið sunnar. Og það voru einmitt eldsumbrotin sem sköpuðu þetta ótrúlega landslag og heillandi náttúru sem blasir við okkur á eyjaklasanum í dag. Eldgígar, garðar, gígvötn og náttúruundur á borð við heitar lindir og goshvera einkenna eyjarnar.
Ponta Delgada er höfuðstaður eyjunnar São Miguel og margir líta einnig á bæinn sem þann mikilvægasta á Asoreyjaklasanum. Eitt er víst, hér er margt að sjá og gera eins og göngutúr við höfnina leiðir í ljós því að auk himinbláma Atlantshafsins blasa þar við glæsilega byggingar allt frá endurreisnartímabilinu á 16. öld. Hér er líka hægt að skella sér í skipulagðar gönguferðir eða prófa kajaksiglingar og brimbrettabrun.
![ponta_delgada_azores_sigling2.jpg ponta_delgada_azores_sigling2.jpg](https://vita.is/sites/default/files/styles/large/public/thumbnails/image/ponta_delgada_azores_sigling2.jpg?itok=XowLhc39)
Sunnudagurinn 4. maí og mánudagur 5. maí - Á siglingu
Næstu 2 dagar dagar fara í það að njóta alls þess sem er í boði á þessu frábæra skipi, um gera að láta dekra við sig hvort sem er við sundlaugina eða innandyra í heilsulindinni eða í því sem hugurinn girnist. Mikið er um að vera á skipinu og alltaf hægt að finna eitthvað sem ekki hefur gefist tími til að njóta á meðan siglt er áleiðis til Spánar.
![rci_qn-pooldeckf.jpg rci_qn-pooldeckf.jpg](https://vita.is/sites/default/files/styles/large/public/thumbnails/image/rci_qn-pooldeckf.jpg?itok=tjJY5E3N)
Þriðjudagur 06. maí – Malaga, Spáni.
Malaga er ein elsta borg Spánar og er stærsta borgin á Costa del Sol strandlengjunni og önnur stærsta borg Andalúsíu héraðs. Malaga er uppfull af menningu og andrúmslofti stórborgar. Listmálarinn Picasso fæddist í borginni árið 1881 og er nærveru hans að finna um alla borg, þar með talið Picasso safnið ( Museo Picasso Málaga ) sem er alfarið tileinkað verkum Pablo Picasso. Í gamla bænum er staðsett vínsafnið ( Museo del Vino ) sem tileinkað er vínframleiðslu í Malaga héraði. Einnig er hægt að heimsækja Nautahringinn ( Plaza de Toros la Malagueta) sem er hefðbundinn spænskur nautahringur sem gaman er að skoða. Einnig skartar borgin, Nýlistasafn, Dómkirkju, Alcazaba og Gibralfaro kastalana ásamt fleirum áhugaverðum stöðum.
![malaga_spain_1.jpg malaga_spain_1.jpg](https://vita.is/sites/default/files/styles/large/public/thumbnails/image/malaga_spain_1.jpg?itok=7lSjLpFj)
Miðvikudagur 07. maí – Cartagena, Spáni
Þeir gleyma því seint sem njóta hrífandi útsýnisins yfir ljúffengum málsverði meðan skipið nálgast Spánarstrendur. Þegar gengið er frá borði bíða stórkostleg ævintýri undir og yfir og allt um kring. Cartagena er einn af gimsteinum Spánar og sagður einn af bestu strandbæjum þar. Margt er hægt að skoða í Cartagena eins og kastalann, rómverska leikhúsið, safn sjóhersins, fornminjasafnið og ráðhúsið svo eitthvað sé nefnt.
![cartagena_spann.jpg cartagena_spann.jpg](https://vita.is/sites/default/files/styles/large/public/thumbnails/image/cartagena_spann.jpg?itok=VZE8UkEo)
Fimmtudagur 08. maí - Barcelona Spáni
Barcelona er á norðaustanverðum Spáni, um 145 km sunnan landamæra Spánar og Frakklands. Hún er höfuðstaður Katalóníu. Gestir þyrpast til borgarinnar frá öllum heimshornum til að njóta sérstöðu hennar, menningar og fegurðar. Þegar H.C. Andersen kom til Barcelona árið 1862 lét hann svo um mælt að borgin væri „París Spánar“. Það geta margir tekið undir. Borgin er mikilsháttar menningarsetur með heillandi sögu. Þar er alls staðar að finna góða veitingastaði, sjarmerandi kaffihús, minjasöfn og merkar byggingar auk stórkostlegra dæma um skreyti- og byggingarlist módernismans svo sem hann er nefndur á Spáni, þ.e. „art nouveau“ upp á frönsku og ensku eða Jungsendstíl upp á þýsku. La Basílica i Temple Expiatori de la Sagrada Família (Höfuðkirkja og friðþægingarmusteri hinnar helgu fjölskyldu), þekktari sem La Sagrada Familia, er án efa frægasta verk katalónska arkitektsins Antonis Gaudís, í raun einskonar tákn Barselónuborgar. Enn er verið að byggja hana en stefnt að því að ljúka verkinu 2026, á aldarártíð arkitektsins. Park Güell er garður í hlíðunum ofarlega í borginni, nefndur eftir helsta bakhjarli Gaudís, katalónska auðjöfrinum Eusebi Güell. Hugmynd þeirra með garðinum var að hanna íbúðarhverfi fyrir efnafólk í upphafi 20. aldar. Það fór hinsvegar útum þúfur en eftir stendur þessi einstaki garður.
![barcelona_2.jpg barcelona_2.jpg](https://vita.is/sites/default/files/styles/large/public/thumbnails/image/barcelona_2.jpg?itok=vOI1ueDH)
Föstudagur 09. maí - Á siglingu
Heill dagur til að njóta lífsins um borð í skipinu, sem nú siglir nú til Ítalíu. Njótið þess að skoða skipið, leggjast á sólbekk við sundlaugina og smakka hina litskrúðugu og ljúffengu kokteila sem barþjónarnir blanda. Svo má fara í búðir, Upplagt að nota daginn í að reyna sig eða bara að fylgjast með flow ridernum þar sem fólk reynir að standa á brettum í öldulauginni. Engin má sleppa að svífa um í North Star útsýnishylkinu.
![odyssey_ship.jpg odyssey_ship.jpg](https://vita.is/sites/default/files/styles/large/public/thumbnails/image/odyssey_ship.jpg?itok=60n23rZe)
Laugardagur 10. maí - Flórens/Písa La Spezia, Ítlaíu
La Spezia er falleg hafnarborg sem er mitt á milli Genúa og Flórens og skartar hún fallegum húsum sem eru sum hver síðan árið 1200. La Spezia er vinsæl fyrir sitt pestó, ólífuolíu og osta sem eru til sölu á útimörkuðum á svæðinu. Þessi blómlega hafnarborg er frábær viðmkomustaður fyrir skoðunarferðir til hinna fallegu þorpa Cinque Terre sem öll eru á heimsminjaskrá UNESCO en þau samanstanda af fimm þorpum sem öll standa meðfram ítölsku strandlengjunni með litríkar byggingar í hlíðum fjallsins og og við djúpblátt hafið.
![la_spezia_italy.jpg la_spezia_italy.jpg](https://vita.is/sites/default/files/styles/large/public/thumbnails/image/la_spezia_italy.jpg?itok=0Qt4_PUz)
Sunnudagurinn 11. maí - Róm, Ítalíu – heimferð
Skipið leggst við bryggju um kl. 05:00 að morgni. Eftir morgunverð er farið frá borði og ekið áleiðis til Rómar með viðkomu í Trevignano Romano fallegum ítölskum bæ, við heimsækjum einnig Cantine Capitani vínekrurnar þar sem við fáum skoðunarferð um svæðið og vínkjallarann og fáum fræðslu um víngerðina og áhugaverðar staðreyndir framleiðslunnar, einnig er vínsmökkun sem borin er fram með brauði,osti, salami og toppað með extravirgin ólífuolíu sem allt er framleitt í héraðinu. Seinustu nóttina er gist á Marriott Rome Park Hotel sem er aðeins í 15 mínútna fjarlægð frá flugvellinum.
![cel_shx_rome_castel_santangelo.jpg cel_shx_rome_castel_santangelo.jpg](https://vita.is/sites/default/files/styles/large/public/thumbnails/image/cel_shx_rome_castel_santangelo.jpg?itok=QrYZ29wM)
Sunnudagurinn 12. maí - Róm, Ítalíu – heimferð
Morgunsins notið á hótelinu áður en lagt er af stað út á flugvöll. Áætluð brottför frá Róm er kl 15:25 og lending í Keflavík kl 18:15
![rom_vita.jpg rom_vita.jpg](https://vita.is/sites/default/files/styles/large/public/thumbnails/image/rom_99183905_litil.jpg?itok=oomSsJxx)
-
Veðrið
-
Flugtími
Kef
EWR
6 klst
Eftirmiðdagsflug
-
Gjaldmiðill
$USD
Gengi